(مصر) مطلوب تجميع كيسة ب700 للأستخدام الشخصى قابلين لزيادة طفيفة

[thexman_2050]

معلومات الكيسة المرادة

- أقصى ميزانية محددة: 700 او 800
- استخدامك للجهاز: الألعاب الخفيفة مؤقتا
- حجم الشاشة و الدقة (Resolution) التي تستخدمها: 768 * 1024
- القطع التي تنوي شراءها: بوردة ورامة وبروسسور فقط
- القطع التي ستعيد استخدامها من الجهاز القديم: هارد وسى دى روم وباور تجارى وهيكل الكيسة
- ميعاد شراء الجهاز: يوم 10 فى شهر 7 سنة 2011 ( التاريخ بيتخلبط لما بكتبوه ارقام بس :D )
- محل سكنك: القاهرة


ملاحيظ : الكيسة دية بجمعها علشان ولادى وعاوز اشغل لعبة pes وميدل ولما ربنا يرزقنى بفلوس اشترى كارت شاشة وباور نضيف وعاوزهم يركبوا على البوردة يعنى حاجة مثلا ati فى الفئة المتوسطة وياريت البسسور يكون ثانئى النواه لو المزانية تسمح والرامة تكون 2 جيجا ... اه والبوردة تكون جيجا بايت ( وربنا يكرمكوا يا رب على المساعدة مقدما :) )

[DoCToR.TaHeR]

ربنا يخليلك ولادك :) .. تفضل :

GIGABYTE 78LMT-S2P AM3+0السعر 380 جنيه

Athlon II X2 250 3.0GHz, 2MB Total Cache السعر 360 جنيه

kingston 2gb ddr3 bus 1333mhz cl9 v1.5 السعر 125 جنيه

كده المجموع : 865 جنية .. دي اقل وافضل تجميعة في حدود ميزانيتك .. بالتوفيق :)

[thexman_2050]

ربنا يخليلك ولادك :) .. تفضل :

GIGABYTE 78LMT-S2P AM3+0السعر 380 جنيه

Athlon II X2 250 3.0GHz, 2MB Total Cache السعر 360 جنيه

kingston 2gb ddr3 bus 1333mhz cl9 v1.5 السعر 125 جنيه

كده المجموع : 865 جنية .. دي اقل وافضل تجميعة في حدود ميزانيتك .. بالتوفيق :)

تسلم يا باشا ... بس البوردة دية لو جبت كارت شاشة مثلا فى حدود 600 جنية وباوز نضيف بعد كدة يركب عليها عادى ... والوردة دية فيها كارت شاشة إن كام ؟؟ ... وهل فيه انواع افضل من الجيجا بايت وارخص ؟؟ ... والبروسسور دة اية اللى يقابلة من انتل بنفس السعر تقريبا ... معلش تقلت عليك فى الأسئلة ... بس والله انا بحبكوا فى الله كل الناس اللى هنا فى المنتدى وبدعلكوا من قلبى .. وعشمى فيكوا كبير انكم تفدونى:)

[DoCToR.TaHeR]

البوردة تمام جدا .. ولو حبيت تجيب بعد كده كارت شاشة وباور هيركبوا عادي جدا .. وحتي لو حبيت تغير البروسيسور نفسه ساعتها هيركب برضه ..

الكارت اللي فيها ATI HD 3200 وهو كارت محترم لتشغيل الألعاب الخفيفة .. دي افضل وارخص بوردة في حدود حضرتك ..

انسي الانتل خالص في الشريحة السعريه دي .. هتلاقي اللي يقابله E5400 او E5700 .. تقريبا ب 380 جنية .. بس الأداء مش هيبقي زي ال AMD ..

توكل علي الله ولا تقلق :) ..

[thexman_2050]

طب فى سؤال تانى معلش ... البوردة دية شوفتها على موقع الجيجا بايت مفهاش سوكت داتا
مع العلم انى الهارد والسى دى روم القديم داتا وعوزهم يشتغلوا مؤقتا ... هل فيه وصله تركبهم على البوردة دية ... وبكام ؟؟

[DoCToR.TaHeR]

اه طبعا في وصلات تحول من ساتا لداتا او العكس .. بس للأسف معرفش بكام ..

هتلاقي الوصلات دي عند اي محل بتاع اكسسوارات كمبيوتر ..

[thexman_2050]

طب رايك اية لو هبدل البوردة اللى انته كتبها ليا بالبوردة دية

https://www.gigabyte.com/products/product-page.aspx?pid=3583#ov

ا (https://www.gigabyte.com/products/product-page.aspx?pid=3583#ov)نا شايفها نفس موصفات البوردة اللى حضرتك كتبها ليا بس الفرق السوكت am3 بدل am3 +

وانا مش هتحاج am3+ فى حاجة دلوقتى ... ولا يكون فيه فرق كبير بين البورديتن وبكام اللى انا قولتك عليها ... على فكرة انا نازل دلوقتى بعد الرد بتاعك ... وشكرا ليك بجد على مساعدتى ... وربنا يجازيك خير :)

[DoCToR.TaHeR]

مفيش بينهم فرق غير ان اللي قولتلك عليها بتدعم المعالجات القادمة بسوكيت AM3+ ..

حضرتك اصلا احتمال كبير جدا متلاقيش البوردة اللي انت بتقول عليها .. ولو لاقيتها هتبقي أرخص 20 ولا 10 جنية ..

مفرقتش يعني وتجيب حاجه يمكن تنفعك لقدام .. وبالتوفيق ان شاء الله :)

[thexman_2050]

مفيش بينهم فرق غير ان اللي قولتلك عليها بتدعم المعالجات القادمة بسوكيت AM3+ ..

حضرتك اصلا احتمال كبير جدا متلاقيش البوردة اللي انت بتقول عليها .. ولو لاقيتها هتبقي أرخص 20 ولا 10 جنية ..

مفرقتش يعني وتجيب حاجه يمكن تنفعك لقدام .. وبالتوفيق ان شاء الله :)

كلام حضرتك مضبوط ... بس اللى يقولك عليها فيها سوكت داتا ... هيرحينى من الوصلات اللى هجبها ... لانى سامع الوصلة الواحدة ب 35 جنية ... وانا طبعا هجيب 2 علشان اسى دى روم والهارد يبقى كدة 70 جنية ... انا محتار

[DoCToR.TaHeR]

ممكن تجيب وصله واحده .. وعلي ما اعتقد ان الوصله الواحده بيبقه طالع منها اكتر من كابل داتا والله اعلم ..
غير اني معتقدش الوصله توصل 35 جنية خالص ..

حضرتك شوف فين اللي يريحك واعمله .. البورده اللي انت بتقول عليها دي ممتازة برضه :)

[thexman_2050]

ممكن تجيب وصله واحده .. وعلي ما اعتقد ان الوصله الواحده بيبقه طالع منها اكتر من كابل داتا والله اعلم ..
غير اني معتقدش الوصله توصل 35 جنية خالص ..

حضرتك شوف فين اللي يريحك واعمله .. البورده اللي انت بتقول عليها دي ممتازة برضه :)

شكرا جدا جدا جدا واتمنى انى مكنتش ضايقتك بكتر الأسئلة ... بس انته عارف الواحد بيكون عاوز يجيب لولادة احسن حاجة فى حدود المزانية اللى معاه ... شكرا يا ابو الشباب :)

[DoCToR.TaHeR]

مفيش مدايقة ولا حاجة .. وكله يهون عشان خاطر الأولاد :)

بالتوفيق في الشراء ان شاء الله :)

[thexman_2050]

الحمد لله انا اشتريت تجميعة حلوة شبة اللى حضرتك قولتلى عليها

360 جنية asus - M4A78LT-M LE am3
375 جنية Athlon II X2 255 3.11GHz, 2MB Total Cache

110 جنية kingston 2gb ddr3 bus 1333mhz cl9 v1.5

وكلوه كان 845 جنية
اشترتها من شركة هاى اند اللى فى سوق العصر
والراجل اقنعنى بالبوردة انها نفس جيجا بايت وقلى علشان كابل الدتا وفعلا هيا بوردة جميلة وحلوة
والبروسسور 250 قالى مبقاش ينزل وجبت 255 وقالى هوا احدث منوه بفروق بسيطة
والرمات الحمد لله لاقيتها نفس النوع .. والجهاز بصراحة بسم الله ما شاء الله حاجة جميلة مع انى عارف انى لو غيرت الهارد ال80 هيبقى احسن واحسن بس لما تيجى فلوس ... والألعاب شغالة زى الفل والأولاد فرحانين وبيدعولك :) ربنا يكرمك يا رب