المساعد الشخصي الرقمي

مشاهدة النسخة كاملة : القاهره للبدل بأعلى phenom 2 X2 555 BE مفتوح الاربع انويه بكفائه عاليه جدا



amrmovie
14-05-2011, 07:45
القاهره للبدل بأعلى phenom 2 X2 555 BE مفتوح الاربع انويه بكفائه عاليه جدا و بدون اى مشاكل و لم يتم عمل اى كسر سرعه شراء شهر 3/2011 يعنى من شهريين بس ضمان 3 سنيين .

سبب البدل ان انا عندى كيسه عاديه مش احترافيه و كمان انا مشغل البروسيسور بالمشتت الاصلى و الكل عارف ان لما الانويه الاربعه بتتفتح درجة حرارة سطح المعالج بتكون عاليه زى اى معالج رباعى الانويه و الحراره دى يحتاج مشتت احترافى و كيسه احترافيه عشان التهويه و انا معنديش اى نيه لتحمل التكلفه . درجة الحراره بالنواتيين فقط طبيعيه و مش محتاجه اى مشتت احترافى اى كيسه احترافيه و حتلاقوا فى الموضوع ده صوره للبروسيسور بالضغط لمدة نصف ساعه بدون فتح الانويه و بعد فتح الانويه ( اليوم ده كان الجو حر جدا لو فاكريين ) .

https://www.arabhardware.net/forum/showthread.php?t=231730

سعر الشراء 675 جنيه عشان صاحبى شغال فى المحل و جابلى بروسيسور الباتش بتاعه يقبل فتح الانويه ( بروسيسور مخصوص يعنى ) فأرجو تقدير سعر البروسيسور بما يرضى الله عند وضع فرق القيمه مع مراعاة انه مفتوح الانويه الاربعه فمش طبيعى انه يتقدر بسعر بروسيسور مش مفتوح الانويه .

البدل ب phenom 2 X4 فقط و ليس Athlon 2 و يكون فى الضمان

اسف على الاطاله و لكم جزيل الشكر

amrmovie
15-05-2011, 06:49
فيه امكانيه للبيع

mahmoud_7272
15-05-2011, 09:19
ايه الفرق مابينphenom 2 X2 555 BE و phenom 2 X4

ده بقى رباعى النواة وده رباعى النواة يعنى الإثنين عاوزين كيسة إحترافية

طب ايه الفرق

TIMO1
15-05-2011, 10:18
ايه الفرق مابينphenom 2 X2 555 BE و phenom 2 X4

ده بقى رباعى النواة وده رباعى النواة يعنى الإثنين عاوزين كيسة إحترافية

طب ايه الفرق



كلام حضرتك مظبوط بس فى تعديل صغير انه محتاج مشتت احترافى علشان الكيسه الاحترافيه مش هاتعمل فرق كبير فى انخفاض درجات الحراره بعكس لو فى مشتت احترافى زى الهايبر 212 او الزلمان بيرفروما هما دول الى بيعمل الفرق الكبير فى درجات الحراره والكيسه الاحترافيه علشان منافد التهويه للمشتت وعلشان حجمه بيبقى كبير ممكن يعاكس فى قفل الباب مع انه ده مش اساسى المهم ياريت يا استاذعمرو تبعتلى سعر البيع على الخاص

amrmovie
15-05-2011, 20:14
البروسيسور يجيلك و فوقيه بوسه يا عم تامر . و بالنسبه لاستفسار الاخ X4 بيجيى معاه مشتت اقوى من المشتت اللى بيجيى مع X2

rado90
16-05-2011, 16:57
السلام عليكم
لو في امكانية للبيع ياريت النهائي علي الخاص
مع العلم ان سعر البروسيسور جديد 560 جنيه ...
وشكرا

amrmovie
17-05-2011, 06:04
ارجو من الساده المشرفيين غلق الموضوع لعدم وجود اى سعر عادل ( بصراحه الواحد شكله حايبطل يبيع اى حاجه فى المنتدى الحاجه اللى سعرها 500 تلاقى واحد بيقولك 300 ) شكرا جزيلا

mahmoud_7272
17-05-2011, 08:20
ياأستاذى يعتبر موقع عرب هارد وير كلهم ناس خبرة ومحترفة

ادينى عقلك حاجة جديدة 550 جنيه عاوز تبعها بكام

يادوب 300 أو 350 أو 375

وشكرا

TIMO1
17-05-2011, 10:07
كلام حضرتك صحيح وفعلا منتدى عرب هاردوير كله ناس خبره ومحترفه فتبقى عمليه تقدير للسلعه ميبقاش الحاجه ب550 واستعمال شهر وتنزل من سعرها التلت انا مش بدافع عن صاحب السلعه مع انه حبيبى بس فى اى سلعه كانت بتبقى العمليه تقديريه ونسبه وتناسب بس مده الاستهلاك والسعر الموزاى للسلعه وعلى حسب سعرها كل ما الحاجه بتبقى سعرها كبير نسبه النزول بتبقى اكتر من لما بتكون سعرها قليل يعنى فرضا حاجه ب2000 لو نزلت 10% من سعرها تبقى 200 جنيه ولو حاجه سعرها 600 تبقى 60 جنيه فدى بتبقى نسبه وتناسب مش قاعده بس كلام حضرتك 300/350/375 لو مخلص ضمانه مش هايتباع بالسعر ده وفى اخ كان عارضه من غير ضمان ب400 ياريت ياخى الفاضل تبصلها من منظور البائع مش من منظور الشارى بس وشكرا .

amrmovie
17-05-2011, 17:13
ياأستاذى يعتبر موقع عرب هارد وير كلهم ناس خبرة ومحترفة

ادينى عقلك حاجة جديدة 550 جنيه عاوز تبعها بكام

يادوب 300 أو 350 أو 375

وشكرا

يعنى بذمتك لو حاجتك اللى بتبيعها و شاريها من شهرين بس ترضى تبيعها ب 60% من تمنها ؟ اتقى الله و النظام ده هو اللى بيخلى الناس حاتبطل تبيع فى المنتدى . المفروض يكون فيه عدل ورحمه و عدم استغلال لظروف الناس

amrmovie
18-05-2011, 06:26
ارجو غلق الموضوع عشان دمى ما يتحرقش اكتر من كده . انا حابقى استعمل البروسيسور و ابيعه كمان سنه ان شاء الله عشان يبقى مستعمل بجد