اشتريت هارد جديد و لكن ....

[AlaaGhost]

السلام عليكم و رحمة الله و بركاته

قمت اليوم بشراء هارد WD 2T Green
و بعدما اخرجت الهارد من غلافه و جدت الآتى

1- فيه ملصق صغير بأرقام عربية (صورة رقم 1)
و انا عمرى فى حياتى ما اشتريت هارد و كان عليه هذا الملصق
ثم ان الهارد بييجى من بلاده متقفل جوة الغلاف بتاعه فإزاى وصل ملصق بأرقام عربية الا اذا كان قد فتح و تم لصقه ثم اعيد تغليفه بأى طريقة كانت
و انا اشك ان هذا الهارد ربما كان به عيوب و تم اصلاحه بالتوكيل و ان هذا الرقم خاص برقم الهارد عندما كان فى عملية الصيانة والإصلاح
فهل انا محق بهذه النقطة


صورة (1)
https://img854.imageshack.us/img854/1250/scan0003t.jpg

2- من جانب الهارد انا شايف الأسطوانات التى بداخل الهارد (صورة رقم 2)
انا اعرف ان الاسطوانات تكون بمعزل عن الهواء داخل الهارد
فهل من اشترى هذا الموديل وجد به هذه الملاحظة


صورة (2)
https://img808.imageshack.us/img808/3783/scan0004ht.jpg


انا اشتريت الهارد و كنت راجع البيت سعيد به ، و لكنى دلوقتى زهقان منه و مش عايز اركبه جوة الجهاز و عايز اعرف رأيكم عشان ارجعه

[tarekforall]

وعليكم السلام ورحمة الله وبركاته
بخصوص الملصق فهذا لا مشكلة فيه وأغلب الأقراص التي أراها تأتي برقم يضعه الوكيل أو التاجر على كل قرص.
أما الصورة الأخرى فهي غير واضحة ولكن طبعاً هي ليست الاسطوانات الداخلية لأنها لو هي كذلك فلن يعمل القرص.

شغل القرص واكشف عليه ببرنامج HD Tune (التبويب "Health")

[AlaaGhost]

انا متشكر جداً لحضرتك لسرعة التفاعل و الرد
هاقفل الجهاز عشان اركب الهارد الجديد و اجرب اكشف عليه و ارد تانى على حضرتك

[مركز بيع العاب]

بالنسبة للارقام ممكن تكون خاصة بالوكيل لان معظم الهاردات اللى بجيبها بيكون عليها الارقام دى


بالنسبة للصورة التينة مينفعش ان حضرتك تشوف الاقراص الداخلية لانها بتكون معزولة عن الهواء المحيط بااهرد بنوعية غاز معين و لا تعمل فى الهواء العادى فاكيد الهارد لا قدر الله لو الاسطوانات هى فعلا اللى ظاهرة مش حيفتح معاك

[AlaaGhost]

اول حاجة انا متشكر جداً ليكم على ردودكم و تعاونكم
يكفى اننى دائماً عندما يكون لى سؤال تقنى عن الهاردوير اقوم بوضعه فى منتدين او ثلاثة بنفس الوقت لضمان الحصول على رد سريع
ودائماً يكون ردكم على الاستفسار اول واسرع رد و الرد الاحترافى ، هذا ان تلقيت ردود من المنتديات الأخرى اغلب الاوقات :rolleyes:
و بالنسبة لمشكلتى الخاصة بالنقطة الثانية ، فأنا لدى هارد ويسترن بلاك قد كنت اشتريته من حوالى عام او اكثر ووجدته يماثل الهارد الجرين فغالباً هذا هو تصميم الهاردات الويسترن


و دى نتيجة برنامج hd tune
https://img696.imageshack.us/img696/6606/hards.png


و انا دلوقتى بعمل فحص على الباد سيكتور من خاصية Error scan ولما يخلص بإذن الله سوف ادخل على موقع ويسترن و ادور على برنامج التقسيم الخاص بموديل الهارد بتاعى
لأنى انا فاكر لما اشتريت الهارد البلاك من سنة و حاولت انى اقسمه ببرنامج البارتشن ماجيك او الاكرونيس عمل ايررور و مارضاش يتقسم غير لما نزلت برنامج التقسيم الخاص به من موقع الشركة

[tarekforall]

القرص يبدو سليم ولا مشكلة به اطلاقاً :) مبروك :)
يجب أن تقسم هذا القرص من ويندوز 7

[mohammed_kamal]

كدا كدا فى ضمان يا راجل
لو حصل حاجه
انت شكك اوى على فكره

[AlaaGhost]

كدا كدا فى ضمان يا راجل
لو حصل حاجه
انت شكك اوى على فكره

انا فعلا من من النوع اللى بيقلق جامد و يمكن عشان كان ليا تجارب و حوادث سيئة مع الهاردات
المشكلة كمان بتبقى فى الداتا مش فى الهارد نفسه
و فى الآخر كله بتاع ربنا ، الواحد يسلم امره لله و كل شىء هايبقى تمام ان شاء الله بس الواحد بيحاول يتوخى الحرص شوية