المساعد الشخصي الرقمي

مشاهدة النسخة كاملة : المشكلة التفليدية في مروحة AMD 955BE


yossefzied
08-07-2011, 08:45
السلام عليكم يا أعضاء المنتدي الكرام ....
أنا عندي البسيسور دا وإمكانيات الجهاز تحت إسم العضوية ... المهم , زي ما هوا مذكور في كل المراجعات للمعالج دا إن المروحة صوتها عالي وإنك لازم تقلل الفولت أو تشتري مشتت إحترافي بدل الأصلي ... كلام جميل بس أنا مش عارف أعملو والسبب إن دي أول مرة أجيب برسيسور جامد كدا عموما دخلت علي البايوس بس معرفتش أغير الفولت أنا عارف المكان بس القيم محمية مش عارف أغير فيها حاجة . والحل الثاني اللي هوا أسهل مش قادر عليه لأن حاليا مش متوافر ميزانية غير 200-220 جنية بس لشراء مشتت دا أولا وبفرض إنها هتقيب واحد حلو المشكلة في الكيسة أنا أول مرة أخد بالي إنها صغيرة أوي كدا بعد الباور سبلاي الجديد والكارت الدنيا بقت زحمة جدا وبالتالي عايز مشتت إحترافي وفي نفس الوقت يكون مثل الأصلي من حيث الحجم وأظن إن هذة معادلة مستحيلة الحل ... :rolleyes:
Inconnu
08-07-2011, 09:14
وعليكم السلام

مروحة المعالج الأصلية هي ليسة بهذا السوء اذ يمكن أن تصبر معك مدة زمنية جيدة , لكن يفضل شراء مروحة احترافية وأفضل , أما من ناحية شراء مروحة مثل الأصلية تماما , هناك مراوح بأشكال وأوصاف مختلفة فليس من الضروري تكون مثل الأصلية تماما وانما المهم هو الاداء :)
mahmued
08-07-2011, 09:49
افضل حل فى هذا الموضوع بعد تجربه هى المشت الاحترافى Cooler Master f Hyper TX3 and Hyper 212 هو انشاء الله هيكون افضل اختيار انشاء الله انا كنت بعانى من نفس المشكله بس الحمدلله تم حلها بعد استخدام المشت وتم كسر سرعه المعالج عليه ايضن و هو ممتاز جدا
mahmued
08-07-2011, 09:50
السعر يكون 120 جنيه
koki4life
08-07-2011, 10:33
هل تباع مروحة المعالج الأصلية منفردة .......

أقصد بدون المشتت مجرد المروحة فقط .......وليس مهما طبعا ان تكون من شركة amd المهم تكون بنفس المقاس والكفاءة ولكن بصوت اقل............
yossefzied
08-07-2011, 10:39
دا شكلو هيكون مناسب لأن السعر يعتبر بسيط ولما شفت الصور شكلو كمان صغير إنشاء الله يكون مناسب وأكيد الصوت هادئ وأنا عاي فكرة مش مهتم بكسر السرعة خالص
عموما شكرا للتفاعل واللي عندة وجهت نظر تانية يقول
yossefzied
08-07-2011, 10:42
هل تباع مروحة المعالج الأصلية منفردة .......

أقصد بدون المشتت مجرد المروحة فقط .......وليس مهما طبعا ان تكون من شركة amd المهم تكون بنفس المقاس والكفاءة ولكن بصوت اقل............
بصراحة لا أعلم لكن أعتقد أن المراوح الأصلية من ناحية الصوت أي كلام علشان يخفضوا تكلفة المعالج ككل يعني إنتا لما تشتري معالج بيكون معاه مشتت كدا وكدا شغلوا بس بدرجة حرارة عالية أو صوت جامد وعلشان كدا ظهرت المشتات الأحترافية
phenomII
08-07-2011, 14:16
ببساطه .. لايوجد حل لمشكلة الصوت

الحل انك تجيب مشتت تاني

افضل واحد ليك hyper 212 plus

بس مش هتلاقيه حالياً .. اصبر اسبوعين تلاته كدا وهاته
yossefzied
08-07-2011, 14:20
ببساطه .. لايوجد حل لمشكلة الصوت

الحل انك تجيب مشتت تاني

افضل واحد ليك hyper 212 plus

بس مش هتلاقيه حالياً .. اصبر اسبوعين تلاته كدا وهاته
أنا مقلتش عايزو صامت بس يكون هادي لأن الصوت الحالي فعلا بيصدع ومش بسم جرس البيت أو التليفون والمشتت دا من الصور شكلو كبير وأنا الكيسة عندي تعتبر صغيرة
Extreme2
08-07-2011, 21:11
جرب نزع خط المروحة عن CPU Fan وتركيبها باحد مقابس Chassis fan الثلاثية , وتأكد بعدها من حرارة المعالج أن لا تتعدى 65 مع الضغط .
yossefzied
08-07-2011, 21:33
حاضر نجرب الحل دا بس حرارة المعالج أقسها إزاي !؟
Extreme2
08-07-2011, 23:40
استخدم HWMonitor (https://www.cpuid.com/downloads/hwmonitor/1.18-setup.exe) .
yossefzied
09-07-2011, 05:03
لسه الصوت عالييييييييييييييييييييي مفيش فايدة ولما غيرت كابل المروحة في السوكت أبو تلات سنون بردو عالي .... أعمل إيه يا جدعان
Extreme2
09-07-2011, 10:28
حمّل برنامج speed fan من هنا (https://www.filehippo.com/download_speedfan/) وحاول أن تتحكم بسرعة المروحة .
إن لم تستطع فعليك بتغيير المشتت كما نصحك الإخوة .
yossefzied
09-07-2011, 11:34
تمام الله يتور عليك الصوت هدي جدا فعلا
zalazar
10-07-2011, 17:56
انا عندي الي بعده 965BE مش متأكد اذا كان المشتت بيفرق لكن بقولك الحاصل معي ممكن يفيدك .

بالمشتت الإفتراضي , الحرارة عمرها ماتجاوزت عندي 50 وصوت مروحة المشتت مابحس فيه .
طبعا هذا اذا كنت محافظ على تبريد معقول للغرفة الي فيها الجهاز .
سرعة مروحة المشتت القصوى 3300 RPM وتقريبا مابتحس فيه , لكن هذا اذا تبريد الغرفة عندك جيد نوعا ما .
طبعا اذا الغرفة حارة او مافيها تكييف سرعة مروحة المشتت ممكن توصل الى 6000 rpm كحد أقصى في حالة ضغط المعالج 100% مع كسر سرعته . لكن من غير الكسر ماحيوصل لهذا الرقم .
بالنسبة لتجربتي سرعة المروحة من غير كسر وبتكييف عادي للغرفة ماتتعدى 3300 rpm
اذا قفلت التكييف ممكن توصل الى 4000 كحد اقصى اذا كان فيه ضغط على المعالج . وفي كلتا الحالتين الحرارة ماتتجاوز 50 .

انا كاسر المعالج الى 3.8Ghz على المشتت الإفتراضي الحرارة ماتتجاوز 60 .
سرعة مروحة المشتت ماتتعدى 3300 rpm في حالة تشغيل التكييف .
اذا قفلت التكييف وكانت الغرفة حارة نوعا ما سرعة المروحة توصل الى 5400 rpm كحد أقصى عشان تحافظ على حرارة المعالج انه مايتعدى 55 . هذي الحالة الوحيدة الي ممكن أنزعج من صوت المروحة لكن في الغالب مابتحصل لأنه الغرفة غالبا مكيفة لما اكون شغال على الجهاز .
yossefzied
10-07-2011, 23:10
شكرا علي الرد دا أولا .... ثانيا غالبا بتاعك علشان أحدث ممكن يكون أحسن فعلا في المشتت ... ثالثا ودا الأهم اللي أنا فهمتوا من كلامك إني أركب تكيف عندي :Dوأظن إن التكيف هيبقي أغلي
من المشتت الأحترافي ولا إيه ؟:eek:
ولهذا قررت أشتري مشتت أحسن من التكيف يا عم علشان نوفر في الكهرباء
yossefzied
12-07-2011, 12:13
أخر سؤال ... أنا هشتري مشتت والميزانية متاحة 200 جنية والحمد لله أنا إخترت موديلين محتار بنهم
الأول هير تي إكس 3 و الثاني هيبر 212
وأظن كدا إن التاني أجمد بس أكبر والأول أرخص وأصغر و أنا الكيسة عندي تجارية ووضعها إنها نايمة مش واقفا أنا عندي كارت GTX 560 Ti لو إرتفاع المشتت التاني بنفس عرض الكارت أو بفارق بسيط لا يتجاوز3-5 سم خلاص هشتري .... أنا مستني ردود منكم لأني حاليا في القاهرة لحد السبت و الجهاز في الشرقية وعايز أشتري المشتت وأنا هنا بالمرة .