مطلوب افضل كارت شاشه ( للالعاب + الجرافيكس ) فى حدود 800 - 1200 جنيه

[loveghost003]

بسم الله الرحمن الرحيم

اهلا يا شباب
محتاج مساعده ضروري

ناوي ان شاء الله احدث الجهاز بتاعي واشتري كارت شاشه جديد
علما بان مواصفات جهازي

rams : 4 GB
cpu : core 2 duo 3 Gbz
vga : Geforce 8600 GT 512 GB

الحمدلله البروسيسور والرامات كويسه اوي
بس زي مانتو شايفين ان كارت الشاشه اقل شويه
في الاداء بالنسبه لامكانيات الجهاز
الجهاز دا انا جمعتو بردو بمساعدة واراء شباب عرب جيجا من حوالي 3 سنوات
وكان كارت الشاشه وقتها عامل 700 جنيه


مطلوب كارت شاشه يكون قوي في حدود ال 800/1200 جنيه بالكتير اوي
يتناسب مع الالعاب ( الفيفا 12 مثلا وكرايسس 2 وغيرها ...)
ويتناسب مع الجارفيكس ( الافتر افكتس وبرامج الديزاين والمونتاج...)

واحد كان قالي ان مادام انا مهتم ببرامج الديزاين والمونتاج يبقي ابعد عن ATI واخليني في NVIDIA
فهل الكلام دا صحيح ؟ يعني لو تجبت كارت شاشه ATI مش هايبقي كويس اوي في البرامج ؟
علما اني في الالعاب مش مهتم اوي بالفيزكس
اهم حاجه اللعبه تشتغل علي ريزوليوشن عالي ومن غير تقطيع


منتظر الاراء ضروري تساعدوني بكام كارت ATI و NVIDIA في حدود ال 800/1200 جنيه
بس يكون كارت قوي عشان يفضل معايا فتره زمنيه طويله ويكون اداءه عالي مع تطور الالعاب وغيرها
:)

[helmygecso]

Sapphire 6850 Toxic 1G GDDR5 1225 L.E
MSI GTX 460 Hawk 1270 L.E
ولكنى أفضل GTX 460

[omaar97]

HIS HD 5850 iCooler V السعر 990 جنيه
Antec 450W السعر 250 جنيه
المجموع 1240 جنيه

[Ahmed.Saleh]

HIS HD 5850 iCooler V السعر 990 جنيه
Antec 450W السعر 250 جنيه
المجموع 1240 جنيه

+1
ولا تنسى الباور صبلاى كما ذكر الاخ عمر اكرمه الله

[loveghost003]

طيب شباب ايهم افضل
MSI GTX 460 Hawk 1270 L.E
ام
HIS HD 5850 iCooler V + Antec 450W
؟
ثانيا : الكارتين دول 1 جيجا ولا 512 ؟
ثالثا : هل الكارتين افضل بدرجه كبيره في الاداء عن كارتي القديم 8600 GT ؟

[helmygecso]

هذا يتوقف على نوع مزود الطاقه خاصتك وقوته ياريت تذكره وطبعا الاداء هيفرق جامد معاك والكارتين بإذن الله 1G...

[Ahmed.Saleh]

الفارق كبير عن الكارت القديم
وال5850 اقوى من GTX 460 وارخص كمان
انظر للمقارنه هنا https://www.techpowerup.com/reviews/Zotac/GeForce_GTX_460_1_GB/31.html

[loveghost003]

مزود الطاقه 400 وات
وكنت عاوز اعرف لو هجين ان شاء الله MSI GTX 460 HAWK
هل هاغير مزود الطاقه ام لا ؟
وافضل مزود طاقه للكارت دا , كام وات ؟ وعامل كام ؟

[عمر هاشم]

انا لا اعرف ما هو فرق الاداء بين ال ATI و ال nVidia في برامج ال design التي ذكرتها ولكنني افضل الاختيار الاول (MSI) لانني من المعجبين بالمشتت الحراري الذي يخصه اضافة الى ان علامة Hawk تشير الى ان الكارت مكسور السرعة اي اعلى من سرعة واداء الكارت القياسي من نفس الموديل ( هذا في حال توفر مزود طاقة من ماركة محترمة ولا يقل عن 500 واط ) اما الاختيار الثاني فهو ليس قاصر الاداء ولكنني قرأت في الموقع الرسمي لل AMD ان هذا الموديل يحتاج الى مزود طاقة لا يقل عن 500 واط ، اما بالنسبة لرام الكارتين فهو موجود على 1GB وتستطيع التأكد من ذلك بقراءة علبة الكارت اما عن فرق الاداء عن كارتك القديم فهو كبير حتما"،بالتوفيق .

[loveghost003]

طيب هل اقدر الاقي كارت ال MSI GTX 460 Hawk 1270 L.E في سوق العصر او السخاوي ؟
حاجه تانيه مهمه اوي بردو
مزود الطاقه عندي 400 وات . صحيح مش ماركه مشهوره
بس ممتاز جدا مع الجهاز وكارت ال 8600 والبروسيسور والرامات

فهل هاحتاج اغير الباورسبلاي ولا لا لو جبت كارت ال 460 ؟؟؟؟؟؟؟؟؟

[helmygecso]

نعم تحتاج بضروره الى تغيير المزود الى ماركه محترمه مثل (HEC,Antec,OCZ,Cooler Master ) على الافل قوته تكون 400 وات وتقريبا عامل حوالى 250 جنيه مثل ما الاخ Omaar97 قال وجيب كارت Sapphire 5850 Xtreme 1G GDDR5 ب1000 جنيه كده المجموع هيبقى 1250 جنيه تقريبا

[Ahmed.Saleh]

Antec VP450P 450w PSU




https://www.********.com/images/phpThumb.php?src=large/antec_vp450p.jpg&w=225&h=180 (https://www.********.com/image.php?id=7693)




Sold at:
https://www.********.com/images/store_thumbs/maximum_hardware.jpg (https://www.********.com/store.php?storeid=160)
https://www.********.com/images/instock.jpgIn stock


Last changed: 03-Mar-2011
250 LE

[loveghost003]

متشكر جدا يا شباب ولكن ...

الحراره عندي مرتفعه جدا خاصة في الصيف
وكارت ال MSI GTX 460 زي ماعرفت انو حرارتو مش عاليه زي كروت ال ATI وان اداءه هادئ وكفء
وللتكيف مع علو الحراره عندي في المكان , ايهم افضل ؟
كارت ال MSI GTX 460 HAWK مع الباور سبلاي التجاري 400 واط اللي عندي ؟
ام كارت ال ATI HD 5850 مع شراء باور سبلاي Antec VP450P 450w ؟

اسف علي الاطاله في الموضوع بس خايف الحراره تفسد الكارت .

[Ahmed.Saleh]

5850 متفوق على gtx 460 اشتريه واشترى معاه الباور الانتيك اللى وصفته لك ولن تندم ابدا
وموضوع الحراره الكروت بتتحمل اغلبها حتى 90 درجه واكثر فبعضها يتحمل حتى 105 درجه ولا تقلق من الحراره وبيتم السيطره عليه عن طريق كيسه محترمه جيده التهويه والبعد عن الكيسات التجاريه او تركيب فيها مراوح

[helmygecso]

5850 متفوق على gtx 460 اشتريه واشترى معاه الباور الانتيك اللى وصفته لك ولن تندم ابدا
وموضوع الحراره الكروت بتتحمل اغلبها حتى 90 درجه واكثر فبعضها يتحمل حتى 105 درجه ولا تقلق من الحراره وبيتم السيطره عليه عن طريق كيسه محترمه جيده التهويه والبعد عن الكيسات التجاريه او تركيب فيها مراوح

+11111111

[omaar97]

يا أخي كرت 460 مع مزود تجاري = انفجار المزود واحتمال الكرت والجهاز معه لا قدر الله

[loveghost003]

5850 متفوق على gtx 460 اشتريه واشترى معاه الباور الانتيك اللى وصفته لك ولن تندم ابدا
وموضوع الحراره الكروت بتتحمل اغلبها حتى 90 درجه واكثر فبعضها يتحمل حتى 105 درجه ولا تقلق من الحراره وبيتم السيطره عليه عن طريق كيسه محترمه جيده التهويه والبعد عن الكيسات التجاريه او تركيب فيها مراوح

متشكر جدا يا باشا
علي الرغم من اني لم اتعامل ابدا مع ATI لاني سمعت انها بتعمل مشاكل مع بعض الالعاب
وان بعض الالعاب مش بتشتغل عليها بكفاءه
الا اني هاجربها ان شاء الله واشتري ال 5850
وكنت بردو عاوز اعرف حاجه تانيه
كارت ال 5870 افضل من ال 5850 بفارق كبير (مقارنة بفارق السعر ايضا ) ؟
اخر طلب
هل فيه انواع من ال 5850 ؟
عشان مانخدعش بس في شراءه
يعني مثلا كارت ال
HIS HD 5850 iCooler V
هوا نفسه كارت ال
Sapphire 5850 Xtreme 1G GDDR5
ولا فيه فرق بينهم ؟
ولو حد عنده نصيحه اضافيه اثناء شراء الكارت ياريت مايبخلش بيها
ومتشكر جدا انا عارف اني تعبتكم معايا

[loveghost003]

منتظر الرد يا شباب

[Ahmed.Saleh]

قال احد العاملين فى ماكسيمم هاردويير لصديق لى كان ذاهبا لتجميع كيسه كارت الSapphire 5850 Xtreme 1G GDDR5 كان من ضمن التجميعه
انه سيئ التهويه وان الشركه قامت بأعاده طرحه فى السوق بسعر اقل نظرا لتقليل حجم المشتت وحجم الكارت ككل مما ادى لشكوى الناس من سوء التبريد ا
ونظريا هوه عنده حق فحجم كارت الHIS اكبر بفارق ملحوظ وكذلك حجم المشتت وعمليا صديقى اتبع نصيحه البائه واشترى النسخه الHIS Icooler v وهو سعيد بها جدا ولا شكوى منها على الاطلاق
اذا وجت اصلا الكارت اشتريه مهما كان نوع الشركه المصنعه لانه على ما اعتقد قد نفد من السوق واخر قطعه فى ماكسيمم هى الموجوده
الافضل نسخه الHIS ثم بعدها الSapphire وان لم تجدها اشترى الGTX 460 ولا بد من مزود طاقه 500 وات على الاقل فى كلا الحالتين لان المزود لديك قد يسبب مشاكل تصل الى فقدك لاعز ما تملك من قطع ف الجهاز
اللهم انى قد بلغت.........اللهم فشهد

[loveghost003]

اذا وجت اصلا الكارت اشتريه مهما كان نوع الشركه المصنعه لانه على ما اعتقد قد نفد من السوق واخر قطعه فى ماكسيمم هى الموجوده


:(
ليه كدا بس
يعني بعد ما اقتنع بكارت معين
اتفاجئ انو ماعدش بينزل
طيب يا باشا لو مالقيتش الكارت
اجيب كارت ايه من ATI ويكون تقريبا مقارب في السعر ؟
(لاني صرفت نظر عن نفيديا وال 460 نظرا لغلو السعر وقلة الاداء )
يعني ال HD 5000 series كلها اصبحت شحيحه في السوق ولا ال 5850 بس اللي مش موجود ؟

[Ahmed.Saleh]

ال 5850 فقط
اتصل بالشركات واسأل عليه لعل الله يسهل لك الطريق اليه

[omaar97]

لحظة: إن لم تجد HD 5850 فحسب علمي يوجد HD 5830 بسعر 900 جنيه وإن وجدته لا تشتري لا GTX 460 ولا HD 6850 لأن أداءه قريب منهما

[loveghost003]

طيب ان لم اجد 5850
هل اجيب ال 5870 ؟
وسعره عامل كام ال 5870 ؟

[Ahmed.Saleh]

ضعف السعر 2000ج
الافضل يبقى تنتقل للانفيديت GTX 460

[Ahmed.Saleh]

او تجيب PowerColor AMD Radeon HD 6850 1GB GDDR5
1100ج مصرى https://www.********.com/product.php?id=7735

[omaar97]

ابحث عن Sapphire HD 5830 Xtreme وسعره تقريباً 900 جنيه
إن لم تجده توكل على الله واشتري 6850 بسعر 1100 جنيه

[loveghost003]

جزاك الله خير
وهل يكفي الباورسبلاي انتيك 450 وات لهذا الكارت ؟

[helmygecso]

يا جماعه شركة Maximum Hardware عندها الكارت ال 5850 من شركة HIS انا لسه شايفه امبارح وموجود بكميات كبيره

[Ahmed.Saleh]

خيييييييييييييييير خير
الحق واحجز واحد

[loveghost003]

يا باشا
انا اتصلت بماكسيموم هاردوير
ومالقيتش عندهم الكارت
قالو خلص
يبقي ازاي انت شايفو امبارح :(