استفسار حول افضل كارت شاشه بين بعض كروت Nvidia and Ati

[flying horse]

السلام عليكم جميعا,,,بصراحه انا فى حيره شديده ومش عارف اختار كويس بين نوعين او حوالى 3 انواع من كروت الشاشه اولهم
ATI 6970
GTX 570
GTX 560 TI
الفكرة ان كل كارت تلاقيه بيتفوق على التانى فى لعبه وتلاقى التانى يتفوق على الاولانى فى حاجة تانيه,,,طبعا احنا مش هنشترى الكروت بس عشان خاطر بيشغل لعبه احسن من كارت تانى,,بس انا بتكلم فى نقطه بسيطه اوى,,انا مش عايز احس انى دفعت الفين جنيه فى كارت شاشه كان ممكن ادفع نصهم فى واحد يدينى نفس الاداء,,بمعنى انا عايز اجيب كارت يشغل جيمز كويس جدا وبالمناسبه الشاشه بتاعتى سامسونج 23 بوصه,,وان شاء الله هجيب بروسيسور I5 2400 او ممكن اعلى,,,بس خلينا دلوقتى فى كارت الشاشه,,,بس انا عايز الفت النظر لحاجة,,لما دخلت على موقع ATI او AMD واختارت ان الموقع يساعدنى فى اختيار كارت بس عشان الجيمز لقيته مختارش ابدا ال 6970 اختار 3 كروت تمنهم معدى ال 3 الاف لكن اختار ال 6870 استغربت جدا للموضوع ده,,,هل ده معناه ان ال 6970 مش معمول للجيمز ومعمول لبرامج جرافيك مثلا,,,هو ده اللى انا بتكلم فيه انى مش عايز اجيب حاجة غاليه مش هتفيدنى اوى فى الجيمز فى حين انى ممكن اجيب حاجة ارخص بس هتدينى نفس الاداء,,وعلشان لو حد سأل على الميزانيه معاكو لغايه 2200 بس مش معنى كده انى اريح دماغى واروح اجيب ال 6970 وخلاص لا الواحد برده قدامه حاجات تانيه عايز يجيبها وبعدين مش فلوس هتترمى وخلاص,,نقطه كمان لو حد يقدر يفيدنى فيها,,موضوع ان كروت النفيديا صورتها احلى واحسن من ال ATI ياترى الكلام ده فعلا صحيح وهيكون فارق على الشاشه ولا مجرد كلام وبس,,,ارجو الرد من الناس جميعا من غير ما نزود حيرة بعض

[Zatlon]

اولا لا يوجد شيء اسمه "صورته احسن من الاخرى" لو نفس الإعدادات = نفس الصورة (طبق الاصل)
بالنسبة لكرت الشاشة فهم متقاربين جدا مع افضلية للـ570 و ايضا لا تنسى افضلية انفيديا في الكودا و الفيزيكس و التعريفات فأنا سوف اتجه للـGTX 570
ابحث عن هذه النسخة فهي هادئة و بتبريد احترافي Gainward GeForce GTX 570 Phantom

[mostafa97]

اخي كرت 560 اقل من الكرتين الاخرين
gtx 570 و HD 6970 بنفس الاداء تقريبا لكن
في المستقبل اذا اردت ربط كرتين للحصول على اداء اعلى سوف يتفوق كرتين 6970 على كرتين 570


وانا اعتقد انك ممكن تجيب gtx 560 او hd 6950 لانهم راح يعطوك اداء كبير ولا اعتقد انك تحتاج 6970 او 570
وذلك بسبب ان كرتي 560 و 6950 لا تقف امامهم اي لعبة الى الان

[ENG.Bishoo]

اولا بالنسبه لأفضليه الصوره فانه فعلا يوجد اختلاف بسيط جدا وهو لصالح nVIDIA ثانيا أفضلهم 6970 وتقريبا هى وال 570 نفس السعر ويفضل شراء هذهRadeon HD 6970 2GB GDDR5 msi lighting بسعر 2400 بس تبريدها فعلا ممتاز

[كان ودي]

اولآ لايوجد شي اسمة هنا صورة احسن في الكرت الفلاني
كل الحكايل سرعة استجابة المعالج ونقل البيانات
بعدين كل ما كانت الشاشة اكبر
سوف تحتاج الي معالج رسومي بسرعة اكبر

[Ahmed Abdelwahab]

اولا بالنسبه لأفضليه الصوره فانه فعلا يوجد اختلاف بسيط جدا وهو لصالح nVIDIA ثانيا أفضلهم 6970 وتقريبا هى وال 570 نفس السعر ويفضل شراء هذهRadeon HD 6970 2GB GDDR5 msi lighting بسعر 2400 بس تبريدها فعلا ممتاز
ياريت تقولنا جبت منين الكلام ده لأن مفيش حاجة اسمها الصورة أحسن هنا أو هناك

[Ahmed Abdelwahab]

بالنسبة للأخ صاحب الموضوع...ابعد ال560 لأن أضعف من الكرتين الاخرين
أنا عن نفسي أري أن الكارتين لهما أداء متساوي
https://www.techpowerup.com/reviews/HIS/Radeon_HD_6970/7.html
https://www.guru3d.com/article/his-radeon-6970-iceq-turbo-review/
https://www.guru3d.com/article/asus-radeon-6970-directcu-ii-review/

[flying horse]

يا جماعه ده مجرد رأيى واحد كان فى منتدى قريته بالصدفه وخلى دماغى تلف,,,اكيد يمكن هو شاف فيديو تصوير الكاميرة كان مش كويس عشان كده قال الكلام ده,,,بس برده محدش قدر يرد عليا رد وافى شافى بالتفصيل فى كل كارت ليه احسن من التانى واحسن ليه,,,انا شاكر جدا لكل الناس اللى دخلت بس اتمنى افاده اكتر من الجميع لو حد عنده معلومه يقولها,,,زى الاخ اللى قال ان النفيديا يتفوق فى موضوع الفيزيكس,,,بس زى ما قولت انا استغربت جدا لما دخلت موقع ATI ولقيت الموقع رشحلى 3 كروت بعاد تماما عن ال 6970 علشان كده انا محتاج حد يقولى بالزبط هل لو انا جيبت الكارت ده على شاشه 23 بوصه عندى هيدينى اداء قوى,,,ولا مش هيكون قوى كفايه قد النفيديا 570,,,والاخ الفاضل مشكورا اللى رشحلى ال 560 او 6950 2 جيجا ياترى دول هيكون ادائهم قوى كمان سنتين تلاته او هيدونى اداء قوى لو كانو كروس فاير او SLI
ارجو حد يرد عليا بخصوص النقط دى يا جماعه واعذرونى لو كنت بطول عليكو,,,شكرا

[ENG.Bishoo]

ياريت تقولنا جبت منين الكلام ده لأن مفيش حاجة اسمها الصورة أحسن هنا أو هناك

من ناحيه فى فرق فهو غير ملحوظ زى مانا قولت فوق ولكن انا برد على سؤال صاحب الموضوع عن الفكره نفسها و للتاكد ان فى فرق فى اكتر من موضوع اتعمل على tomas hardware وده واحد منهم
https://www.tomshardware.com/reviews/ati,802-31.html (https://www.tomshardware.com/reviews/ati,802-31.html) فلو مكنش في فرق مكناش نلاقى المقارنات اصلا

[ENG.Bishoo]

6970 افضلهم لو ال msi غالى خليفك فى ال sappire

[flying horse]

تسلم يا بيشو على المشاركه بس منين بتقول فيه فرق بين النفيديا والاى تى اى وبتقولى خليك فى 6970 ???????????????????????????:ah34:

[flying horse]

تسلم يا بيشو على المشاركه بس منين بتقول فيه فرق بين النفيديا والاى تى اى  وبتقولى خليك فى 6970 ???????????????????????????:ah26::ah34:">

[flying horse]

انت تقصد يا بيشو بالفرق بين النفيديا وال ATI ان ال ATI هو اللى احسن ولا ايه؟؟

[mostafa97]

^^^
اخوي انا برايي تخليك في 560 او 6950 لانهم كروت ممتازة وتقدر تشغلك اقوى الالعاب على اعلى اعدادات
واذا كنت تريد 570 او 6970 خذ لك 6970 لانه افضل في وضعية الكروبس فاير من 570 في وضعي اس ال آي

[ENG.Bishoo]

نعم ال ATI هى الأفضل وعلى فكره حوار فرق الصوره متحطوش فى دماغك قد امكانات الكرت نفسه يعنى سرعه المعالج وسرعه معالج ال shader وتردد الذاكره ومساحه الذاكره و جوده التبريد

[general bebo]

أكيد ال Nvidia و انصحك بالـ560ti ففرق السعر كبير بينها و بين ال570 و لكن الاداء الى حد ما متقارب فى كثير من المقارنات و خاصه نسخه الMSI Twin Frozr II / OC

[Ahmed Abdelwahab]

يا جماعة الراجل بيسأل أنهي كرت أحسن من التلاته....خلاص يبقي نقوله مين الأحسن
الأخ صاحب الموضوع لو انت بتسأل أي كرت أفضل للمقارتة فهو 6970 أما لو كنت بتسأل عن كرت يشغلك الألعاب علي شاشة 23 فأنا بقولك كرت 6870 سيكون كافي ولهذا الموقع اختار لك هذا الكارت
لذلك حدد هل أنت تريد كارت يشغلك كل الألعاب علي الهاي علي شاشة 23 أو انك تريد أقوي كارت في حدود ميزانيتك؟

[flying horse]

جنرال بيبو مشكور على الرد يا اخى الكريم بس انا كتير خوفونى من الاوفر كلوك حتى لو جاى من شركته كده,,,وحوار الفيزكس ده عاملى صداع وبصراحه لسه شايف فيديو للعبه باد كومبانى 2 بكارت 6970 وكارت 570 نفسى تشوفو الفيديو وتقولو ايه رأيكو فى الفرق بين الاتنين فى اللعبه دى الفيديوهات اهى
https://www.youtube.com/watch?v=JyEtTHU-rHk

https://www.youtube.com/watch?v=ZL0WAn_lP3E&feature=related

[flying horse]

اخى الكريم مشكور على مرورك,,,,الحقيقه انى مش عايز احس انى جيبت حاجة اه كويسه وبتشغل كل الجيمز بكفائة عاليه لكن ممكن اغيرها بعد سنه مثلا,,,بصراحه انا مخرج ال 68 من حساباتى تماما خصوصا ان تمنه قريب لباقى الكروت بفرق تقريبا مش كبير لكن دلوقتى عايزين نحصر الاختيار بين واحد من الاتنين 560 او 570 بالمقارنه مع 6970...مع العلم انى مش ناوى احط كارتين مع بعض فيما بعد,,انتو رأيكو ايييييييييييييييييه؟؟

[general bebo]

العفو طبعا ... بالطبع لا يوجد اى مشكله مع الكروت المكسوره مصنعيا و خصوصا كارت Msi twin frozr II /oc 560ti ادائه خارق و عن تجربه و فى بعض الالعاب يتفوق على 570 و ال 6970 و اكيد الامر فى النهايه يرجع لك انا كل ما اقصده انك حتوفر كتير مع تقريبا نفس الاداء و فى النهايه اكيد 570 هو الافضل فى الثلاث كروت


9800

[Ahmed Abdelwahab]

بص يا باشا لو هتخرج ال6870 من حساباتك يبقي أنصحك تخرج ال560 كمان لأن الفرق بينهم أصلا لايتعدي 10% لذلك الاختيار محصور بين ال6970 وال570 ومن رأيي تجيب كارت 6950 2جيجا ريفيرانس وتحوله ل 6970 وبكده تكون وفرت فلوس وفي نفس الوقت حصلت علي أداء ال6970 اللي هو مساوي لل570

[flying horse]

ابو حميد تسلم على رأيك يا كبير,,,بس من غير ما تزعل يعنى برده ال 6950 بره حساباتى عشان انا لو فكرت اعمل زى ما بتقول يبقى قول باى باى للضمان وانا مش هروح اجيب حاجة بضمان عشان اضربها اروح اجيب مستعمل احسن وانا ضد المستعمل نهائى وزى ما قولت انا مش ناوى على موضوع انى اجيب كارتين يا رجاله,,كلامكو فوق راسى من فوق والله بس ركزو معايا فى اللى انا بقوله,,,مش كل لعب الحروب والاكشن فيها فيزكس,,,,طب بلاش,,حد شاف الفيديوهات اللى انا رفعتها,,,حد شاف الفرق بين الفيزكس فى النفيديا وعدم وجوده فى الاى تى اى؟؟؟ طب بلاش دى كمان انا والله مش ممانع انى اسمع رأى اى حد بس مش حابب اجيب حاجة واقول ياريت جيبت التانيه بس هل فعلا الاختبارات دى ممكن تكدب على المستخدمين وتقول كلام مش مضبوط يعنى ممكن اختبار يقول ان 6970 احسن من 570 او العكس,,,ولا الكلام ده موثوق فيه,,,فعلا دلوقتى الاختيار انحصر بشكل نهائى بين ال 570 وال 6970,,,وبجد يا جماعه انا مقدر رأى وكلام كل واحد فيكو لانى لو هنزل اشترى حاجة هيبقى الفضل كله راجع ليكو انتو مش ليا انا,,,عشان كده ياريت تدلونى على الصح,,,لو كان ال 570 يبقى ليه,,,ولو كان 6970 يبقى ليه ؟؟وشكرا جزيلا للجميع

[flying horse]

اه نسيت اقولك يابو حميد انا كنت اقصد ال GTX 560 TI مش ال 560 العادى,,,هل اخرجه بره المقارنه؟؟؟ وانا كمان بتكلم على الرفرنس مش المكسور,,,او حتى المكسور,,,يهمنى اقرى رأيك بعد أذنك,,,شكرااااااااا

[Ahmed Abdelwahab]

والله زي ما قلنا لحضرتك ان الأداء متساوي بين الكرتين
فمن رأي شوف الأرخص قدامك واشتريه...أو شوف انت مايل لأي كارت منهم وجيبة وفي كلتا الحالتين مش خسران حاجة

[Ahmed Abdelwahab]

اه نسيت اقولك يابو حميد انا كنت اقصد ال GTX 560 TI مش ال 560 العادى,,,هل اخرجه بره المقارنه؟؟؟ وانا كمان بتكلم على الرفرنس مش المكسور,,,او حتى المكسور,,,يهمنى اقرى رأيك بعد أذنك,,,شكرااااااااا
نعم أنا قصدت الti لأنه زي ما قلت لحضرت أقوي بأقل من 10% سواء هو أو ال6950 من ال6870

[MrEhabYoussrey]

أخى الكريم

من رؤية التجربة فقط .. nVidia صورتها أفضل فى تحكم الDigital Vibrance وهو ما يقوم بتعطيش الشاشة بالألوان..

بما إنك حصرت إختياراتك بين الكارتين
وطالما الفرق بين AMD 6970 و nVidia GTX 570 هو أقل من 10% .. يبقى ليه تشترى كارت فيه ميزة ناقصة ..

كارت nVidia GTX 570 مش مجرد PhysX زيادة فقط .. بل الTessellation افضل .. والقليل من الألعاب التى تستخدم الCUDA
بالإضافة لخاصية ال Ambient Occlusion .. وتفعيل رؤية ال3D Vision ...

[flying horse]

الف شكر لكل الناس على مرورها الكريم,,,مستر ايهاب كلامك جميل بما انك تطرقت بقى للمواضيع دى حابب برده تدينى بريف سريع عن كارتين كمان انا عارف انا خرجتهم بره المقارنه بس زى ماقولت فى الاول انا مش عايز ادفع مبلغ كبير فى كارت كان ممكن ادفع نصه فى واحد غيره هيدينى نفس الاداء عشان كده حابب من حضرتك تدينى رأيك فى كل من 560 TI وكمان كارت 6950 بغض النظر عن انى ممكن احوله لكارت 6970 لانى مش هعمل كده,,,حابب اعرف رأيك فى الاربعه بشكل كامل وزى ماقولت الميزانيه 2300 للكارت ترشحلى انهى,,,وزى ما بفكر الناس فى كل تعليق,,,,حد اتفرج على فرق الفيديو فى لعبة باد كومبانى يا جماعه وهل حد حس بفرق بين الاتنين؟؟؟ ارجو انك تشوف الفيديوهات يا مستر ايهاب ورأيك يهمنى,,ومشكووووووور

[Ahmed Abdelwahab]

كارت nVidia GTX 570 مش مجرد PhysX زيادة فقط .. بل الTessellation افضل .. والقليل من الألعاب التى تستخدم الCUDA
بالإضافة لخاصية ال Ambient Occlusion .. وتفعيل رؤية ال3D Vision ...

بالنسبة للفيزيكس الكل أجمع حتي في المنتديات الأجنبية انها لا يمكن أن تؤثر علي اختيار الكارت
كذلك cuda
بالنسبة لل 3d vision فلدي AMD HD3D
أما بالنسبة لجودة الصورة فلا يوجد فارق كما سبق وقلت

[MrEhabYoussrey]

بالنسبة للفيزيكس الكل أجمع حتي في المنتديات الأجنبية انها لا يمكن أن تؤثر علي اختيار الكارت
كذلك cuda



أخى الكريم
الكل أجمع .. النصف معترض .. المهم رأيك إنت ورؤيتك .. وراحتك النفسـية فى الإختيار ..
وصحيح قلما ما تسـتخدم الألعاب CUDA .. لكن عند إسـتخدامها أداء اللعبة يتحسـن مثل Just Cause 2.

مش عايز الميزات دى .. إشـترى amd..

[MrEhabYoussrey]

رأيك فى الاربعه بشكل كامل .. حد اتفرج على فرق الفيديو فى لعبة باد كومبانى يا جماعه وهل حد حس بفرق بين الاتنين؟؟؟

شوفت الفيديو..
واضح الفرق طبعا مع كارت الnVidia GTX 570 فى الأشـجار والأعشـاب مع تفعيل ال Ambient Occlusion.

ما بين الأربع كروت أفضل ما بينهم وكمان بغض النظر عن الميزانية هو ال nVidia GTX 560Ti.
كل المميزات .. يكاد يقارب الكارتين أعلاه فى الآداء .. مناسـب جدا للشـاشة ال "23 .. وكما ذكر الأخ مصطفى لا تقف أمامه أى لعبة حتى الآن ( اللهم Mertro2033 يقل الفريم إلى 23 فقط على أقصى الإعدادات).
ولأجل لعبة واحدة فقط يمكننا التنازل قليلا عن القليل من الإعدادات بدلا من الفرق المالى الكبير.

رأيى مبنى على الألعاب الموجودة فى وقتنا هذا .. فقد تجد مننا المتحمس دائما لما هو جديد .. ويقوم بالشراء لأجل ألعاب السـنوات المقبلة .. وهذا فى نظرى الشخصى غير مجدى .. لأن كل سـنة تصدر بطاقات بتقنية أعلى و تتهاوى أمامها أسـعار الكروت القديمة .. لترى نفسك قد تحملت (المبلغ المحترم ) ووجود مثله بعد السـنة بنصف الثمن..

بالتالى فالتشترى الكارت الذى يقوم بتشغيل الألعاب الحالية .. ولألعاب المسـتقبل إذا لم تفى بطاقتك بها فالتتركها لحين وقتها ..