الجهاز جديد وحديث وبيعمل ريستارت من يومين ارجو المساعدة

[Electro Magneti]

السلام عليكم ورحمة الله وبركاتة

احبتي في الله من اسبوعين غيرت الكمبيوتر بالكامل وكان شغال تمام ومن يومين تلاتة وانا شغال كدة يعمل ريستارت لوحده ويرجع يفتح تاني ويشتغل لمدة ساعتين او تلاتة ويرجع يعمل ريستارت تاني وهكذا طوال اليوم

امكانيات الجهاز

AMD Phenom II x6 1050T (2.8 GHZ\9)
Asus M4A88T-M/USB3
GigaNyte Geforce GTS 450
4G Ram DDR3 1333 قطعة واحدة
W.D 320G+640G+1T الهاردات
Cooler Master Elite 332
الباور سبلاي اللي جاي مع الكيس 400 وات
مكتوب عليه كولر ماستر بس انا حاسس انه باور سبلاي مضروب

كمان اول ما اشتريت الجاهز مكنش ليه صوت خالص دلوقتي صوت المروحة بتاعة البروسيسور بقي عالي جداً مع اني مش فاتح غير الفاير فوكس وحاسس ان الجهاز تقيل جداً جداً جداً
ومغير حوالي 4 نسخ ويندوز 7 ومحدثهم كلهم لتاريخ اليوم بالسيرفس باك 1 والويندوز ابديت

بس بجد يا جماعة الجهاز تقيل جداً ولا كأنه 6 كور كمان في تقطيع كدة وانا بحرك النوافذ

يعني وانا مثلاً فاتح ماي كومبيوتر وبحرك النافذة من مكان للتاني في تقطيع كأن النافذة بتنط من المكان مش سلسلة كدة

بالنسبة لحرارة المعالج انا ظاهرة عندي 26 وانا شغال عادي علي الجهاز ولما بعمل ريندر او بشتغل مش بتعدي 33

ودي صورة وانا بعمل ريندر

https://upload.traidnt.net/upfiles/zHj77138.gif

https://img859.imageshack.us/img859/8058/render.jpg (https://img859.imageshack.us/i/render.jpg/)

ودي صورة من ال CPUz

https://img703.imageshack.us/img703/8624/cpuzq.jpg (https://img703.imageshack.us/i/cpuzq.jpg/)


ملحوظة اخيرة وانا شاكك في الباور سبلاي والله بس انا مركب استبليزر عشان يظبط الكهربا اللي داخلة للجهاز

سامحوني يا اخوان علي الاطالة بس عشمي فيكم كبير

والسلام عليكم ورحمة الله وبركاتة

[المحب لدين الله]

اخي الكريم المشكله ممكن ان تكون بسبب ارتفاع درجة حرارة البرسيسور ممكن تدينا صورة عن درجة الحراره

ثانياً هل مسطب اكثر من برنامج حمايه على جهازك ؟

[Electro Magneti]

جزاكم الله خيراً علي الرد والاستجابة

بالنسبة للحرارة موجودة في اول صورة اثناء التحميل علي الجهاز بالريندر وحرارة كل كور علي حدي (اخر الاسطر)
لو محتاج صورة ببرنامج معين ياريت تقولي عايزها ببرنامج ايه وانا اجيبها

بس الحرارة في البروسيسور لو مش شغال علي الجهاز وبتصفح بس بتكون تقريباً من 26 لـ 29 ولما بشتغل جامد عليه بتكون 33 اقصي حاجة وصلتلها

بالنسبة لبرامج الحماية مفيش عندي غير النود 32 الاصدار الاخير محمله من الشركة مباشرة ومتحدث لتاريخ اليوم والساعة

وكمان علي فكرة انا فتحت الجهاز وحطيت ايدي علي مورحة البرويسور متلسعتش ولا حسيت انها سخنة بس كانت دافية شوية بسيطة جداً
كمان الفيجا حطيت ايدي عليها وهيا شغال مكنتش سخنة ولا حاجة بس كانت دافية شوية صغيرة

ومقولتليش رأيك ايه في الباور سبلاي ؟؟؟؟

وشكراً جداً وجزاكم الله خيراً

[Electro Magneti]

ودي صورة كمان والجهاز شغال وبعمل ريندر في برنامج ثري دي

البرنامج اللي شوفت بيه الحرارة اسمه core temp 0.99.8.0

https://upload.traidnt.net/upfiles/zHj77138.gif (https://img709.imageshack.us/i/unled.gif/)

ولما بقفل الريندر او بعمل كانسل الحرارة بتنزل خالص لحوالي 25 واحيانا الحرارة بتبقي 22
(https://img709.imageshack.us/i/unled.gif/)

[The Mysterious]

أخي أوّلاً المزوّد ليس تجاري بل ممتاز، لكن...

مزوّد كهذا من الفئة الدنيا سيعمل على هذه المواصفات على أقصى طاقته عند الـFull Load وبالتالي قد تعاني من مشاكل مع بطاقة العرض عند الضغط عليها أيضاً مثل إعادة التشغيل التلقائيّة، المعالج بارد تقريباً بسبب خاصية الـCool N Quite أما البطاقة فتخفض تردّداتها لتوفير الطاقة عند الخمول، لذا هي باردة أيضاً، على كل حال عليك بتغيير الباور على الفور فهي ليست كافيه تماماً بالتالي ليست آمنة مطلقاً لمواصفات كهذه، ثانياً ماهو القرص الأساسي لنظام التشغيل ؟؟، إن كان الواحد تيرا Green فيجب تقسيمه بواسطة اسطوانة ويندوز 7 نفسها قبل تنصيبه وإلا ستعاني من بطء شديد.

[Electro Magneti]

جزاك الله كل خير اخي الكريم علي ردك

بالنسبة للهاردات هارد الويندوز هو الهارد ال 320 لوحده والاتنين التانيني ال 640 وال والتيرا عاملهم تخزين فقط ومالهش علاقة بنظام التشغيل عشان انا عارف المشكلة بتاعة ويسترن دي (الجرين والبلو والبلاك)

وانا قسمت بالاكرونس الاصدار بتاع ويسترن ديجيتال ونزلته من موقعهم الرسمي عشان المشاكل دي

يعني كدة المشكلة في الباور سبلاي مش الرامات ؟؟؟؟

طيب نصيحة انزل اشتري باور سبلاي ماركة ايه وكام وات

ولو معلش هتقل عليك سعره كام تقريباً

وجزاكم الله خيراً ورزققكم من حيث لا تحتسبون وغفر لكم وجعل مثواكم الجنة ان شاء الله

[The Mysterious]

أخبرني ما المتوفّر لديكم 500~600 وات وسأنصحك بالأفضل إن شاء الله، بالنسبة للأسعار أنا لست من مصر العزيزة أخي :)، على كلّ حال الق نظرة هنا...

https://www.arabhardware.net/forum/forumdisplay.php?f=193

[Electro Magneti]

الله يعزك اخي الفاضل
ما شاء الله راجعت الناس كلها عندهم لحد 1000 وات
بس الاسعار ايه دبح دبح

المهم تنصحني اجيب نوع ايه وكام وات
ومعلش سؤال تاني الباور اللي هجيبه ده هيقعد معايا تقريباً قد ايه وهل هيبوظ كمان 20 يوم ولا هيقعد معايا فترة مع العلم اني مركب منظم كهربا للكمبيوتر فقط

ومعلش سامحني لو تقلت عليك ولك الدعاء بظهر الغيب
جزاكم الله خيراً

[The Mysterious]

طيّب أخي اقترح عليك المزوّد المذهل من XFX ألا وهو XFX PRO 650 W من انتاج العملاقة Seasonic مزوّد محترم جدّاً بمواصفات ممتازة وبجودة مكونات عالية ويستحق كل قرش دفع فيه، سيكفيك وزيادة حتّى وإن أردت تركيب بطاقة أخرى 450GTS في المستقبل والاستفادة من منظومة SLI دون تغيير المزوّد، الأكثر روعةً أنّه رخيص الثمن وعلى حد اعتقادي متوفّر لديكم ولا يزيد ثمنه عن 550 جنيه، باختصار...

بداية موفّقة جدّاً من XFX في مجال مزوّدات الطاقة :).

[Electro Magneti]

الله يكرمك ويبارك بعمرك
وان شاء الله انزل المول بعد بكرة ان شاء الله واشوف هل موجود ولا لأ
بس لو ملقيتش اجيب باور 600 وات هيكون كافي معايا ان شاء الله ؟

انا شيلت الفيجا اللي في الجهاز حالياً واشتغلت بالفيجا الموجودة في المازر بورد ولقيتها ATI HD 4250
لحد ما انزل اشتري الباور ليحصل للجهاز حاجة وفلوسة لسه ما بردتش

وعلي خيرة الله
واشكرك جداً علي المتابعة الرائعة وجزاك الله خيراً ووفقك وسدد خطاك

[Electro Magneti]

انا لقيت في عروض الاسعار في الشركات اللي في المنتدي هنا ده

GAMMA 600W >>> PRICE 420

ملقيتش النوع XFX

فأيه رأيك اتوكل علي الله واشتريه ولا هيعمل معايا مشاكل ؟

وشكراً مرة تانية واسف جداً علي الازعاج

[Electro Magneti]

معلش اخي في الله استحملني شوية
دلوقتي انا شيلت الفيجا ال Gts 450 عشان ميبقاش في حمل علي الجهاز لحد ما اجيب الباور سبلاي ان شاء الله

بس المشكلة انه عمل ريستارت تاني ؟؟؟؟؟
كدة مفيش غير المازر بورد والبروسيسور والراما وال 3 هردات بس ؟
معقول الباور مش مكفيهم ؟

وبعدين في حاجة مهمة لاحظتها انه الجهاز بيشتغل ساعتين بالظبط وبعدين يفصل

ي
عني فصل النهاردة الساعة 5.25 الفجر
وفصل تاني الساعة 7.25
تأكيداً لكلامي الجهاز فصل دلوقتي حالاً بتوقيت 9.25 ؟؟؟؟؟؟؟؟؟؟
يعني ساعتين بالظبط

حاجة عجيبة جداً بيشتغل لساعتين بس مش أكتر ويعمل ريستارت ويشتغل لساعتين تاني ويرجع يعمل ريستارت تاني ؟؟؟؟؟

افيدونا افادكم الله

بس انا كدة بدأت اشك في الويندوز عشان التفعيل او النسخة مش اصلية

[Electro Magneti]

الحمدلله العلي القدير العيب طلع في الويندوز

بعد ما غيرت الويندوز 7 الفاشل الي ويندوز اكس بي
الجهاز ما شاء الله شغال تمام التمام ومفصلش من الساعة 2 الظهر

بس غريبة قوي حكاية الويندوز يشتغل ساعتين ويفصل دي مع ان الاصدار بتاع ويندوز سيفن اللي عندي 7601

عجباً

[The Mysterious]

أوّلاً أحييك على اكتشاف سبب مشكلتك بنفسك وهذا طبيعي ولا عجب فيه في حال استخدام كراك سيء (قديم) للويندوز أو تمّ اكتشاف زيف ترخيص النسخة بسبب Automatically Update، لكن طبعاً توصّلك لسبب المشكلة لا يعني ذلك أنّه لم يعد هناك ما يبرّر تغيير المزوّد في أسرع وقت ممكن، فهو الآن يعمل بأقصى قدرة يستطيع تقديمها وستقل استطاعته مع مرور الزمن مما قد يسبّب عدّة مشاكل أنت بغنىً عنها أقلّها تجمّد النظام أو إعادة التشغيل التلقائيّة، ناهيك عن أنّ هذا المزوّد من الفئة الدنيا رخيصة الثمن ولا يصلح تركيبها على جهاز بمواصفات جهازك.

[Electro Magneti]

الله يكرمك اخي الفاضل
وان شاء الله بغير المزود في اسرع وقت
وان شاء الله ما تشوف شر ويبارك في عمرك
بالمرة بقي معندكش كراك محترم افعل بيه النسخة بدل ما انا شغال علي الاكس بي ؟
وجزاك الله خيراً

[Foadd]

موضوع رااائع

[Dream Knight]

بصراحه كده وعلى بلاطه انا اول ما شفت الجمله ديه
4G Ram DDR3 1333 قطعة واحدة ما استريحتش

زود على التجارب الي بتعملها جرب رام تاني (انا عارف انها صعبه شويه) كمان جرب تنزل نسخه الويندوز 7 من هنا (https://www.arabhardware.net/forum/showthread.php?t=214941)
وبصراحه اخر حلاوه معايا :) انا شغال بيها ولو كان ان الويندوز سبب المشكله زي ما انت قلت يبقى كده اتحلت لأن النسخه ديه حلوه بجد