طلب تجميع كيسة فقط ب 2500 جنيه مصري

[zekara]

السلام عليكم ورحمة الله
عايز اجمع كيسة فقط بمبلغ 2500 وممكن يزيد حاجات بسيطة لو امكن
بعض الملاحظات
الاستخدام العاب
التجميعة عايزها AMD
هارد 500 جيجا
باور 500 وات
مازر جيجا بايت
ديفدي عادي جدا رايتر مش لازم بلو راي
الشاشة موجودة 19 بوصة

[zekara]

للرفع

[Ahmed.Saleh]

بسم الله الرحمن الرحيم
شوف يا سيدى دى تجميعه AMD حلوه ومكن مسنقبلا تعدل المعالج وتجيب مثلا Phenom x6 او x4

ASRock 880GMH-LE/USB3 socket AM3 510 LE HighEnd
AMD Phenom™ II X2 555 3.2GHz Black Edition 555 LE Compunil
Kingston 2GB/1333/CL9 DDR3 x2 280 LE
Samsung 22X DVD-RW DL 115 LE Maximum Hardware
COOLER MASTER Elite335, 400W 320 LE Technology House
دلوقتى عندك اختيارين يا اما تجيب كارت فيجا SAPPHIRE HD 5770 Vapor-X 1GB GDDR5 800 LE Technology House
او كارت Gainward GeForce® GTS 450 1024MB 740 LE Cairo Computer
ويبقى الاجمالى فى حاله ال 5770 = 2580 LE
الاجمالى فى حاله ال 450 = 2520 LE انا ارشح دى لانه كارت الفيجا هيشتغل معاك على الباور اللى فالكيسه انما ال 5770 عاوز باور 500 وات على الاقل

وانتظر رأى باقى الاخوه الافاضل فى التجميعه واقتراحاتهم
انا كاتب كل قطعه والمحل اللى تلاقيها فيه والاسعار تبقا لموقع https://www.********.com

[ENG.Bishoo]

Processor AMD phenom II x2 555 ...........550
580 ..............MB asus M4A88T-M/USB3
140...................2GB ram 1333
vga AMD HD 5670 1Gb DDR5 saphire ..................600
hard WD 1 TB.................... 350
350.................... case cooler master elite 310

DVD samsung .................... 130
2700
هى ازيد شويه بس ممتازه

[the tiger 2017]

كحرته باشا شكرا على التجميعه لأنها أفادتنى طبعا :)
ليا سؤال ..
انا ارشح دى لانه كارت الفيجا هيشتغل معاك على الباور اللى فالكيسه انما ال 5770 عاوز باور 500 وات على الاقل
هل ده معناه ان الكارت ال sapphire قوى والكارت Geforce ضعيف ؟ لو كده يبقى من الأفضل إن الراجل ياخد الكارت القوى لأن السعر متقارب بين الإتنين .. ويزود الباور

[Ahmed.Saleh]

لو زود الباور يبقى هيجيب كيسه لوحدها وباور لوحده و اقل باور 500 وات سعره 350ج واقل كيسه هتعمل نفس السعر تقريبا
والكارت السافاير جامد والجى فورس برضو شديده انا اختارته لانه انا مقيد بالفلوس اللى معاه

لو يقدر يزود ويجيب باور 500 ويبيع اللى جاى مع الكيسه يبقى اشطه ويبقى الفرق بين اللى اتباع والجديد هوه الزياده
يا اما يجيب كيسه فقط وباور لوحده

[the tiger 2017]

لو زود الباور يبقى هيجيب كيسه لوحدها وباور لوحده و اقل باور 500 وات سعره 350ج واقل كيسه هتعمل نفس السعر تقريبا
والكارت السافاير جامد والجى فورس برضو شديده انا اختارته لانه انا مقيد بالفلوس اللى معاه

لو يقدر يزود ويجيب باور 500 ويبيع اللى جاى مع الكيسه يبقى اشطه ويبقى الفرق بين اللى اتباع والجديد هوه الزياده
يا اما يجيب كيسه فقط وباور لوحده

طيب الباور اللى جاى مع الكيسة ده هيبقى كويس ؟ من المواضيع اللى قريتها هنا فهمت إنها باورات تجارية ومتنفعش .. طيب أنا لو مش ناوى أشترى كارت شاشة , لكن هجيب رامات 4 جيجا وهارد 1 تيرا يبقى هل الباور التجارى اللى جاى مع الكيسة ده هينفع وهيبقى كفاءة ؟ خد بالك مش هشترى كارت شاشة , يعنى هبقى لما أنوى أشترى كارت شاشة هبقى أشترى معاه باور جامد , فإنت إيه رأيك ؟ الباور التجارى هينفع ؟

[Ahmed.Saleh]

البور اللى جاى مع الكيسه ال COOLER MASTER Elite335, 400W 320 LE Technology House

باور مش تجارى ده كولر ماستر ودى ماركه محترمه وواضح من السعر لانه التجارى بيبقى ب 100ج الكيسه بالباور
لو مش هتجيب كارت شاشه يبقى حط الفارق فى البروسيسور وجيب ال X4 955 او اعلى حسب المتبقى من عدم شراء كارت شاشه
وف تجميعتى انا اصلا نسيت الهارد يبقى ضيف 240ج للتجميعه عشان الهارد بقى

[the tiger 2017]

البور اللى جاى مع الكيسه ال COOLER MASTER Elite335, 400W 320 LE Technology House

باور مش تجارى ده كولر ماستر ودى ماركه محترمه وواضح من السعر لانه التجارى بيبقى ب 100ج الكيسه بالباور
لو مش هتجيب كارت شاشه يبقى حط الفارق فى البروسيسور وجيب ال X4 955 او اعلى حسب المتبقى من عدم شراء كارت شاشه
وف تجميعتى انا اصلا نسيت الهارد يبقى ضيف 240ج للتجميعه عشان الهارد بقى

كده تمام أنا كنت فاكر إن أى باور جاى مع الكيسة بيكون باور تجارى .. ألف شكر ليك يا حج :)

[mohamed91]

أنا لسه شاري الكيسة Cooler Master Elite 310 400W لصديق ليا وبصراحة كيسة ممتازة جدا والباور اللي موجود فيها ممتاز برده مش تجاري خالص ومركب عليه HD 5570 وشغال تمام طبعا الحمد لله.
والأفضل انه يجيب مع الباور ده HD 5750 لأن استهلاك HD 5770 , Geforce GTS450 قريب جدا من بعض و هيبقى الضغط كبير على الباور.
ودي مراجعة عملها الأخ طارق على الباور (https://www.arabhardware.net/forum/showthread.php?p=1397567#post1397567)

[mohamed91]

الأخ محمد السيد فرج
منصحكش تجيب باور تجاري حتى لو مع كيسة بدون كارت شاشة خارجي لأنه ممكن يضرب في أي وقت فممكن يضيع معاه الجهاز لا قدر الله , والموضوع ده حصل مع عدد من أعضاء المنتدى وواحد صاحبي وناس قرايبي.... متعدش :D
أقل حاجة تجيبها HEC 300W سعره حوالي 120 جنيه

[Ahmed.Saleh]

كده تمام أنا كنت فاكر إن أى باور جاى مع الكيسة بيكون باور تجارى .. ألف شكر ليك يا حج :)

لاشكر على واجب يا ريس
دى هيه روح التعاون ف المنتدى اسألى عن اى حاجه وان شاء الله هنرد عليك بالنصيحه التمام وما تقلقش محدش بيفتى لانك هتلاقى اكتر منواحد بيشارك

الباور اللى جاى مع الكيسه 400W كافى لل 450GS وده من الموقع الرسمى من شركه جين وارد Gainward نفسها
الباورات التجاريه دى تلاقيها ف الكيسات التوهاند الحقيره وتلاقيه له ماركه مالهاش اى معلومات على النت ومقدار الطاقه اللى مكتوب عليها مهما كان لا يمت بأى صله بالقدر الحقيقى الذى يولده المزود
انا شغال بواحد تجارى اه بس انا بخاطر بجهازى وما ينفعش انصح حد بيه لانه ببساطه قنبله موقوته ممكن يشيل ف سكته اى قطعه لا قدر الله
بألاضافه الى الكيسه و التبريد اللى بتوفره عشان القطع تأدى وظيفتها تحت حراره اقل ودى مهمه جدا للتقليل من الانبعث الحرارى الناتج من مزود الطاقه وكارت الفيحا وكمان المعالج

واتمنى ما اكونش تقلت عليكم

وبالنسبه للتجميعه بتاعتى ممكن صاحب الموضوع يشيل رامه ويخصم 140ج
وبعد كده يضيف 240ج ثمن الهارد يعنى التجميعه هتزيد 100ج وهتبقى 2620ج ومبروك عليك

[the tiger 2017]

طيب دلوقتى لو عايز أجيب كيسة رخيصة وأشيل منها الباور بتاعها وأجيب باور متوسط ياترى ممكن يعملوا مثلا 150 + 250 على التوالى ؟

[Ahmed.Saleh]

الكيسه الرخيصه لا ينصح بيها ولا كن ممكن تجيب كيسه عاديه تو هاند ب 120 وتركب فيها باور 350 وات جاما ب 150ج ويبقى السعر 270
ده غير انك ممكن تبيع الباور التجارى
وان كان فيه حل افضل انك تجيب الكيسه الجاما اللى فيها باور برضو من نفس الشركه GAMA 350W ودى ب 280ج
بس تفرق عن الكيسه العاديه التو هاند انها فيها مروحتين تبريد وكيسه قويه وتستحمل عيبها الوحيد مالهاش يد تتمسك منها
ودى ينصح بها افضل من انك تجيب كيسه رخيصه وتركب فيها باور وهيكلفك تقريبا نفس السعر

[the tiger 2017]

تمام كده شكرا ليك :)

[zekara]

شكرا لتعاونكم معايا ياجماعة
وباذن الله هققر واختار واعرفكم بالنتيجة