المساعد الشخصي الرقمي

مشاهدة النسخة كاملة : لوسمحتم سؤال ايهما ide 1 و ide 2 ?


manno93
29-06-2011, 15:57
لوسمحتم يا جماعة ليا سؤال انا عندي لوحة مازربورد فوكس كون زي الصورة دي بس بمنفذين اي دي ي اسود وازرق مش 3 زي اللي ف الصورة وكنت عايز اركب عليها هارد ودي في دي فياريت حد من المختصين يقولي انهي منفذ ide 1 علشان اعرف اوصل بيه الهارد واكون متشكر جدا
https://www10.0zz0.com/2011/06/29/13/266230621.jpg
ZEX
29-06-2011, 16:21
بتبقى مكتوبه بخط صغير على اللوحه بجوار المنفذ , او فى الكتالوج الخاص بالوحه
manno93
29-06-2011, 16:43
متشكر جدا لحضرتك انا هشوفها ف الكتالوج بس معلش لو مفيهاش رذالة عندي سؤال تاني لو انا حبيت اوصل مع الهارد والدي في دي فلوبي ديسك كده انا مش هلاقي مكان لوصلة داتا تتوصل بمنفذ ide فهل فيه حل ولا مينفعش ؟؟
ZEX
29-06-2011, 16:55
اسأل براحتك , انا تحت امرك
الفلوبى له وصله بالون الاسود لو هو زى الى فى الصوره ال IDE بالون الازرق
هى الصوره مش واضحه اوى لأن المنفذين شبه بعض فى الحقيقه لكن بتاع الفلوبى اصغر
manno93
29-06-2011, 17:43
ربنا يخليك ده من زوقك
بس انت فهمتني غلط انا اقصد ان الهارد والدي في دي هياخدو مكانهم الاتنين في ide الازرق والاسود تمام وبالتالي مش هيكون فيه مكان تاني للفلوبي لان الكابلين اتوصلو بالفتحتين وانا معنديش غير فتحتين فسؤالي هل في طريقة اوصل بيها الفلوبي ولا مش هينفع ده اللي اقصده
manno93
29-06-2011, 18:00
لالا ثواني صح الفلوبي زي مقولت وصلته اصغر من التانية طيب اذا الفلوبي والهارد هيتوصلو كل واحد بمكانه بس هيفضل الدي في دي مش راكب ومفيش فتحة تانية فازاي ممكن اركبه ؟
ZEX
29-06-2011, 18:03
كابل ال IDE بيبقى فيه 3 فتحات واحده تركب فى البورده و الاتنين التانين بيبقوا فى الهارد او الديفيدى تمام
كابل الفلوبى هيبقى فى المكان الاسود لأنه اعتقد اصغر من الازرق
manno93
29-06-2011, 18:47
تمام شكرا ليك انا مكنتش فاهم ازاي 3 فتحات بس لما دورت فهمت بس معلش سامحني اخر سؤال انا عرفت ان التوصيل بيكون نوعين master و slave طيب انا هوصل الهارد علي انه ماستر والدي في دي هوصله slave بس فيه مشكلة وهي ان الجمبر بتاع الدي في دي عندي متركب ومعرفش هل هو متركب ماستر ولا سليف ؟ وحاولت ابص علي الهارد بتاع الدي في دي ملقتش اي كلام مكتوب من حيث انهي slave وانهي master ؟ فممكن تفيدني في الحكاية دي ازاي اعرف؟ ومعلش انا تعبك معايا
manno93
29-06-2011, 18:50
ده نوع الدي في دي بتاعيsamsung writemaster https://tech.moneycontrol.com/wp-content/uploads/2006/06/samsung-writemaster-sh-s182d-18x-dvd-burner.jpg
ZEX
30-06-2011, 05:05
ممكن تخلى الهارد هو الى ماستر سواء بالجمبر او من البيوس
mostafaeng_2011
30-06-2011, 05:10
أخي الكريم أولا لونين ide عندك أزرق وأبيض وكابل الداتا الواحد بيشيل قطعتين والطرف التالت في الماذربورد بالنسبه للماستر والسلاف في primary master &secondary master &porimary slave &secondary slave
هتلاقي تعليمات الجامبر فوق مكانه محفور على السي دي نفسه وتعليمات الجامبر على الهاارد عند نوعه وسرعته وهكذا على واجهته وصل زي ماتحب وربنا يوفقك يا أخي