المساعد الشخصي الرقمي

مشاهدة النسخة كاملة : رسالتى لكل مصرى



The Apex Predator
26-04-2011, 20:45
السلام عليكم و رحمة الله و بركاته

اخوانى الاعزاء

كتبت هذا الموضوع لان للاسف كثير من الناس نسوا الثورة و لماذا قامت و ماذا حدث فيها من قتل و اراقة الدماء

سمعت كثير من الناس يقولون:

1- لا يجب محاكمة مبارك فهو رجل كبير و مريض و لا يصح ان نحاكمه

2- لا يجب محاكمة مبارك فهو رجل قام بالضربة الجوية و لم تدخل مصر حرب فى عهده

3- مبارك لم يعلم ماذا كان يحدث و لكن الرجال الذين حوله هم الذين كانوا يقتلون و ينهبون

4- و ايضا وافق بعض الناس على الاشاعات التى وردت بان دولة (كذا) تريد دفع 3 تريليون جنيه مصرى مقابل الافراج عن مبارك و اسرته

و انا ارد على هؤلاء ب:

1- نعم رجل كبير و مريض قتل الناس و نهب الاموال و حلل دم شعبه

2- يوجد الكثيرين من ابطال حرب اكتوبر مثل الرجل الذى سمى بقناص الدبابات الذى دمر اكثر من 23 دبابة اسرائيلية ماذا هو الان هل هو رئيس جمهورية ؟وزير؟رجل اعمال؟
لا يا اعزائى هذا الرجل ميت الان بسبب انه لم يتمكن من توفير علاجه لانه كان فقير و كان مصاب بالفشل الكلوى
و ايضا لم ندخل حرب فى عهده لانه جعلنا عبيد لامريكا و اسرائيل

3- كل صغيرة و كبيرة يعلمها رئيس الجمهورية و لا يتجرا احد على فعل شىء الا بموافقته

4- و هذه هى النقطة التى كتبت الموضوع بسببها
اتعجب من الذين يوافقون على المال مقابل الافراج عن مبارك و اسرته و خروجهم سالمين من مصر اتعجب من الذين جعلوا لدم الشهيد ثمن اتعجب من الذين يوافقون على المال و توجد امهات يتمزق قلبها لفقدانها ابنها
اقول لكم ان بمجرد فكرتكم بقبول المال قد خنتم هؤلاء الشباب العظماء لماذا؟
هؤلاء الشباب هم من ضحوا بحياتهم ليرجعوا لكل مصرى هيبته التى كانت مفقودة طوال 30 سنة نعم هؤلاء هم من رجعوا هيبتى و هيبتك كمصرى بعد ضياع 30 سنة هؤلاء هم من قتلوا لشىء واحد هو ان ترجع لمصر و لك انت و لى هيبتنا مرة اخرى ثم يكون جزائهم ان توافق على المال!
هل هذا جزائهم؟ان تخونهم و تبيع دمهم بمجرد 3 تريليون جنيه و الله اذا عرض على احد 100 تريليون جنيه مقابل ان اجعل مبارك و اسرته ترحل من مصر سالمين لرفض لاننى لن اخون هؤلاء الشباب الذين جعلوا قيمة المصرى الحقيقية ترجع لى و لك مرة اخرى

https://elshaab.org/articles_images/17_07_2011_1081443086_912802.jpg

تمعن و انظر فى صورتهم نعم تمعن و دقق شباب فى اول حياتهم ضحوا بحياتهم لك انت فلا تخونهم

فى الاخر ارجوا منكم الدعاء لهؤلاء الشباب بان يدخلهم الله جناته و يحاسبهم برحمته لا بعدله

و السلام عليكم و رحمة الله و بركاته

factorialx
26-04-2011, 21:11
لا يوجد شخص فوق القانون

[Dr.Mohammed [[email protected]
26-04-2011, 21:14
لن اجد اقتباسا ً افضل من جملة " الله عليك يا حبيب والديك"

لك تقييم

Cursed Pistol
26-04-2011, 21:32
ليكُن عبره ......

koki4life
26-04-2011, 21:52
يقول رسولنا الكريم ( لو أن فاطمة بنت محمد سرقت لقطعت يدها )...

القانون فوق الجميع .......

elbass
26-04-2011, 22:44
هذا الرجل يجب ان يحاكم بتهمة الخيانة العظمى

DreAmO
27-04-2011, 10:37
كلامك سليم .. وانا مستغرب بردو من الناس اللي بتقول الفلوس تيجي ومش مهم نحاكمه هو او افراد نظامه


وانا بقولهم ... لا تبكي على اللبن المسكوب

البلد فيها خير كتير نعوض بيه اللي اتنهب

وكمان اللي اتنهب هنحاول نرجعه .. مش هيرجع في يوم وليله اه .. لكن ان شاء الله هيرجع .. وفي ناس شغاله في الموضوع دة


والاهم من كدة .. ان في حاجة اسمها مبدأ .. والمبدأ بيقول ان القانون لازم يتنفذ على اي حد

وان الحرامي لازم يتعاقب

والهدف من العقاب

1- ان لا يكرر فعلته .. دة لو كان له عمر يعني

2- ان يكون عبره وعظه لمن تسول له نفسه ان يفعل مثله


لكن انت لو قولت للحرامي هات اللي سرقته ونسيبك


هيديك نص اللي سرقه .. لانك مش عارف هو سرق اد ايه بالظبط

وهيطلع ينتقم منك ومن البلد كلها ويعوض اللي ادهولك

crypt76
27-04-2011, 10:43
إنما جزاء الذين يحاربون الله ورسوله ويسعون في الأرض فساداً أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم.

ولكنني شخصياً -للأسف- لا أعتقد أن حسني مبارك أو أي أحد من أسرته قد قبض عليه ولا أن ولديه في سجن طره ولا أنه حبيس المستشفى في شرم الشيخ ولا أن زوجته "تتشحتف" وتبكي وتولول طالبة له الرحمة... هل نسيتم من هو حسني مبارك؟ هل نسيتم الثعلب الماكر اللئيم الذي أرضعه اليهود ورباه الأمريكان وعاث في مصر فساداً وفي الأمة الإسلامية دماراً طيلة 30 عام، أتظنونه سينتهي بهذه السهولة حبيس غرفة في مشفى بينا من هم أقل منه مكراً وشأنا ودهاءً قاموا بالهرب إلى الخارج؟

azaki
27-04-2011, 10:46
من اخطأ سيحاسب مهما كان موقعه او إنجازاته او تاريخه

والفكرة من محاسبة مبارك وعناصر النظام القديم

هي إرساء لمبدأ العدالة وسيادة القانون الغائب عن ثقافة الشعب المصري

النظام السابق ورجاله لهم اخطاء وجرائم تستوجب الأعدام عدة مرات

من إفساد لثقافة الشعب و إفساد الحياة السياسية والجهل والفقر والمرض و إلغاء لهيبة الدولة و القانون ليسود بطش النظام أو بطش الدولة

جرائم مبارك ليست مجرد تربح او تضخم ثروة أو قتل بل هي أفظع لقد أفسد مبارك ونظامه شعب بالكامل وخربوا بلد وأضاعوا مواردها

وأخيرا أقول لمن يؤيد مبارك .......


بلاش احنا لسه الصبح :D :D

hack4love
27-04-2011, 12:02
ولكنني شخصياً -للأسف- لا أعتقد أن حسني مبارك أو أي أحد من أسرته قد قبض عليه ولا أن ولديه في سجن طره ولا أنه حبيس المستشفى في شرم الشيخ و

لا صحيح لي صديق في مستشفي شرم الشيخ ;)

بس محدش بيطلع عنده نهائيا بس هو موجود هناك ... الدور باكمله مغلق له



اما بالنسبه للمزرعه اطمن ياباشا البهوات جوه كلهم واكثر شخصين يتلقون اهانه اثنين حبيب العادلي و جرانه


لا تسئلني عرفت من اين :D

ولعلمك هناك ظابط داخل سجن المزرعه اصيب بهلوسه لانه مش مصدق الي بيحصل اتجنن من الي بيشوفه

crypt76
27-04-2011, 12:14
صدقني أتمنى أن يكون هذا صحيحاً
أنا لا أتكلم عن جرانة أو العادلي أو أي شخص آخر من كباش الفداء
أنا أتحدث تحديداً عن حسني وجمال وعلاء وسوزان
ومجرد فكرة أن "مفيش حد بيطلع عنده والدور مغلق عليه" تزيد من شكي
وعدم السماح لأحد بتصوير أي منهم أو الالتقاء به أو التحدث معه أيضاً تقلقني بشدة

كم أرجو حقاً أن نرى ما يثبت وجودهم في الأماكن التي يزعم وجودهم بها

™Phantom
27-04-2011, 19:44
صدقني أتمنى أن يكون هذا صحيحاً
أنا لا أتكلم عن جرانة أو العادلي أو أي شخص آخر من كباش الفداء
أنا أتحدث تحديداً عن حسني وجمال وعلاء وسوزان
ومجرد فكرة أن "مفيش حد بيطلع عنده والدور مغلق عليه" تزيد من شكي
وعدم السماح لأحد بتصوير أي منهم أو الالتقاء به أو التحدث معه أيضاً تقلقني بشدة

كم أرجو حقاً أن نرى ما يثبت وجودهم في الأماكن التي يزعم وجودهم بها

أتفق معك تماماً في هذه الشكوك

نحن لم نر شيئاً حتى الآن وكل ما نسمعه أخبار مسربة متضاربة وتثير الضحك أحياناً

حتى حبيب العادلي لم يتم تصويره حتى الآن !

مبارك لديه الكثير والكثير ضد كبار في مصر ما زالوا في مواقعهم ومن كان له مثل نفوذه وأمواله لا يمكن أن يسقط بهذه السهولة وخصوصاً بهذه الصورة التي تخرج إلينا

لهذا قلتها من قبل وأعود لأكررها : لن يطمئن قلبي إلى ان مبارك وأسرته بالفعل في السجن إلا عندما نجد أموالهم وقد عادت إلينا

عودة الأموال من الخارج مضمونة بنسبة 100% إذا كانت هناك رغبة سياسية حقيقية للسلطة الحاكمة في مصر

للأسف نجد من يشككون في سجن مبارك قليلين للغاية الآن وأذكر منهم العقيد عمر عفيفي والذي يتم تخوينه من جهات كثيرة وكتاب كثيرين

Black-Edition
27-04-2011, 23:17
ماشاء الله عليك اخى :)

The Apex Predator
30-04-2011, 19:24
إنما جزاء الذين يحاربون الله ورسوله ويسعون في الأرض فساداً أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم.

ولكنني شخصياً -للأسف- لا أعتقد أن حسني مبارك أو أي أحد من أسرته قد قبض عليه ولا أن ولديه في سجن طره ولا أنه حبيس المستشفى في شرم الشيخ ولا أن زوجته "تتشحتف" وتبكي وتولول طالبة له الرحمة... هل نسيتم من هو حسني مبارك؟ هل نسيتم الثعلب الماكر اللئيم الذي أرضعه اليهود ورباه الأمريكان وعاث في مصر فساداً وفي الأمة الإسلامية دماراً طيلة 30 عام، أتظنونه سينتهي بهذه السهولة حبيس غرفة في مشفى بينا من هم أقل منه مكراً وشأنا ودهاءً قاموا بالهرب إلى الخارج؟

يمكرون و يمكر الله و الله خير الماكرين

نفسى اعرف خايفين من محاكمة الناس و مش خايفين من محاكمة الله!

حسبى الله و نعم الوكيل ان الله يمهل و لا يهمل

hamada_hotline
25-05-2011, 00:58
عندك حق فعلا
ماتنساش اخى الكريم ان النظام السابق الفاسد ده ماكنش 30 او 40 فرد وخلاص
دول مش اقل من 5 مليون فاسد او تابع اذا جمعت اعضاء الحزب الوثنى المنحل
وجميع الوزراء السابقين وجميع الوكلاء واعضاء مجلسى الشعب والشورى والمجالس المحلية والمحافظات
والاجهزة الامنية ( المخصصة لحماية سيادته وعزبته ) ده حتى النقابات والجامعات ماكانوش سايبين ذرة فيها لانسان كويس بجانب القضاة ووكلاء النيابة واطباء الطب الشرعى الفاسدين بجانب أسرهم والعاملين لديهم حتى الجناينى بتاعهم بردوا فاسد ومتكبر وماتعرفش تكلمه نص كلمة .. يعنى الموضوع مش سهل انك ممكن تبعد المنافقين السابقين والملمعين من اجهزة الاعلام المنافقة ده شبكة اخطبوطية خبيثة علشان تقتلعها عايزة مدة كبيرة وجهد عظيم
وفوق كل ده رجال شرفاء وصادقين بحق لا يخافوا الا الله العظيم

امير الفرسان
25-05-2011, 01:36
انا نفسى فى امنية واتمنى تحقيها وضع كل منهم فى ميدان التحرير وخاصة ميدان تحرير ليشهد العالم كلة عليهم ويتم محاكمة عليهم امام الجميع واتمنى ان يحاكموا الى زى دول الاعدام قليل جداا اعليهم وسجن اقل كفاية انهم اتحرمنا من خير بلدنا وكفاية لما يجى شاب يفكر فى جواز يتعقد ويكرة حياتة مفيش شغل ومفيش شقق وكل شقة بالسعر فولانى ولما واحد ربنا يكرمة ويتوظف ويروح ياخد شقة تاجير يشوف يلاقى ايجار يعدى 500جنية فى شهر غير ماية والنور والتلفون والاكل والشرب وبالله عليكم اى مصلحة حكومية تكفى شاب دة وفى الاخر تقولوا 3تليون جنية والله لو دينار كويتى ما ارضى بكفى الشباب الى مات ورشاوى الى رايحة وجاية يكفى ان واحد بقى يمشى فى شارع حاسس بهيبتة مش زمان حكومة يجى واحد يشتمك عشان تطلع بطاقة دلوقتى بالادب والاحترام ولما تيجى تعمل شئ فى مرور اسلوب تانى خالص يا جماعة خير بلد قادم بس لازم نحاكم الخونة دول

mohammed_kamal
25-05-2011, 03:59
الشعب موجود لو مبارك متحاكمش
هنعمل زى ما عمل الايطاليين فى موسيلنى
هنضربه بالجزم لحد ما يموت فى الميدان

امير الفرسان
25-05-2011, 04:42
الشعب موجود لو مبارك متحاكمش
هنعمل زى ما عمل الايطاليين فى موسيلنى
هنضربه بالجزم لحد ما يموت فى الميدان

طيب ياريت بسرعة لان انا عندى كام جزمة كدة قديمة ملهاش لازمة احدفها علية اهو طلعت بنفعة منها
ههههههههه
:D

Most_3D
07-07-2011, 01:22
جزاك الله خيرا
مقال فى الصميم

bodystar
14-08-2011, 08:27
ياريت كلنا نبقى نفس التفكير المنطقى السليم ده :confused:

a7med beek
13-10-2011, 00:37
انا عايزه يتحاكم لكن مش فارقة معايا هما احارا ما في اقصى من عذاب الله ده الي هيخليني انو اتعذب وهريح قلبي على الي عملوا فينا :o

hossny abdo
30-11-2015, 12:40
لازم يتحاكم