سؤال لكل من يمتلك اللوحه اسيوس p8h61-mle/usb3

[amrmovie]

الاخوه الكرام .

انا كان عندى بروسيسور phenom 2 x2 555 مع اللوحه اسيوس m4a88-t/sdb3 و كانت درجة حرارة المعالج فى الخمول 34 درجه و عدد لفات المروحه 3500 لفه و تردد البروسيسور فى الخمول 800 ميجا هرتز من اصل 3.2 جيجا .
المهم انا دلوقتى اشتريت البروسيسور التحفه انتل core i3 2100 مع اللوحه اسيوس p8h61-mle/sub3 و حسيت بأداء اعلى فعلا و لكن فيه حاجه ضايقتنى جدا .
لما شوفت درجة حرارة البروسيسور لاقيتها فى الخمول تصل الى 42 درجه و تردد البروسيسور فى الخمول 1.5 جيجا من اصل 3.1 جيجا ( يعنى amd بيوفر طاقته عن الانتل فى حالة الخمول ) و سرعة المروحه 1080 لفه فقط . فقولت ان درجة الحراره عاليه عشان المروحه بتلف اقل دخلت على البيوس عشان اقدر اعلى عدد لفات المروحه بس ما عرفتش ( بصراحة ده اغبى شاشة بيوس شوفتها فى حياتى صعبه و معقده جدا )
فهل ده عيب فى البورده او البروسيسور ( انا لسه شارى البورده و البروسيسور يوم الخميس يعنى لو دى مشكله فيهم ممكن الحق ارجعهم من المحل ) ولا ده طبيعى عشان لفات المروحه قليله و ممكن المشكله دى تتحل لو عرفت اعلى عدد لفات المروحه
فارجو المساعده عشان اول سبب انى اتجهت الى intel ان درجة حرارته اقل بكثير من amd
يوجد صوره توضح درجة الحراره و عدد لفات المروحه
9878شكرا جزيلا

[Zatlon]

درجة الحرارة بالنسبة للمشتت الافتراضي فهو طبيعي و لكن في الضغط كم يوصل ؟؟
لاحظت درجة حرارة CPUTIN عالية جدا جدا و قد وصلت 90 و لكني لا اعرف ما هي, انتظر اراء ذوي الخبرة

[black007]

صاحب الموضوع واضح انك استخدمت معجون التبريد المرفق على المشتت وعلشان كده فيه درجه حراره الانويه مختلفه وحده 37 والتانيه 41
قم باضافه معجون تبريد غير المرفق مع مروحه المعالج ومهما عملت دى هتبقه درجه حراره المشتت بتاع انتل فذا حبيت درجه الحراره تنخفض اكثر فعليك بمشتتات احترافيه لكن اقل تقدير بعد وضع المعجون ممكن ان تصل الى 37

[amrmovie]

شكرا جزيلا بس اجيب معجون من الرخيص ابو 2 جنيه ولا المعجون الغالى اللى فى حقنه ؟

و ما هى CPUTIN ؟

[black007]

CPUTIN هي حرارة سطح المعالج
وواضح ان البرنامج قرائته خطاء تاكد من برنامج AIDA64 Extreme Edition من حراره السطح
او من البايوس

[Ahmed.Elsayed]

الكنترولر هوا اللى بيتحكم فى سرعة مروحة البروسيسور ما تقدرش تتحكم فيه
والأحسن إنك تشيل المعجون القديم وتنضف مكانه بتنر وتحط معجون جديد بس حط نقطة واحدة صغيرة فى نص سطح البروسيسور وركب عليه المشتت

[amrmovie]

انا رفعت صوره بعد الضغط لمدة 15 دقيقه ببرنامج برايم و الجو فى القاهره حر جدا النهارده و الكيسه اللى عندى عاديه . و انا ليا كام استفسار .

درجة حرارة core0 اقل من core1 ب 4 درجات فهل ده طبيعى
هل قيم الفولت طبيعيه
هل درجة الحراره بصفه عامه طبيعيه فى الجو الحر ده ة ايه هى درجة الحراره اللى المفروض ما اتجاوزهاش

كتر الف خيركم

[black007]

درجة حرارة core0 اقل من core1 ب 4 درجات فهل ده طبيعى
هل قيم الفولت طبيعيه
هل درجة الحراره بصفه عامه طبيعيه فى الجو الحر ده ة ايه هى درجة الحراره اللى المفروض ما اتجاوزهاش

كتر الف خيركم

بالنسبه لتضارب درجات الحراره فى الكور الاول والثانى هو معجون التبريد غير مفرود بشكل جيد على المعالج علشان كده تلقى حراره الكور الاول اقل من حراره الكور الثانى اذا ارد درجه حراره جيده عليك بفرد المعجون بطريقه جيده وتوزيعه بحيث يشمل سطح المعالج كله
راجع الموضوع المثبت طرقه الصحيحه لفرد معجون التبريد
بالنسبه لدراجات الحراره فهى تعتبر طبيعيه مع مشتت انتل ولو قمت بتركيب مشتت احترفى لاختلفت درجات الحراره كثيره ممكن وارجح انها لن تتجاوز 55 درجه
بالنسبه لضبط الفولتيه فيفضل ضبط الفولتيه يدويا ولكن فى حال لم تفهم ما تفعله فى البايوس فيفضل ترك كلى شى كما هو على اقل فولت ممكن ان يعمل عليه المعالج

[amrmovie]

يعنى موضوع عدم تساوى درجة الحراره فى ال 2 كور اكيد بسبب فرد المعجون ولا ممكن يكون عيب فى البروسيسور ده اصلا و احسنلى اروح الضمان اغيره ؟

[black007]

^^ لا من فرد المعجون اكيد لايوجد اى عيوب فى المعالج

[amrmovie]

للاسف انا حطيت معجون جديد و لسه درجة الحراره غير متساويه

[black007]

هل التفاوت بين درجات الحراره كما هو
هل قمت بفرد المعجون كامل على سطح المعالج
هل قمت بتنظيف المعجزن الى على المشتت انتل جيدا قبل وضع المعجون الجديد

[amrmovie]

هل التفاوت بين درجات الحراره كما هو
هل قمت بفرد المعجون كامل على سطح المعالج
هل قمت بتنظيف المعجزن الى على المشتت انتل جيدا قبل وضع المعجون الجديد

التفاوت كما هو 5 درجات
قمت بفرد المعجون على سطح المشتت
لم اقم بتنظيف المعجون الى على المشتت انتل جيدا قبل وضع المعجون الجديد

بس الموضوع لو موضوع معجون كانت درجة الحراره قلت او زادت . لكن نفس الفرق هو هو 5 درجات

انا رايح كمان ساعتين الشركه الهندسيه للحاسبات هى وكيل البورده و البروسيسور يكشفوا عليهم عشان ممكن العيب يكون من البورده اصلا

[Extreme2]

التفاوت بدرجة حرارة الأنوية طبيعي وليس بالضرورة ان يكون خطأ بطريقة فرد المعجون .
فهناك تطبيقات تعمل بخلفية الوندوز وتستغل أحد النواتين فقط , لذلك تجد الحرارة متفاوته بسبب استخدام تلك النواة .
المهم في الأمر أن لا تتعدى الحرارة مع الضغط 65 الى 70 درجة لكلا النواتين , فلا تتعب نفسك وتذهب للضمان فلن تستفيد شيئا .

[amrmovie]

المشكله ان تفاوت درجة الحراره ثابت و هو 5 درجات سواء فى الخمول او حتى فى الضغط فلو الموضوع موضوع تطبيقات تعمل فى الخلفيه و تعمل بنواه واحده فقط فكنت حاقول طبيعى بس حتى و النواتيين بيتشغلوا معا باقصى طاقتهم فهناك فرق بينهم ثابت على 5 درجات

[amrmovie]

طب ممكن خدمه من اى عضو عنده نفس البروسيسور core i3 2100 .
يقولولى بس هل درجة حرارة النواتيين واحده ولا درجة حرارة نواه اعلى من الاخرى زى حالتى كده .

[Extreme2]

الوضع طبيعي والتفاوت بحرارة الأنوية يحصل بجميع المعالج .

[amrmovie]

ما هو اللى مجننى انى لما شوفت التفاوت فى درجة الحراره دى شوفت حوالى 10 اجهزه كمبيوتر وا اكتر ( daul core - core 2 due - phenom 2 x2 - phenom 2 x4 ) و كلها كانت درجة حرارة الانويه واحده و غير مختلفه سواء فى الخمول او الضغط .
عشان كده انا سالت طب ممكن خدمه من اى عضو عنده نفس البروسيسور core i3 2100 يقولولى بس هل درجة حرارة النواتيين واحده ولا درجة حرارة نواه اعلى من الاخرى زى حالتى كده . عشان لو كل core i3 2100 اصلا كده يبقى مفيش مشكله بس لو القطعه بتاعتى فط يبقى البروسيسور بتاعى هو اللى شاذ

[amrmovie]

الحمد لله . روحت المحل و غيرت البروسيسور و لاقيت حرارة الانويه الاتنيين ثابته على عكس السابق اللى كان فيه فرق 5 درجات . يعنى زى ما توقعت ان العيب كان القطعه اللى كانت معايا فقط .

شكرا لكل الاعضاء اللى ساعدونى

[mohan3d]

حبيبي والله العظيم انا نفس الموضوع ولسا بردوا شاريهم جداد ولو حابب ارفعلك صورة ليهم مفيش مانع انا بردوا استغربت في الاول بس الموضوع مش مخيف وانا اصلا مش هكسر السرعة

بس المشكلة الحقيقية بجد اني مش عارف اسطب 7 64 bit عليها مش عارف اعمل اية
فهل من مغيث ؟