استفسار ضروري مضحك وفي تعجب بس هو ده السؤال فعلا

[Bassem-Vfx]

انا عندي جهاز حاسب الي كمبيوتر بمكونات قوية الحمد لله كارت اوت ومعالج قوي يعني حاسب بالاخص لاعمال الجرافيكس والالعاب علي بسيط
الاستفار هو انا الجهاز ده اشتغلت عليه فترة مش طويلة لسه جديد يعني اشتغلت عليه فترة وبعد كده خزنت جهاز الكمبيوتر بالكااااامل في العلب لمده زمنيه 3 او 4 سنين والله هي دي الحقيقة لاني ان شاء الله بجهز شقه خاصة بالزواج ان شاء الله فطبعا خوفا من العمال وكل هذا اضررت لتخزين جهاز الحاسب في العلب وقفلت عليه باب الغرفه وطبعا عبال ماتخلص توضيب الشقه ان شاء الله مده زمنيه 3 او 4سنين ان شاء الله هل في الفتره التخزينيه دي ممكن الكمبيوتر كله يحصله حاجه ولالوخزنته فترة كمان اطول هاجي بعد الفتره دي ان شاء الله اشغل الحاسب هيشتغل عادي وهي ان شاء الله فتره اقل من كده ارجو عدم الاستهزاء بكلامي لانه والله كلامي كل بجد ومش بهزر خاااااااالص وشكراااا:eek:

[mahdi611]

3 او 4 سنين :eek:
ده انت ترجعله تلاقي مستواه زي ال بنتيوم 4 حاليا
والقضيه الاخرى قطع الاي سي والترانزيستورات تتاثر بالرطوبه عند الترك فتره طويله وهذا ينطبق على جميع الاجهزه الالكترونيه

[Bassem-Vfx]

اخي طيب مانا هاضع معاه كياس رطوبة وان شاء الله مش هتدخل 3 او 4 سنين ممكن نقول سنة مثلا بس بحب اقول كده عشان اطمن

[Ahmed Elbrbry]

طيب ما تبيعه دلوقتى وبعد ال 3 او 4 سنين اشترى واحد جديد
و مش هيكلفك فرق كبير

[sapphire]

طيب ما تبيعه دلوقتى وبعد ال 3 او 4 سنين اشترى واحد جديد
و مش هيكلفك فرق كبير

+++1

[Stone]

ما في اي مشكله بالقطع لو تخزنت.

الاخوان يعاتبونك انه الاغراض بعد اربع سنين راح تكون قديمه.

الف مبروك الزواج :)

[Eltawil Representative]

في حاله التخزين يفضل وضع فحم مع القطع لامتصاص بخار الماء

[سعد المملوك]

انا من رايى مهما كانت الخسارة بيعه و اشترى واحد تانى كمان بعد ما تخلص نه ممكن يبوظ بسبب الرطوبة و امكانياته كمان حتبقى تحت الصفر

[Bassem-Vfx]

اخي هي مش 4 سنين بالظبط هي اقل من 4 سنين ولكن ماقدرش افرط فيه لانه هديه من والدي الغالي فعايز اخزنه الفترة دي وشكرااااااااااا وان شاء الله مش 4 سنين ممكن سنه سنتين يوم ماهطول 4 سنين لكن ان شاء الله مش اكتر من كده

[Bassem-Vfx]

ودي مكونات جهازي
1-MotherBoard:GIGABYTE-EP43T-UD3L
2-Prossesor:IntelCore2Duo E7500 2.93/3/1066
3-Ram:KingStone 2X2=4GB DDR3 1333
4-VGA:PowerColor ATI HD5670 1GB GDDR5
5-HDD:WD 320GB BLUE
6-Case:Jumbo
7-PowerSupply:Coller Master 500Watt
8-Monitor:Samsung LCD 19
9-SubWoofer:Creative A220 2.1+Z-Cuber 2.

[g41-es2l]

الف الف الف مبروك لك على الزواج و ما تخافش على الجهاز مش هيحصله حاجة خالص باذن الله

[The King2]

الإخوه ما فصرو معك من ناحية التخزين وطريقة الفحم جيده جداً لإمتصاص الرطوبه ويفضل وضع كيس بلاستيك تحت حجر البويس فى اللوحه الأم لإنه أكثر مكون معرض للرطوبه ، والهارد ديسك حاول تشغيل مره لو كل شهر أو أقل .
وفيه أكياس بها خرز دائرى تأتى مع الهاردات حاول تجميع 10 أكياس منها ووضعها بداخل الكيسه وباقى المكونات

و رأى الشخصى بأن تقوم ببيعه أو إهداءه لاخ أو قريب لك لإن هذه الإمكانيات ستكون ضعيفه فى الفتره اللى هاتخرجه فيها
ومش هاتتمتع بيها بعد 3 سنين زى اليومين دول وجهاز جيد لتشغيل الألعاب والتطبيقات الحديثه

والف مبروك الزاوج

[Bassem-Vfx]

اخي طيب يعني لومحطتش كيس بلاستيك هايحصل حاجه تاني حاجه هل ممكن الغي تقسيمه الهارد كلها عشان اطمن

[Bassem-Vfx]

لومشغلتلش الهارد المده دي يحصل حاجه وانا هحطه في علبه وعندي كيسين رطوبه فقط هل يكفو ولاازود وشكراااااا والفحم احطه فين هل اضعه في كيس بلاستيك واضعه فوق العلب وشكرااااااااااا

[Bassem-Vfx]

اضع كام كيس رطوبه داخل الكيسه

[Bassem-Vfx]

والشاشه كام كيس والصبات مش محتاج لان كانو جاين من غير اكياس وشكراااااا

[Bassem-Vfx]

اخي والفحم اجيبه قد ايه وهل اجيبه بودره ام قطع

[Bassem-Vfx]

وهي هي كده الشقه مفيهاش رطوبه بس عايز اعمل برضو عشان اطمن والله الجهاز اهدهولي والدي يعني مقدرش افرط فيه ابدااااااا

[Bassem-Vfx]

والله يبارك فيكم

[omar_ph]

السلام عليكم ....
أنا فهمت أنو الجهاز هدية من والدك (الله يسلملك ياه) والجهاز له قيمة معنوية كونه هدية من شخص تحبه وأنا معك ومقدر تماما.
لكن النقطة المهمة في الموضوع أن الجهاز كما قال إخوتي سيصبح قديما بعد فترة التخزين تلك وإن لم تتلف أي قطعة حتى ، فلو كنت مكانك لبعته ووضعت ثمنه بيد والدي العزيز على أن يهديني واحدا بدلا عنه عند زواجك بإذن الله مثلا...وبذلك تحصل على جهاز جديد من شخص عزيز دون الحاجة للتخزين ومخاطره.


أتمنى لك التوفيق وزواج مبارك بإذن الله

[Bassem-Vfx]

اخي طيب انا مش عايز ابيعه وبعدين هي الفترة مش 4 سنين بالظبط اقل ان شاء الله ممكن سنتين اواقل كمان ارجو حل من غير بيع

[kimotheking]

أظن أن التخزين لاتوجد به مشكلة أبدا ان شاء الله,,,,,,,,,,,

فقد وجدت أن الهارد دسك اللذي تملكه يستطيع تحمل درجة حرارة من -40 وحتى 70 درجة مئوية

https://img402.imageshack.us/img402/4498/unledyew.png

https://www.wdc.com/en/products/products.aspx?id=110

لذلك لاتقلق أبدا من موضوع التخزين فمكونات الحاسب تتحمل درجات أعلى من الحرارة والرطوبة أثناء التخزين

ولزياده التأكيد على موضوع الرطوبة يمكن وضع قطعة صغيرة من الفحم داخل الكيسة أو يمكن استخدام النفثالين بوضع كيس صغير

داخل الكيسة أو العلبة لامتصاص الرطوبة ولكن يجب بعد فتح العلب ان شاء الله تهوية المكان جيدا حتى تذهب رائحة النفثالين.

وربنا يبارك لك الزواج باذن الله,,,,,,,,,,,,,,,,,,,