إستفسار بخصوص سوق العمل

[helal_10g]

أنا شايف إن مجال الشبكات أصبح الأن فى خبر كان كثير جدا من الناس خريخ هندسة و حاسبات و تجارة و جميع التخصصات أصبح الأن حاصل على ccna , ccnp ,mcse , mcitp
أنا شايف إن بجد كفاية كده على التخصص دة
فى أخ كتب إنه معاه ccna , c cnp و يريد عمل بدون مرتب
ممكن فى مجالات ثانية لسة مفتوحة شوية مثل مجال البرمجة و قواعد البيانات على أساس إن الموضوع أصعب و المتميز فى المجال ده مش كثير ذى الشبكات

عايز رأى الناس علشان أنا بفكر فى أوراكل developer و معاه j developer

على فكرة أنا حاصل على
ICDL
A+
CCNA

و عملت كل المحولات فى البحث عن فرصة عمل غير مجال التدريب لم أجد للأسف
برجاء المساعدة و التفاعل من الناس بالرأى علشان أنا فى حيرة جدا

[sheno]

the light in the end of the tunnel

[helal_10g]

the light in the end of the tunnel

شكرا على الرد بس بجد محتاج تقاعل من الناس بخصوص هذا الموضوع ويكون الرد من خلال تجربة شخصية فى هذا المجال و معرفة بحال سوق العمل الأن

[arabteam]

أخى هلال ربنا يوسع رزقك ويسر ليك الإختيار الصحيح إن شاء الله وأنا شايف إن الحاجات إللى فيه عليه طلب الوقتى كتير سواء فى مصر أو خارج مصر وعدد الناس المحترفه فيها مازال مش كتير أوى هو مجال Linux و Unix وحضرتك تابع مواقع التوظيف وشوف إيه هيا الحاجات إللى عليها طلب أكتر ويكفى إنك كنت رائع فى شرح ICDL وكذلك شرح CCNA فأكيد إن شاء الله هتكون مميز فى أى مجال تختار تكمل درستك فيه وربنا يوفقك لما فيه الصالح والخير لك إن شاء الله

[سمرمون_2010]

السلام عليكم ورحمة الله وبركاته
أولا يا بشمهندس مش معنى إن مجال الشبكات فيه كتير يبقى كلهم متميزين يعني ما تاخدش في بالك أوي كتر العدد في المجال المهم انت هتكون متميز فيه والا لأ
وبعدين حضرتك ايه المشكلة في شغل التدريب لحد ما ربنا يكرمك بشغل أحسن
بصراحة أنا لسة بادءة في المجال بس عاوزة إن شاء الله أكمل
عامة أنا بلاقى على النت شغل كتير للdatabase
وده موقع وظائف ابحث فيه وربنا يوفقك بس ما تيئسش بسرعة
موقع بيت كوم للوظايف
موقع aiwajobs
وبالتوفيق إن شاء الله

[sheno]

اشجع اخوانى المحبين لعالم الشبكات

ان يروا بعض الموضوعات المتعلقه ب مستقبل مصر والعالم العربى فى هذا المجال

وذلك فى المؤتمر العالمى الذى استضافته مصر بعنوان ict 2011

لو سمعتوا موضوعاته الكثيره بال www.youtube.com (https://www.youtube.com)
عندها فقط اخى ستعلم ان علينا الاسراع فى التعلم لان المجموعه العربيه
ستدخل بكل تقلها فى هذا المجال
تمنياتى بالتوفيق

[warior10]

انا مش عايز اثبطك
بس كلامك صيح
بقى الحصول دلوقتي على CCNA و CCNP و CCNP voice غير كافي للعمل
دلوقتي بقت فيه نكتة بتقول ان عدد CCIE R&S أكتر من عدد الحاصلين على CCNA
وفيه مثال بسيط
اعرف واحد فى شركة تحت التدريب براتب اقل من نصف راتب الفني
وفوجئنا بعد شهور قليلة بانه بقى CCIE R&S
الغريبة انه كان بيتدرب لسة ومكانش لسة مسك سويتش فى حياته وبقى CCIE
بقى المديرين فى الشركة مش عارفين يعملوا معاه ايه
هما عارفين ان خبرته صفر
وكمان معاه شهادة تعادل اعلى شهادة فى الشركة
----
الحل دلوقتي فى نظري هو CCIE فقط لا غير لان الشركات دلوقتي محتاجة CCIE علشان تتنقل بين مستوى الشراكة مع سيسكو
من فضى لذهبي وهكذا
يعني من النهاية الموضوع بقى موضوع شراء شهادتك
انما خبرتك فماعتقدش انها بقت مهمة لان الشوق معتقدش انه بالحجم الى يسع كل هؤلاء المهندسين
ومهندس واحد فى شركة قادرعلى عمل كل مشاريع الشركة

[sheno]

اخى العزيز warior 10

انا مختلف معاك فى نقطة ان عدد الحاصلين على ccie اكثر من الحاصلين على ccna
وده الدليل


Total of Routing and Switching CCIEs: 17765
Total of Security CCIEs: 2407
Total of Service Provider CCIEs: 1764
Total of Storage Networking CCIEs: 153
Total of Voice CCIEs: 1201
Total of Wireless CCIEs: 21

يعنى العدد الكلى لكل شهادات ال ccie فى العالم يساوى 20881

اظن الارقام بتتكلم عن نفسها اخى
ولكنى اتفق معك فى ان الطلب شديد جدا فى السوق على حاملى ال ccieكما تفضلت وقلت

نظرا لمدى المعاناه التى يتكبدها الحاصل على هذا النوع من الشهادات حتى يصل اليها

تمنياتى بالتوفيق

[westwind]

لا اتفق مع فكرة ان CCNA لم يعد لها جدوى في سوق العمل
اولا اعتبرها على الاقل خطوة اولى لصعود الهرم (مش هرم الجيزة .. هرم سيسكو) اقصد حافز .
ثانيا ان العرض و الطلب في سوق العمل يعتمد على سياسة الدولة اللي عايش فيها. يعني لو كنت متفائل ان الحكم حا يكون في ايد ناس فاهمين التطور و الحداثة حايكون فيه فرص عمل كثيرة للشبكات. مثل الشبكة المؤمنة و شبكة باصات النقل العام و البطاقة الذكية و البنك الالي و غيرها الكثير.
اما لو كنت مش متفائل و تعتقد ان الحكم حايكون في ايد ناس متخلفة ترجع بالبلد للوراء فأغسل ايدك من موضوع الشبكات كله

مع احترامي للرأي الاخر

[9down]

لا اتفق مع فكرة ان CCNA لم يعد لها جدوى في سوق العمل
اولا اعتبرها على الاقل خطوة اولى لصعود الهرم (مش هرم الجيزة .. هرم سيسكو) اقصد حافز .
ثانيا ان العرض و الطلب في سوق العمل يعتمد على سياسة الدولة اللي عايش فيها. يعني لو كنت متفائل ان الحكم حا يكون في ايد ناس فاهمين التطور و الحداثة حايكون فيه فرص عمل كثيرة للشبكات. مثل الشبكة المؤمنة و شبكة باصات النقل العام و البطاقة الذكية و البنك الالي و غيرها الكثير.
اما لو كنت مش متفائل و تعتقد ان الحكم حايكون في ايد ناس متخلفة ترجع بالبلد للوراء فأغسل ايدك من موضوع الشبكات كله

مع احترامي للرأي الاخر

اذاى تقول الحكم حايكون في ايد ناس متخلفة وبعدين مع احترامي للرأي الاخر

مش ده تناقض

[helal_10g]

يجماعة الموضوع مش خناقة إحنا عيزين نطلع برأى نقول للناس فيه إما الأستمرار فى مجال أن من و جهة نظرى خلاص مات أو وقف دفع فلوس فى إمتحانات و الكلام ده و الإنتقال إلى مجال أخر أنا على فكرة عن نفسى خلاص كفاية كدة بالنسبة لشهادات سيسكو رغم إنى مجرد ccna بس بجد الواحد لزم يشوف و يقرأ السوف كويس علشان الشركات ده بتحب تسوق للشهادات ده علشان طبعا الملايين المدفوعة فى فلوس الأمتحانات و التدريب فى الأماكن المعتمدة و الكتب و هكذا

[helal_10g]

انا مش عايز اثبطك
بس كلامك صيح
بقى الحصول دلوقتي على CCNA و CCNP و CCNP voice غير كافي للعمل
دلوقتي بقت فيه نكتة بتقول ان عدد CCIE R&S أكتر من عدد الحاصلين على CCNA
وفيه مثال بسيط
اعرف واحد فى شركة تحت التدريب براتب اقل من نصف راتب الفني
وفوجئنا بعد شهور قليلة بانه بقى CCIE R&S
الغريبة انه كان بيتدرب لسة ومكانش لسة مسك سويتش فى حياته وبقى CCIE
بقى المديرين فى الشركة مش عارفين يعملوا معاه ايه
هما عارفين ان خبرته صفر
وكمان معاه شهادة تعادل اعلى شهادة فى الشركة
----
الحل دلوقتي فى نظري هو CCIE فقط لا غير لان الشركات دلوقتي محتاجة CCIE علشان تتنقل بين مستوى الشراكة مع سيسكو
من فضى لذهبي وهكذا
يعني من النهاية الموضوع بقى موضوع شراء شهادتك
انما خبرتك فماعتقدش انها بقت مهمة لان الشوق معتقدش انه بالحجم الى يسع كل هؤلاء المهندسين
ومهندس واحد فى شركة قادرعلى عمل كل مشاريع الشركة


شكرا على الرأى المبنى عن خبرة و بجد هو ده المطلوب من الموضوع ده علشان فى ناس كثيرة جدا لسة فكرة الكلام بتاع زمان خذ شهادة كذا سوف تأخذ مرتب كذا على طول و طبعا السوق غير كده خالص
:ah7:

[helal_10g]

اخى العزيز warior 10

انا مختلف معاك فى نقطة ان عدد الحاصلين على ccie اكثر من الحاصلين على ccna
وده الدليل


Total of Routing and Switching CCIEs: 17765
Total of Security CCIEs: 2407
Total of Service Provider CCIEs: 1764
Total of Storage Networking CCIEs: 153
Total of Voice CCIEs: 1201
Total of Wireless CCIEs: 21

يعنى العدد الكلى لكل شهادات ال ccie فى العالم يساوى 20881

اظن الارقام بتتكلم عن نفسها اخى
ولكنى اتفق معك فى ان الطلب شديد جدا فى السوق على حاملى ال ccieكما تفضلت وقلت

نظرا لمدى المعاناه التى يتكبدها الحاصل على هذا النوع من الشهادات حتى يصل اليها

تمنياتى بالتوفيق
أخونا العزيز الراجل بيقول نكته بتقول كده مش هو ده رأيه بس بجد شكرا على هذه الأحصائية الرائعة جدا
:D:)

[elking302]

انا عايز ارد على سؤالك باجابة بسيطة وهوه ان سوق العمل فى البرمجة فى مصر بيدار غلط ومش بيديك امان لبكره
انا مثلا معايا اواكل 10g ومعملت محاولات كتيره انى اشتغل بيه لكن للاسف كل اللى بيطلب بيتقال عايزين خبره
غيركدا كمان ان مشكلة شركات البرمجة فى مصر انها بتشتغل بالمشروع بمعنى انها اما بيكون عندها مشروع بيحطوك فوق دماغهم
مجرد المشروع ماخلص ومافيش مشروع تانى بتلاقى نفسك بقت عبئ عليهم ودا حصل مع ناس اصدقائى كتير

[warior10]

اخى العزيز warior 10

انا مختلف معاك فى نقطة ان عدد الحاصلين على ccie اكثر من الحاصلين على ccna
وده الدليل


Total of Routing and Switching CCIEs: 17765
Total of Security CCIEs: 2407
Total of Service Provider CCIEs: 1764
Total of Storage Networking CCIEs: 153
Total of Voice CCIEs: 1201
Total of Wireless CCIEs: 21

يعنى العدد الكلى لكل شهادات ال ccie فى العالم يساوى 20881

اظن الارقام بتتكلم عن نفسها اخى
ولكنى اتفق معك فى ان الطلب شديد جدا فى السوق على حاملى ال ccieكما تفضلت وقلت

نظرا لمدى المعاناه التى يتكبدها الحاصل على هذا النوع من الشهادات حتى يصل اليها

تمنياتى بالتوفيق

اخي العزيز
اقرأ ما كتبته جيدا ستجد انني قلت نكتة
وهذا معناه ان كل البشر الان يتجهون لمجال الشبكات وحتى لو لم يكن هذا مجال تخصصهم ولو كانوا لا يحبونه
---
ثانيا ليس كل الشركات تستطيع توظيف شخص يحمل CCIE الا لو كانوا يريدون الاستفادة من شهادته لكي يحصلوا على شراكة مع سيسكوا
او يكون هذا الشخص قد تنازل ورضي براتب اقل من من قيمته الحقيقية في السوق
ثالثا : عن تجربة شخصية انا قمت بعمل مشاريع كبيرة وكثيرة وفي مناطق مختلفة ولم ياتي الشخص CCIE مرة واحدة لرؤوية المشروع
رابعا: اسال كل من حصلوا على CCNP حديثا فى المنتدى ستجد ان رابهم لا يتعدى اجمالا بكل البدلات 5000 ريال بعدما كان يتم توظيف الحاصل على CCNA فقط براتب اساسي يتجوز 6000 + بدلات تؤدي لارتفاع راتبه الى فوق مستوى 10000
وهذا كله كان منذ سنة واحدة فقط
عندما بدات في الشبكات كنت اعرف ان CCIE يحصل على 30000 ريال ما الان فاعتقد انه لن يأخذ اكثر من 10000 وخصوصا اذا كان R&S
----
اخيرا اكرر لكي لا يأتي احد ويتفلسف
اقول كل هذه الاحصائيات على المهندسين حديثي التوظيف وليس من قد حصل على الوظيفة منذ اكثر من عام

[samba2net]

اكيد ياجماعه فى الاول وفى الاخر الموضوع موضوع ارزاق ثانيا لو بعدنا شويه عن الشبكات وقولنا من اول الكليه فلو قولنا كليه تجاره فيها كتير يبقى مش هتعمل حاجه فى حياتك بس كام واحد من تجاره بيطلعوا كويسين وبيشتغلوا فى اماكن كويسه وده حال بلدنا عموما اكيد دلوقتى العرض بقا كتير جدا عن الطلب بالتالى المرتبات نزلت لانه قدامه ميت واحد ممكن يختار براحته وبالراتب اللى عاوزه فبينزل الراتب على قد مايقدر لانه اللى قدامه مش هيرفض وده الحال عامتا فى كل المجالات ثانيا انت ليه باصص بس لينا كمصريين العرض بقا كتير جدا جدا من الهنود والباكستان فى الوطن العربى وبرواتب اقل ولو طلبوا منهم عدد ساعات اكتر مش هيقولوا لا بس فى النهايه انت ادرس اللى بتحبه وعندك طموح انك توصل فيه واللى شايف انك هتبدع فيه وهتقدر تكمل فيه وادعى ربنا وربنا يوفقك ويوفقنا جميعا وكل المسلمين بس انا بالنسبه ليا المشكله فى التفرع يعنى كل شركه بتشتغل على مزاجها مره تلاقى شركه شغاله بسيسكو واحده تانيه شغاله بجونيبر واحده شغاله بمايكروسوفت واحده شغاله بلينكس الاحسن ليك انك تنوع دراستك يعنى تحاول تدرس حاجه من كل مجال ده بيخليك معروض لفرص اكتر وبعدين تكون واخد مجال متخصص فيه اكتر اللى قصدى عليه انك متكونش عارف حاجه واحده بس سيسكو بس مثلا لا لازم تعرف اكتر من حاجه مع بعض وكل اما يبقى معاك اكتر كل اما فرصتك تكون احسن

[helal_10g]

أنا شايق الأن إن يتم وقف دفع فلوس فى إمتحانات سيسكو كفاية المذاكرة من المنتدى للموضوع و لو فى شركة أكيد محتاجاك إمتحن على طول و ممكن تدرس mcitp و قواعد بيانات sql server أظن كدة أنت IT محترم
على فكرة أنا متابع سوق التوظيف منذ فترة طويلة الأن يتم طلب شخص يعرف CCNA-MCITP-SQL SERVER للعمل براتب لا يتعد 3000-5000

[mero atef]

مع احترامى لكلام حضاراتكم جميعا
يا جماعه مينفعش تحبطوا الناس كده
يعنى لو حد بيذاكر حاليا اى كورس او لسه هيبتدى يدخل فى المجال ده وسمع الكلام والله هيحبط ولا هيذاكر كلمه
سيدنا محمد بيقول ( بشروا ولا تنفروا )
وربنا بيقول فى حديث قدسى ( انا عند حسن ظن عبدى بى )
عارف ان كلامكم فيه حاجات صح بس ممكن اللى معاه شهادات ومش شغال او شغال بمرتب صغير تكون امكانياته كده او ربنا لسه مدلوش رزقه
الشغل والرزق دول حاجه بتاعت ربنا

[I LoVe Cisco]

طيب الوحد المفروض يعمل ايه يعني يعني انا تقريبا خلصت الكورس كامل والمفروض هروح امتحن مامتحنشي يعني وافور الفلوس!!!!! طب نشتغل ايه يعني !!!!هو بصراحه انا اتفق مع رايي الاخ ميرو عاطف بلاش احباط ياجماعه لو سمحتم
واولا واخيرا دي عمليه ارزاق من عند ربنا
وربنا يوفق الجميع ان شاء الله

[helal_10g]

يجماعة و الله أنا عارف أن الموضوع رزق بس فى حاجة أكيد الناس تأخذ بالأسباب يعنى نشوق كويس السوق عايز إيه مش نفضل مصرين على شهادات فى بدل الواحد ألف
رأى الشخصى لو أنتم مصريين على سيسكو كفاية قوى ccna و قم بدراسة mcitp و sql server لآن فعلا مجال سيسكو أصبح الأن فى خبر كان

[helal_10g]

يجماعة بجد الموضوع مش الغرض منه إحباط بس الغرض منه إن فى ناس خبره فى المجال ده تنصح الناس الجدد فى هذا المجال أن عن نفسى خريج 2003 يعنى من حوالى 8 سنوات و فى ناس كثير أوى خبره فى المجال ده سيسكو و ميكورسوفت و غيرها عيزين كلام مبنى عن خبرة و معرفة مش عواطف و أمانى

[helal_10g]

عيزين نعرف أخبار الناس ده هم أعضاء فى المنتدى فى جزء التهنئة بالنجاح من الصفحة الأولى فقط من أصلا تقريبا 16صفحة تقريبا عيزين نعرف الناس ده عملة إيه من بعد النجاح حتى الأن

mmotaze (https://www.arabhardware.net/forum/member.php?u=15561)


انهيت و الحمد لله ccna اليوم ب 910


abo2012 (https://www.arabhardware.net/forum/member.php?u=11138350)


الحمدالله اليوم نجحت في الامتحان وجبت 949


moh_abuarja (https://www.arabhardware.net/forum/member.php?u=11198470)


الحمد لله نجحت في امتحان ccna اليوم 8\6\2010



واشكر المهندس ياسر رمزيوالمهندس محمد سمير



abdulrazaq (https://www.arabhardware.net/forum/member.php?u=11129372)


الحمدلله نجحت في اختبار ccna وحصلت على 834




maher4ever (https://www.arabhardware.net/forum/member.php?u=11117737)




انهيت و الحمد لله ccna اليوم بمعدل 936




right (https://www.arabhardware.net/forum/member.php?u=11175480)


الحمد لله لقد اجتزت امتحان ccna تاريخ 17\3 وذلك بفضل الله أولا وآخر

[Mr.Dosa]

انا معنديش كلام اقوله غير ان كل واحد قال رأيه واللى هو شيفة فى سوق العمل اللى هو فيه .. سواء كانت دوله مختلفه او مجال مختلف

سواء كنت هتاخد سيكسو او ميكروسفت او حتى لينوكس او او او ...

اهم حاجه انك تشوف المجال اللى انت حاسس انك هتسلك فيه

يعنى من الاخر انت بتعمل اللى عليك والباقى على ربنا سبحانه وتعالى

واحترامى لكل الشباب

[mezomora123]

الأخ Wairrior أفاد وأجاز...
ومفيش حد يفهم كلامه غلط...
هوا قال ان السوق دلوقتى أصبح فيه -- زحمة -- كبيييرة...
بس فين المشكلة هنا...ما نص الشعب المصرى ولا 3/4 خريج كلية تجارة...
وفى ناس كتيييير أووى شغالين ومرتبهم كويس...هل بهذا المنطق مفيش حد يدخل تجارة تانى ولا ايه...ما أنا مش فاهم الناس بتاخد الكلام على أى محمل..!!!
وفى قاعدة كلنا عرفينها ومتأكدين منها...مفيش حد بيتعب ومش بيلاقى نتيجة تعبه.
" ان الله لا يضيع أجر من أحسن عملا "
اجتهد واعمل اللى عليك...ووربنا يكرم الجميع ان شاء الله.

[helal_10g]

بالتوفيق للجميع ده مجرد رأى ممكن يكون خطاء و ممكن يكون صح و الرزق بيد الله

[elsewessy]

انا مش عايز اثبطك
بس كلامك صيح
بقى الحصول دلوقتي على CCNA و CCNP و CCNP voice غير كافي للعمل
دلوقتي بقت فيه نكتة بتقول ان عدد CCIE R&S أكتر من عدد الحاصلين على CCNA
وفيه مثال بسيط
اعرف واحد فى شركة تحت التدريب براتب اقل من نصف راتب الفني
وفوجئنا بعد شهور قليلة بانه بقى CCIE R&S
الغريبة انه كان بيتدرب لسة ومكانش لسة مسك سويتش فى حياته وبقى CCIE
بقى المديرين فى الشركة مش عارفين يعملوا معاه ايه
هما عارفين ان خبرته صفر
وكمان معاه شهادة تعادل اعلى شهادة فى الشركة
----
الحل دلوقتي فى نظري هو CCIE فقط لا غير لان الشركات دلوقتي محتاجة CCIE علشان تتنقل بين مستوى الشراكة مع سيسكو
من فضى لذهبي وهكذا
يعني من النهاية الموضوع بقى موضوع شراء شهادتك
انما خبرتك فماعتقدش انها بقت مهمة لان الشوق معتقدش انه بالحجم الى يسع كل هؤلاء المهندسين
ومهندس واحد فى شركة قادرعلى عمل كل مشاريع الشركة

السلام عليكم
اسمحلي اختلف مع حضرتك تماما في تحليلك للموضوع
اولا القصه اللي حضرتك ذكرتها دي معناها انه عبقري و ده ميعبهوش!!!!
اما موضوع انه ممسكش سويتش في حياته,يمكن قصد حضرتك انه ممسكش سويتس عندكوا!!!!
لان الامتحان بيكون عملي علي اجهزه حقيقيه(مش دينامبس يعني) و كمان ضافوا للامتحان جزء troubleshooting دا غير ان مستوي الامتحان (العملي) دا صعب جدا و ممكن جدا فطاحل من اصحاب الخبره عندكوا( و اللي مسكوا سويتشات لما ادههم اتهرت) ميعرفوش يحلوه, دا يعني اصلا لو كانوا فهموا الاسئله بتاعته
مش عارف ليه حسيت غمزك علي كفاءته مثيره للاستغراب جدا بالنسبالي,انت عامل زي واحد بيقولك انا واخد جايزة نوبل في الكمياء و انت بتقوله يا عم روح انا عمري مشوفتك ماسك سحاحه
يا ريت يا جماعه منحاربش الكفاءات و نسخر منها لمجرد انهم ارتكبوا خطاء فظيع و مدمر انهم تفوقوا علينا رغم انهم احدث مننا بكتير و بالتالي وجب اعلان الحرب عليهم و تدمرهم تدميرا و جعلهم عبره لغيرهم ممن يحاولون تخطي الاسياد(اللي مسكوا سوتشات لما اديهم اتهرت)

[ahab]

السلام عليكم
اسمحلي اختلف مع حضرتك تماما في تحليلك للموضوع
اولا القصه اللي حضرتك ذكرتها دي معناها انه عبقري و ده ميعبهوش!!!!
اما موضوع انه ممسكش سويتش في حياته,يمكن قصد حضرتك انه ممسكش سويتس عندكوا!!!!
لان الامتحان بيكون عملي علي اجهزه حقيقيه(مش دينامبس يعني) و كمان ضافوا للامتحان جزء troubleshooting دا غير ان مستوي الامتحان (العملي) دا صعب جدا و ممكن جدا فطاحل من اصحاب الخبره عندكوا( و اللي مسكوا سويتشات لما ادههم اتهرت) ميعرفوش يحلوه, دا يعني اصلا لو كانوا فهموا الاسئله بتاعته
مش عارف ليه حسيت غمزك علي كفاءته مثيره للاستغراب جدا بالنسبالي,انت عامل زي واحد بيقولك انا واخد جايزة نوبل في الكمياء و انت بتقوله يا عم روح انا عمري مشوفتك ماسك سحاحه
يا ريت يا جماعه منحاربش الكفاءات و نسخر منها لمجرد انهم ارتكبوا خطاء فظيع و مدمر انهم تفوقوا علينا رغم انهم احدث مننا بكتير و بالتالي وجب اعلان الحرب عليهم و تدمرهم تدميرا و جعلهم عبره لغيرهم ممن يحاولون تخطي الاسياد(اللي مسكوا سوتشات لما اديهم اتهرت)

معلش أخي انت فاهم الموضوع غلط تمامًا وعندك سوء ظن
لكن احنا هنا في السعودية شايفين العجب وعارفين الدنيا ماشية ازاي
لا عبقرية ولا شيء

في معهد هنا في الرياض خلال 3 أشهر بيحفظك امتحان ال ccie وعندهم التحديث اول بأول

بل الأعجب من ذلك إنه كان في منحة تابعة لجامعة الملك سعود وفي نهاية هذه المنحة استعانوا بهذا الشخص الهندي ليدرب الطلاب على النجاح في ال ccie

هنا في السعودية لو معاك ال ccie حتى لو لم يكن عندك أي خبرة ممكن تجد عمل ب 15 ألف ريال

ولذلك كثير من الطلاب يلجأوا للتدريب فقط على الامتحان دون استيعاب كامل للمحتوى

[Captain Tifa]

معلش أخي انت فاهم الموضوع غلط تمامًا وعندك سوء ظن
لكن احنا هنا في السعودية شايفين العجب وعارفين الدنيا ماشية ازاي
لا عبقرية ولا شيء

في معهد هنا في الرياض خلال 3 أشهر بيحفظك امتحان ال ccie وعندهم التحديث اول بأول

بل الأعجب من ذلك إنه كان في منحة تابعة لجامعة الملك سعود وفي نهاية هذه المنحة استعانوا بهذا الشخص الهندي ليدرب الطلاب على النجاح في ال ccie

هنا في السعودية لو معاك ال ccie حتى لو لم يكن عندك أي خبرة ممكن تجد عمل ب 15 ألف ريال

ولذلك كثير من الطلاب يلجأوا للتدريب فقط على الامتحان دون استيعاب كامل للمحتوى


:eek::eek::eek::eek::eek:
!!!!!!!!!!
لا تعليق !!!!

[elsewessy]

معلش أخي انت فاهم الموضوع غلط تمامًا وعندك سوء ظن
لكن احنا هنا في السعودية شايفين العجب وعارفين الدنيا ماشية ازاي
لا عبقرية ولا شيء

في معهد هنا في الرياض خلال 3 أشهر بيحفظك امتحان ال ccie وعندهم التحديث اول بأول

بل الأعجب من ذلك إنه كان في منحة تابعة لجامعة الملك سعود وفي نهاية هذه المنحة استعانوا بهذا الشخص الهندي ليدرب الطلاب على النجاح في ال ccie

هنا في السعودية لو معاك ال ccie حتى لو لم يكن عندك أي خبرة ممكن تجد عمل ب 15 ألف ريال

ولذلك كثير من الطلاب يلجأوا للتدريب فقط على الامتحان دون استيعاب كامل للمحتوى



السلام عليكم
مفيش حاجه اسمها معهد يحفظك ال ccie
دا كان يبقي افضل مركز في العالم
و كان عددهم في السعوديه بقي عشرات الالاف !!!!
الكورسات المركزه اللي حضرتك بتقول عليها موجوده و اسمها ccie bootcamp
بس دي بتجي كتتويج لمجهود طويييل من المذاكره و الاستعداد و دي تعتبر زي مراجعة قبل الامتحان
انما لو انت مش جاهز و لا حيكون ليها اي لازمه
و زي مقولت لحضرتك لو فيه حاجه اسمها تحفظ ال ccie
كان عدد اللي معاهم الشهاده دي يبقي بالملايين و كانت ماتت زي شهاده mcse

[I LoVe Cisco]

الواحد كدا هيحتار ياجماعه بجد طب لو واحد زيي لسه خريج ومعيرفشي سوق العمل في مجال الشبكات ايه نظامه

((( دا لو كان في سوق عمل في مصر دلوقتي)):D:D:D:D

اكتر الوظائف اللي الواحد بيشوفها علي النت

Net Developer
PHP Designer

بصراحه اكتر حاجه بشوفها قدامي هي الحاجات دي واكيد اي حد بيدور هيلاقيها مطلوبه جدا

بس هل معني دا ان الناس توقف عن الشبكات وكفايه لحد كدا ولا ايه ؟؟؟؟؟

ارجو الافاده من الناس اللي هي خبره في مجال الشبكات عامه مش سيكو بس يعني ممكن سيسكو وميكروسوفت وغيرها

ياريت الناس اللي ليها خبره في المجال دا تقول رايها لانه لو بجد المجال فعلا متوقف يبقي الواحد يدور علي مجال في المجالات اللي فوق دي احسن ماندفع في الامتحان فلوس وفي الاخر تبقي شهاده وخلاص وبردوا مفيش شغل

ارجو الافاده لو سمحتم