اسباب فوز الاهلى بالدورى ( ادخل وشارك معنا )

[A Beautiful Mind]

اولا قبل كل شىء احب اقول انى اهلاوى واهلااااااوى جدا ومتعصب لقريقى كمان
لذلك فى كل كلامى هيكون فى انحياز شديد فى كلامى عن الاهلى
وكمااااااااااان عايز كل اللى يشارك يكون متعصب للاهلى ويجااااااامل كمان :D

اولا الاشباب الحقيقه الواضحه
1- الالتزام الشديد بالقرارت
2- الاستقرار الشديد فى المنظومه
3- التركيز الغير عادى فى كل مباره
4- المدرب السااااااحر المعشوق من الجماهير
5- مسانده الجمهور له الى النهايه دون الشعور بالملل او اليأس
6- الخووووووووووووووووووف نعم الخوف ولكن من اللى خااااااااف ومن مين
الخوف الذى شعر به جماهير ولاعبى الفريق ال :ah32: الذى شعرو به حين عوده السااااحر الى القلعه الحمراء
7- قله او ندرة التصريحااات مش زى اخوانا اللى شغاالين عمال على بطال
8- وجود لاعب مثل بركااااااااااات ملك الحركاااااات
9- رقم تسعه ده مهم جدا فى فوز الاهلى وركزو شويه انى العبدلله بيشجع القلعه الحمراء ده اهم سبب فى فوز الفريق بكل البطولات من سنه 2003 وانا بشجعه :ah4::D

10- .....
...
.
.

يا ريت الكل يشارك برايه فى الاسباب التى ادت الى فوز الاهلى

[Captain Tifa]

اعتقد السبب الاول هو الالتزاام , الالتزام داخل النادي من اداريين ومدربين ولعيبه وخدلي اربعين خمسين خط تحت التزام اللعيبه
مفيش تصريحات علي الفاضيه والمليانه في حاله الفوز اوالخساره لا يوجد نجم اوحد في النادي الاهلي وكل اللعيبه نجوم وعدم الاعتماد علي لاعب واحد فقط , الاهلي لا يجامل لاعب في حاله الاستهرار او التخازل حتي لو كان نجم الفريق وافضل لعيب فيه .
الجمهوووووووووووووووووووووووووووووووووووور العظيم علي الحلوه والمره مع الفريق
بجد اعظم جمهوووووووووووووووووووووووووووووور في الكوووووووووووووووووووووون

[mohammed_kamal]

واهم حاجه انت نسيتها
ان الحته الشمال نظيفه والقلب ابيض :D بعكس ناس كدا ;)
كله توفيق من عند ربنا

[Ahmed.Saleh]

نسيت تذكر 1- لجنه الحكام
2- لجنه الكوره

يالا كل دورى بتخدوه لازه يبقى فيه شبهه جنائيه
وياريت ما نغوطش الموضوع ده
ومبروك لل..ـهلى وعؤقبال ميت سنه

[A Beautiful Mind]

نسيت تذكر 1- لجنه الحكام
2- لجنه الكوره

يالا كل دورى بتخدوه لازه يبقى فيه شبهه جنائيه
وياريت ما نغوطش الموضوع ده
ومبروك لل..ـهلى وعؤقبال ميت سنه
شكلك اسمعلاوى يا مان
طب ده موضوع للاهلويه
وممكن يكون للاسمعلاويه اللى عاوزين يشجعو الاهلى
احنا موافقين

[Ahmed.Saleh]

يا اخى عيب عليك
انا مش زملكاوى انا اكثر عداوه لل..ـهلى من الزملكاويييييين
وبعدين واااااضح ف التوقيع

[A Beautiful Mind]

يا اخى عيب عليك
انا مش زملكاوى انا اكثر عداوه لل..ـهلى من الزملكاويييييين
وبعدين واااااضح ف التوقيع

عموما انت شرفت الموضوع اسمعلاوى زملاكاوى مصراوى اتحاداوى اى حاجه
المهم نبارك للاهلى لفوزه المستحق بالبطوله

[Ahmed.Saleh]

احنا نبارك اه دى الروح الرياضيه
بسالمستحق دى انا مش موافق عليها وانا حر

[ZEX]

ما معنى التعصب الكروى ؟



للعلم : انا مش اهلاوى و لا زملكاوى و لا حتى بتفرج على المنتخب المصرى

[Ahmed.Saleh]

بص التعصب ده له اكثر من تعريف
بالنسبه للى بيحب فريقه فمعناه ادافع عن فريقى واشجعه واروح وراه فين ما يكون ول اتخلى عنه ابدا مهما يكون

بالنسبه للى بيكره فرقه تانيه
يبقى اكسر واولع واضرب مشجع الفريق ال....... تيييييت واجيبه الارض واى عربيه عليها علم فريق ؟؟؟؟؟ ابن التيت هولع ف اومها

التعصب فيه منه نوع صحى ونوع مرضى يتسبب لصاحبه غالبا وعكات صحيه تصل للوفاه ف حاله التعصب الاعمى

عادى يعنى الكوره او الرياضه عامه مكسب وخساره وحبه فوووووق وحبه تحت

الاعتراض فقط على انه الفرص غير متكافئه ف الدورى بتاعنا واذا تكافأت لن يحصل على الدورى اى فريق من ال3 الاوائل دلوقتى

[A Beautiful Mind]

ما معنى التعصب الكروى ؟



للعلم : انا مش اهلاوى و لا زملكاوى و لا حتى بتفرج على المنتخب المصرى


التعصب الكروى ده كلمه معناها طيب ولكن الجمهور استخدمها مؤخرا استخدام خاطىء
كونى متعصب لفرق بحد ذاته اى احبه لدرجه كبييره جدا ولا اقبل عليه اى هزيمه واكون حزينا جدا فى الهزيمه وفرحا جدا فى الفوز
متعصب اى احب فريقى حب شديد ولا احب غيره
هذا المعنى البسيط لها
لكن كما قلت لك مسبقا للاسف الناس استخدموها استخدام خاطئ

[hack4love]

انا مهما ربنا اداني مش هفرط في المركز التاني

الكبير كبير ياجماعه

[ellassy]

اهم سبب هو وجود حسام وابراهيم فى الزمالك بصراحة نحسسسسسسسسسسسسسسسسسسسسسس
انا كان نفسى الاهلى يا خد الدورى عند فى الاثنين دول
ربنا يستر بكره وميحصلش حاجة من جماهير الزمالك فى التحرير اصل انا سمعت انهم من فلول النظام السابق :D

[mohammed_kamal]

انا مستغرب
حسام ابتدى المطش الاهلى والزمالك بروح رياضيه
ولكن بعد هذا
د

9851

حتى لو اعتراض على قرار الحكم هل يجوز ان يفعل هذا لا اظن هذا
ربنا يهديه
انا بس عشان الرياضه العالم كله بيشوفنا
الصحف لاسرائيليه طالع تشمت فينا فى موقعه الجبليه
عايزن رقى
والكوره والرياضه غالب ومغلوب وبنا يصلح الحال

[Captain Tifa]

اهم سبب هو وجود حسام وابراهيم فى الزمالك بصراحة نحسسسسسسسسسسسسسسسسسسسسسس
انا كان نفسى الاهلى يا خد الدورى عند فى الاثنين دول
ربنا يستر بكره وميحصلش حاجة من جماهير الزمالك فى التحرير اصل انا سمعت انهم من فلول النظام السابق :D
انا كمان مع مصطفي
بجد حسام الابيض وابراهيم الابيض هيضيعو الزمالك
بأخلاقهم وبعصبيتهم ولا يصلحو لقياده الزمالك الموسم القادم
ولو استمرو مع الزمالك احب اقول مبروووك للاهلي الموسم الثامن
علي التوازي :D

[ellassy]

الزمــــــــالك طـــــول عـــــمره مــــذلــــول ومتحـــــمص .. محــــروق ومتـــقرطــــس .. مــــهوا بقــــاله 100ســـــنه مـــــطورش نفـــــسه ..
هـــــما قــــالو ان كده كفـــــايه والزمـــــالك مـــش هيكــــــسب تـــــاني .. وأخــــترنا الأقــــــرع وأخــــوه .. وسمنــــــاه الــــزمالك ديلايتــــــس
وعملناه بخطين حمر وبجلابية وشبشب ... الزمـــــالك ديلايتس فـــــريق عـــــمره ماهـــــياخد الـــــدوري

الزمالك مش بتاع بطولات الزمالك بتاع سندوتشات
https://www.12allchat.com/chatters/do.php?img=76800

[mohammed_kamal]

الزمــــــــالك طـــــول عـــــمره مــــذلــــول ومتحـــــمص .. محــــروق ومتـــقرطــــس .. مــــهوا بقــــاله 100ســـــنه مـــــطورش نفـــــسه ..
هـــــما قــــالو ان كده كفـــــايه والزمـــــالك مـــش هيكــــــسب تـــــاني .. وأخــــترنا الأقــــــرع وأخــــوه .. وسمنــــــاه الــــزمالك ديلايتــــــس
وعملناه بخطين حمر وبجلابية وشبشب ... الزمـــــالك ديلايتس فـــــريق عـــــمره ماهـــــياخد الـــــدوري

الزمالك مش بتاع بطولات الزمالك بتاع سندوتشات
https://www.12allchat.com/chatters/do.php?img=76800

هههههههه
حلو جو الاعانات دا
عارف ايام الهجوم على امن الدوله بيقولوا ان فى وثيقه ان الزمالك
ميكسبش لحد 2025
وان فى حد عمل سحر لهم فى غرفه اللعيبه
هههههههههه
والله بموت من الضحك منهم

[محمد الجوهري]

مبارك للأهلي, و مبارك أيضاً للزمالك :)

من الجيد أن يكون هناك مشجعين لكل فريق, هذا أمر محبوب.
لكن من السيء أن يتحول الأمر لسخرية و شماتة في الطرف الآخر و يتسبب ذلك في أية ضغائن أو مشاحنات.

بالأمس كتبوا عبارة ساخرة على قناة مودرن سبورت, أتعلمون ماذا حدث؟
اتصل العضو المنتدب المسئول عن القناة, و عنفَ مدحت شلبي بشدة و قال أنه سيجري تحقيقاً للامر, ثم أثنى على جمهور الزمالك المشجع لناديه.

أتمنى أن يكون الموضوع مُحاط بجو من الود, و ألا يتحول إلى عداء و مشاحنات .. شكراً لكم

الإدارة

[A Beautiful Mind]

بجد يا جماعه ممتاز جدا اللى انت قولتوه بس مش عايزين نشمت فى حد
بردو الزمالك كان متصدر الدورى حتى الاسبوع 24
وده شىء كبيير كون الاهلى ياخد الدورى والزمالك له
ده نصيب اكتر منه لعب وتصميم واراده واداره ومدرب محترف

[A Beautiful Mind]

مبارك للأهلي, و مبارك أيضاً للزمالك :)

من الجيد أن يكون هناك مشجعين لكل فريق, هذا أمر محبوب.
لكن من السيء أن يتحول الأمر لسخرية و شماتة في الطرف الآخر و يتسبب ذلك في أية ضغائن أو مشاحنات.

بالأمس كتبوا عبارة ساخرة على قناة مودرن سبورت, أتعلمون ماذا حدث؟
اتصل العضو المنتدب المسئول عن القناة, و عنفَ مدحت شلبي بشدة و قال أنه سيجري تحقيقاً للامر, ثم أثنى على جمهور الزمالك المشجع لناديه.

أتمنى أن يكون الموضوع مُحاط بجو من الود, و ألا يتحول إلى عداء و مشاحنات .. شكراً لكم

الإدارة

بارك الله فيك يا استاذ محمد على مرورك الكريم
وعموما سيبك من الاهلى والزمالك مبارك علينا قناه اليوتيوب
وايه بسم الله مشاء الله ملعلع انت فى الفيديو :D
تنفع تكون مقدم برامج :D

[محمد الجوهري]

بارك الله فيك يا استاذ محمد على مرورك الكريم
وعموما سيبك من الاهلى والزمالك مبارك علينا قناه اليوتيوب
وايه بسم الله مشاء الله ملعلع انت فى الفيديو :D
تنفع تكون مقدم برامج :D

مقدم برامج مين بس يا كابتن جاك؟ :D
الأشكال اللي زي أخوك لازم تبقى دايماً وراء الكاميرا ولا تظهر, المفروض اللي يقدمو البرامج يكونوا حاجات أحلى من كدة :D :D

[mohammed_kamal]

ليه دا نت حتى كنت منور فى افتتاح القناه عرب هاردوير
بدله طيران الى انت متصور بيها دى :D

وبالنسبه للكوره فى حاجه غلط بتحصل اليومين دول وفى يد خفيه

[A Beautiful Mind]

مقدم برامج مين بس يا كابتن جاك؟ :D
الأشكال اللي زي أخوك لازم تبقى دايماً وراء الكاميرا ولا تظهر, المفروض اللي يقدمو البرامج يكونوا حاجات أحلى من كدة :D :D

ليه يكونو احلى انت احلى منهم وافضل منهم يكفى هما بيتكلمو فى تفاهات
لكن حضرتك والاداره الكريمه بسم الله ما شاء الله
بتقدمو لينا اشياء مفيده لينا ولكل العرب ربنا يكرمكم يا رب

[محمد الجوهري]

ليه دا نت حتى كنت منور فى افتتاح القناه عرب هاردوير
بدله طيران الى انت متصور بيها دى :D

وبالنسبه للكوره فى حاجه غلط بتحصل اليومين دول وفى يد خفيه

الله يكرمك, ده نورك :)

لأ, مش بدلة طيران :D
دي صورتي بالأفرول, بعيد عن السامعين انا رايح الجيش كمان أسبوع إن شاء الله ... دعواتكم :)


ليه يكونو احلى انت احلى منهم وافضل منهم يكفى هما بيتكلمو فى تفاهات
لكن حضرتك والاداره الكريمه بسم الله ما شاء الله
بتقدمو لينا اشياء مفيده لينا ولكل العرب ربنا يكرمكم يا رب

الله يحفظك يا أخي :)

صدقني نتمنى أن نقدم ما هو أفضل و افضل, و الحمد لله أن ما نقدمه ينال رضاكم أيها الأحباب الكرام.

[Mostafa Gomaa]

ثلاث مشاركات للجوهري في نفس الصفحة وفي القسم العام :eek:

يبدوا أنك عزمت على فعل شيئ مختلف قبل دخولك في الخدمة العسكرية :D

[A Beautiful Mind]

ثلاث مشاركات للجوهري في نفس الصفحة وفي القسم العام :eek:

يبدوا أنك عزمت على فعل شيئ مختلف قبل دخولك في الخدمة العسكرية :D

ماذا تقصد يا استاذ مصطفى
سيب الراجل يعبر شويه عن اللى جواه
وبعدين الله يكون فى عونه داخل على الخدمه العسكريه ربنا يكون فى عونه
وبعدين احنا قولنا الموضوع للاهلى ادخل وشارك وبارك بالفوز
انت دخلت ومباركتش للاهلى
انت اكيد مش اهلاوى انت اكيد ....:D

[mohammed_kamal]

انت هتقابل خلال الفتره الجايه احلى ايامك معسكر التدريب
هتقعد تضرب نار لحد ما تقول يابس
لو ركزت فى ضرب النار شويه فى مندوبين من باقى الافراع ممكن ياخدوك ياقناصه ياقوات خاصه
فلو انت عايز اضرب باحتراف لو جبت من 2/6 طلقه فى المره دى تبقى جيد جدا ول 3 من 6 كدا هياخدوك قوات خاصه
لو 1من 4 جيد جدا و 2 من 4 امتياز
انصحك متكونش دقيق ليسحبوك على فرع تانى نشل غلط عشان تتطلع من المعسكر وعلى الخدمه على طول

[محمد الجوهري]

ثلاث مشاركات للجوهري في نفس الصفحة وفي القسم العام :eek:

يبدوا أنك عزمت على فعل شيئ مختلف قبل دخولك في الخدمة العسكرية :D

آه, شفت بقى, القسم العام اللي كنت مخاصمه :D

إيه العربية ال Concept اللي في توقيعك دي, أنا مش بحب أي حاجة Concept للأسف.


ماذا تقصد يا استاذ مصطفى
سيب الراجل يعبر شويه عن اللى جواه
وبعدين الله يكون فى عونه داخل على الخدمه العسكريه ربنا يكون فى عونه
وبعدين احنا قولنا الموضوع للاهلى ادخل وشارك وبارك بالفوز
انت دخلت ومباركتش للاهلى
انت اكيد مش اهلاوى انت اكيد ....:D

هو فعلاً مش أهلاوي, مصطفى بيكره الأهلي جداً, اتصرفوا معاه يا أهلاوية .. و على فكرة مش زملكاوي برضه :D :D


انت هتقابل خلال الفتره الجايه احلى ايامك معسكر التدريب
هتقعد تضرب نار لحد ما تقول يابس
لو ركزت فى ضرب النار شويه فى مندوبين من باقى الافراع ممكن ياخدوك ياقناصه ياقوات خاصه
فلو انت عايز اضرب باحتراف لو جبت من 2/6 طلقه فى المره دى تبقى جيد جدا ول 3 من 6 كدا هياخدوك قوات خاصه
لو 1من 4 جيد جدا و 2 من 4 امتياز
انصحك متكونش دقيق ليسحبوك على فرع تانى نشل غلط عشان تتطلع من المعسكر وعلى الخدمه على طول

قوات خاصة ...مممممممم
ما أظنش, أنا جيشي سنة واحدة بس, ما أظنش إني هيكون حظي في الحاجات العالية دي.
لكن ممكن أروح مشاة, مدرعات, بحرية, طيران .. و عامة في كافة الأحوال, سنة و هتعدي بخيرها و بشرها.

هتوحشوني يا ولاد :D :D

[Mostafa Gomaa]

ماذا تقصد يا استاذ مصطفى
سيب الراجل يعبر شويه عن اللى جواه
وبعدين الله يكون فى عونه داخل على الخدمه العسكريه ربنا يكون فى عونه
وبعدين احنا قولنا الموضوع للاهلى ادخل وشارك وبارك بالفوز
انت دخلت ومباركتش للاهلى
انت اكيد مش اهلاوى انت اكيد ....:D

يا كابتن جاك أبارك على ايه , الواحد يبارك لما يحصل حاجة ما كنتش بتحصل قبل كده , ينفع أباركلك وانت نازل رايح الكلية !! , الأهلي طول عمره بياخد الدوري ايه الجديد :rolleyes:

أنا لا أهلاوي ولا زملكاوي ولا زمهلاوي ولا ليا في الكوره من أصله , بس بكره الزملكاويه المتعصبين لأنهم كل سنه يقولم هنعمل ونسوي وكل في الآخر في التراوه

وطبعا بكره أي حد متعصب في الكورة , تخيلم بنطلع من صلاة الجمعة ألاقي الناس بتتخانق على الكورة , طب ده اسمه ايه :confused:

[A Beautiful Mind]

كلامك صح مش هقول اكتر من كده