المساعد الشخصي الرقمي

مشاهدة النسخة كاملة : تجمية جهاز للألعاب ب 2900 جنيه خلال اسبوعين



sky.knight
16-06-2011, 23:25
السلام عليكم ورحمة الله

كيف حالكم يا اخوانى ؟ اتمنى ان تكونوا جميعا بخير

انا مقبل على شراء جهاز بعد اسبوعين ..

حجم الشاشة التى استخدمها : 19 بوصة ..

ولدى الهارد ديسك وال DVD

واريد رأيكم فى هذه التجميعة


Phenom II X2 555 3.2GHz, 7MB Cache Black السعر 560


السعر 590 ASUS M4A88T-M/USB3- AMD 880G
السعر 750 MSI N450GTS CYCLONE 1GD5/OC GeForce GTS 450 1GB GDDR5
السعر 140 kingston 2gb ddr3 bus 1333mhz cl9 v1.5
السعر 350 Cooler MastereXtreme Power Plus 500W

NZXT Lexa S السعر 475 جنيه


هل ال power supply كفاية ؟
ولو زودت وجبت كارت HD 6790 هل يكفى ايضا ؟
وهل ال mother board ديه كويسة ؟
مع العلم انى لا استطيع زيادة الميزانية عن 2900 جنيه مصرى

والإستخدام الألعاب

وشكرا جزيلا

ENG.Bishoo
16-06-2011, 23:47
بص كله كويس بس انا رأى انك تجيب HD 6790 و تجيب كمان رامه 2 جيجا الاداء هيبقى ممتاز

sky.knight
17-06-2011, 00:27
شكرا على ردك يا برنس

بس لو جبت ال 6790 هيبقى الباور كفاية كده ولا محتاج ازوده هو كمان ؟

ENG.Bishoo
17-06-2011, 00:55
لا هو كفايه بس لو عاوز تزود يكون احسن يعنى لو 600 يبقى تمام قوى

sky.knight
17-06-2011, 15:31
طيب .. بغض النظر عن الكارت 6790 .. هل التجميعة كده متوافقة مع بعضها ؟

يعنى ال mother board والبروسيسور الكارت gts كلهم يشتغلوا مع بعض ولا لما اجيبهم أتفاجئ ان فى حاجة مش مظبوطة ؟

DoCToR.TaHeR
17-06-2011, 18:54
التجميعة متوافقة مع بعضها ان شاء الله ..

لو انت مش من هواة كسر السرعة هات الباور ال 500 واط .. لو هتكسر سرعة كارت الشاشة او البروسيسور هات 600 واط ..

بالنسبة للكارت هات ال 6790 افضل بكتير .. وهات رامة 2 جيجا كمان هتفرق معاك كتير ..

sky.knight
17-06-2011, 20:10
شكرا جزيلا على ردودكم يا بشمهندسين:)

طيب .. هل لو قللت ال mother board شوية وجبت ASUS M4A78LT-M LE- AMD 760G
وزودت الكارت ل 6790 هيبقى الأداء احسن ؟ ولا ال mother ديه هتأثر على الكارت والبوسيسور ؟
وهل هحتاج ازود الباور ؟ انا مش من هواة الكسر

DoCToR.TaHeR
17-06-2011, 20:41
المازر دي مش هتأثر علي الكارت ولا البروسيسور .. وهي كويسة مش وحشة .. لو الفلوس مكملتش معاك اشتريها ..

بس المازر اللي انت كنت مختارها في الأول افضل واحسن للمستقبل ..

زي ما قولتلك يبقي الباور ال 500 واط كافي ان شاء الله + الرامة ال 2 جيجا + ال 6790 + بالتوفيق :)

mena adly
17-06-2011, 22:41
طيب ما بدل كارت 6790 هات 5850 و الفرق 25 جنيه مش كتير مع ان ارق الاداء هيبقا جامد

sky.knight
17-06-2011, 22:50
المازر دي مش هتأثر علي الكارت ولا البروسيسور .. وهي كويسة مش وحشة .. لو الفلوس مكملتش معاك اشتريها ..

بس المازر اللي انت كنت مختارها في الأول افضل واحسن للمستقبل ..

زي ما قولتلك يبقي الباور ال 500 واط كافي ان شاء الله + الرامة ال 2 جيجا + ال 6790 + بالتوفيق :)



طيب سؤال اخير معلش تعبتك معايا:)

الكارت ال 6790 مكتوب فى ال system requirements بتاعته
500 Watt or greater power supply with two 75W 6-pin PCI Express® power connectors

والباور اللى انا كاتبه فيه واحدة بس من ال connector ده
؟؟؟

DoCToR.TaHeR
17-06-2011, 23:11
عادي جدا :) .. في وصلتين باور الي مولكس ( 6Pin to Molex 4Pin ) بييجوا مع متعلقات الكارت ..

وبيتوصلوا عادي بأي كابل 4 بن جاي من الباور .. والطرف التاني ال 6 بن بيركب في الكارت ..

ولو عايز توصل منهم واحد بس والتاني توصلوا من الباور اللي هو ال 6 بن براحتك ..

نصيحة .. لو لاقيت ال 5850 عند شركة هاي اند .. اشتريه .. وهتاخد اداء اعلي بكتير مقابل 25 جنية زيادة :)

ملحوظة الوصلة هتبقي زي اللي مشار ليها بالسهم الأحمر ..

https://i53.tinypic.com/2afz7f4.jpg

sky.knight
19-06-2011, 13:10
الحقيقة مش عارف اشكركم ازاى ..

بس معلش استحملونى شوية :)

بس ال mother board ASUS M4A78LT-M LE- AMD 760G

لما شوفتها على موقع اسوس مكتوب انها داعمة لرامات DDR2 لكن مش مكتوب حاجة عن DDR3؟؟؟

ولو يا استاذ طاهر انا قدرت ازود الميزانيه ل 4000 ..
هجيب كارت 6850 .. مع العلم انى ناوى لما الكارت يقدم اعمل كروس فاير .. يعنى كمان 3 سنين ولا حاجة ..
وعلى السنة الجاية او اللى بعدها هطور للبلدوزر ..

فهل الأفضل انى اجيب الباور سبلاى عالى من دلوقتى ؟ ولا اجيب واحد على قد الجهاز .. ولما آجى اعمل الكروس فاير اجيب باور عالى ؟

وايه ال mother board اللى تنفعنى ؟ تبقى داعمة للبلدوزر وللكروس فاير ب 6850 ؟
هل ديه تنفع
https://www.asus.com/Motherboards/AMD_AM3Plus/M5A88V_EVO
هو مكتوب ان فيها 2PCIE x16 بس واحد منهم x4 model
ده معناه ايه ؟
وهل فى حاجة ارخص من كده شوية ؟

sky.knight
20-06-2011, 00:31
؟؟؟؟؟؟؟؟؟؟؟؟؟؟؟؟؟

DoCToR.TaHeR
20-06-2011, 01:44
أعتذر لك عن التأخير :) .. يا راجل انا بحسبك اشتريت الجهاز خالص :D

اولا : المازربورد اللي انت دورت عليها دي DDR2 فعلا .. يبقه مش هتنفعنا .. تطلع خالص بره الحسابات ..

ثانيا : يستحسن تجيب الباور عالي من دلوقتي وتخلص نفسك .. وياريت تجيب ال HEC COUGAR CM 700W وده سعره حوالي 550 جنية .. ده افضل اختيار حاليا ..

ثالثا : بالنسبة للكيسة .. هات ال Cooler Master HAF 912 Advanced هتفرق معاك كتير اوي عن تجربة شخصية ..

رابعا : هات الرامات 4 جيجا .. الماركة اللي ترتاحلها او علي قد فلوسك ..

خامسا : المازر بورد اللي بتقول عليها دي فعلا بتدعم البلدوزر .. وفعلا فيها مكانين للفيجا .. لكن الكروسفاير لو عملتوا فيها مش هيبقي له قيمة ..

لأن الشق التاني فيها بسرعة 4X فقط .. ولازم الكروسفاير عشان تستفيد بيه .. تكون سرعة الشقين 16X/16X وده في المازرز اللي بتعدي ال 1000 جنية .. يبقه هيطلع بره حسابتنا :D

النوع التاني سرعه الشقين فيه بتكون 8X/8X وده الحد الأدني عشان تستفيد من الكروسفاير .. يبقه احنا عايزين مازر بالمواصفات دي وفي نفس الوقت بتدعم البلدوزر وفي نفس الوقت رخيصة :D

في الحقيقة مفيش حاليا في دماغي حاجة معينه .. بس هقولك علي المازر اللي عندي وهي MSI 890GX-G65 .. المازر دي بتدعم الكروسفاير .. وبتدعم البدوزر ولكن عن طريق البيوس وليس قلبا وقالبا .. ولكنها تدعمه .. وسعرها لو لاقيتها في حدود 800 جنية .. أرخص من كده مش هتلاقي فعلا ..

كل البوردات الجديدة الاقتصادية ذات السعر المعقول اللي نازلة من جيجابايت تدعم البلدوزر .. ولكنها لا تدعم الكروسفاير ..

سادسا : كمان 3 سنين مش هيبقي في 6850 اساسا :D .. ممكن تلاقي ساعتها 8850 ولا حاجة :D

لو في حاجة تانية تحت امرك .. وانا معاك متقلقش :)

Version
20-06-2011, 02:03
انا مش هقدر اتكلم فى القطع لكن مدام الجهاز للجيمز الى حد كبير ليه متفكرش فى اكس بوكس او بلاستيشن وهيعشيوا 5 سنين ودام

sky.knight
20-06-2011, 02:26
أعتذر لك عن التأخير :) .. يا راجل انا بحسبك اشتريت الجهاز خالص :D

اولا : المازربورد اللي انت دورت عليها دي DDR2 فعلا .. يبقه مش هتنفعنا .. تطلع خالص بره الحسابات ..

ثانيا : يستحسن تجيب الباور عالي من دلوقتي وتخلص نفسك .. وياريت تجيب ال HEC COUGAR CM 700W وده سعره حوالي 550 جنية .. ده افضل اختيار حاليا ..

ثالثا : بالنسبة للكيسة .. هات ال Cooler Master HAF 912 Advanced هتفرق معاك كتير اوي عن تجربة شخصية ..

رابعا : هات الرامات 4 جيجا .. الماركة اللي ترتاحلها او علي قد فلوسك ..

خامسا : المازر بورد اللي بتقول عليها دي فعلا بتدعم البلدوزر .. وفعلا فيها مكانين للفيجا .. لكن الكروسفاير لو عملتوا فيها مش هيبقي له قيمة ..

لأن الشق التاني فيها بسرعة 4X فقط .. ولازم الكروسفاير عشان تستفيد بيه .. تكون سرعة الشقين 16X/16X وده في المازرز اللي بتعدي ال 1000 جنية .. يبقه هيطلع بره حسابتنا :D

النوع التاني سرعه الشقين فيه بتكون 8X/8X وده الحد الأدني عشان تستفيد من الكروسفاير .. يبقه احنا عايزين مازر بالمواصفات دي وفي نفس الوقت بتدعم البلدوزر وفي نفس الوقت رخيصة :D

في الحقيقة مفيش حاليا في دماغي حاجة معينه .. بس هقولك علي المازر اللي عندي وهي MSI 890GX-G65 .. المازر دي بتدعم الكروسفاير .. وبتدعم البدوزر ولكن عن طريق البيوس وليس قلبا وقالبا .. ولكنها تدعمه .. وسعرها لو لاقيتها في حدود 800 جنية .. أرخص من كده مش هتلاقي فعلا ..

كل البوردات الجديدة الاقتصادية ذات السعر المعقول اللي نازلة من جيجابايت تدعم البلدوزر .. ولكنها لا تدعم الكروسفاير ..

سادسا : كمان 3 سنين مش هيبقي في 6850 اساسا :D .. ممكن تلاقي ساعتها 8850 ولا حاجة :D

لو في حاجة تانية تحت امرك .. وانا معاك متقلقش :)



الف شكر ليك مرة تانية

طيب .. يبقى على كده .. انا اجيب الجهاز دلوقتى واشيل من حساباتى الكروس فاير احسن .. ولما الكارت يقدم ان شاء الله ابقى اغيره خالص .. مش كده احسن ؟

DoCToR.TaHeR
20-06-2011, 20:00
فعلا انا شايف ان كده احسن .. وهيكلفك كتير دلوقتي ..

بس انا قولت اريحك واشوفك عايز ايه :)

شوفلك مازربورد دلوقتي يكون سعرها حنين وتكون بتدعم البلدوزر .. وخلي بالك انها تدعم الساتا 3 وال USB3 بالمرة ..