ما قام به الجيش يوم الجمعة 8/4/2011 [الأرشيف]

مشاهدة النسخة كاملة : ما قام به الجيش يوم الجمعة 8/4/2011

الصفحات : [1] 2

ibrahimpop

10-04-2011, 10:24

شهادة الصحفى الحسينى أبو ضيف عما حدث فى ميدان التحرير منذ قليل (https://www.facebook.com/notes/mahmoud-abdelkader/%D8%B4%D9%87%D8%A7%D8%AF%D8%A9-%D8%A7%D9%84%D8%B5%D8%AD%D9%81%D9%89-%D8%A7%D9%84%D8%AD%D8%B3%D9%8A%D9%86%D9%89-%D8%A3%D8%A8%D9%88-%D8%B6%D9%8A%D9%81-%D8%B9%D9%85%D8%A7-%D8%AD%D8%AF%D8%AB-%D9%81%D9%89-%D9%85%D9%8A%D8%AF%D8%A7%D9%86-%D8%A7%D9%84%D8%AA%D8%AD%D8%B1%D9%8A%D8%B1-%D9%85%D9%86%D8%B0-%D9%82%D9%84%D9%8A%D9%84/10150256042124816)
الشهادة كتبتها كما سمعتها و تحمل بعض المشاكل فى السياق نتيجة الحالة النفسية السيئة لصديقى ------------------------------------------------- اللواء محمد زكى قائدسلاح المظلات قاد لوائين مظلات 182 و 170 بالاشتراك مع العقيد عماد رمضان قائد وحدة 777 اللى جات بكامل قوتها من الهايكستب امام جيرولاند و كان معاهم اللواء ابراهيم نائب مدير الشرطة العسكرية جه معاه 16 مدرعة فهد عليها رشاشات المتعددة بكامل قوتها لوائين امن مركزى ابتدوا يحتشدوا عند المتحف بداية من الساعة 1 صباحا الساعة 3 بدأ هجوم قوات المظلات على ميدان التحرير دخلوا من ناحية القصر العينى على هيئة صفوف الضباط كان معاهم سلاح الى و ضربوا رصاص فى الهوا و وراهم اربع مدرعات شرطة عسكرية و بدأوا يضربوا الرصاص الفشنك فى الناس اللى وقفوا امام صفوف المظلات فى اليداية بعدهم وحدة 777 بكامل قوتها بقيادة عماد رمضان و عقيد اسمه محمد نظموا صفوفهم امام هارديز و كانت تعليماتهم انهم هيدخلوا يجيبوا الظباط اللى جوا الخيمة اللى خانوا المشير دخلوا اقتحموا ناحية الصينية فى نفس الوقت اللى كانت المظلات بتتحرك صفوف ناحية المتظاهرين فى طلعت حرب و دخل بعدها 12 عربة مدرعة فهد من الشرطة العسكرية ضربت نار بكثافة شديدة و حاصرت الصينية و بدأت 777 تقتحم الصينية و كانت تحمل سلاح هكلر المانى و هما بيتقدموا كانوا بيضربوا رصاص فى الهوا لحد ما وصلوا لخيمة الضباط و كان فى عناصر قبل الهجوم من المخابرات العسكرية اعلنوا انهم مع الاعتصام بس الضباط لازم يلبسوا مدنى ظهر دورهم لما ال 777 وصلت للخيمة لما ابتدوا يضربوا المتظاهرين اللى محاوطين الخيمة ضباط الجيش اللى كانوا فى الخيمة رفضوا يهربوا و قالوا هنموت هنا لكن الناس تمسكت بيهم و ال 777 قبضت على 2 منهم و الباقى الناس قدروا يحموهم اول تلات مدرعات شرطة عسكرية دخلوا بسرعة للميدان من ناحية عمر مكرم بيلفوا حوالين الصينية ناحية كنتاكى بسرعة جنونية عشان تدوس الناس الصاعقة اخدوا الضباط الاتنين اللى اتقبض عليهم ناحية المجمع فى الوقت اللى الضابطين دول كانوا رافعين راسهم و جه ظابط كبير عايز يضرب واحد منهم بالقلم و بعد ما ضربه بتوع الصاعقة منعوه انه يكرر الضرب الضباط التانيين مكانوش عايزين يسيبوا زمايلهم لكن الناس جرتهم ناحية طلعت حرب فى الوقت ده كان فى ناس لابسين مدنى تبع المخابرات العسكرية و امن الدولة كانو موجودين فى الصينية بيوجهوا القوات فى الوقت ده المظلات فتحت مدخل الميدان من ناحية عبد المنعم رياض للامن المركزى عشان يتعامل مع المتظاهرين اللى فى مدخل طلعت حرب و بدأ الامن المركزى يضرب المتظاهرين اللى فى مدخل طلعت حرب بالرصاص المطاطى و بدا الثوار يضربوا طوب و الامن المركزى هرب ناحية الصينية و معاهم المظلات و بتوع الصاعقة بعدها دخلت المدرعات من ناحية الصينية ناحية طلعت حرب عشان تفرق الثوار و هيا بتضرب طلقات حية فى الهوا بكثافة شديدة و ظهر ان الضرب حي من اثر ضوء الرصاص فى الهوا و وراهم الصاعقة و المظلات و الامن المركزى العساكر كانوا بيضربوا طوب و الظباط كانوا بيضربوا بالرصاص الحى فى الهوا مع المدرعات بدأت بعدها كل القوات اللى فى الميدان تضرب رصاص فى الهوا مع القوات اللى داخلة على طلعت حرب بكثافة شديدة تراجع الثوار ناحية ميدان طلعت حرب بعدها توقف ضرب الرصاص بعدها قوات الجيش صاعقة و مظلات ابتدت تلم الفوارغ عشان ميسيبوش اثر فى الوقت ده كان فى ناس بتصور من العماير المطلة على الميدان ابتدى الجيش يضرب عليهم رصاص حى و شوفت بعينى مقدم مظلات بيضرب رصاص ناحية العمارات دى و حصلت اشتباكات كتير فى طلعت حرب و فضل ضرب النار شغال لغاية ما مشيت الساعة 5 ونص ناس كتير لجأت لمسجد عمر مكرم و كنت منهم و جات ورانا قوة مظلات و حاصرتنا و الفجر اذن و رحت ناحية الجامع عشان اصلى فلقيت الناس بتقول لملازم اول مظلات من اللواء 182 مظلات لابس قناع اسود حرام تقتل اخوك فرد عليهم انا بطيع القائد بتاعى زى ما بيطع الرسول و لو عصيته زى ما اكون بعصى ربنا و دخلت المسجد و ليقت شباب و ست منقبة بتصرخ لان ابنها مفقود و مش عارفة تتصرف و كان فى ستات كتير و عدد الناس حوالى 300 و كان فى اتنين مصابين فى المسجد فى رجليهم .. صلينا الفجر و خرجت تانى و سمعت صوت ضرب رصاص شديد فى طلعت حرب فى اللحظة دى كان فى معانا دكتور راح عشان يسعف واحد اتضرب بالرصاص فى الميدان و لما رجع عرفنا انه استشهد فالناس قعدت تهتف " المحاكمة المحاكمة لعصابة مبارك اللى لسا حاكمة" " يسقط يسقط المشير" و بعدها لقيت القوات الموجودة فى التحرير بالكامل بتضرب رصاص فى الهوا بكثافة شديدة فى الوقت ده كان فى تشكيلين امن مركزى جايين ناحية عمر مكرم فالناس قعدت تهتف " الكلاب اهم " و كان معاهم مدرعة شرطة عسكرية فهد ظباط المظلات بلغوا الناس ان حظر التجول لغاية الساعة 10 بحجة ان فى اتنين ظباط كبار اتضربوا النهاردة فى التحرير لما كانوا رايحين يجيبوا الظباط اللى مع الثورة و ده محصلش لان اللى كانوا موجودين هما اللواء حمدى بدين قائد الشرطة العسكرية و حاول ياخد الظباط لكن الناس هتفت "بره بره" و طلع من غير ما حد يكلمه و فضلت مدرعات الشرطة العسكرية موجودة فى ميدان التحرير و الاشتباكات لسا مستمرة فى طلعت حرب لحد ما مشيت ملحوظة انا شوفت صف ظابط كان معايا ايام خدمتى فى الجيش فى الصاعقة من 6 سنين و قولتله انا كان نفسى لما اشوفك اسلم عليك و احضنك عشان كنت بحبك لكن دلوقتى لأ .. رد عليا و قالى إنت غلطان عشان انت معاهم شهادة الصحفى الحسينى أبو ضيف عما حدث فى ميدان التحرير منذ

https://www.youtube.com/watch?v=0wRkijPDqNE&feature=player_embedded

https://yfrog.com/0z82qz

https://www.youtube.com/watch?v=n6T2q17M4NQ&feature=player_embedded#at=38

hack4love

10-04-2011, 11:01

الي وصلني من معلومات ان كله رصاص فشنك صوت فقط

أحمد بكر

10-04-2011, 12:29

كانت تعليماتهم انهم هيدخلوا يجيبوا الظباط اللى جوا الخيمة اللى خانوا المشير

مين اللى قال الكلام ده ؟؟؟ هل المجلس العسكرى ام هو افتراض من الكاتب ؟

ENG/ Mohamed hassan

10-04-2011, 23:06

و الله يا جماعه انا شايف ان الكلام ده ملهوش لازمه دلوقتى خالص الجيش لو كان عاوز يضرب الناس فعلا كان ضربهم ايام مبارك ما كان فى الحكم و كنا بقينا ليبيا تانيه !!

يا جماعه ياريت اللى يكتب موضوع فى الوقت الصعب ده بالذات و المواقف الخطيرع اللى زى ديه يا يكون شافها بعينه يا اما مفيش داعى للكتابه

انا اراهن اى حد ان يكون المشير ماسك اى شئ فعليا انا شايف ان اللى ماسك البلد دلوقت عصام شرف و بصراحه الراجل ده محترم جدا و لو شايف حاجه غلط بتحصل كان قدم استقالته

و بعدين الناس الىل بتقول ان المشير عميل انا مكنتش شايف الراجل ظاهر فى الصوره فى اى حاجه ايام مبارك و لو كان متواطئ معاه كان دافع عنه ايام ما كان لسه فى الحكم

محمود010

11-04-2011, 04:51

هناك تضارب فى الاقوال

مكة روحى

11-04-2011, 19:14

ibrahimpop

11-04-2011, 19:43

يالا نشغل دمغنا علشان نعرف هيحصل اية لو الجيش عمل اضراب و اعتصام و انقسسم على نفسة

اليوم الاول --المنطقة الغربية تعلن انضمامها للثوار و الدفاع عنهم حتى اخر قطرة دم

اليوم التاني--المنطقة المركزية تعلن حمايتها للشرعة الممثلة في المجلس العسكري

اليوم التالت--اشتباكات عنيفة بين فرقتين مدرعتين احداهما تابعة للثورة و الاخرى للثواررررر

بعد شهر--حلف النيتو يوافق على فرض حظر جوي فوق جمهرية مصر العربية لحاية المدنينن

انا مع الثورة و كل حاجة بس الجيش خط احمر

ربنا يعديها على خير

azozozozoful

رد عجبنى جدا من youtube

مش ممكن الجيش المصري يضرب في بعضه حتي لو فيه أنقسام و لماذا يستخدم الجيش الان فزاعة الامان لتبرير استخدام القوة و كيف يحكم الثوار محاكمة عسكرية بينما يجلس المخلوع في شرم الشيخ و العادلي الذي قتل الثوار لماذا لم تتم محاكمته عسكرياً أري ان الثورة المضادة هي المجلس العسكري

koki4life

11-04-2011, 20:00

ياجماعة صاحب الموضوع كاتب كلام كله غلط ومفبرك مش عارف ليه ومصدره الوحيد أسمه - واحد صديقه - وكاتب أسماء القادة وأرقام الوحدات وعددهم كمان.......أصلا البيانات ده كلها بتكون لها درجة سرية ويتم التعامل معها داخل الجيش نفسه بأرقام كودية يبقي أزاي عرفت كل الكلام ده كله ......أكيد صاحبك شغال نائب وزير الدفاع...........:D:D:D

koki4life

11-04-2011, 20:13

لماذا لم تتم محاكمته عسكرياً

ما هذا الكلام الساذج هل تعتقد أننا أغبياء حتي نسمع كلامك ونطالب بمحاكمة عسكرية له لا يعترف بها الغرب وتكون النتيجة هي ضياع الأموال المنهوبة ( وهذا هو مايطمعون فيه ) ........نحن نطالب بمحاكمة مدنية عادية وليست استثنائية حتي يعترف بنتيجتها العالم كله و ساعتها نستطيع استعادة الأموال مرة أخري كما أشترطت هذه الدول...........ياريت بلاش تضليل للرأي العام في الموضوع ده بالذات ........

أري ان الثورة المضادة هي المجلس العسكري

كل من يتحدث بصورة غير لائقة عن جيشنا العظيم هو من أتباع الثورة المضادة التي تهدف الي اهتزاز صورة الجيش أم الشعب .....وللأسف هذه الورقة أيضا سقطت يوم الجمعة الماضية ( مثل ورقة الفتنة الطائفية ).... شوف لك حاجة تانية أحسن

مكة روحى

11-04-2011, 20:24

koki4life

11-04-2011, 20:44

ممكن ان نضغط على الجيش بالشعب عن طريق مظاهرات يوم الجمعة
و لكن غير الممكن ان نخون الجيش فى هذة الظروف
و ان يقوم بعض الظباط بالاعتصام و الانشقاق من تحت قيادة المشير
لان هذا فعلا ممكن يودى الى انقسام داخلى بين صفوف الجيش ما بين مؤيد و معارض
و الجيش لا يمتلك عصى كهريائية و شوم الجيش يمتلك مدفعية ثقيلة و دبابات و طائرات يعنى الموضوع بالنسبة للجيش ليست محاكمة عادية انما خيانة للوطن و اعدام
عندما حدث اعتصام الظباط دخلت فرق صاعقة تعرف ما ستفعل احضار او قتل الظباط
لانهم مش شوية موظفين شغالين فى السجل المدنى هيمشوهم
دول ظباط جيش يعنى تحت ايدة دبابة و مدفع و مدرعة

أغلب كلامك مظبوط ولكن .........
لماذا نضغط علي الجيش أصلا - هل من قلة الضغوط الموجودة عليه - يا أخي هناك دول تهدد مصر في حالة محاكمة مبارك ( وللأسف دول عربية ) قالت بأنها سوف تطرد العمالة المصرية عندها وعلي رأسها السعودية التي يوجد بها أكثر من 5 ملايين مصري بالإضافة لعرضها علي المجلس العسكري إعطاء الجنسية السعودية لمبارك واسرته بالكامل لرفع الحرج عن الجش أمام الشعب...كل هذا والجيش يرفض كل الضغوط.....يجب أن نترك الأمر للمحاكم المدنية اذا اردنا فعلا استرداد الأموال وليس مجرد انتقام وخلاص وبالتالي يجب عدم استخدام كلمة الجيش في مطالبنا واستبدالها بكلمة الحكومة أو النائب العام أو القضاء المصري أو النيابة العامة أو جهاز الكسب غير المشروع أو ..........أو ..........إلخ ........حتي يعرف العالم كله أننا أصحاب حقوق ونريد استعادتها وليس انتقام فقط .......

وبالنسبة للضباط الخونة لماذا تتحدثون عنهم كثيرا بعد كل ما تم الكشف عنه فجميعهم تم طردهم من الخدمة من مدة ولا يوجد بينهم ضابط واحد مازال في الجيش .....والتهم التي كانت موجهة إليهم كلها مخلة بالشرف ( أحدهم شاذ جنسيا وتم فصله و الثاني رفض العودة من أمريكا بعد أنتهاء مدة بعثته وتزوج من يهودية تحمل الجنسية الأمريكية و الثالث مثل سابقه ولكن تزوج بلجيكية والرابع .............والخامس ..........إلخ)

مكة روحى

11-04-2011, 20:51

اخى الكريم قبل كل مظاهرة ليوم من ايام الجمعة الجيش ينفذ مطلب من مطالب الشعب
فالجيش دائما يحتاج تذكرة
اما بالنسبة للحكومة الجيش لة مطلق التصرف الان لا نائب عام او غيرة

لا مانع من مظاهرة سلمية لتذكرة الجيش
و نحتاج لتفسير كيف لمبارك يخرج علينا بهذا الكلام الغبى الا اذا كان مطمئن من الجيش بل ببجاحتة بيقول هيقاضى من اهانوة
هناك تستر و تخاذل لذلك يجب ان نضغط على الجيش

crypt76

11-04-2011, 20:58

أعتقد أن كاتبة هذا المقال "لخصت الليلة" إلى حد كبير مما قد يساعد على فهم ما حدث ويحدث وسيحدث في الأيام والأسابيع القليلة القادمة...

إنه الهبل المجنح يا عزيزي وبه الكثيييييييييييير من المبالغات من كل الأطراف وأيضا الفهم الخاطيء...نرجع بقي لورى شويه كده وناخدها واحده واحده عشان نفهم الدنيا بيحصل فيها ايه دلوقت

اللي حصل يوم الجمعه كان في مظاهرات في التحرير انتهت باعتصام والجيش فضه بالقوه. المختلف بقي عن كل مره ان المعتصمين كان معاهم ناس لابسه هدوم جيش بتتظاهر من الصبح فكانت طريقه الجيش في فض الاعتصام مختلفه. كان في ضرب نار كثيف في الهوا لتفريق الجموع مش فقط عصيان كهربا وكده زي كل مره. النتيجه انه كان في ضحايا من المدنيين والجيش وظباط الجيش المعتصمين. بس المؤكد بالنسبالي دلوقت بعد فيديوهات شوفتها وشهادات ناس سمعتها ان الجيش مكانش مستهدف المدنيين كان مستهدف الضباط المعتصمين (ودي أهم حاجه بالنسبالي دلوقت: الجيش ماتجننش في مخه وقرر يقتلنا). القوى السياسيه كلها تقريبا لازالت في صف المجلس العسكري لكن تدين سقوط قتلى وتطالب بالتحقيق والقصاص...بينما في ناس خاربه الدنيا صريخ وقالبين علي المجلس الأعلي للقوات المسلحه قلبه سوده.

المجلس الاعلي للقوات المسلحه فعلا ابتدي يتخذ اجراءات وقبض علي ناس من الحزب الوطني أجروا ناس يعملوا فرتيكه. الفرتيكه دي اتكلمت عنها الشروق النهارده ان مأجوري الحزب الوطني دول لطشوا في الجيش. والمجلس قال ان الناس دي كانت منظمه هجومها زي يوم موقعه الجمل....نفس المخطط بأسلحه اخري منها سلاحين آلي ومولوتوف وخلافه.

تحليلي الشخصي للموقف ككل:
أولا بالنسبة للوضع الحالي:
دلوقتي كلنا فاهمين كويس بما فينا المجلس العسكري ان في حاجه اسمها ثورة مضاده شغلتها الشغاله انها تفتق الثوره وتمنع تحقيق اهداف الثوره وترهق الجيش والداخليه عشان تبرطع تفتقنا حتي ولو علي سبيل الانتقام بعمل قلاقل عشان تلهينا عن محاسبه اوساخ العهد الماضي...اللي لسه مش ماضي اوي برده يعني...عايزين ينفدوا بجلدهم...مفهومه يعني. المهم انهم حاولوا يعملوا اشي فتنه طائفيه واشي تحريض علي مظاهرات غير مفهومه واشي تحريض علي تخريب مباني وحرق ملفات وخلافه...وتمت السيطره...مش اوي برده بس الدنيا بقت اهدي من الأول. فطبيعي جدا شعورهم بالتهديد يعلى بالذات بعد ما وقع ناس كتير من نظام مبارك ويصعدوا الأمور لآخر مرحله وهي الوقيعه بين الجيش والشعب بطرق أكثر وساخه من الأول لأن دلوقت خلاص مفاضلش روس كبيره كتير بره بس الباقيين تقال وخايفين علي نفسهم آخر حاجه...عزمي اتحبس...صفوت بيتحقق معاه وسرور الاسبوع القادم...جمال وحسني استدعوهم للتحقيق...يعني آخر أكبر رؤوس هي تحديدا اللي مهدده دلوقت وهتوسخ علي أد ما تقدر عشان تنقذ نفسها ونتيجه ده اننا شوفنا حاجات عجيبه بتحصل اليومين دول من بعد حبس عزمي وتحديد معاد محاسبه سرور...بالرغم من انهم ممكن مايكونوش متورطين بشكل مباشر بس ليهم صباع في الموضوع حتي لو من مواليهم اللي خايفين علي نفسهم من حبس ضهرهم اللي بيحميهم

دلوقتي ظباط الجيش المقلوبين علي الجيش اعلنوا تهديدهم قبل كده انه هيعملوا حركات شديده ويشقلبوا سنطاوي من علي الكرسي يوم ١٥ مارس وماحصلش... نيجي بقي نلاقي الجمعه اللي فاتت (هذه الجمعه تقع بين حبس عزمي ومحاسبه ولي العهد وفصوت ابو شنب) ظباط الجيش المنشقين يظهروا في الميدان---> اعتصام بالليل---> تلطيش للركب...تش تش تش انننننننننننن خناقااااااااااااااه والناس تقعد تشتم في المجلس
مع فرض حسن النوايا وفرضنا ان ظباط الجيش المنشقين اختارو اليوم بحسن نيه... ده لا يعني ان ماحدش استغل وجودهم وعمل شغب علي حسهم عشان يولع الدنيا في بعضها والمدنيين يقعوا في الجيش وتبقي مليطه وتحقق الثوره المضاده (او آخرين ليهم مصالح) هدفها الرئيسي دلوقت. مين بقي ممكن يكون استغل الوضع ده عشان يقلبها حريقه بينا وبين المجلس؟ بواقي النظام طبعا واضحه بس برده ماننساش ان في ناس تانيه ليهم مصالح...زي مثلا السعوديه اللي قالبه علينا عشان علاقتنا بإيران اتعدلت...واسرائيل وأمريكا ليهم مصالح خايفين عليها...ونظرا لأن السعوديه ماعندهاش جيش...وموضوع السلفيين فكس بشكل واضح ماعادش باقي عندهم غير الوساخه لأن الضغوط اللي بيمارسوها برده فكست....والله أعلم بلاد إيه تاني اللي متضرره من الثوره ونفسها الثورة تفكس

يعني نعمل حسابنا بقي ان الفتره الجايه فيها خوازيق للركب مدعومه دوليا هتدق بينا وبين المجلس الأعلي للقوات المسلحه عشان مش عارفين يضغطوا علي المجلس يعملهم اللي هم عايزينه زي مثلا يشيلوا نبيل العربي من وزاره الخارجيه. الخوازيق دي واضحة جدا في محاولات فرهدة الجيش والداخليه زي مثلا كل يوم والتاني تلاقي مكان بيقولك فيه قنبله اقربها امبارح الجيش اتسحل في إخلاء محكمه مصر الجديده بيدور علي قنبله اتبلغوا انها موجوده هناك...معرفش لقوها ولا لأ بس الفكره ان كان في خبر عن بومبه برده في حاجه تابعه لوزاره التضامن من فتره ومش عارفه فين في اسكندريه اتكرر الموقف ومرتين كمان سمعت عنهم برده بومبه متواجده وخش يا جيش اخلي وفتش...ده بعد ما موضوع المظاهرات والاعتصامات الفئويه ما عملش قلبان كفايه في البلد ولا وقع بين الجيش والشعب بشكل يخلي الشعب يثور علي الجيش فعليا...تطلع الحاجات دي مدعومه من جوا أو بره الله أعلم...بس مدعومه بشكل ما...وده برده مش معناه ان كل المظاهرات والاعتصامات الفئويه مدانه او مشينه

لو رجعنا تاني ليوم الجمعه هنلاقي الجيش تواجد بكثافه عدديه كبيره عشان يفض الاعتصام...وكانوا بيضربوا نار في الهوا بالعبيط عشان يفرقوا المدنيين ويستفردوا بظباط الجيش المتواجدين في الكعكه الحجريه...وعملوا حاجات تانيه تتسم بالغباوه ماحدش ينكرها بس مش دي القضيه دلوقت...هي الفكره كلها ان في ناس كتير اتخضت واعتبرت ان المجلس كده اعلن الحرب علي ثوره وعاااااا الحقو الثوراااااااااا يادهوتيييييييييييي...دا ببساطه فسا ثلاثي الأبعاد...لأن تعداد الجيش مقابل لتعداد المعتصمين وتمركز وحدات الجيش في مداخل الميدان بيقول ان لو المجلس الاعلي كان منزل الظباط دول بهدف قتل المعتصمين كانوا أفنوهم عن بكرة أبيهم مكانش بقي منهم واحد علي قيد الحياه يحكيلنا اي حاجه اساسا...ودي كده حسبه بالمنطق للوضع في الميدان بشكل بصري حتي بدون سماع شهادات شهود...الصور لوحدها بتفسر النقطه دي تحديدا

المجلس بعدها بعت واحد عمل مؤتمر صحفي قعد حبه حلوين قال كلام كتير لفت نظري انا فيه التالي...المجلس اعترف أخيرا وآمن وصدق بوساخة فلول النظام...ودي حاجه إيجابية...وكمان في اقل من ٢٤ ساعه كان قبض علي ٤ من المتورطين في المليطه اللي حصلت في الميدان....في فيديوهات موجوده وشهادات بتأكد ان في مدنيين اعتدوا علي ظباط جيش...ده بخلاف طبعا تحقيق صحفي موجود في رنان الشروق النهارده بيوضح دور بلطجيه فلول النظام في ضرب كرسي في الكلوب بين الجيش والشعب يوم الجمعه...ودي حاجه هايله بالرغم من كل الخسائر حتي في الأرواح...الله يرحمهم جميعا...بس دلوقتي زنقة الجيش في وضع اتهام هتخليه يتحرك بشكل اسرع وهيطلع بوز اي حد من جوا الجيش يتغابي علي مواطن بعد النهارده وهيتعقب بشكل فعال المتورطين في اي حاجه بعد كده وده ظهر واضح في قبضه علي ٣ منهم نائب حزب وطني متورطين في مليطة يوم الجمعه

الخلاصة في نقاط:
الثوره المضاده بعد ما فشلت في تحقيق اهدافها بالكامل بتلعب دلوقتي علي آخر هدف وبتستميت في ذلك ألا وهو الوقيعه بين الجيش والشعب
الثوره المضاده بتلفظ آخر انفاسها وبتلوش جامد
المجلس الأعلي للقوات المسلحه مزنوق في وضع اتهام‎
القوي السياسية ابتدت توحد صفوفها وتحدد موقفها من المجلس الأعلي للقوات المسلحه‎
في جهات مجهوله بتحاول توجه غضب الميدان في اتجاه يصب في مصلحتها الشخصيه ‎
الناس انقسمت جبهتين مالهمش تالت...معارض شديد للمجلس الأعلي ومؤيد له والجبهتين عندهم الكثير من المخاوف وشكوك في المجلس الأعلي للقوات المسلحه حتي لو انكر ذلك الطرف المؤيد للمجلس. وماحدش فاهم المجلس بيعمل ايه وبيفكر ازاي ولا حتي المؤيدين للمجلس. ‎
المجلس الأعلي للقوات المسلحه ما قلبش علي الثوار القوي السياسية ابتدت تتوحد

الشكوك والاتهامات الموجهه للمجلس الأعلي للقوات المسلحه:
التباطوء في اتخاذ مجموعه من القرارات ومحاسبه الفاسدين‎
تجاوزات فض الاعتصام من قبل الشرطه العسكريه ومؤخرا تجاوزات الجمعه اللي فاتت اللتي سقط علي إثرها ضحايا مدنيين وعسكريين‎
المحاكمات العسكريه للمدنيين ‎
الكلام المنيل بستين نيله اللي قاله حسني مبارك امبارح علي قناه العربيه حسس الناس انه لسه بيحكم البلد وانه مش هيتحاكم وان المجلس متواطيء معاه

رأيي الشخصي في الاتهامات دي:
اتفق مع اتهامين فيهم بس وهما تجاوزات الشرطه العسكريه والمحاكمات العسكريه للمدنيين...دول حاجتين انا مش شايفه ليهم اي مبرر في الوجود ولا قادره ابلعهم ولا يحقلنا نبلعهم اساسا ومش لازم نسكت عليهم.
اما بالنسبه لبقية الاتهامات فأحب أقول ان التباطوء مش تواطوء ولا حاجه في الوضع اللي احنا فيه ده..علما بإن ده مش تباطوء اساسا..و احنا ناسيين بطء القضاء بتاعنا ولا لسه حاجه جديده علينا؟ مقارنه بالطبيعي احنا كده ماشيين بسرعه الصاروخ في موضوع المحاكمات القضائيه
. ممدوح شاهين وضح قبل كده ان اي حد هيتحبس من النظام لازم يكون بطريقه قانونيه مش اجري واقفش واعتقل عمياني...وانا مع وجهة النظر دي تماما...اولا الناس اللي سارقين فلوس زي حسني وهربوها بره دول اي حكم قضائي يطلع من خارج القضاء المدني هيضيع علينا فلوسنا المسروقه كلها لأن محاكم العالم مش هتعترف بيه ويبقي مانابناش حاجه. ولو لاحظنا كمان ان الظباط الصغيرين في كل المحافظات بيتم اخلاء سبيلهم من النيابات مش عارفين يدخلوهم محاكمات بتهمه قتل المتظاهرين لعدم كفايه الأدله مره ولتضارب اقوال الشهود مره تانيه...في حين ان حبيب العادلي وعز وجرانه وآخرين اللي بدايه محاكماتهم اتأخرت شويه اللي بيقع منهم مابيطلعش بره السجن...يعني لابسين لابسين لأن القضيه متظبطه تمام...ومش شغل المجلس ولا الجيش انهم ينزلوا يدوروا علي ادله...دي شغلة الداخليه ولجان تقصي الحقائق والفصل للنيابه والقضاء فمينفعش الوم الجيش ان في حد لسه ماتحاسبش...اللي ماتحاسبش ماحدش جه جنبه عشان مش متقدم ضده بلاغات بأدله تقيم دعائم قضيه

بالنسبه لموضوع حسني بقي ده كان بالنسبالي صك براءه المجلس الأعلي للقوات المسلحه من تهمة التواطوء مع حسني...لأن ببساطه واضح جدا النعره اللي بيتكلم بيها حسني ولا كأنه لسه بيحكم البلد ومالي ايده علي الآخر...يعني بيقولنا انا فوق المجلس حتي لو مش في الحكم...واعتقد ان المجلس الأعلي للقوات المسلحة مش برياله عشان يطلع حسني يقول بيان بيوحي بتواطوء المجلس مع حسني...ده بخلاف ان كل اللي قاله أساسا فسا قانوني بحت...النائب العام مالوش دعوه بأي حاجه بعد ما حول المتهم بقضيه..يعني باختصار حسني كان طالع هو كمان بيدق اسفين بينا وبين المجلس عشان نقفش عليهم...حاجه كمان احب اوضحها ان الإقامه الجبريه مش بتشترط بالضروره قطع الاتصالات...وده كان ملف صوت سهل جدا يتبعت حتي علي الانترنت...واحنا عارفين ان قناه العربيه سعوديه ولسه قايلالكم من شويه السعوديه مقلوبه علينا ونفسها تفتك بالثوره عشان تحمي مصالحها الشخصيه

الخلاصه:
الوضع العام بالرغم من لخبطته الشديده يدعو للتفاؤل والثقه في المجلس الأعلي للقوات المسلحه بالرغم من المآخذ عليهم. واعتقد المجلس الأعلي يقدر يحل الأزمه اللي عماله بتكبر وتصغر كل شوي بأنه يخلق قناه اتصال مع الشعب يوضح فيها إجابات الأسئله دي... عامة في النهارد حلقه مع المجلس الاعلي ويسري فوده الساعه تسعه هيكون فيها كلام مهم المفروض علي حسب كلام قناه اون تي في...حتي لو طلعت قلش فهي بدايه طيبه اعتقد هنفهم منها حاجات كتير...والحلقه دي في حد ذاتها تعني ان المجلس ادرك انه محتاج يشرح نفسه للشعب ودي حاجه تدعو للتفاؤل بالذات لم نحط جنبها ان عصام شرف هيقول بان كل اسبوع يفهمنا ايه اللي بتعمله الحكومه...انا متفائله :)

ibrahimpop

11-04-2011, 21:46

ما هذا الكلام الساذج هل تعتقد أننا أغبياء حتي نسمع كلامك ونطالب بمحاكمة عسكرية له لا يعترف بها الغرب وتكون النتيجة هي ضياع الأموال المنهوبة ( وهذا هو مايطمعون فيه ) ........نحن نطالب بمحاكمة مدنية عادية وليست استثنائية حتي يعترف بنتيجتها العالم كله و ساعتها نستطيع استعادة الأموال مرة أخري كما أشترطت هذه الدول...........ياريت بلاش تضليل للرأي العام في الموضوع ده بالذات ........

كل من يتحدث بصورة غير لائقة عن جيشنا العظيم هو من أتباع الثورة المضادة التي تهدف الي اهتزاز صورة الجيش أم الشعب .....وللأسف هذه الورقة أيضا سقطت يوم الجمعة الماضية ( مثل ورقة الفتنة الطائفية ).... شوف لك حاجة تانية أحسن
أطلب بمحاكمة عسكرية للعادلي علي قتل الثوار ما علاقة ذلك بأستعادة الاموال

لم أتحدث بصورة غير لائقة عن الجيش بل عن المجلس العسكري في فرق بين الاثنين و أبحث عن تاريخ أعضاء المجلس العسكري

one-zero

11-04-2011, 21:50

HuLkY

11-04-2011, 21:51

H , u leave me Speechless :)

koki4life

11-04-2011, 22:03

أطلب بمحاكمة عسكرية للعادلي علي قتل الثوار ما علاقة ذلك بأستعادة الاموال

اذا كان كلامك عن العادلي وليس مبارك ماشي ........ولكن هناك حديث عن وجود 8 مليار جنيه في حسابات العادلي وبالتالي أي محاول لإستعادتها يجب أن تبدأ بمحاكمة مدنية وليست عسكرية .....

لم أتحدث بصورة غير لائقة عن الجيش بل عن المجلس العسكري في فرق بين الاثنين

كلامك غلط تماما....

لا يوجد أي فارق بين الاثنين فالمجلس العسكري يتكون من قادة الجيش فقط وليس بينهم أي مدني ....

أبحث عن تاريخ أعضاء المجلس العسكري

مرة أخري تحاول الإساءة للجيش وللمجلس العسكري .... رغم علمك بأنها محاولة فاشلة للوقيعة بين الشعب والجيش ......( صورتك الرمزية المخزية تعبر عما بداخلك )....

koki4life

11-04-2011, 22:05

احترام الجيش بقيادته متمثله في المجلس الاعلى من احترام مصر نفسها
الجيش و المجلس الاعلى هم من ساندو الثوار فلا تنسو ذلك او تجعلو اعوان مبارك يعمون بصيرتكم

عاش الجيش المصري الشجاع و المقاتل بقيادة المجلس الاعلى

+1111111111111111111

هو ده الكلام المظبوط ..........

كل من يتطاول علي الجيش ليس له مكانا بيننا...................

ibrahimpop

11-04-2011, 22:17

اذا كان كلامك عن العادلي وليس مبارك ماشي ........ولكن هناك حديث عن وجود 8 مليار جنيه في حسابات العادلي وبالتالي أي محاول لإستعادتها يجب أن تبدأ بمحاكمة مدنية وليست عسكرية .....

كلامك غلط تماما....

لا يوجد أي فارق بين الاثنين فالمجلس العسكري يتكون من قادة الجيش فقط وليس بينهم أي مدني ....

مرة أخري تحاول الإساءة للجيش وللمجلس العسكري .... رغم علمك بأنها محاولة فاشلة للوقيعة بين الشعب والجيش ......( صورتك الرمزية المخزية تعبر عما بداخلك )....

شكراً علي أتهمك لي بالخيانة انا فقط اقول رأي بالمجلس العسكري
ثانيا حضرتك بتقول ان المجلس من قادة الجيش و مبارك مكنش من قادة الجيش ؟
ثالثا بالنسبة للصورة هذا ما أشعر به بسبب تصرفات المجلس العسكري
رابعا اذا كان الموضوع يثير الفتنة بين الجيش و الشعب ارجو حذفه

koki4life

11-04-2011, 22:29

شكراً علي أتهمك لي بالخيانة انا فقط اقول رأي بالمجلس العسكري

الخيانة مثل أي مرض خطير وخبيث .....ممكن أي شخص بيننا يصاب به دون أن يعلم ............

ولهذا يجب علينا الحذر جيدا والانتباه لأقوالنا وأفعالنا .............

ثانيا حضرتك بتقول ان المجلس من قادة الجيش و مبارك مكنش من قادة الجيش ؟

مبارك ليس له أي علاقة من قريب أو بعيد بالمجلس العسكري الحالي..........(وهذا هو محور كلامنا حتي لا ندخل في حلقات مفرغة)....

ثالثا بالنسبة للصورة هذا ما أشعر به بسبب تصرفات المجلس العسكري

أنت حر تماما في أن تعبر عما تشعر ولكن هناك حدود علينا جميعا الالتزام بها .........
فكل من يعيب في الذات الإلهية يقول أنها حرية شخصية ويتشدق بالديموقراطية ( وهي بريئة منه ).....

رابعا اذا كان الموضوع يثير الفتنة بين الجيش و الشعب ارجو حذفه

أؤيدك تماما في هذا ( وفي كل المواضيع الغير بناءة والتي لاتمت للصالح العام بأي صلة وتزيد من الخلاف بين الأعضاء).................

one-zero

11-04-2011, 22:50

رويدا رويدا شباب
الاختلاف لا يفسد للود قضيه:)

اخي بالنسبة لمبارك حتى لو اعتبرته عضو من اعضاء المجلس
يظل لا يمثل المجلس بأكمله

مبارك وضع صورته مكان الشاذلي
مبارك وضع نفسه باعتباره صاحب الضربه الجويه الاولى
وهكذا
علاقة مبارك بالجيش بصوره مبالغ فيها صنعها هو بنفسه

فلا داعي للربط بين الجيش و مبارك
فالجيش من مبارك برئ

اعتقد اذا كان الموضوع سيكون فيه سبب لانقسام حول توحدنا مع الجيش و قيادته الحاليه فاغلاق الموضوع هو القرار الصائب

تقبلو مروري:)

ibrahimpop

11-04-2011, 23:07

الخيانة مثل أي مرض خطير وخبيث .....ممكن أي شخص بيننا يصاب به دون أن يعلم ............

ولهذا يجب علينا الحذر جيدا والانتباه لأقوالنا وأفعالنا .............

الخيانة ليست مرض بل أساءة للوطن و فعل أشياء خطأ ضد الوطن

مبارك ليس له أي علاقة من قريب أو بعيد بالمجلس العسكري الحالي..........(وهذا هو محور كلامنا حتي لا ندخل في حلقات مفرغة)....

ممكن مصدر لكلام حضرتك الطنطاوي كان رئيس الحرس الجمهوري لمدة 3 سنوات ثم القائد العام للقوات المسلحة لمدة 20 عام

أنت حر تماما في أن تعبر عما تشعر ولكن هناك حدود علينا جميعا الالتزام بها .........
فكل من يعيب في الذات الإلهية يقول أنها حرية شخصية ويتشدق بالديموقراطية ( وهي بريئة منه ).....

أرفض هذا التشبه نحن نتحدث عن ناس تخطئ و تصوب

warior10

12-04-2011, 11:29

انا شايف انهم كانوا لازم يضربوا المعتصمين بالجزم الحية وليس الرصاص الفشنك

hack4love

12-04-2011, 12:10

^^^
جزم ؟؟؟

ولا تعليق

one-zero

12-04-2011, 23:05

برجاء من الاداره اغلاق و حذف المواضيع السياسيه

™Phantom

12-04-2011, 23:58

احترام الجيش بقيادته متمثله في المجلس الاعلى من احترام مصر نفسها
الجيش و المجلس الاعلى هم من ساندو الثوار فلا تنسو ذلك او تجعلو اعوان مبارك يعمون بصيرتكم

عاش الجيش المصري الشجاع و المقاتل بقيادة المجلس الاعلى

مع كامل احترامي ليك يا باشمهندس بس أنا شايف ان ده نفس الكلام اللي كان مؤيدي مبارك بيقولوه :)

لا يجب أن يكون أحداً فوق النقد والمجلس العسكري ليس بإستثناء

عندما نتحدث عن جيش مصر العظيم يجب أن نعرف تركيبته جيداً ونفرق بين الجيش كمؤسسة كاملة لها كل التقدير والاحترام وبين "بعض" القيادات بها

الجيش المصري ليس به مرتزقة مثل جيش ليبيا

وليس به جنود وضباط من قبائل وعشائر مختلفة أيدولوجياً

الجيش المصري هو الشعب المصري بنفس التركيبة

أي شخص فطن يعرف أن مبارك لم يترك الحكم بانقلاب من الجيش بل أن أمر الصفقة بينه وبين القيادة العسكرية هو الأقرب للمنطق

والشواهد على هذا كثيرة :

-موقعة الجمل التي لم تعط فيها أوامر بالتصدي للبلطجية !!!!

-تحيته قبل تحية الشهداء يوم التنحي

-في أول لقاء للمجلس مع الصحفيين قال أن التحدث عن مبارك خط أحمر !

-عدم اتخاذ أية اجراءات مع المقربين من مبارك مثل زكريا عزمي (بل وتركوه في قصر الرئاسة !!!!!) وصفوت الشريف وفتحي سرور لأسابيع طويلة

-التأخر في نظر البلاغات المقدمة ضد مبارك وبدء النظر فيها بعد رسالته الصوتية فوراً بشكل واضح للغاية

-التعامل القوي والفوري مع التظاهرات والاعتصامات والتراخي في ضبط الأمن

-الكثير من الأفعال غير المفهومة أو المبررة من المجلس العسكري في القرارات السياسية

-التحدث بنفس طريقة نظام مبارك

-انتهاكات لحقوق الإنسان تم رصدها منذ تولي المجلس العسكري

وفي النهاية لا يصح إلا الصحيح , كلنا نعرف أن المجلس العسكري هو من نظام مبارك ولم ينقلبوا عليه مثلما حدث في تونس

كلنا نعرف كيف كان مبارك يختار المقربين إليه

وكلنا نعرف الإجراءات التي كان يجب اتخاذها مع مبارك وأعوانه من الناحية القانونية بلا تباطؤ أو خرق للعدالة ومع ذلك لم يقم بها المجلس

ويجب الانتباه إلى أن من حمى الثورة حقاً بعد الله هو الثوار أنفسهم وعددهم الكبير , كان من المستحيل أن تصدر قيادات الجيش أوامر لأفراد الجيش على الأرض بضرب المتظاهرين لأن الجيش كان سيرفض بكل تأكيد ووقتها كان سيحدث انقلاب على القيادة وهكذا يحاكم الجميع ولا تترك أي فرصة لمبارك وعائلته ولهذا اختارت القيادة العسكرية ما تفعله الآن

الحل في رأيي وكما قال الشيخ صفوت حجازي في خطبة الجمعة السابقة هو ترك المجلس العسكري لأمور صناعة القرار السياسي سواء لمجلس رئاسي أو حتى للحكومة التي نثق بها جميعاً لدرجة كبيرة

أنا شخصياً وازنت بين نظريتي تواطؤ المجلس العسكري والثورة المضادة التي يزعم انها تريد التفريق بين الشعب والجيش (المجلس العسكري) ووجدت أن كفة التواطؤ هي الأرجح بدرجة كبيرة جداً

one-zero

13-04-2011, 00:42

ENG/ Mohamed hassan

13-04-2011, 00:50

شوف يا مينا
انا معاك تماما ان في تباطاء في التعامل
و الكلام ده وضعته بنفسي على صفحة المجلس في الفيس بوك
وانا ده سيتيح الفرصه للبعض في التشكيك فيهم
و لكن اظن الفتره القادمه ستثبت الكثير و اي وجهتي النظر هي الاقرب للصواب
ولكن التشكيك في الجيش و قيادته الان هو لعب بالنار
صمام الامان الباقي و الوحيد الان في مصر هو الجيش
و بصراحه انا اثق في الجيش اكثر مما استطيع ان اثق في اي جماعه اخرى حاليا و لحين الانتخابات الرئاسيه

انا اتفق معك تماما بس التباطؤ ده منطقى و غير منطقى فى نفس الوقت يعنى عندك دول اوروبا رغم البطا ده و بطالب بمعلومات اكتر عن الارصده عشان تجمدها و كمان متنساش انك بتتعامل مع حراميه محترفين عاوزين وقت عقبال ما توقغعم انا سمعت ان الشريف التحقيق معاه كان 12 ساعه يعنى دمار

و غير منطقى ان الناس ديه معروفه كانوا المفروض يتحبسوا حبس احتياطى و تتقطع بيهم وسائل الاتصال عشان محدش يتصرف فى فلوس و ده وجهه النظر الغير منطقيه

تحياتى

™Phantom

13-04-2011, 00:52

ولكن التشكيك في الجيش و قيادته الان هو لعب بالنار
صمام الامان الباقي و الوحيد الان في مصر هو الجيش

لا يمكن لأحد أن يشكك في الجيش ودوره الوطني

هذا نقد للمجلس العسكري وسياساته بما انه الحاكم الحالي لمصر يجب التفريق بين هذا وذاك

صدقني أنا لن أرتاح وأطمئن وتذهب عني كل الشكوك في المجلس العسكري إلا بعد أن يتم الحكم على مبارك وزبانيته بما يستحقونه ويكون الحكم علنياً يتسم بالشفافية والنزاهة المطلقة وعلى رؤوس الأشهاد

إذا حدث غير ذلك فسنتأكد جميعاً من صحة ما يثار حول المجلس العسكري

ومرة أخرى أرجو أن تقارن بين ما وصلت إليه تونس وما وصلنا إليه نحن :)

ENG/ Mohamed hassan

13-04-2011, 01:01

مع كامل احترامي ليك يا باشمهندس بس أنا شايف ان ده نفس الكلام اللي كان مؤيدي مبارك بيقولوه :)

لا يجب أن يكون أحداً فوق النقد والمجلس العسكري ليس بإستثناء

عندما نتحدث عن جيش مصر العظيم يجب أن نعرف تركيبته جيداً ونفرق بين الجيش كمؤسسة كاملة لها كل التقدير والاحترام وبين "بعض" القيادات بها

الجيش المصري ليس به مرتزقة مثل جيش ليبيا

وليس به جنود وضباط من قبائل وعشائر مختلفة أيدولوجياً

الجيش المصري هو الشعب المصري بنفس التركيبة

أي شخص فطن يعرف أن مبارك لم يترك الحكم بانقلاب من الجيش بل أن أمر الصفقة بينه وبين القيادة العسكرية هو الأقرب للمنطق

والشواهد على هذا كثيرة :

-موقعة الجمل التي لم تعط فيها أوامر بالتصدي للبلطجية !!!!

-تحيته قبل تحية الشهداء يوم التنحي

-في أول لقاء للمجلس مع الصحفيين قال أن التحدث عن مبارك خط أحمر !

-عدم اتخاذ أية اجراءات مع المقربين من مبارك مثل زكريا عزمي (بل وتركوه في قصر الرئاسة !!!!!) وصفوت الشريف وفتحي سرور لأسابيع طويلة

-التأخر في نظر البلاغات المقدمة ضد مبارك وبدء النظر فيها بعد رسالته الصوتية فوراً بشكل واضح للغاية

-التعامل القوي والفوري مع التظاهرات والاعتصامات والتراخي في ضبط الأمن

-الكثير من الأفعال غير المفهومة أو المبررة من المجلس العسكري في القرارات السياسية

-التحدث بنفس طريقة نظام مبارك

-انتهاكات لحقوق الإنسان تم رصدها منذ تولي المجلس العسكري

وفي النهاية لا يصح إلا الصحيح , كلنا نعرف أن المجلس العسكري هو من نظام مبارك ولم ينقلبوا عليه مثلما حدث في تونس

كلنا نعرف كيف كان مبارك يختار المقربين إليه

وكلنا نعرف الإجراءات التي كان يجب اتخاذها مع مبارك وأعوانه من الناحية القانونية بلا تباطؤ أو خرق للعدالة ومع ذلك لم يقم بها المجلس

ويجب الانتباه إلى أن من حمى الثورة حقاً بعد الله هو الثوار أنفسهم وعددهم الكبير , كان من المستحيل أن تصدر قيادات الجيش أوامر لأفراد الجيش على الأرض بضرب المتظاهرين لأن الجيش كان سيرفض بكل تأكيد ووقتها كان سيحدث انقلاب على القيادة وهكذا يحاكم الجميع ولا تترك أي فرصة لمبارك وعائلته ولهذا اختارت القيادة العسكرية ما تفعله الآن

الحل في رأيي وكما قال الشيخ صفوت حجازي في خطبة الجمعة السابقة هو ترك المجلس العسكري لأمور صناعة القرار السياسي سواء لمجلس رئاسي أو حتى للحكومة التي نثق بها جميعاً لدرجة كبيرة

أنا شخصياً وازنت بين نظريتي تواطؤ المجلس العسكري والثورة المضادة التي يزعم انها تريد التفريق بين الشعب والجيش (المجلس العسكري) ووجدت أن كفة التواطؤ هي الأرجح بدرجة كبيرة جداً

كلامى من اكتر الكلمات اللى اسمعها بس عندى ليك سؤال
لما نزل الجيش حد منهم ضرب المتظاهرين ؟؟ الناس ديه لو كانت متواطئه كنا بقينا ليبا التانيه الجيش حمى الثوره و حمى الناس من البلطجه و كمان لما الناس اعترضت على حكومه احمد شفيق الجيش قبل استقالته وكمان البطا اللى الناس بتتكلم عليه يا جماعه الدول الاوروبيه الللى فيها اغل الارصده مش هتقتنع باحكام مكروته او احكام عسكريه

اللى حصل يوم الجمعه ده كان خطا المعتصمين و ليس خطا الجيش الجيش حاول الوصول للمنشقين و الناس منعتهم فكان لازم احضارهم بالقوه لان الانشقاق فى الجيش ده اخطر حاجه فلازم كان التصرف يبقى كده و بعدين بشهاده الكل الجيش استهدف الناس اللى انشقت عن الجيش مش المتظاهرين و اغلب الرصاص كان فشنك و بعدين لما الناس مش قابله الشرطه و عاوزين نقلب الجيش امال مين اللى هيحمى البلد !! الصيع و لا نستروا مرتزقه بقى !!

يا جماعه الكلام على الجيش خط احمر خط احمر خط احمر خط احمر