بعد البحث أيهما أفضل فعليا Sapphire HD 6870 1 GB TOXIC or MSI GTX 460 1 GB HAWK [الأرشيف]

-V.I.P-

01-05-2011, 15:08

السلام عليكم..
كارتين دار حوليهم جدل كبير من حيث الآفضل فيهم..أختلفت الآراء من الناحية التقنية ومن الناحية السعرية..

Sapphire HD 6870 1 GB TOXIC

MSI GTX 560 Ti 1 GB HAWK

تعمدت أختار أفضل إصدارين من حيث الشركة المصنعة لكل كارت فيهم عشان تكون المقارنة عادلة..

بعد الفحص ومتابعة ردود الآعضاء فى عدد كبير جدا من المواضيع المختلفة بخصوص الكارتين توصلت للآتى:

أنصار MSI GTX 560 1 GB HAWK :

1- خاصية الفيزكس

2-أفضلية كسر السرعة

ده فيديو بيوضح الفرق بين وجود خاصية الفيزكيس من عدم وجودها..هل يسنحق الفرق?..وهل لو الكارت من شركة أيه تى أى لما أجى أفعل الخاصية دى هيفشل فى تفعيلها تماما لآنها أحتكار على كروت NVIDIA ولا هيشغلها عادى بس بكفاءة أقل ياريت الرد على السؤال ده لآنه مهم جدا..

الفيديو لتوضيح الفرق

https://www.youtube.com/watch?v=72IKwrL5YuM

أنصار Sapphire HD 6870 1 GB TOXIC

1-السعر أقل من MSI GTX 560 Ti 1 GB HAWK

2- أنه كارت HD 6870 أقرب من المقارنة مع GTX 570 عن GTX 560

3-الكثير رشحوا HD 6870 متبوعة بكلمة بلا تفكير نتيجة لتجارب شخصية عن الكارتين ونتيجة أختبارات ومراجعات

موضوع لنفس الفكرة لكن موضوعى مختلف عنه لآنى بسأل عن إصدارات معينة وبضع أسباب الآختلاف بوضوح لكل طرف..

https://www.arabhardware.net/forum/showthread.php?t=226302

لاحظت إن الآعضاء مشكورين أكتر من مرة بينبهوا منعا لمشكلة عنق الزجاجة المعالج ثنائى النواة يفضل يكون 3.6..طيب أنا معالجى E8400 3.66 GHZ..يعتبر كافى ؟

أخيرا أحب أضيف أنى لا أهتم بالصوت أو بإزعاج المروحة مقابل الآداء يعنى الكارت الآفضل أداءا أفضل عندى من الآقل نسبيا حتى لو صوته أهدى وأقل..الآداء أهم من الصوت..

nayef108

01-05-2011, 15:19

ارشح لك ال6870 افضل وينافس كما ذكرت ال470GTX

Jiraiya

01-05-2011, 15:24

من حيث القوه الـ HD 6870 بدون كلام لديك المال الكافي أشتري HD 6870 بدون تردد

gamal_love

01-05-2011, 15:36

دلوقتى فرق السعر بين amd 6870 و gtx 560 هو 100 جنيه فقط
فمن رايى تشترى gtx 560:)

-V.I.P-

01-05-2011, 16:25

دلوقتى فرق السعر بين amd 6870 و gtx 560 هو 100 جنيه فقط
فمن رايى تشترى gtx 560:)

مش مهم فرق السعر المهم فرق الآداء..لآنى دايما أقول الفلوس تتعوض لكن القطعة المشتراة هى الثابتة وقرارها مصيرى فى أى صفقة..لدرجة أنى فكرت فى كارت SAPPHIRE HD 6950 2GB GDDR5 معروض فى المنتدى لآحد الشركات بسعر 1800 بس ترددت معقول فرق 300 جنبه تقريبا فقط تفرق بين SAPPHIRE 6870 HD وبين SAPPHIRE HD 6950 2GB GDDR ؟؟؟

طيب بأى منطق؟؟..هل هو خطأ؟..ولو الكلام ده صحيح ليه أعضاء المنتدى متكلموش عن الكارت ده طالما أقوى بالآضافة أنه 2 جيجا ذاكرته بفارق قليل جدا سعريا ياريت حد يشرح لنا وضع الكارت ده أيه بالضبط....أنا مش عاوز أتناقش فى نقطة الآسعار عشان المشرفين ميقولوش هنا الآداء فقط..أنا بذكر السعر فقط لغرض فكرة السعر مقابل الآداء من باب معرفة مقياس الآداء أنه أكيد فى حاجة أعلى فى الآداء طالما السعر أعلى..يعنى مظنش أنى خرجت عن التقييم التقنى للكروت..

من هنا هيبتدى التشتت الفكرى (وليس تشتيت الحرارة:))..من حيث أختلاف الآراء بين الكارتين ردين لHD 6950 مقابل رد ل GTX 560 ودخول كارت جديد (مش متأكد منه) فى النقاش...ياريت الآفادة بالدلائل والبراهين والتجارب الشخصية على فروق الآداء..وبشكر كل واحد رد على الموضوع..

سعد المملوك

01-05-2011, 16:36

-V.I.P-

01-05-2011, 17:01

انا كنت محتار زيك بين الكرارتين

gtx 560 و ati hd 6950 i giga

و جبت ال saphitre 6950 1 giga ddr5

و ادائه اكثر من مبهر

بالنسبة لسرعة رامات الفيجا مش بتكون مؤثرة بالقدر الكافى لادائها يعنى فى كروت كتير 512 احسن من كروت 2 جيجا اهم حاجة المحرك المشغل للفيجا و بعض الاوبشنز الاخرى انا معنديش علم كافى بها

اتوكل على الله و هات sahpire 6950 1 giga او 2 جيجا مش حتفرق انت ميزانيتك

شكرا على ردك وأهتمامك..أنا فعلا عارف إن الذاكرة المدمجة متفرقش بدليل أنى كتبت..

ولو الكلام ده صحيح ليه أعضاء المنتدى متكلموش عن الكارت ده طالما أقوى بالآضافة أنه 2 جيجا ذاكرته بفارق قليل جدا سعريا ياريت حد يشرح لنا وضع الكارت ده أيه بالضبط

كتبت أنه أقوى أصلا بالآضافة إلى الذاكرة..بس بتكلم أنه المفروض أقوى فى الأداء وكمان فوق ده مضاف إليه الذاكرة 2 جيجا..زى ما بيقولوا زيادة الخير خيرين..فقلت معقول أداء وذاكرة مرة واحدة بفرق 300 جنيه فقط (الكلام على 6950 حسب إفتراضتنا قبل تقييم الخبراء)..فحبيت أستفسر عن النقطة دى..لآن لاحظت فى مواصفات الكارت أنه أقل من 6870 فى الجى بى يو كلوك وأعلى منه فى الميمورى كلوك وطبعا الأتنين دول ملهمش علاقة بالذاكرة المدمجة اللى هى ال2 جيجا..يعنى محتاجين بردوا تدقيق من خبراء المنتدى فى النقطة دى..وكمان هل الكارت ده يكون خارج المنافسة مع 560و 570ولا أيه وضعه معاهم طالما هو أقوى من 6870..كل مانتناقش تزداد دائرة الآراء والآسئلة و المقترحات وهى دى فائدة وجمال المنتدى الحقيقى..

-V.I.P-

01-05-2011, 17:17

أسف فى خطأ حصل..أنا عدلت رأس الموضوع المقارنة مع MSI GTX 560 1 GB HAWK وما فوقه زى MSI GTX 570
ده الى كنت أقصده من البداية بس كتبت أسم الموديل خطأ وبعدل الموضوع من أوله..ياريت يتم النظر مرة أخرى بعد التعديل لآنى أصلا كنت باركت للعضو NaSoooRe على كارته GTX 560 Ti فى الموضوع ده بس أخطأت فى كتابة الموديل..تم التصحيح لآسم موديل الكارت فى كل المشاركات من 460 ل560....

https://www.arabhardware.net/forum/showthread.php?t=229615

-V.I.P-

01-05-2011, 17:46

رابط لبعض التقييمات للآداء للكروت

AMD Radeon HD 6950 2GB

AMD Radeon HD 6870

NVIDIA GeForce GTX 560 Ti

NVIDIA GeForce GTX 570

بألآضافة للكرتين اللى كنت كتبتهم بالغلط 460 و 470..

أتمنى إن وضع الكروت كلها جنب بعض فى مقارنة واحدة يقدر يوصل صورة أفضل عن أدائهم ويحدد ويوحد الآراء بشكل أفضل وأسهل..

الرابط
https://www.anandtech.com/show/4137/amds-gtx-560-ti-counteroffensive-radeon-hd-6950-1gb-xfxs-radeon-hd-6870-black-edition/5

لاحظوا أحيانا يتفوق NVIDIA GeForce GTX 560 Ti على AMD Radeon HD 6870
فى نفس الوقت AMD Radeon HD 6950 2GB غالبا أعلى من الآثنين..
منتظر تعليفاتكم وأرائكم..لآن الموضوع أصبح متشابك جدا..

المطلوب فقط معرفة أى الكروت اللى ذكرتها فى القائمة سواء قبل التعديل أو بعده الآعلى أداءا ..لآن بجد فعلا أحترت من إختلاف الآراء والمراجعات والتقييمات..

Ahmed Abdelwahab

01-05-2011, 17:59

لابد من تحديد ميزانيك أخي الكريم لنعرفك ما هو الأفضل من حيث الأداء والسعر
وسؤال أخر هل تنوي تغيير البروسيسور قريبا لأن هذا العامل أيضا سيؤثر في التقييم والاختيار
هذه مراجعة وجدتها هن لكارت الtoxic اللي حضرتك أشرت اليه
https://www.arabhardware.net/forum/showthread.php?t=221370
هذه مراجعة بها 560 وال toxic 6870 وال6950 1 جيجا
https://www.hexus.net/content/item.php?item=28760

omaar97

01-05-2011, 18:09

-V.I.P-

01-05-2011, 18:12

لابد من تحديد ميزانيك أخي الكريم لنعرفك ما هو الأفضل من حيث الأداء والسعر
وسؤال أخر هل تنوي تغيير البروسيسور قريبا لأن هذا العامل أيضا سيؤثر في التقييم والاختيار

ما بين 1500 إلى 1800 للكارت وبالنسبة للبروسيسور لا مش ناوى حاليا تغييره لآنى لما هفكر أغيره هيكون i5 أو i7 وهغير معاه الماذر بورد عشان تتناسب مع السوكتات وبالتالى كمان الرامات..فحاليا الكارت فقط..وأتمنى ميحصلش عنق زجاجة..كما ذكرت فوق

لاحظت إن الآعضاء مشكورين أكتر من مرة بينبهوا منعا لمشكلة عنق الزجاجة المعالج ثنائى النواة يفضل يكون 3.6..طيب أنا معالجى E8400 3.66 GHZ..يعتبر كافى ؟

أتمنى أنه يكون كافى..

وبشكر حضرتك على الرد..

grove4life

01-05-2011, 18:22

560 افضل من ال 6870
https://www.hwcompare.com/8890/geforce-gtx-560-ti-vs-radeon-hd-6870/
انظر هنا

-V.I.P-

01-05-2011, 18:28

أخي GTX 560 Ti يقارن مع HD 6950 لذا إذا كنت تريد مقارنته لا تقارنه مع HD 6870
شوف كرت Gainward GTX 560 Ti Phantom بسعر حوالي 1550 جنيه ورائع جداً وأفضل من HD 6950 1GB ومن نسخة 2GB أيضاً ولكن شيء واحد قد يجعلك تشتري HD 6950 2GB وهي إمكانية تحويل الكرت إلى HD 6970 2GB وهكذا تحصل على أداء كرت بسعر 2200 جنيه بسعر 1800 جنيه

لو متوافر وأداءه يتفوق فعلا أنا مش هتردد حسب وصفك وكلامك لآنى كنت محدد كما ذكرت حتى سعر أعلى من ده المهم الآداء عن السعر..لو حضرتك مكانى كنت هتختار أى الآختيارين لآن حضرتك تقريبا مدحت الآتنين نصحتنى GTX 560 Ti Phantom..وبعدها نصحتنى ب HD 6950 2GB فى حالة نية تحويله HD 6970 2GB ..

مع الآخذ فى الآعتبار :

فقلت معقول أداء وذاكرة مرة واحدة بفرق 300 جنيه فقط (الكلام على 6950 حسب إفتراضتنا قبل تقييم الخبراء)..فحبيت أستفسر عن النقطة دى..لآن لاحظت فى مواصفات الكارت أنه أقل من 6870 فى الجى بى يو كلوك وأعلى منه فى الميمورى كلوك وطبعا الأتنين دول ملهمش علاقة بالذاكرة المدمجة اللى هى ال2 جيجا..يعنى محتاجين بردوا تدقيق من خبراء المنتدى فى النقطة دى..

ونقطة توقع عنق الزجاجة دى كمان مشكلة..

أنا أسف بس الموضوع بيتوسع تدريجيا لنطاق أوسع أكتر..أعذرونى لآن ده من حيرة الآختيار وبشكركم على صبركم وسعة صدركم..

omaar97

01-05-2011, 18:36

أخي بصراحة أنا لا أحب مواضيع التحويلات وما شابه ولو كنت مكانك سأختار GTX 560 Ti Phantom
ولكن إنت لو بدك تحول وستحصل على فرق محترم بالأداء فاشتري HD 6950 2GB وانتبه إلى أن تكون النسخة ريفرانس وتكون 2GB لأنها الوحيدة التي تقبل التحويل

Ahmed Abdelwahab

01-05-2011, 18:44

-V.I.P-

01-05-2011, 18:47

560 افضل من ال 6870
https://www.hwcompare.com/8890/geforce-gtx-560-ti-vs-radeon-hd-6870/
انظر هنا

ده نفس الموقع اللى بستخدمه للمقارنة وهو اللى شوفت منه حكاية الفرق بين الجى بى يو كلوك والميمورى فى كارت 6950 لاحظ فى الرابط ده مواصفات كل كارت بدقة من حيث التردد والميمورى هتلاقى الفرق واضح ذكرته قبل كده يعنى كل واحد أعلى فى نقطة معينة ده اللى بستفسر عنه أى نقطة فيهم أهم..

https://www.hwcompare.com/8889/geforce-gtx-560-ti-vs-radeon-hd-6950/

The GeForce GTX 560 Ti comes with core clock speeds of 822 MHz on the GPU, and 1002 MHz
on the 1024 MB of GDDR5 RAM. It features 384 SPUs as well as 64 Texture Address Units and 32 ROPs.
Compare those specifications to the Radeon HD 6950, which comes with clock speeds of 800 MHz on the GPU, and 1250 MHz on the 1024 MB of GDDR5 memory. It features 1408 SPUs along with 88 Texture Address Units and 32 ROPs.

-V.I.P-

01-05-2011, 19:00

عنق الزجاجة مع 6950 أو حتي 560 متوقع بل لن أبالغ ان قلت أكيد لذلك يجب تغير البروسيسور لو ناوي تجيب كرت 560 أو 6950
وبالنسبة للأداء 6950 أفضل من ال560 بفارق بسيط حوالي 5-6% كذلك ال560 أقوي من 6870 بحوالي 5-6%....الكلام ده بشكل عام يعني ده متوسط لفارق الأداء
في النهاية الاختيار يعتمد علي عوامل كثيرة منها 1-حجم الشاشة
2-الميزانية 3- البروسيسور 4-الباور سبلاي 5-اهتمامك بميزات الطرفين (Nividia-ATI)
وفي النهاية الاختيار يعود اليك

حجم الشاشة 19 بوصة

الميزانية للكارت ما بين 1500 ل1800

البروسيسور
8400
3.66 GHZ

تعتقد حضرتك المشكلة هتكون ملحوظة يعنى هيبقى فى تقطيع فى الحركة أو الكمبيوتر هيفصل ولا ممكن فى أمل متحصلش المشكلة..على الآقل لو كسرت سرعة المعالج فى أسوأ الظروف...

الباور سبلاى 500 HEC أصلى

إهتمامى فقط بالآفضل فيهم فعليا مش بمميزات أو تاريخ أو عروض أى طرف أو إنتمائى له كمشجع..الآفضل بكل حيادية دون أى ميول..هو إختيارى

-V.I.P-

01-05-2011, 19:16

عنق الزجاجة مع 6950 أو حتي 560 متوقع بل لن أبالغ ان قلت أكيد لذلك يجب تغير البروسيسور لو ناوي تجيب كرت 560 أو 6950

ده رابط موضوع لآحد الآعضاء أشترى كارت Gigabyte Nvidia GTX 560 Ti OC وشغله على جهازه على بروسيسور Core2Due E8400
نفس المعالج بتاعى بالضبط وكنت منتظر رده عن التجربة لآن جهازه متقارب جدا من جهازى حتى الماذربورد متقاربة نسبيا..أكيد هتبقى التجربة خير دليل وأتمنى تكون خير ولو أنى واثق بشدة فى تقييمك وردك وتوقعك للمشكلة ..

https://www.arabhardware.net/forum/showthread.php?t=229615

Ronin

01-05-2011, 20:17

حجم الشاشة 19 بوصة

الميزانية للكارت ما بين 1500 ل1800

البروسيسور
8400
3.66 GHZ

تعتقد حضرتك المشكلة هتكون ملحوظة يعنى هيبقى فى تقطيع فى الحركة أو الكمبيوتر هيفصل ولا ممكن فى أمل متحصلش المشكلة..على الآقل لو كسرت سرعة المعالج فى أسوأ الظروف...

الباور سبلاى 500 HEC أصلى

إهتمامى فقط بالآفضل فيهم فعليا مش بمميزات أو تاريخ أو عروض أى طرف أو إنتمائى له كمشجع..الآفضل بكل حيادية دون أى ميول..هو إختيارى

كرت شاشه 6950 2 جيجا على شاشه 19 بوصه ؟؟

حرام والله يا أخي الكريم تهدر قوة وسعر هذا الكرت على شاشة مقاس 19
هذا الكرت تظهر قوته على شاشات 24 فما فوق
واذا لم تكن تنوي تغيير شاشتك فإن كروت الفئة الرابعه مناسبه لك

jumm2006

01-05-2011, 20:22

بسم الله الرحمن الرحيم
هذه اول مشاركه لي .اما بالنسبه للاجابه وهذا رآيي ان جي تي اكس مائتان وستون هو الافضل لان من خلال تجربتي ان اكثرالالعاب التي اعرفها تمشي مع كروت الانفيديا بدون مشاكل واضف على ذلك ان مافيش مشاكل مع درايفرات الجديده وان صانعي الالعاب من مصنعي الانجاين الحديثه مثلا فروصتبايت انجن ٢ المستخدمه في الباد كمباني ٢ ان جي تي إكس٢٦٠ معاها اف بي اس اكثر من الاتش دي ٦٨٧٠.هذا مجرد رأي بالرغم ان معي آ تي أي .انا كنت زيك وكنت متردد زيك وكنت حيران بين نفس الكروت الاثنين بس نزل عرض امس للها دي ٥٨٥٠ فاشتريته ب١٠٠ يورو بس انا لا لت عند رأيي بإن الانفيديا هو الافضل .حاول اذا كان فيه فلوس طبعا واذا كانت اللوحه الام ذلك ان تشتري البروتسيسور ابو اربع نواه .

وهذا لينك للمقارنه (https://www.computerbase.de/artikel/grafikkarten/2011/test-2-x-geforce-gtx-560-ti/4/#abschnitt_benchmarks)

-V.I.P-

01-05-2011, 20:44

كرت شاشه 6950 2 جيجا على شاشه 19 بوصه ؟؟

حرام والله يا أخي الكريم تهدر قوة وسعر هذا الكرت على شاشة مقاس 19
هذا الكرت تظهر قوته على شاشات 24 فما فوق
واذا لم تكن تنوي تغيير شاشتك فإن كروت الفئة الرابعه مناسبه لك

أعذرنى بس سؤال للتوضيح..
لو فرضنا إن الشاشة 19 بوصة أيه المانع إن الكارت يشتغل عليها هل لازم تكون الشاشة كبيرة مثلا 24 بوصة لآستخدام الكارت..اعتقد الفكرة أنه الكارت مصمم للشاشات بشكل طبيعى ومن ثم من إمكانياته أنه يشتغل على شاشات أكبر..ولا حضرتك تقصد أنه مش هيشتغل بنفس الكفاءة لو كانت الآلعاب معروضة على شاشة أصغر عكس لو كانت أكبر..على سبيل المثال أنا ممكن أشغل ألعاب تقيلة على نفس الشاشة بكروت الفئة الرابعة لكن الفريمز هتكون قليلة بسبب ضعف الكارت..معنى كلام حضرتك انه لو أشتريت الكارت وشغلت الآلعاب التقيلة مش هلاقى أى تحسن فى الأداء بسبب إن الشاشة 19 بوصة ؟..لو تقصد حضرتك أنى حرمت نفسى من متعة المشاهدة على شاشة أكبر كان فى أمكانى أستمتع بها ده عادى..لكن لو تقصد إن الآداء هيقل ويختلف بأختلاف حجم الشاشة هنا فعلا الكلام يفرق عشان كده أرجو التوضيح..

-V.I.P-

01-05-2011, 20:58

بسم الله الرحمن الرحيم
هذه اول مشاركه لي .اما بالنسبه للاجابه وهذا رآيي ان جي تي اكس مائتان وستون هو الافضل لان من خلال تجربتي ان اكثرالالعاب التي اعرفها تمشي مع كروت الانفيديا بدون مشاكل واضف على ذلك ان مافيش مشاكل مع درايفرات الجديده وان صانعي الالعاب من مصنعي الانجاين الحديثه مثلا فروصتبايت انجن 2 المستخدمه في الباد كمباني 2 ان جي تي إكس260 معاها اف بي اس اكثر من الاتش دي 6870.هذا مجرد رأي بالرغم ان معي آ تي أي .انا كنت زيك وكنت متردد زيك وكنت حيران بين نفس الكروت الاثنين بس نزل عرض امس للها دي 5850 فاشتريته ب100 يورو بس انا لا لت عند رأيي بإن الانفيديا هو الافضل .حاول اذا كان فيه فلوس طبعا واذا كانت اللوحه الام ذلك ان تشتري البروتسيسور ابو اربع نواه .

وهذا لينك للمقارنه (https://www.computerbase.de/artikel/grafikkarten/2011/test-2-x-geforce-gtx-560-ti/4/#abschnitt_benchmarks)

أنا بشكرك جدا على مشاركتك لنا فى الحوار..وأعتقد إن حضرتك تقصد بدل

ما بالنسبه للاجابه وهذا رآيي ان جي تي اكس مائتان وستون هو الافضل

تقصد جى تى أكس خمسمائة وستون GTX 560 بدلا من جملة 260

واضح من الرابط بتاع المقارنة بتاع حضرتك إن كارت GTX 560 يتفوق على 6870 بشكل بسيط..
ويتفوق كارت 6950 على الأثنين..
ويتفوق GTX 570 على الثلاث كروت..

Paramount

01-05-2011, 20:59

اخي صاحب الموضوع : موضوعك اصبح موسعا جدا ....ويبدو ان خيراتك بدأت تزداد

خلي الكرة بملعب 6950 وبطاقة GtX560 Ti وكل منهما مزايا على الاخرى ....اختر الارخص

-V.I.P-

01-05-2011, 21:14

اخي صاحب الموضوع : موضوعك اصبح موسعا جدا ....ويبدو ان خيراتك بدأت تزداد

خلي الكرة بملعب 6950 وبطاقة GtX560 Ti وكل منهما مزايا على الاخرى ....اختر الارخص

متفق مع كلام حضرتك تماما..عشان كده هترك مشكلة حجم الشاشة أو البروسيسور أو الماذر بورد جانبا مؤقتا وهختصر الموضوع كله فى سؤال واحد فقط..

الأمر محصور الآن بين 6950 وبين GTX560 Ti

السؤال الأخير تعليقا على جملة كل منهما له مزايا على الأخر..

بخلاف ميزة الفيزكس من جانب نيفديا ما الميزة المقابلة لها من أى تى أى للتوازن..فأن كانت الميزة هى فرق السعر فقط فأنا أختار GtX560 Ti حتى لو أغلى بقليل لآنه يملك ميزة ملموسة بعيدة عن فرق السعر..

Paramount

01-05-2011, 21:51

^^اذا كنت قصدت كسر السرعة لل560 فقد اصبت ...

Ahmed Abdelwahab

01-05-2011, 21:57

عندك في ال ATI خاصية الانفينيتي
وبما ان سعر الكارتين الأن 1550 فبصراحة أري كارت 6950 (نسخة الواحد جيجا) أفضل وحضرتك تقدر تشوف المراجعات
ممكن تكسر سرعة البروسيسور ل3.8 أو 4.0 لو تقدر محاولة لتفادي عنق الزجاجة ...الباور مناسب....حجم الشاشة صغير نسبيا علي الكارتين دول لكن عادي
سؤالين في الأخر كده 1-مانوع الكيسة لو بتفكر في 6950 حجمه كبير شوية تقريبا27سم
السؤال التاني هل تفكر في عمل كروسفاير أو SLI في المستقبل أو لا

Pincake

01-05-2011, 21:59

يا اخي الكريم
من رائيي ان gtx 560 كافي جدا جدا بالنسبة لحجم شاشتك
فانت شاشتك تعتبر مثل شاشتي وانا لدي كارت gtx 460 وماذال كافي جدا للالعاب كلها على اعلى اعدادات معادا طبعا Crysis and Metro 2033
لان هذان العبتان يعتبرو مجال مقارنة حتى الان في جميع المواقع ولا انصحك باتخاز قرار شراء كارت على اساس هذان العبتان
فاذا لاحظت انني اتكلم على كارتي فما بالك بكارت 560 سيكون ادائه زيادة بحوالى 20 % من كارتي او اكثر
غير ذلك انه يدعم خاصية Physx مع العلم انها ليست بالضرورية جدا لان معظم الالعاب لا تدعمها
وبالنسبة للشاشة فلا تقلق لن يقل الاداء عن الشاشات الكبيرة بل بالعكس انه سيزداد
فاخى Ronin كان يقصد ان هذا الكارت سيكون كثير على شاشتك كما اخبروني الاعضاء من قبل عند شراء كارتي

فانا انصحك بكارت GTX 560 لانه كارت ممتاز جدا ولاكنك على ما اعتقد انك ستحتاج الى مزود طاقة اعلى ولاكن انتظر ردود باقي الاعضاء الكرام