انفجار بجهازي

[mohamedpchell]

السلام عليكم و رحمة الله وبركاته
قد لا تصدقون ما اقوله :eek: شئ غريب جدا كعادتي طبعا:D
استيقظت من النوم الفجر تقريبا و قمت بتشغيل الجهاز تمام
لأفاجأ عند تشغيله بصوت فرقعة عالي و نور عند منطقة محرك الأقراص الناحية اليمني من الكيس طبعا طرت من مكاني و فصلت الكهرباء فتحت الجهاز لاشئ وجدته سليم تماما لا رائحة احتراق او اي شئ فقط قليل من التراب لكن كل شئ سليم قمت بتشغيل الجهاز مره اخري عمل بسلاسة بدون مشاكل فحصت كل شئ كل شئ كان سليم 100% كأن شيئا لم يحدث :confused:
اكاد اجن ماهذا الذي اسقط قلبي بين قدمي ممكن عنكبوت او حشرة ماتت :confused: والله لا امزح الصوت كان قويا و كذلك الإضاءه كأنه قنبلة :o ام تفريغ شحنة ام ماذا هذا الإنفجار حدث لي من قبل لكن الصوت كان اقل قليلا و لم يكون هناك مؤثرات ضوئية :D و كان سببه مزود الطاقة عندما انفجر لكن هذه المرة مصدر الأنفجار كان اسفل منطقة مشغل الأقراص تماما وهي منطقة فارغة واسلاك الباور لدي كلها مغلفة أي لايوجد تلامس بينها وبين اي شئ
هل احد لديه تفسير ياشباب :eek: ؟؟؟ لهذه الحادثة :D

[Luffy]

طب مش يمكن الكاميرا الخفية :D

يعني بعد الانفجار ما شفتش حدا يقللك لو عايز تزيع قول زيع ومن الكلام دا :D ههههههههههه

في الغالب سبب الفرقعة بتكون من الباوربس الحمدلله طالما جت سليمة

[XTRIP]

هل الروم بتاعك شغال كويس دلوقتي ؟

[mohamedpchell]

مش بعيد و الله يكون الجهاز بيستظرف علي الصبح
انا جبت البلور و عملت حملة تنظيف و بصيت و شيكت علي كل حاجه كله سليم مفيش حتي ريحة شياط و كمان الأغرب السيدي روم كمان سليم ومن جوه الويندوز قلت اتأكد من الباور ضغطت علي المعالج و كمان الفيجا و عليه ببرنامج CCT و MSI KOM و Linx كله سليم
ممكن ده يكون شحنة بيفرغها الباور و لا فعلا عنكبوت اتلسع :D

[anistoona]

أو كان في عفريت بايت جوة :) .. المهم إنها عدت على خير ، ويبقى إتأكد إن ما فيش سلك مش متغطي كويس أو في وصلة متلخلخة ..

[crees-85]

هههههههههههههاي يبقى فلوسك حلال يامعلم واصل على هذا الكمبيوتر .

[Ahmed Elbrbry]

شكله كان حلم
ابقى اشرب نسكافيه وصحصح

[g41-es2l]

انا حصلت لى مشكله مشابهه من قبل كنت اضع اسطوانه فى محرك الاقراص سمعت صوت عال فكان تكسير الاسطوانه و الابره الخاصه ب محرك الاقراص
و ممكن يكون سبب مشكلتك التراب على المروحه (مروحة المعالج )

[bits&bytes]

أيوه أنا عرفها الحكاية دي أخذتها في المدرسة قبل كدة. الصبح يكون في ندى صح. ولما الندى يتكربن مع الشحنات الكربائية الموجبة الخارجة من سلك مزود الطاقة ينتج مجال مغناطيسي يتأثر بدوران قرص ال DVD مع دوران مراوح كرت الشاشة. ولما يحصل كل ده يطلع الديك بدري الصبح ويقول كو كوووو كو كووووووووووووووو.

[يونس محمد]

ما جبت المحقق كونان عشان يعرفلك يمكن هذا التفجير من جهات :):)او من صرصور انتحاري

[EGY-F0X]

الله عليك يامعلم ايه الحلاوه دى :D
الجهاز ده بيسطعبط ومدارى عليك

[alexandro]

ابقا اتغطي كويس

[mahdi611]

متبقاش تنسى قبل ان تضع يدك على زر التشغيل ان تسمي بالله ولو زودت كمان اشتاتا اشتوت ميضرش :D

[mohamedpchell]

هههههههههههههههههههه
مهو ده اللي احنا فالحين فيه التريقه وبس:D
مش عارف ليه مشككيين في قواي العقلية :rolleyes:
عموما عشان اكبسكم اخوي كان موجود معاي في الأوضة :ah50:
بس مسمعش حاجه :D
عموما بعد التحريات و الفحص الدقيق المتأني جدااااااااااااااا النابع من قدراتي علي مواجهة الكوارث الحاسوبية و .......
توصلت انه قد يكون اي سي او مكثف من الديفيدي اتكل علي الله لأنه بعدها طلع صوت غريب بس اشتغل عادي لأن الجهاز كله سليم و مفيش سلك عريان كلهم متغطيين كويس :D ومفيش اي شياط
او ممكن ناموسة او عنكبوت تم تفجيره يااه لو تبقي الناموسه اللي في بالي :D
الحمدلله انها جت سليمة بعد كده هحط خرزه زرقا علي زرار الباور و ألف 13 لفه قبل ما افتح الجهاز
ومتشكرين ياجماعة علي التريقة و التضامن الجميل معي :rolleyes:

[سعد المملوك]

https://t3.gstatic.com/images?q=tbn:ANd9GcRhMz2o88RNigOvPbb4-y2HUl_S-W5yOmsn4SX2xhrFJ9bWaQ3F

[bits&bytes]

حسستني بالذنب يأخي الكريم:( بالفعل شكلنا زودناها شويه. أرجوا منك تقبل إعتذاري وبصراحة كده الموضوع وطرحه والردود ضحكوني كثير

[mesoka]

كان الله معك فى لحظة حدوث الانفجار
الحمد لله انها جت سليمة

[Coolman4now]

- الموضوع يحدث أكثر مما تتخيل ، عوضك على الله فى السى دى روم أو الدى فى دى او أيا كان محرك الأقراص لديك عموما.

[mahdi611]

ابدا اخي الحبيب محدش مشكك بقواك العقليه بس المشكله شويه غريبه ولو كنت مكانك حفضل متسمر بمكاني

واقعد يومين ادور على تفسير منطقى وتقبل اعتذارنا لو حسيت اننا ضايقناك

بس هي بالفعل ممكن تكون حشره بسيطه وفرقعت وانت لاحظ بعد ما نظفته بالبلاور مش حتحصل الحكايه تاني وابعد عنه اي مصدر لدخول الحشرات الطياره

الحاجه التانيه اعد تثبيت الكوابل صح لجميع القطع

اكرر اعتذاري مره اخرى لو تضايقت

[mohamedpchell]

جزاكم الله خيرا يا أخوه انا ما تضايقت عادي يعني :) و صافي يا لبن و هو موقف فعلا غريب و مضحك
وبالذات معي انا لأنه الجهاز هذا بالذات له معي اشتغلات هندي كثير بس الحمدلله ديما بتعدي علي خير :o
و اخي كول للأسف مشغل الأقراص لدي ذا النوع السري:ah51: الذي لن اسمح لأحد ان يعرف نوعه اطلاقا :D
يعمل بدون مشاكل لينسف كل تحليلاتي بالرغم من عبقريتها و ذكائها و منطقيتها :ah27:
عادي هعتبر الجهاز بيهزر معاي شكله ناوي يصاحبني :D

[g41-es2l]

ايه بقى نوع المشغل السرى ده يا باشا علشان اشترك معك فى تجاربك و ابحاثك اللى شاكك انها مش ولا بد

[mahdi611]

عادي ياجماعه لا سري ولا حاجه اللهم بيلف الاسطوانه بدل من اليمين للشمال بيلفها بالعكس من الشمال لليمين علشان تقرأ المعلومات السريه المشفره اللي حضرته مش عاوز يقوللنا عليها واللي انا كمان شاكك انها مش ولا بد:D:D:ah4:

[Mohamedmofa]

اهتم بيه يا معلم و نضفه كل اسبوع
و الحمد لله عدت على خير :)

[XCURSE]

يا اخى مش انت مركب فى الكيسه بتاعتك صاعق للناموس من منصه AMD :D

الحل الوحيد انك تكسر سرعه الصاعق ده مع تزويد الفولت

انا اعتقد والله اعلم ان المشكله الاساسيه هو التيار الكهربائى اللى داخل للجهاز
حاول تجيب منظم للكهرباء من نوع كويس والمشكله هتختفى ان شاء الله ولو مافيش ماليه بيع الصاعق :ah50:
اسف اخى بهزر معاك والله

[Mohamed.Ashmawy]

و الله انا اتخضيت من العنوان افتكرت الجهاز حصله حاجه لا سمح الله :D

[شاهيين]

هى حصلت معايا مره
بس انات كنت مشغل الجهاز بيعمل دوون لوود و فرقع مرتين ورا بعض بينهم دقيقه تقريبا و الصوت اتسمع فى الغرفه الاخرى
و قمت طفيت الجهاز من البور اللى فى البورده و جيبت اشغله تانى يوم مشتغلش و طلع البور هوا اللى فرقع

[braheem]

ههههههه الحمد لله على السلامة

[كان ودي]

اعتقد ان عفريتة تعشقك وتحب ان تلعب معك :D:D:D

[mohamedpchell]

اعتقد ان عفريتة تعشقك وتحب ان تلعب معك :D:D:D
بلاش عفاريت و حياة والدك عشان بانام في نفس الغرفة اللي بها و الجهاز ومش طالبة اشتغلات في النوم كمان كفاية استعباط الجهاز :D

[كان ودي]

بلاش عفاريت و حياة والدك عشان بانام في نفس الغرفة اللي بها و الجهاز ومش طالبة اشتغلات في النوم كمان كفاية استعباط الجهاز :D

قوي قلــــــــــــبك
https://www.andalusiaexpress.com/images/MountainDew_355ml.jpg
:D