(مصر) المساعده في شراء كرت شاشه في حدود 1250 جنيه (عنوان معدل)

[Dark.Bug]

بــــسم اللـــه الرحمــــن الرحيـــــــم

أطلب من شبابنا ذوى الخبرة الإجابة عن الأسئلة الاتية....

1-ما هو أفضل كارت شاشة فى حدود 1250 جنيه مصرى؟ هل هو ال460gtx؟و أجيبه gigabyte ولا EVGA و لا إيه بالظبط؟

2-وأين أجده (ياريت اسم الشركه و العنوان و تليفون لو فى)؟

3-و هل سيتناسب مع Q6600 ولن يحد من ادائه (ستوك)؟ والبورده intel G31؟

4-باور 400 HEC كافى صح؟

معلش الأسئلة كتير.

وشكراً مقدماً....

[Dark.Bug]

أرجو الرد يا جماعه أنا اسف أصلى الوقت ضيق

[mido morsy]

ياريت و انصحك يكون XFX NVIDIA و تشوف البيكسل شيدر بتاعه لو اقل من 3 ما تجيبهوش يعني لو 3 هاته 2 ماتجيبش
وشوف الباص انترفيس لو 256 هاته اقل من كدة ممكن يمشي لو 128
بس مادام معاك 1250 يبقى تجيب اللي انت عايزه
ولحد صاحبي عايز يبيع XFX 1GIGA
هاشوفه لو انت جاد في حدود 300 بس مستعمل نظيف

[mido morsy]

ونصيحة ماتصدقش كلام 1000 و 2000 كارت شاشة ليه يعني دي مبالغة في الأسعار والأسعار دي بتبقى في المواقع المصممة للكروت الجديدة اللي هي خارقة في الشغل لكن انا انصحكبحاجة فوق المتوسط 8800 9900 9950 لو في بس يكون آخرهم GT GTX للأفضلية
فأنا ناوي اجيب هيكون نظيف 512 وسعره هايكون 300 الى 150 جنيه مش 1500
وارجو الشكر عند القراءة

[Dark.Bug]

شكرا طبعا لك على الرد
لكن مش دى الكروت اللى انا قاصدها ....
هو تقريبا الحيره بين hd5850 و 460 GTX

[باسم مدحت]

بص يا صاحبي انتا حظك من السما انا برده نازل ان شاء الله اجيب بكرة كرت شاشة من سوق العصر وانصحك تجيبه نفس النوع اللي ان شاء الله هجيبه بكره


SAPPHIRE HD 5850 Xtreme 1GB GDDR5

وده ثمنه 1000 جنيه مصري
(https://www.********.com/product.php?id=9520)

[H@rryPotter]

بص يا صاحبي انتا حظك من السما انا برده نازل ان شاء الله اجيب بكرة كرت شاشة من سوق العصر وانصحك تجيبه نفس النوع اللي ان شاء الله هجيبه بكره


SAPPHIRE HD 5850 Xtreme 1GB GDDR5

وده ثمنه 1000 جنيه مصري
(https://www.********.com/product.php?id=9520)


اسمحلى بس حبيبى اخش فى الموضوع

عشان انا عامل موضوع بردة ومحتار وعشان المشكلة انا مش من القاهرة

عملت طلب من عندنا قالى الوكيل فى sapphire مش عنده الكرت 5850 extreme

فعايز رد من صاحب الرد دة هل جبت الكارت ولقيتة ولا لا

وشكرا واسفين على التدخل فى الموضوع

[باسم مدحت]

ولا يهمك يا صاحبي بص الكارت موجود في مول سوق العصر ونازل اجيبه بكرة ان شاء الله

[H@rryPotter]

ولا يهمك يا صاحبي بص الكارت موجود في مول سوق العصر ونازل اجيبه بكرة ان شاء الله

هل انت متأكد ولا معتمد على موقع ********
لان اخر ابديت من يوم 26 مايو يعنى شهرين
والشركة عندى بتقلى الوكيل بتاع sapphire قال معندوش فما بالك الوكيل مش عندة هتبقى الشركات عندها
وانا المشكلة من القاهرة يعنى سفر ورايح جاى
انا على العموم هتصل بماكسميم وهاى اند بكرة اتاكد منهم
وانت حضرتك لو مش فيها ازعاج تيجى تقلنا بردة لقيتة والاسعار كام
وشكرا جزيلا

[باسم مدحت]

ما تتعبش نفسك وتتصل انا اتصلت بيهم امبارح شركة هاي اند والمهندس كريم قالي موجود

[H@rryPotter]

ما تتعبش نفسك وتتصل انا اتصلت بيهم امبارح شركة هاي اند والمهندس كريم قالي موجود
والله كلامك دة عصبنى امال الشركة عندى بتقلى مافيش لية
عليا عايز اسافر النهاردة هما ساعتين زمن واكون عندهم اخلص اجيب الكارت وارجع
طيب لو فيها رخامة ممكن رقم الموبيل بتاع الشركة اتصل اسالهم بردة معلش واسف جدا
وهو مش سوق العصر فى روكسى تقريبا بعد السخاوى او كدة فاكر روحت السنة اللى فاتت ليهم بس ناسى الطريق
وهما الجمعة بردة بيبقوا فاتحين ولا قافلين
ومستنى ردك بكرة تقلى تمام جبتة ولا لا وسعرة كام بالظبط

[باسم مدحت]

الرقم اهوه
0129789962
22561313
ثمنه 1000جنيه
وعلي فكرة فيه حاجة احسن منه وهو Sapphire hd 6870 بس ده ثمنه 1350 جنيه

[H@rryPotter]

لالالالا ملناش دعوة بية دة مش دافع اكتر من الف انا
انا مكنش دماغى فى كروت شاشة اصلا بس حصلت ظروف خلتنى اغير
على العموم مستنى رد حضرتك بكرة وتبلغنى لقيت ولا لا وتمام جبتة
واسال فية بردة كذا نسخة يعنى مش يكون اخر حاجة وانا اروح والبس
وانا هتصل بردة
وشكرا لحضرتك
واسفين لصاحب الموضوع على الدخول فى النص

[Dark.Bug]

ايه يا جماعه محدش ساعد صاحب الموضوع نفسه؟!!!

هوا الكرت ألاقيه فين علشان مانزلتش قبل كده اشترى كروت خالص.

ياريت حد يرد علشان هوا يوم بالكتير وياريت لو فى نمر تليفون كمان.

[MrEhabYoussrey]

مانزلتش قبل كده اشترى كروت خالص.

بما إنك مانزلتش قبل كده تشترى كروت خالص .. إبقى بص على الكارت GTX 460 هو بالضبط على أد الفلوس اللى معاك ب 1250 جنية ..

[Ahmed Abdelwahab]

بص يا باشا لو تقدر تزود ل1350 وتجيب ال6870 هيكون أفضل....كارت رائع ومع كسر السرعة بيتغلب علي 6950 وال 560
لكن لو ماتقدرش تزود يبقي قدامك خيارين 6850 toxic أو 460 Hawk الكرتين مكسورين السرعة وتبريدهم احترافي
دي مقارنة للنسخ القياسية من الكروت
https://www.guru3d.com/article/radeon-hd-6850-6870-review/13
ودي مقارنة لل6850 toxic ولكرت 460 مكسور السرعة
https://www.tweaktown.com/reviews/3655/sapphire_radeon_hd_6850_toxic_video_card/index5.html

[omaar97]

HD 5850 Xtreme ولو لم تجده HIS HD 5850 الإثنين تقريباً 1000 جنيه وأداءهم يفوق 6850 و 460 إلا بتطبيقات DX11

[thunderstorm]

ولا يهمك يا صاحبي بص الكارت موجود في مول سوق العصر ونازل اجيبه بكرة ان شاء الله

كارت sapphire hd 5850 extrem جامد جدا بس زي dark ما قال مش موجود انا اتصلت امبارح بشركة HIGH END وقالي اخر كارتين عندي طالعين في جهاز دلوقتي فياريت يا اخ باسم لو عرفت تجيبة ياريت تبلغنا لاني بردو زي DARK محتاج اجيب الكارت دة

[باسم مدحت]

عندهم اخر قطعة دلوقتي انا لسه جاي من هناك كنت هشتريه بس لقيت اني 6870 احسن منه فجيبته

[thunderstorm]

عندهم اخر قطعة دلوقتي انا لسه جاي من هناك كنت هشتريه بس لقيت اني 6870 احسن منه فجيبته
thnxxxxxxxxxxx gdn

[Dark.Bug]

الكارت ال5850 مالقتهوش قالولى خلص مالقيتش قدامى غير ال MSI HD6850 . إيه رأيكم فيه مع العلم انى النسخه بيقولى تبريدها أفضل و مكسورة السرعة .

[Ahmed Abdelwahab]

الكارت ال5850 مالقتهوش قالولى خلص مالقيتش قدامى غير ال MSI HD6850 . إيه رأيكم فيه مع العلم انى النسخه بيقولى تبريدها أفضل و مكسورة السرعة .
ما هي النسخة أخي الكريم

[Dark.Bug]

انا قصدى الHD 5850 Xtreme مش موجود. و مافيش غير ال HD 6850 MSI .
ولكن للأسف الكارت الأول أسرع و أرخص . حاجه تنرفز.

[H@rryPotter]

عندهم اخر قطعة دلوقتي انا لسه جاي من هناك كنت هشتريه بس لقيت اني 6870 احسن منه فجيبته

مش قلتلك
انا نزلت النهاردة بس نزلت على ماكسميم عشان كان عندة 5850 بس ال his
انا م رضيت اجيب 6870 لان العادى منة ب 1350 وتبريدة مش اد كدة
وبردة 5850 اداء افضل
على العموم الف مبروك

[باسم مدحت]

علي فكرة يا أخي الكارت 6850 جامد جداااا مع اني 5850 افضل منه بس قليل في السوق انصحك انك ما دام ما لقيتش 5850 اذاا هات ال 6850 علي فكرة سعره 1200 جنيه تقريبا

اما 6870 اللي انا جبته فالعادي عامل 1350 جنيه ونسخة ال flex edition وبيكون معاها كود لتنزيل لعبة dirt3 من علي الستيم مجانا فديه 1425 جنيه وديه اللي انا جبتها وتبريدها افضل من العادية

[باسم مدحت]

صحيح يا اخي H@rryPotter (https://www.arabhardware.net/forum/member.php?u=11187424) ما رأيك في نسخة ال flex edition

[Ahmed Abdelwahab]

انا م رضيت اجيب 6870 لان العادى منة ب 1350 وتبريدة مش اد كدة
علي فكرة ياباشا التبريد اللي في كارت 6870 مش قياسي...بل انه يعتبر تبريد احترافي
وهو نفس تبريد النسخة ال flex

[omaar97]

عموماً HD 6870 ضعيف بكسر السرعة فلا تهتم إذا كان التبريد احترافي أم لا فيكفيه تبريد قياسي إذا كنت ستشتريه
أنا أفضل انتظار GTX 560 (بدون Ti) لمعرفة كم سيكون سعره لديكم لأنه نفس أداء HD 6870 تقريباً ولكن قد يكون أرخص عند نزوله بمصر
لو لم تجد 5850 Xtreme فيوجد HIS iCooler HD 5850 في ماكسيمم بسعر 990 جنيه وإن لم تجده فاشتري GTX 460 HAWK بسعر حوالي 1250 جنيه

[H@rryPotter]

النسخة ال flex eddition تمنها 1400 غالية
لو كدة ازود واجيب 560 ti احلى منها ونسخة msi ضمان 3 سنين واداء اعلى وتبريد احلى كمان
وبعدين انا مش هعمل حاجة باللعبة يعنى فمش فارقة بردة

النسخة his 5850 موجودة فعلا فى ماكسميم وجبتها امبارح

[thunderstorm]

الف مبروك ياباشا وربنا يباركلك فيه وادعيلي اخلص امتحان وانزل اشترية احسن لو اشتريته دلوقتي هسقط ههههههههه