ساعدوني بخصوص درجة حرارة كرت ATI HD 5450

[سعيدو]

السلام عليكم


اشتريت كرت شاشة ATI HD 5450
في الحقيقة لقد كان رائع و شغل جميع الالعاب لكن صادفتني مشكلة فيه هي في د رجة الحرارة اي انها في وضع الخمول تكون في حدود 74 درجة


وعند العب تتجاوز 90 درجة واحيانا بعض الالعاب تخرج فما الحل اخواني

جزاكم الله خيرا

[sef alislam]

وعليكم السلام ورحمة الله
المشكلة دي كانت عندي والحل الحمد لله ربنا وفقني ووضعته هنا
https://www.arabhardware.net/forum/showthread.php?t=241764
انا الآن كنت مشغل crysis 2 وعامل كسر سرعة الcpu والرامات علي أقصي شئ ممكن وبدون مروحة جمب الكيسة ولا حتي تكييف والحرارة وصلت 50
أما في وضعية الIDLE السرعة بتصل لمستويات متدنية جداً الحمد لله .. بس برضة شوية نصايح كدة
1- الكارت ضعيف بالنسبة للألعاب وجيد جداً بالنسبة للمالتي ميديا وانا جربته عندي في الستالايت وكان مريح البروسيسور علي الأخر خالص يعني (فلو انتا غاوي ألعاب ففيه كروت تانية أفضل بكتير بس هتحتاج ميزانية:D)
2- الكارت يحتاج لمروحة أنا أراها مطلوبة وليس موصي بها (لكن الشركات كالعادة بتقلل التكلفة علي حساب حاجات تانية مع إنك لما تزود الحرارة الكارت ممكن يبوظ منك بسرعة)
3- سيب الكيسة مفتوحة طول ماحنا في الصيف وخصوصاً لو معندكش تكييف أنا شايف إنك لازم تسيبها مفتوحة (حتي ولو الكيسة فيها مروحة مش هتكفي لإن المساحة كبيرة وحتة المروحة دي مش هتقدر تطلع كل الهواء السخن اللي في الكيسة سواء اللي بيطلع من الباور سبلاي أو اللي بيطلع من البروسيسور أو الشيبست أو الكارت أو الهارد) شغلانة أنا عارف :D
4- نصيحة ملهاش علاقة بسؤالك وهوا لو معندكش قدرة تجيب كارت أعلي تقلل الريزليوشن هيديك كفاءة أعلي وجرافيك كويس
5- برضة زيادة تأكيد تقدر تحط مروحتين تلاته زي ماتحت بس ابئي شوف الباور سبلاي بتاعك يشيل ولا لأ (وانا علي فكرة قبل ما أجيب الكارت كنت حاطط المروحة دي علي الشيبست لإنها كانت بتسخن برضة وقت الألعاب جداً)
6- وانتا بتركب المروحة بص في ظهر الكارت علي مربع البروسيسور عشان تجيب المروحة ناحيته شوية لأنه أكبر حتة بتسخن في الكارت