المساعد الشخصي الرقمي

مشاهدة النسخة كاملة : طلب نصيحه في التجميعه دي



thematrixreload
19-06-2011, 01:49
السلام عليكم
انا ان شاء الله استقريت على التجميعه دى
الميزانيه فى جدود 2000 تزيد 100 او تنقص 100
الاستخدام الالعاب
امكانيه تسطيب وندوز 7 ويعمل بكفاءه
التجميعه كما يلى


Phenom II X2 555 3.2GHz, 7MB Cache Black 560
Gigabyte GA-880GM-UD2H 570
Kingston 2*2GB DDR3 bus 1333MHz CL9 270
Western Digital Green WD1002FAEX 1TB 64MB Cache 350
Case Gamma + Power 350 Hec 250
الاجمالي 2000

عايز اعرف التجميعه متناسبه مع بعضها ولا مش متناسبه
امكانيات المازر كويسه وخصوصا كارت الشاشه وايه الفرق بينها وبين
ASUS M4A88T-M/USB3
وايهم افضل واذا كان كارت الشاشه المدمج جيد ام لا
انا بشغل العاب عاديه زي البيس والفيفا مش بشغل العاب تقيله دلوقتي
علشان كده مش هحتاج كارت شاشه خارجي في الوقت الحالي
واخيرا الاسعار لان الاسعار اللى انا اعرفها من مده
انا كنت عاوز اختار انتل لاني مش عارف ظروف الكهرباء عندنا ايه لاننا في ارياف والكهرباء مش مضبوطه وكمان مفيش تكييف علشان كده مش كنت عاوز اكتب ايه ام دي لان كتير قالوا انه فيه مشاكل كتير من حراره وسخونه وغيره فياريت النصح من الناس اللي بتفهم اكتر مني بكتير وياريت يا جماعه تقولوي لو في مشاكل في الايه ام دي
وانا مش ناوي علي كسر سرعه او حاجه خالص من دي علشان كده
ياريت الهارد يكون زي ما هو والرامات كمان لاني بحول فيديو كتير
وعاوز اعرف رأيكم عموما في الايه ام دي وخصوصا في التجميعه اللي فوق دي كمان

thematrixreload
19-06-2011, 04:54
ايه يا جماعه هو مفيش حد ناوي يرد عليا
عموما ميرسي جدا جدا

thematrixreload
19-06-2011, 20:41
انا كده بقالي يوم كامل مستني حد يرد عليا
علي العمومم ميرسي مره تانيه
وياريت حد من المشرفين يحذف الموضوع
ميرسي جدا والف شكر لكل واحد شاف الموضوع ومش رد عليا

EL KING OMAR
19-06-2011, 21:46
يا باشا محدش رد لأنك رادد على نفسك :):)
التجميعة كويسة بس الأفضل تغير الماذربورد بدى ASUS M4A87TD/USB3 سعرها 620 جنيه بس أحسن من اللى أنت حاططها
ممكن كمان تجيب هارد 500 جيجا blue ب240 جنيه أو تجيب رامة 2 جيجا و تزود قدام لو عايز توفر
و الأفضل أنك تستنى البلدوزر عشان الأسعار هتنزل جامد

thematrixreload
20-06-2011, 00:22
طب ممكن اي حد عنده نصيحه في التجميعه اللي فوق دي يقولها
وكمان كارت الشاشه المدمج هيكفي لحد لما اجيب كارت تاني خارجي قدام

Ahmed.Saleh
20-06-2011, 00:35
Western Digital Green WD1002FAEX 1TB 64MB Cache 350

اذا كان للنظام يبقى بلاش منه وهات Western Digital (WD) Caviar BLUE WD5001AAKX 500GB SATA 6.0 Gb/s16MB Cache HDD
250ج
اسرع للنظام وابقى زود وجيب واحد تانى 500 جرين يا اما تجيب واحد تيرا بلو من الاساس
Western Digital (WD) Caviar BLUE WD10EALX 1TB SATA 6GB/s 32MB Cache HDD ب 420ج وتقلل رام

والماذر اللى قال عليها الاخ ASUS M4A87TD/USB3
EL KING OMAR لا يوجد بها فيجا داخلى بس فيها وصلات ساتا3.0 ويو اس بى 3.0 وف كسر االسرعه اعتقد افضل

فى حاله قللت الرام وجبت الهارد ال 500 البلو لانه اسرع وافضل للنظام وتقدر تجيب فيجا خارجى يبقى جيب اللى نصح بيها الاستاذ عمر الاسوس

اذا لاء يبقى سر على بركه الله وجيب الجيجا بايت وهيه ممتازه وزى الفل والفيجا الداخلى معقول يشغل شويه حجات كده ع الماشى

وانتظر باقى اراء الاعضاء

thematrixreload
20-06-2011, 00:47
اوك بس هو ايه المشكله في الهارد ال1 تيرا ال
وانا زي ما قلت ان شاء الله ناوي مش اكسر سرعه ولا حاجه من دي لاني مش عارف فيها
بس انا استقريت علي البورده دي ASUS M4A88T-M/USB3 motherboard
ايه رأيك فيها وكنت عواز اسألك عموما عن الايه ام دي ايه مشاكله ومميزاته علشان لو هيعمل عندي مشاكل بلاش منه
والكارت المدمج انا ناوي علي شوية العاب خفيفه لحد لما اجيب كارت تاني خارجي قدام

DoCToR.TaHeR
20-06-2011, 02:00
ممكن تقولنا ايه المواصفات اللي انت عايزها في المازربورد ؟!

يعني حضرتك عايز فيها USB3 او SATA3 .. او انها تدعم الكروسفاير .. او انها تدعم البلدوزر ؟!

الرامات والبروسيسور تمام .. بالنسبة للكيسة والباور .. ممكن تشوف الكيسه دي Cooler Master Elite 310 ودي معاها باور 400 واط وكيسه شكلها احسن وتهويتها افضل والباور بتاعها افضل .. وهتلاقي سعرها 350 جنية بالكتير ..

سيبك من موضوع السخونة بتاع ال AMD ده ومتسمعش لكلام زي ده خالص :)

بالنسبة للهارد .. هات ال 1 تيرا Blue افضل طالما للسيستم وسعره 420 جنية .. هيكون افضل بكتير من الجرين ..

او لو مش معاك فلوس هات ال 500 جيجا بلو بسعر 250 جنية .. الجرين يفضل يكون للتخزين مش للسيستم ..

thematrixreload
20-06-2011, 02:17
شكرا علي رد حضرتك
انا مش ناوي علي حاجه خالص من كسر سرعه ولا غيره
بس ياريت يكون فيها usb3 وكارت الشاشه الداخلي يمكن توصيله علي تليفزيون لوجود كارت ستالايت
وكمان لاني بحتاج كتير اني اشغل فيديو وافلام وغيره علشان شغل المونتاج علشان كده محتاج هارد اتيرا ورام 4 جيجا
اوك انا معاك تمام في الكيسه اللي حضرتك كتبتها والهارد كمان طالما افضل
بس كنت عاوز اسأل كمان علي حاجه هل التجميعه متناسقه مع بعضها ولا في حاجات مش هتمشي مع بعضها
وشكرا مره تانيه علي ردك

Ahmed.Saleh
20-06-2011, 08:56
الماذر اللى حضرتك استقريت عليها ممتازه ASUS M4A88T-M/USB3
واالفيجا فيها Integrated ATI Radeon™ HD 4250 GPU
وفيها يو اس بى 3.0
والايه ام دى مالوش مشاكل عامه وهوه ممتاز
المشكله انه الكيسات ال 335 و 333 و 310 و 332 وكل اخواتها مش موجودين ف السوق اصلا وده عن رؤيه شخصيه يوم السبت اللى فات نزلت اجمع ومالاقيتش اى واحده فيهم واضطريت اجيب الجاما بباور 300 وات
واتصل بالشركات زى ماكسيمم وهاى اند وتكنولوجى هاوس واسأل على الكيسه قبل ما تنزل
الموجود هوه ال 430 كولر ماستر بباور 460وات ب 470ج يا اما تجيبها لوحدها وتجيب الباور لوحده

التجميعه ممتازه بس بلاش الجريين للسيستم لانه هيبقى ابطأ للوندوز يا تجيب البلو ال 500 يا اتجيب البلو ال 1 تيرا
والجرين هينزل عليه وندوز مش هيقول لاء بس الفئه دى ف الاساس موجهه للتخزين

EL KING OMAR
20-06-2011, 13:37
الفيجا المدمجة 4250 كافية لتشغيل الأفلام و الألعاب زى pes 2011 و اللعاب الحديثة على lwo مثلاً و الكلام ده عن تجربة لأن الماذربورد دى معايا لكن يعيبها عدم وجود ساتا 3 و ده مش مشكلة لأمك هتجيب هارد عادى مش SSD
لو عايز ماذربورد بنفس الأمكانيات و كمان SATA 3 فى MSI 880GMA-E45 ب600 جنيه

DoCToR.TaHeR
20-06-2011, 19:56
شكرا علي رد حضرتك
انا مش ناوي علي حاجه خالص من كسر سرعه ولا غيره
بس ياريت يكون فيها usb3 وكارت الشاشه الداخلي يمكن توصيله علي تليفزيون لوجود كارت ستالايت
وكمان لاني بحتاج كتير اني اشغل فيديو وافلام وغيره علشان شغل المونتاج علشان كده محتاج هارد اتيرا ورام 4 جيجا
اوك انا معاك تمام في الكيسه اللي حضرتك كتبتها والهارد كمان طالما افضل
بس كنت عاوز اسأل كمان علي حاجه هل التجميعه متناسقه مع بعضها ولا في حاجات مش هتمشي مع بعضها
وشكرا مره تانيه علي ردك



المازربورد اللي حضرتك اخترتها دي ممتازة .. ولكن يعيبها عدم وجود الساتا 3 .. مش عارف دي تفرق معاك ولا لا ..

لو تفرق يبقه تجيب ال MSI 880GMA-E45 ودي بسعر 600 جنية .. ممتازة عن تجربة ..

التجميعة متوافقة مع بعضها ان شاء الله .. لا تقلق :)

thematrixreload
20-06-2011, 22:31
الف الف شكر لكل واحد من المحترمين اللي اشترك بالموضوع
وانا استقريت علي التجميعه دي

Phenom II X2 555 3.2GHz, 7MB Cache Black
ASUS M4A88T-M/USB3
Kingston 2*2GB DDR3 bus 1333MHz CL9
Western Digital (WD) Caviar BLUE WD10EALX 1TB SATA 6GB/s 32MB Cache
Case Gamma + Power 350 Hec
ومش تفرق معايا وجود ساتا 3 او عدم وجوده لاني مش هستخدمه عموما
بس اخترتها علشان مش عارف الظروف قدام شكلها ايه
لاني مش ناوي احدث الجهاز مستقبلا الا بكرات شاشه خارجي فقط
والف شكر للمساعده

DoCToR.TaHeR
20-06-2011, 22:36
بس خلي بالك الهارد البلو اللي انت مختاره ده SATA3 .. ولكنه سيعمل عادي جدا علي المازربورد دي ولكن كأنه SATA2 .. وجب التنبيه عليك يا أخي :)

thematrixreload
20-06-2011, 23:12
تمام مفيش مشاكل طالما انه مش هيكون في ضرر علي الجهاز ولا علي الهارد
والله انا مش عارف اشكر حضرتك ازاي
ربنا يجعل مساعدتك لينا في ميزان حسناتك

fALLCON
20-06-2011, 23:38
انصحك اخي بهذه الماذر GIGABYTE GA880-GM/USB3 REV3.1 فهي ممتازة وتدعم الجيل الجديد من معالجات AMD AM3+
وسعرها دلوقتي 630 جنية

DoCToR.TaHeR
20-06-2011, 23:49
انا كمان كنت عايز ارشحلك اللوحة دي من البداية ..

ولكني لاقيتك غير مهتم بالساتا 3 ولا بدعم اللوحة لمعالجات البلدوزر ..

نصيحة هاتها وان شاء الله تنفعك للزمن .. ومفرقتش من ال 50 جنية الزيادة دول ..

thematrixreload
21-06-2011, 00:48
اوك تمام مش مشكله 50 جنيه زياده علشان نعمل حساب المستقبل
وتوكلنا علي الله وتبقي التجميعه كده
ولو الفلوس مش كفت هجيب هارد 500 وقدام ابقي اجيب هارد كمان 500


Phenom II X2 555 3.2GHz, 7MB Cache Black 560
GIGABYTE GA880-GM/USB3 630
Kingston 2*2GB DDR3 bus 1333MHz CL9 270
Western Digital Caviar BLUE WD10EALX 1TB SATA 6GB/s 32MB 420
Case Gamma + Power 350 Hec 250
الاجمالي 2130

بس علي فكره كده هيبقي الجهاز تمام نتوكل علي الله ونشتري ولا هيكون ناقصه حاجه استني شويه لحد لما اجمع فلوسها وبعدين اشتري لان انا معايا دلوقتي 2150 والتجميعه عامله 2130 وكده يبقي الفلوس تمام كامله اشتري ؟
وكمان سؤال هل الجهاز هيشغل وندوز سفن تمام ولا استني علي الاكس بي

EL KING OMAR
21-06-2011, 14:33
الجهاز هيشغل ويندوز 7 تمام بس أستنى شويه لحدما البلدوزر ينزل و الأسعار هتنزل و بالمرة تكون الميزانية زادت شويه و تجيب كارت شاشة خارجى