ماسبب وعلاج تكرار إنقطاع الإنترنت عندي؟

[fr3on150]

بسم الله الرحمن الرحيم اولأ المشكلة عندى ان كل شوية لمبة الأنترنت اللى هى بتاعة DSL تفصل والنت طبعا كدة بيفصل وعملت المستحيل فكيت الروتر ونظفتة وركبتوا تانى مافيش فايدة غيرت سلك الوصلة بواحد جديد نفس المشكلة غيرت بردوا السلك مرة كمان نفس المشكلة طيب وبعد كدة بيقت محتار ومش عارف اتكلم مع اصحابى ومش عارف احمل حاجة والنت بيبطى ومش لأقى حل وكلمت الشركة قالتلى مش من عندها ارجوكم اللى عندوا حل او يعرف اية سبب المشكلة اللى هتجننى دية يقولى حل سريع ارجوكم انا هجيب كمبيوتر جديد قريب باذن الله وبالطريقة دية انا مش هعرف احمل حاجة النت بيفصل كل 5 دقايق او 10 او 15 او نص ساعة وانا واخد الروتر لوحدى مش مشترك مع حد فياريت حل ارجوكم يرجالة ارجوكم ساعدونى

[حازم 14]

السلام عليكم

اولا لازم تجرب النت على جهاز تانى

ثانيا لو النت اشتغل على الجهاز التانى يبقى عيب فى لان البوردة

ثالثا لو طلع عيب بوردة رايح دماغك واشترى كارت لان ودة فى حدود من 15 الى 20 جنية

[g41-es2l]

يا اخى اشترى لان خارجى افضل واسرع من الان فى البورده

[fr3on150]

ماهو دة كارت لأن خارجى ياصاحبى المشكلة ان اتقالى كلأم كتير اللى يقولى الكهربة ضعيفة اللى يقولى بيتسرق منك واللى يقولى عيب سلك واللى يقولى عيب شركة وغيرة الكلأم دة كمان انا بيقت محتار ومش عارف اعد والله النت بيفصل كل شوية دة انا مبيقتش عارف احمل 10 ميجا على بعض والنت بيبقى تقيل مع العلم انو بليل ساعات بيشتغل 100/100 من غير ولأ فاصلية

[g41-es2l]

ممكن فعلا يا اخى يكون بيتسرق منك

[ahmadrashad]

السلام عليكم
ممكن الاخ يبين نوع الروتر الي انت شغال علية و من كام شهر وطالما النت بيشتغل في اوقات كويس يبقي بنسبة كبيرة العيب من الشركة وعلية لازم تبلغهم ان النت اوقات كويس و اوقات بيكون مفيش عشان يفحصو الاجهزة عندهم كويس ويتاكدو ان السرعة الخاصة بيك كاملة وطالما انت لوحدك يبقي اذي هيتسرق منك الا لو عندك مخارج وير لاس دة مشكلة تانية وليك حل انك تشفرها او تقفلها خالص لو ملكش استخدام فيه وشكرا......

[Ahmed.Saleh]

بص يا ريس
الراوتر بتاعك لوحدك صح
ياريت تدينا اسمه وبياناته
الموضوع ده كان بيحصل معايا ف راوتر الTP Link قمت راميه وجايب Billion ب 185ج 4 بورت مافيهوش وايرلس
كان بيفصل معايا كل دقيقه يعنى يا دوب يشتغل ويتعرف ع الDSL ولمبه النت تشتغل يقوم فاصل ويعمل ريستارت تانى وهكذا وكنت بحطه بيالترنس ف الديب فريزر عشان يشتغل بس ده غلط تقريبا

بس المشكله عندى اكتشفت بعدين انه الراوتر مكتوب عليه انه احتياجه من الطاقه 9 فولت 0.8 امبير
والترانس اللى جى معاه 12 فولت وده بيسبب ارتفاع حراره الراوتر
بس ما علينا انا غيرته وخلاص

الخلاصه انه المشكله ف الراوتر مش ف الجهاز ولا الكارت ولا السلك واذا كان الراوتر وايرلس اقفل الوايرلس واشتغل بالسلك مع انك كاتب انه انتا غيرت السلك يعنى شغال بالسلك

يبقى بيتسرق منك ازاى يعنى ؟؟؟؟؟؟؟؟؟؟؟

جرب اى راوتر تانى ركبه واتصل بالشركه واعمل كأنك جبت راوتر جديد واعمل الكونفجريشن بتاعه وجرب وانا متأكد انه الراوتر يا اما بيودع يا اما الترانس بتاعه ف النزاع الاخير ومش بيدى الراوتر احتاجه من الكهرباء

[النديم]

الأخfr3on150،
إرجع من فضلك لتعليمات المنتدى وبالأخص بند " كتابة موضوع جديد" فيما يخص الأختيار الصحيح لعنوان المشاركة.

الأخ حازم 14،
في الجزء الأول من توقيعكَ إعلان تجاري، وهذا تصرف غير صحيح وتنهى عنه أنظمة المنتدى. هنالك قسم متخصص في منتدانا لذلك. أرجو العلم ونقل ذلك الأعلان لمحله الصحيح.
النديم

[fr3on150]

بوصوا هو دلوقتى شغال تمام ومش بيفصل يعنى مظبوط بس فية مشكلة وهى بطى الأنترنت بطى يعنى مش بيحمل الموضوع كامل ولما اخش على صفحة يعد يحمل فيها كتير اوى وممكن ميكملش تحميا الصفحة كمان

[Ahmed.Saleh]

الراوتر يا عزيزى ف النزاع الاخير
وعشان نقطع الشك بالسكين
اتصل بالشرمه وعيد موضوع الاعدادات بتاعت الراوتر وشوف يمكن فيه حاجه غلط

[fr3on150]

بوصى انا عرفت المشكلة وحدتتها السلك لية ظبتطة معينة لو اتحرك واحد لمة او داس علية كل سنة وانتة طيب يفصل لحد اما ربنا يكرمنى واظبطتوا المشكلة تحديدا فى علبة التليفون وانا هجيب علبة جديدة قريب باذن الله

[fr3on150]

وشكر لكل الأعضاء اللى تعبوا معانا وبقولهم شكرأ على مجهدوكم وتعبكم والى الأمام ياعرب هارد وير