رأيكم فى اى المعالجات افضل AMD x6 < Intel I5

[Ahmed.Saleh]

انا مقبل على شراء جهاز وعاوز اعرف ايهم افضل بين المعالجات التاليه
2-Phenom II X6 1055T 2.8 9M
ام
3-Phenom II X4 955 3.2GHZ Cache 8M
ام
1-INTEL CORE I5 760 2.8/8M/2.5GT/S - Soket1156

لأنى وجدت فى احد الموضوعات الخاصه بمقارنه AMD ب Intel انه ال اكس 4 اللى فوق افضل من الاكس 6 اللى فوقيه
الجهاز هيبقى شغله عباره عن تطبيق لكورسات بخدها ف الشبكات وللألعاب ومستقبليا لبرامج الجرافيكس

[يونس محمد]

ما طبيعة استخدامك للجهاز
انا بفضل من تجربة فهو معالج جبار
INTEL CORE I5 760 2.8/8M/2.5GT/S - Soket1156

[Ahmed.Saleh]

الجهاز هيبقى شغله عباره عن تطبيق لكورسات بخدها ف الشبكات وللألعاب ومستقبليا لبرامج الجرافيكس

[يونس محمد]

INTEL CORE I5 760 2.8/8M/2.5GT/S - Soket1156
+1

[يونس محمد]

https://www.anandtech.com/bench/Product/191?vs=147
هاي مقارنة بين المعالج t1055 vs gorei5760
معالج الانتل متفوق في الالعاب والمعالجيت متقاربين في البرامج

[Ahmed.Saleh]

طيب هوه انا كونت بفكر اجيب ال ايه ام دى لانه الماذر كونت هجيبها تدعم ال AM3+ فى حاله الانتقال للبلدوزر ودى انا شايفها ميزه

فهل تعتقد انه ال I5 برضوا يكسب
واذا كونت مصمم على الايه ام دى يبقى ايهم افضل ال X4 955 ولا ال X6 1055T

[omaar97]

ولماذا لا يوجد i5-2500K ضمن القائمة ؟؟
فهو الأحدث والأفضل + لوحات الساندي بريدج الحالية ستدعم Ivy Bridge القادم في شهر 3-4 في سنة 2012

[g41-es2l]

انتل i5 صحيح انه رباعى النواه لكن امكانيتة جبارة و معماريتة افضل من اية ام دى x6 و x4
ولكن يا اخى الكريم اختيار المعالج يتوقف على نوعية البورده اللى حضرتك هتجيبها

[Ahmed.Saleh]

انا فاهم الموضوع ده انا هجيب الماذر متوافقه مع المعالج يعنى المعالج اولا ثم الماذر
انا اذا جبت الI5 هجيب الماذر دى GIGABYTE P55-UD3L
وبالنسبه لل i5-2500K انا مش عارف سعره
بس شوفو انا ميزانيتى 2800ج وعاوز كيسه كامله شوفوا انتوا ايه اللى ينفع
او حتى قولولى المعالج ده i5-2500K سعره ايه وايه البورده اللى تتوافق معاه وسعرها

[يونس محمد]

ولماذا لا يوجد i5-2500K ضمن القائمة ؟؟
فهو الأحدث والأفضل + لوحات الساندي بريدج الحالية ستدعم Ivy Bridge القادم في شهر 3-4 في سنة 2012
+1
اقتراح ممتاز لانو معالج 2500k افضل من جميع المعالجات الي ذكرتها وكمان معنارية احدث وحرارة اقل وامكنيات رهيبة في الكسر بيكون افضل خيار واختارو بحرف k لانو ممتاز في الكسر اذا نويت تكسر

[يونس محمد]

بوردات p65 p67 h67 z68 جميع هاي البوردات داعمة لل i5 2500k

[Ahmed.Saleh]

طيب ده انا مش لاقى سعره كام
والماذر اللى تتوافق معاه ايه وبرضو سعرها كام عشان الميزانبه ما تخرمش منى

[Ahmed.Saleh]

انا لاقيت انه اللوحات الام السابق ذكرها اسعارها عاليه
واكيد المعالج ايضا سعره عالى على الميزانيه

اذا الرأى النهائى انه ال760 i5 متفوق على ال X6 1055T فى البرامج والالعاب حتى وان كانت منصه ال AMD قابله للتحديث الى الBuldozer
ده اللى انا مستنتجه
كده صح ولا ايه ؟؟؟؟؟؟؟؟؟

[DATA4HOST.NET]

انصحك ماتجيبش Phenom II X4 955 3.2GHZ Cache 8M

جايبة فى الجهاز الجديد و ادائة مش مرضى بالنسبة لى

حاسس ان الجهاز تقيل شوية و احيانا بيهنج

مش عارف دا عيب حاجة معينة ولا البروسيسور


و خد بااااالك اووووى


لو الصوت المروحة العالى بيزعجك اوعى تجيب اية ام دى و خليك فى انتيل

لان الاية ام دى حرارتة اعلى و بالتالى المروحة هتشتغل بسرعة اعلى و الصوت هيبقى عااالى

يا اما تجيب مشتت احترافى زلمان

[Ahmed.Saleh]

الصوت مش مشكله المهم الأداء
بس انتا ما حاولتش تشوف المشكله ف ايه يمكن من السستم او ممكن السبب يكون الهارد لانه التهنيج غالبا بيبقى سببه الهارد
انا عندى الهارد ساعات بيفصل باور وساعات تانيه الهاردين بيتعارضوا مع بعض والجهاز بيتقل وبيوقف

[moohindd]

عليك في الانتل اداء + بروده + تحمل الحراره + تكنلوجيا متطوره

[kingsetif]

الحمد لله انا معايا معالج AMD PHENOM IIX4 955 Black edition صراحة كثر من رائع مع امكانية كسر السرعة العالية تقد توصل 4.0GHZبسهولة
اما لو حاب تجيب انتل انصحك بالمعالجات الأخيرة منها

[Ahmed.Saleh]

يا جماعه الميزانيه مش مفتوحه
الميزانيه تجيب فقط واحد من الثلاثه اللى انا ذكرتهم فى البدايه
X6 1050T , X4 955 ,I5 760

وحتى الا ال I5 كسبان مع انى مايل لل AMD لانى هجيب ماذر تشيل البلدوزر انما لوحات الساندى بردج غاليه وبكده هكسب ماذر تنفع دلوقتى وقدام كمان مع اضافه امكانيات كسر السرعه للAMD

[ZEX]

انا رأى تأجل الموضوع ده شويه لحين نزول حجات جديده

لو محتاج ضرورى ممكن تشترى i5 2500 وبرده من p67 او z68
عشان تعرف تطور بعدين غير كده لا انصحك بأى شريحه اخرى لهذا المعالج

فى ايضا amd بس تستنى البوردات الجديده احسن و ركب عاليها بروسسور و بعد كده غيروه للبلدوزر لأن البوردات هتنزل قبل المعالج بفتره كبيره نوعا ما





لو الصوت المروحة العالى بيزعجك اوعى تجيب اية ام دى و خليك فى انتيل

لان الاية ام دى حرارتة اعلى و بالتالى المروحة هتشتغل بسرعة اعلى و الصوت هيبقى عااالى

يا اما تجيب مشتت احترافى زلمان



صوت المروحه العالى ده من المشتت نفسه و ليس من المعالج
المعالج درجات حرارته عاديه زى اى معالج


و بالنسبه للبطىء فى جهازك ممكن يكون من الهارد او من نسخه النظام او البرامج او ممكن تكسر السرعه مع مشتت احترافى

[Ahmed.Saleh]

مرحب استاذ ZEX بص يا سيدى انا ناوى ان شاء الله اذا جبت الAMD هجيب ماذر
GIGABYTE GA-880GA-UD3H (rev. 3.1)
1-Support for AMD AM3+ processor
2-Support for AMD AM3 Phenom™ II processor / AMD Athlon™ II processor
3-Support for DDR3 2000(OC)/1333/1066 MHz memory modules

ودى بتدعم ال AM3+ يعنى تنفع للبلدوزر حتى اذا نزل وهتمشى معايا بالمعالج اللى هجيبه تمام وانا مش ناوى اغيلا قريب غير لما المعالج يقولى انا خلاص مش قادر اشغل اللى انتا عاوزه وده صعب شويه على ما اعتقد على الI5 او حتى ال X4 955

[ZEX]

ومن ناحيه المعالج ممكن تشترى مستعمل معالج جيد و تغيروه لما تجيب البلدوزر

بلاش جيجابيت لأنها مش هتدعم البلدوزر الا بالسوكت الاسود فقط , لكن اللوحه نفسها جيده
تعديل : اسف لم أأخذ بالى من اصدار البورده اللوحه بسوكت اسود
:) هل هى متوفره ؟

[phenomII]

ممكن تجيب 955 x4 وتوفر في الميزانيه لا النواتين الزياده في x6 معتقدش ليهم استخدام دلوقتي وبالفرق تجيب حاجه في الجهاز او حتي مشتت محترم .. ودا اداءه ممتاز في الالعاب والبرامج التقيله انا معايا بقاله سنه وعمري ماحسيت بتقل ولا تهنيجه .. وبالنسبه للحراره فا هي اقل من حراره الانتل يعني مبيسخنش ولا حاجه ..

[Ahmed.Saleh]

انا وجدتها فى احد موضوعات الشركات التجاريه اللى بتعلن فى المنتدى واخترتها لميزتها الشديده

يبقى كده يستقر الحال على معالج X4 955 والماذر اللى ف الموضوع ترقبا للبلدوزر بس هل هناك اكثر من اصدار ليه لانى بلاقى اوقات جنبه حرف B ,وساعات BE وساعات تانيه يبقى اسمه IIX4 955 Black edition
وشاكر جدا لردودكم الحلوه

[ZEX]

ايوه هما اصدارين الاصدار العادى ليس جنبه الى حروف و اصدار BE او Black edition الاتنين بمعنى بلاك ايدشن يعنى مفتوع معامل الضرب و هذا افضل اذا كنت تنوى كسر السرعه

[Ahmed.Saleh]

طيب وفرق السعر بين الاثنين العاده والسوبر زى ما بيقولو
(BE)

[ZEX]

اسعاره هنا

https://www.********.com/product.php?id=4886

مش عارف دى اى نسخه اتصل بالشركه و اسألهم

[Ahmed.Saleh]

الف شكر يا ربس

[MOBH]

أعتقد E7400 يتحمل شهرين أو ثلاثة
الأفضل تنتظر البلدوزر وماذربوردات 990FX.970

[g41-es2l]

لكن البلدوذر اول ما هينزل هيكون غالى جدا

[Ahmed.Saleh]

لكن البلدوذر اول ما هينزل هيكون غالى جدا

بالظبط كده
انا لو هستنى البلدوزر فمش هيبقى عشان اشتريه لكن عشان استفيد من نزول اسعار الفئات السابقه فقط لاغير
لانى صعب اشترى التكنولوجيا ON time انا دايما متأخر بجيل لانه سعر الجيل اول ما بينزل بيبقى نار