المساعد الشخصي الرقمي

مشاهدة النسخة كاملة : عرض مقتضب جديد للعبة Hitman : Absolution !


Mohamed.Ashmawy
10-05-2011, 23:21
https://www.blogcdn.com/www.joystiq.com/media/2011/03/hitman5530pxheaderimg.jpg

اصدرت Square Enix عرض مختصر للغايه بداخله لغز او اشاره لتاريخ ما حيث قامت بتظليل رقم و تاريخ.

الرقم هو 47 و هو يرمز للعميل Hitman و التاريخ هو 6/7/2011 و هو يرمز لموعد اصدار عروض ربما تكون كجيمبلاى للعبه المنتظره فى معرض E3 2011.

العرض كذلك يظهر جرافيك خيالى مثل هذا الذى شاهدناه فى عرض Unreal Engine الاخير للرجل ذو السيجاره.



لمشاهدة العرض (https://www.youtube.com/watch?v=6nCij_xOOwA)

المصدر (https://www.joystiq.com/2011/05/10/hitman-absolution-revealed-in-teaser-trailer-next-stop-e3/)
عاشق دنيتي
03-07-2011, 01:54
حد علمي العميل مات بلعبة BLOOD MONEY وش طرا على بالهم ينزله الحين جزء جديد هو الميت يرجع تاني يلعب؟؟ والله عشنا وشفنا كل شي ما شالله عند الاجانب يصير:mad::mad::mad::mad::mad::mad::mad:
EL-MARIACHY
03-07-2011, 04:19
حد علمي العميل مات بلعبة BLOOD MONEY وش طرا على بالهم ينزله الحين جزء جديد هو الميت يرجع تاني يلعب؟؟ والله عشنا وشفنا كل شي ما شالله عند الاجانب يصير:mad::mad::mad::mad::mad::mad::mad:

على فكره يا اخى لو لعبت لعبه BLOOD MONEY حتى نهايتها ، بمعنى بعد أنه بيكون راقد على السرير و ال CREDITS ظاهره ، بتفضل تدوس على الماوس كثير جداً و هتلاقيه صحى من النوم /الإغماء و بدأ بالضرب

اذا هو لم يمت

تفضل و إندهش (https://www.youtube.com/watch?v=dl2eoljhH48) :eek:
Ĩ ф И_ Ĥ Ξ λ Я Ŧ £
03-07-2011, 04:33
شكرا على خبر اخي
وبنتظار نزول اللعبة :D
weaamx
04-07-2011, 14:05
أفضل و أجمل و أمتع لعبة لعبتها فى حياتى ,, أفضلهم و أصعبهم و أكثرهم إحترافيه الجزء الأول - قفلته بروفيشنال فى شهر ونص فقط - فى سنة 2000 تقريباً و و مكنش فى هينتات و لا شفرات ساعتها ...
.
فى إنتظارها بفارغ الصبر ...
tito abdo
04-07-2011, 16:37
ههههه شهر ونص كتير اوي فيها انا قفلت السلسة كلها في شهر ونص بس بصارحة لعبة خرافة في انتظار الجزء الجديد
EL-MARIACHY
04-07-2011, 16:43
ههههه شهر ونص كتير اوي فيها انا قفلت السلسة كلها في شهر ونص بس بصارحة لعبة خرافة في انتظار الجزء الجديد

ما هى الفكره انك ممكن تقفل اللعبه فى يومين فقط ، انما المتعه الحقيقيه انك تخطط و تتاكتك و تظبط الأمور بحيث انك تخلص كل مرحله بدون ما حد يدرى انك كنت موجود أصلاً و تستخدم كل الوسائل المتاحه فى القتل و عمليه ال assassination

بحيث تدخل تقتل الشخص المراد قتله + ال bonus و بالطريقه ديه تكون من أمتع اللعب اللى لعبتها فى حياتك !
weaamx
04-07-2011, 19:14
ما هى الفكره انك ممكن تقفل اللعبه فى يومين فقط ، انما المتعه الحقيقيه انك تخطط و تتاكتك و تظبط الأمور بحيث انك تخلص كل مرحله بدون ما حد يدرى انك كنت موجود أصلاً و تستخدم كل الوسائل المتاحه فى القتل و عمليه ال assassination

بحيث تدخل تقتل الشخص المراد قتله + ال bonus و بالطريقه ديه تكون من أمتع اللعب اللى لعبتها فى حياتك !

بالظبط كده :D إنت كنت معايا ولا إيه :D ,,, و أنا كتبت كلمة بروفيشنال عشان كده ... و بالإضافة للى قلته إنك تلعب هارد ...
tito abdo
04-07-2011, 19:32
انا كنت بالعب بنفس الطريقة
وعلي الهارد كمان
الفكرة اني مكنش عندي العاب اصلا غير هيت مان
علشان كده مكنتش بالعب غيرهم
بس بصراحة من ضمن افضل الالعاب وخبر جيد اني اسمع انه راح يكون ليها جزء جديد
EL-MARIACHY
04-07-2011, 19:59
بالظبط كده :D إنت كنت معايا ولا إيه :D ,,, و أنا كتبت كلمة بروفيشنال عشان كده ... و بالإضافة للى قلته إنك تلعب هارد ...

بص وراك كده :D

بخ :D

بالأمانه لم أكن ألعبها على الهارد ، كنت أقل منه و لكن كان فى مهمات كنت لما اكسبها بروفشينال أو SILENT كنت بطير من السعاده
weaamx
04-07-2011, 21:43
بص وراك كده :D

بخ :D

بالأمانه لم أكن ألعبها على الهارد ، كنت أقل منه و لكن كان فى مهمات كنت لما اكسبها بروفشينال أو SILENT كنت بطير من السعاده


ههههه :D عايز اقولك كنت بندمج فى اللعبة لدرجة التقمص بجنون - حتى مشيتى حسيت إنها إتغيرت شبهه - و إحساس السعادة ده بالظبط

طبعاً الكلام ده من 10 سنين تقريباً و أنا فى أولى كلية و أفتكر إحنا كنا 5 بنلعبها منا واحد كان هارد جيمر - ده فى 2000:D - ,, و كان التنافس إن المهمات تخلص كلها بروفيشنال و بعضها من غير نقطة دم ... و كنت أنا المسيطر على الوضع :D و سيطرت فى الكلية بردوا و طلعت الأول .. كانت ايام كلها سيطرة :D:D

-----------------------------
بعض الإضافات :

1- من أكثر الأخبار المتداولة بين المهتمين باللعبة أنه تم إقصاء David Bateson المؤدى لصوت العميل 47 فى كل الأجزاء السابقة و تصويتات على رجوعه و إيميلات للشركة و الناس كلها بتنادى إنه هو اللى يأدى الدور حتى على الكومنتات اللى كانت على الترايلر على اليوتيوب - ترايلر اللعبة مش التيزر اللى فوق بس فيها مناظر مضادة لسياسة المنتدى - كان أكتر لايك على كومنت بينادى برجوعه ..

2- صورة من الترايلر و عجبانى جداً
9776

3- مشاهد من اللعبة
- https://www.hitmanser.../screens/01.jpg (https://www.hitmanseries.ru/games/hitman5/screens/01.jpg)
- https://www.hitmanser.../screens/02.jpg (https://www.hitmanseries.ru/games/hitman5/screens/02.jpg)
- https://www.hitmanser.../screens/03.jpg (https://www.hitmanseries.ru/games/hitman5/screens/03.jpg)
- https://www.hitmanser.../screens/04.jpg (https://www.hitmanseries.ru/games/hitman5/screens/04.jpg)
- https://www.hitmanser.../screens/05.jpg (https://www.hitmanseries.ru/games/hitman5/screens/05.jpg)
- https://www.hitmanser.../screens/06.jpg (https://www.hitmanseries.ru/games/hitman5/screens/06.jpg)
- https://www.hitmanser.../screens/07.jpg (https://www.hitmanseries.ru/games/hitman5/screens/07.jpg)
- https://www.hitmanser.../screens/08.jpg (https://www.hitmanseries.ru/games/hitman5/screens/08.jpg)
- https://www.hitmanser.../screens/09.jpg (https://www.hitmanseries.ru/games/hitman5/screens/09.jpg)
- https://www.hitmanser.../screens/10.jpg (https://www.hitmanseries.ru/games/hitman5/screens/10.jpg)
- https://www.hitmanser.../screens/11.jpg (https://www.hitmanseries.ru/games/hitman5/screens/11.jpg)

----------