المساعد الشخصي الرقمي

مشاهدة النسخة كاملة : ماهو افضل مواصفات لجهاز يصلح للمونتاج والجرافيك



عمر محمد فريد
22-06-2011, 02:03
السلام عليكم جهاز بميزانية 4000 جنية شاشة - وكيسة -كيبورد وماوس- مع العلم جهاز للمونتاج والتصميم الجرافيك العالى
نرجو المساعدة العاجلة وشكرا جزيلا :)

aelzohry
22-06-2011, 12:08
وعليكم السلام ورحمة الله وبركاته

أنا من رأيي طالما مونتاج وجرافيك وعايز تستفاد بقوة الجهاز يبقى مش محتاج جهاز بس كمان نظام غير الويندوز، يعني عليك بأجهزة أبل ماك خصوصًا iMac عشان تاخد خصائص الهاردوير القوي مع النظام اللي فوق ممتاز وانتبه أغلب شركات السوفتوير بتصدر إصداراتها الأول للماك قبل الويندوز....

عمر محمد فريد
22-06-2011, 12:52
لو سمحت وضحلى اجهزة الماك ابل انا اعرف انها غالية جداااا انا عايز جهاز ميعديش ال4000 الاف جنية ولو جهاز ابل تبقى تكلفتة كاااام وشكرا وارجو التوضيح وشكرا لمساعدتك لى

aelzohry
22-06-2011, 19:08
لو سمحت وضحلى اجهزة الماك ابل انا اعرف انها غالية جداااا انا عايز جهاز ميعديش ال4000 الاف جنية ولو جهاز ابل تبقى تكلفتة كاااام وشكرا وارجو التوضيح وشكرا لمساعدتك لى

بص أجهزة أبل دي غالية فعلا لكن مش جدًا زي ما متصور (للأسف في مصر التوكيلات أسعارها عالية جدًا فعلا) لكن خارج مصر في السعودية والإمارات الأسعار نوعًا ما مقاربة لأسعار أمريكا ودول الغرب......

بس جودة الجهاز كهاردوير وسوفتوير أيضًا أكثر من ممتازة، خصوصًا في استخدامات المونتاج والجرافيك لأن سرعة واستجابة النظام مع الفيديو عالية.....

لو عاوز ممكن تجمع جهاز عادي PC بس تتأكد أن مواصفاته متوافقة مع الماك وتنزل نسخة من الهاكنتوش (الماك بس للبي سي) على جهازك... انا برضه مش معايا جهاز ماك (ولكن سأشتري أحدهم قريبًا بإذن الله) ومحتاجه بس جربت النظام على جهازي قبل كدا لكن كارت الشاشة كان ضعيف شويه فالنظام ما كانش سلس معي...

أبسط دليل على صدق كلامي أن جهاز الماك مخصص لأعمال الجرافيك والمونتاج (متميز فيهم بمعنى أدق لأن له استخدامات أخرى كثيرة - نظامه يغنيك عن الـ xp لو أتقنته) شاهد أغلب كورسات الفيديو الخاصة بشروح الجرافيك والمونتاج خصوصًا من الشركات الشهيرة ستجدها تشرح على نسخة الماك....

عمومًا لو احتجت مساعدة فيه إن شاء الله ممكن أساعدك باللي أعرفه، ولو احتجت برضه جهاز بي سي تنزل عليه نظام ماك بجانب الويندوز قول (وعلى فكرة أجهزة أبل بتقبل ويندوز بجانب الماك).

بالنسبة للتكلفة داخل مصر لأجهزة أبل : -

أقل حاجة MiniMac ودا عبارة عن صندوق صغير (زي الصندوق الأسود ههههه) عبارة عن Case بها الهاردوير كله مجرد توصيلها بشاشة وماوس وكيبورد (دا سعره 5200 تقريبًا طبعًا بدون شاشة - ممكن تستخدم أي شاشة عادية معه)....

لكن لو لاب فيه تلات أنواع رئيسية
MacBook - يبدأ من 7700 تقريبًا
MacBook Pro - يبدأ من 9500 تقريبًا
MacBook Air - مش متذكر سعره لكن غالي أيضًا لأنه يتميز بخفة وزنه وصغر حجمه فهو مخصص للتنقل

وفيه طبعًا الوحش بتاع أجهزة أبل وهو iMac (دا جهاز الكل في واحد) - يبدأ تقريبًا من 10 آلاف

دي أسعار مصر وهي أسعار مبالغ فيها لكن في الخارج الأسعار أفضل

عمر محمد فريد
22-06-2011, 19:32
شكرا جزيلا على ردك ولكن لدي استفسار الجهاز الابل ال 5500 دة امكانياتة تناسب المونتاج يعني لما اشغل برنامج ذى الافتر افكت حيبقى بطيء ولا سريع جدا وسلس

وسؤال اخر لو سمحت عايز اعرف ازااى اجمع جهاز pc عادي يناسب سرعه جهاز الابل او ينزل علية نظام الماكنتوش وياريت توضحلى اكثر لاني لا افهم ماهو نظام الماكنتوش هل هو شبية للوندوز ام ماذا وماهي امكانيات المناسبة له فى جهاز البى سى وشكرا جزيلا على مساعدتك لي وانتظر ردك

عمر محمد فريد
23-06-2011, 16:45
ارجو الرد من الخبراء فى عرب هارد ويير ويفهوني ماذا افعل وشكرا لكم جميعا

kmbosha
23-06-2011, 17:07
طيب ممكن تحدد الميزانيه ... هل هي 4000 ولا 5500 بالنسبه للـ PC ?

aelzohry
23-06-2011, 19:17
شكرا جزيلا على ردك ولكن لدي استفسار الجهاز الابل ال 5500 دة امكانياتة تناسب المونتاج يعني لما اشغل برنامج ذى الافتر افكت حيبقى بطيء ولا سريع جدا وسلس

وسؤال اخر لو سمحت عايز اعرف ازااى اجمع جهاز pc عادي يناسب سرعه جهاز الابل او ينزل علية نظام الماكنتوش وياريت توضحلى اكثر لاني لا افهم ماهو نظام الماكنتوش هل هو شبية للوندوز ام ماذا وماهي امكانيات المناسبة له فى جهاز البى سى وشكرا جزيلا على مساعدتك لي وانتظر ردك

آسف لتأخري في الرد ولكني مشغول بالامتحانات قليلا هذه الأيام......

بالنسبة لو ناوي على الماك يبقى نصيحتي ليك بالماك بوك برو MacBook Pro (أقل حاجة بما يعادل 7500 جنيه مصري تقريبًا في السعودية والإمارات وبـ 9600 جنيه في مصر) ودا لقوته في المواصفات فهو أعلى من الميني ماك وأعلى من الماك العادي.....

بالنسبة للنظام أدخل على موقع أبل واقرأ عنه ستجد الكثير والكثير (على فكرة نظام الماك تقريبًا النظام الوحيد اللي أغلب شركات المونتاج والسينما بتشتغل بيه بجانب أجهزتها الأخرى)....

وفيه قسم في عرب هاردوير خاص بالنظام (https://www.arabhardware.net/forum/forumdisplay.php?f=143 (https://www.arabhardware.net/forum/forumdisplay.php?f=143))

لكن لو ناوي على PC هتلاقي برضوا مواضيع في القسم بتتكلم عن تنصيب النظام على جهازك العادي...... وعلى كلٍ هشوفلك أفضل كام تجميعه متناسبة تمامًا مع الماك واكتبهالك هنا بإذن الله......

نصيحتي الأخيرة اقرأ على الماك كتير ولو اقتنعت بالنظام ومعاك ميزانية هات الماك بوك برو أفضلك من تحميله على الPC لأن النظام بيكون مستقر أكتر على أجهزة أبل

altowyran
24-06-2011, 14:33
بص يا اخي االمونتاج بيعتمد علي حجم الرامات وكارت الشاشه وعلشان كدا خلي الحجم مش اقل من 8 جيجا ولو كارت شاشه نفيديا كوادرو اللي مخصص للجرافيك والمونتاح اساسا بس دا سعره غالي شويتين

mrsameero
24-06-2011, 14:46
اخي انت ممكن تجمع جهاز من برا عادي جدآ وتحط عليه نظام تشغيل ماك بدل ويندوز وبكده التكلفة هتبقى أقل بكتير دا غير انك ممكن تجيب إمكانيات أحسن وبسعر أقل
إذا فكرت في الفكرة دي قولي وانا اجمعلك جهاو كويس للمونتاج

عمر محمد فريد
24-06-2011, 19:12
تمام ياريت ياستاذ انا معايا 4000 الف جنية من غير الشاشة وعايز فعلا جهاز حلو ينفع اشغل علية النظامين الماكنتوش والوندوز وشكرا جزيلا على مجهودكم معي وياريت تكتبولى اتمني من حضرتكم وخبرة حضراتكم وضع لى امكانيات تناسب ال4000 وتشتغل على الماك بسرعه حلوة وميعلقش وياريت روابط شرح للنظام وكيفية الاستخدام واشكركم بشدة وانا انتظر الامكانيات وشكرا

mrsameero
24-06-2011, 20:59
AMD Phenom™ II X6 1090T 3.2GHz Black Edition السعر 1250
Gigabyte GA-880GM-USB3 motherboard السعر 650
CORSAIR XMS3 4GB (2 x 2GB) DDR3 1600 CL9 السعر 320
SAPPHIRE HD 5850 Xtreme 1GB GDDR5 السعر 1000
Cooler Master USP 100 case + 550w PSU السعر 600
Western Digital (WD) Caviar BLUE 500gb السعر 250
الإجمالي: 4070 جنيه
جهاز رائع للمونتاج خاصة بوجود معالج AMD السداسي النواة وانا اخترت AMD لأنها تتفوق على انتل في مجال المونتاج وبرامج اخراج الفيديو

عمر محمد فريد
24-06-2011, 21:54
المهم حضرتك هو حينفع يتسطب علىية الماك ابل وشكرا جزيلا استاذي العزيز mrsameero (https://www.arabhardware.net/forum/member.php?u=11241095)

عمر محمد فريد
24-06-2011, 21:57
وهل الكور i5 حلو ولا وحش اصل اصدقائى مجربين amd بيقولوا خرافة فى الالعاب والمونتاج لكن فترة تحملة ضعيفة يعني لما يطولوا فى المونتاج ودة الطبيعي بيحصل انه بيعلق ويهنج الجهاز فغيروا للانتل وشغال معاهم ذى الفل بس حضرتك هل ممكن بميزانية 4000 جنية اشترى جهاز cori7 ولا لا يمكن وايية المازر بورد المناسبة لة وكام رامة مناسبة لة ايضا والفيجا ايضا وشكرا جزيلا

mrsameero
25-06-2011, 07:30
أيوة هينفع يتسطب عليه الماك بكل سهولة لكن السؤال هتجيب اسطوانة الماك منين؟ إما هتشتريها أصلية أو هتنزلها من على النت متهكرة ودي انا ماضمنهاش ومعرفش صراحة بتتباع فين في مصر
لكن لو هتغلب أوي حط ويندوز 64 وهيبقى تمام مش ضروري قوي الماك يعني .
وبالنسبة لـAMD انا مجربو شخصيآ في التصميم ومع انو قديم (Athlon 64 7750) بس والله حاجة زي الفل, لكن لو انت عايز تجيب حاجة كويسة من انتل ممكن لكن هيبقى في فرق شوية في الأداء لصالح AMD لو بالسعر نفسو
اذا قررت لإنتل غير المعالج إلى: Intel® Core™ i5-2400 3.1GHz Processor السعر 1200
وغير المذربورد إلى: ASUS P8H67-M LX motherboard السعر 750
يعني الإجمالي 4120

عمر محمد فريد
25-06-2011, 11:57
اصلى انا محتاج جهاز علية وندوز الماك علشان برنامج الفينال كت ميشتغلش الا على المالك للاسف وهو من افضل البرامج المونتاج عالميا وسهل كمان فى الاستخدام مش معقد ذى الافتر افكت

aelzohry
25-06-2011, 15:58
لو عاوز تنزل ماك يبقى بلاش معالجات AMD خالص الأفضل، هو فعلا فيه تجارب كتير نجحت للماك على الAMD بس هتواجهك برضه مشاكل وفي التحديثات وفي كتير، لأن أبل ما بتدعمش غير معالجات INTEL......... أنا آسف لتأخري في الرد عليك ولكني مشغول بالامتحانات وفي نفس الوقت بشوف لنفسي أفضل تجميعه متناسبه للماك والويندوز مع بعض..... انتظرني وسأرد عليك في أقرب وقت بعد أن أتأكد من توافق كل القطع مع الماك....

عمر محمد فريد
26-06-2011, 21:27
تمام ياستاذ aelzohry (https://www.arabhardware.net/forum/member.php?u=127164) بانتظارك وبالتوفيق فى الامتحانات ان شاء الله

Mr.pOPo
26-06-2011, 22:51
انا أعلم ان الموضوع أصبح به مشاركات كثيرة، و لكن أريد منك أن تقوم بقراءة القوانين من هنا: https://www.arabhardware.net/forum/showthread.php?t=137126

ثم تقوم بمطابقة موضوعك للقوانين، و إلا سأقوم بحذف موضوع خلال 24 ساعة.

شكراً لك.

عمر محمد فريد
27-06-2011, 18:46
شكرا جزيلا على التنوية ومافمتة ان العنوان مخالف وساتم تغيرة شكرا لك استاذMr.pOPo (https://www.arabhardware.net/forum/member.php?u=11140726)

واعتزر عن هذا الخطا

عمر محمد فريد
27-06-2011, 18:51
لو سمحت انا معرفتش اغير العنوان الرئيسى للموضوع بس غيرت المقدمة هل ذلك قانوني ام ماذا افعل مع العلم اني احتاج بشدة احدا يعلمني ما اشترية لاني لا اثق الا فى هذا المنتدي عرب هارد ويير