حسبنا الله ونعم الوكيل

[GREATPOWER]

حسبنا الله ونعم الوكيل ققل كلمه تتقال عى الموقف الزباله اللي حصل معايا يوم الخميس اللي فات انا كنت بدور على كارت شاشه وانا صراحه مكنش عندي عضويه على منتدى عرب هادوير المهم لقيت عضو اسمه
gamedragon64 :mad:
عارض كارت شاشه
ati power colour 5750
وكان عارض الكارت ب400 جنيه بس كان مغيرله المروحه لان القديمه وقفت وهو غيرها بمروحه فانه وكان كاتب كده في المنتدى المهم انا شفت الكارت كده عجبني سعره جدا ولقيت رقمه اتصلت بيه وهو اسمه مهند وساكن في مدينه الرحاب وانا بيتي بعيد جدا بالنسباله بس انا رحتله لحد هناك وامري لله قبلته هناك وقلي انا هدهولك عليه ضمان تلاته اسابيع ولو حصل حاجه الكارت بتاعي وكان محترم جدا معايا المهم انا خدت الكرت واشتغل معايا اول يوم حلو وكانت درجه الحراره بتعت الكارت مش بتعدي 43 درجه تاني يوم وانا بتصفح على النت هب الشاشه اسودت والجهاز مش راضي يشتغل رحت انا رايح عند جارنا وواخد الكيسه بتاعته وخدت من الكيسه بتاعته الرامه وجربتها عندي الجهاز مشتغلش لاني انا شكيت في الرامه رحت انا مطلع الكارت بتاعي من الكيسه والباور سبلاي ومجربهم في كيسه جاري مشتغلش الجهاز قلت كده الكارت فيه حاجه رحت رايح عند واحد صحبي عنده كارت شاشه 5850 وعنده باور محترم ورحت مجرب عنده برضه مفيش حاجه صحبي قالي الكارت ده ترجعه انت مستعملتهوش غير يوم اتصلت بمهند اللي انا خدت منه الكارت وقلتله راح قعد يلف ويدور وانا مدهولك سليم وفضل يقول الباور بتاعك هو السبب مع اان الباور بتاعي 550 وات من شركه رابتوكس وكنت مشغل بيه 9800 مع انه والله مهند مغير المروحه وعمله معجون تبريد كمان يعني الكارت انا واخده منه وهو لاعب فيه المهم صحبي فضل يقنع فيه لحد ما مهند اقتنع واتفقنا نتقابل في سرايا القبه المهم انا جيت اكلمه تاني لقيته هب راح قافل تلفونه خالص ساعتها عرفت اني كل سنه وانا طيب والكارت راح عليه
وفضلت اتصل والتلفون يديني مغلق رحت بعتله رساله لاني عارف انه عيل قلتله انا مش هشيلك الكارت انا عليه النص وانت النص يعني انا عاوز نص الفلوس بس وبرضوا مكنش بيرد عليه خالص جربت اتصل من كذا تليفون بس للاسف هو كل مره كان بيبقى عارف انه انا مع ان انا والله طول ثانويه عامه كنت شايل الجهاز والفوس اللي فضلت احوش فيه طارت كده في كارت بايظ مع اني والله العظيم مفتحتش بيه لعبه واحده يدوبك سطبت الويندوز بس



المهم : ا1-انا بنصح كل اعضاء المنتدى محدش فيهم يتعال مع البني اادم ده نهائي لانه حرامي وعيل مع اني انا كنت جدع معاه واللي مدايقني انه يتفق معايه على ترجيع الكارت وبعد كده يخلى بيه ويعمل معايه الحركه ده ويقفل تلفونه ياريت لو حد هنا في المنتدى يعرف الواد ده او اشترى منه حاجه قبل كده يقولي عنوانه وانا والله مش هسيبه حتى لو راح الصومال هروح وراه

2- ياريت محدش يشتري من اي حد وخلاص اشتري من العضو اللي تعاملاته كتير ولييه كلمته ويخاف على اسمه مثلا زي محمود راجح

3- هل الكارت ده ينفع مثلا اوديه التوكيل بتاع
power colour
وادفع لهم فلوس مثلا في مقابل انه يتصلح مع اني واخد منه الكارت من غير الكارتونه ولا لا ياريت الناس الخبرا يفيدونا


4-انا عارف انه هيقرا الموضوع ده ولو هو راجل المفروض يرد وانشاء الله الفلوس ده يتحرق بيها في نار جهنم :ah24:

انا متاسف جدا على الأطاله وعلى الرغي اللي ملهوش لازمه

[haythom_7]

ربنا يعوض عليك

[Ahmed.Saleh]

عوض عليك الله فى الكارت
بس معنى انه مش بيشتغل نهائيا يبقى فيه مشكله كبيره اكبر من مروحه ومشتت جديد
انا لا اعرف مكان الضمان لكن لا تتنازل عن حقك واذهب وراءه ولو لبلاد الواء الواء واتمنى من الاداره تقصى الحقيقه وايقاف هذا العضو الغشاش الذى باع كارت معيوب على انه سليم والله اعلم هل عمل له صيانه ام لا
ولكن الغش هذا لا بد ان تكون جريمه يعاقب عليها اداره المنتدى لردع مثل هؤلاء الاشخاص
لكن الموضوع مكانه خاطئ اداريا ولكن صحيح نظريا لانه مكان البيع والشراء واتمنى عمل بلاك ليست للناس اللى زى دى ويتثيت عليهم الموضوع ده عشان نخلى بالنا واحنا بنشترى

[shuqair99]

ربنا يعوضك خير ان شاء الله وحسبي الله ونعم الوكيل ربنا يهدينا واحنا على ايام مفترجه يارب.

[GREATPOWER]

انا عارف ان الموضوع مش في مكانه بس انا كنت عاوز الناس كلها تشوفه ياريت ميتمش نقله او حذفه وبعدين صحبي قال ان ممكن يتعمله صيانه لاني لما شلنا منه كبل 6 pin واحنا بنجرب الكارت طلع منه صوت معين قالي الكارت بيدي استجابه بس فيه مشكله صغيره فيه وممكن يتصلح

[Ahmed.Saleh]

طيب شوف وصلات التلحيم الخاصه بمخرج الباور يمكن فيه احد الارجل ملخلخه او مش مثبته بطريقه صحيحه

[hisoo]

اولا احب اقولك ربنا يعوض عليك وحقك مش هيضيع والله سبحانه وتعالى حق ويحب الحق وهو عادل فى حكمه .
ثانيا همسه عتاب فى اذن اخ اصغر منى ونصيحه تعلمها منى وانا على الاقل عمرى ضعف عمرك (النصاب مابيتضحكش الا على الطماع ) يعنى انت عارف ان الكارت من الاول ملعوب فيه ومتغيرله مروحه وانا كنت شفت الموضوع ده وغراك السعر حاجه زى كده الواحد مايشترهاش مطلقا .
المهم الله يخلف عليك بالحلال ويعوض عليك .

[The Scorpion-88]

إن شاء الله ما يضيع حقك ويعوضك :( .............. أنا كمان كنت رح اتورط بشراء كرت شاشة مستعمل بس ترددت أكتر من مرة وفضلت اني انتظر لما يصير معي ثمن واحد جديد يكون أضمن وأأمن من المستعمل .

[Dr_Er]

يوم ماتكون قريب من فيصل او 6 أكتوبر هاتلي الكرت واحاول ادخلهولك التوكيل

بشرط حتسيبلي الكرت ومتسألش عنه لحد مكلمك وأقلك الكرت اتصلح او تعالا خده منفعش يتصلح

** هو طلب غلس ومستحيل بس كل مافي الامر ان دي خدمه حقدمهالك بدون مقابل ومش عايز اتصالات كتير كل شويه وأنا بذاكر ومتقلقش بخاف ربنا وكرتك ساعة معملكش فيه حاجه حرجعهولك زي ماخدتوا

ولو حد من الأعضاء اللي تعاملوا معايا قبل كده يقدر يضمني قدام الراجل عشان يطمئن أكتر أكون شاكر ليه

د_احمد
0112333290

[m_farouk_1984]

ربنا يعوضك خير ان شاء الله وادعو الله وقل اللهم اجرنى فى مصيبتى واخلفنى خيرا منها وان شاء الله ربنا هيعوضك خير بإذن الله

واللاخ اللى اشتريت منه الكارت لو شايف تعليقى والله العظيم ظلمك لنفسك ومعاصيك والله رحمه الله واسعة ومشيئة الله واسعه ومغفرته واسعه

لكن ظلم العباد لن ينجيك منه غير رد الحقوق لاهلها وفكر مع نفسك مش علشان 400 جنيه ميجبوش حاجه اليومين دول تتحرق بيهم فى نار الاخره يارب يهديك وترجع الحقوق لاصحابها

سبحانك اللهم بحمدك سبحان الله العظيم

[famly]

ياشا انا عندى حل بس مش اكيد انو يشغل بس لو تحب ممكن تجربو هو نفع معيا مرة قبل كدا و مجتش فرصا اجربو تانى
https://www.youtube.com/watch?v=8tOMrUf8Src
ل (https://www.youtube.com/watch?v=8tOMrUf8Src)و تحب تكلمنى ممكن تبعتلى لميلك او الفاس بوك بتاعاك وربنا يفرجها عليك

[shaker_alz]

حسبي الله ونعم

[Coolermaster]

ربنا يعوضك خير ان شاء الله وحسبي الله ونعم الوكيل

[RESGAME]

ليست اول مرة تحصل في المنتدي لانها حصلت معايا قبل كده من سنة في مشتت ب 100 جنيه وطلع مش شغال خالص بسبب ان اسلاك المروحة بتاعة المشتت مقطومة في داخل المشتت ولم اتكلم ولم اقول لاحد شيء لان هذا العضو لايدخل المنتدي حاليا كل مافعلته اني ادعي عليه وقبل ماأشتري اي حاجة اروح اجربها في بيت البائع نفسه والمعظم اني لا اشتري لا كروت شاشة ولا بروسيسورات مستعملة من علي النت او بوردات لانها بيحصل فيها غش كبير

[MrEhabYoussrey]

العزيز Great Power

أنا اضمنلك Dr_Er الدكتور أحمد جلال .. راجل ممتاز وحيضبطلك التصليح .. خصوصا إنه زى مابتقول الكارت فية إستجابة ..

[middo1022]

ربنا يعوض عليك .. على فكرة كلامك ده خوفنى من شراء المستعمل فى المنتدى ده و شكلى كده هلغى اى فكرة شراء مستعمل إلا لو معاه ضمان محل معروف و يتم فحص الحاجة عند متخصص و يتم التحقق من الضمان كمان .. شكلى ولا هبيع و لا هشترى من المنتدى ده .. حتى البيع بيغلبوه الواحد فيه و الشراء ساعات تتفق مع حد و بعد كده يقفل موبايله قبل المعاد .. الافضل هو شراء مستعمل مجرب و بضمانه او عدم شراء مستعمل على الاطلاق و شراء كل ماهو جديد و نصبر و خلاص بدل مانضيع فلوسنا فى مستعمل بايظ

[middo1022]

ليست اول مرة تحصل في المنتدي لانها حصلت معايا قبل كده من سنة في مشتت ب 100 جنيه وطلع مش شغال خالص بسبب ان اسلاك المروحة بتاعة المشتت مقطومة في داخل المشتت ولم اتكلم ولم اقول لاحد شيء لان هذا العضو لايدخل المنتدي حاليا كل مافعلته اني ادعي عليه وقبل ماأشتري اي حاجة اروح اجربها في بيت البائع نفسه والمعظم اني لا اشتري لا كروت شاشة ولا بروسيسورات مستعملة من علي النت او بوردات لانها بيحصل فيها غش كبير


طيب انت بتشترى ايه من على النت ؟؟!!! .. اصل مافيش حاجة اتبقت ممكن تشتريها :)

[RESGAME]

طيب انت بتشترى ايه من على النت ؟؟!!! .. اصل مافيش حاجة اتبقت ممكن تشتريها :)

تشتري شاشة او باور او كيسة او هاردات او معجون حراري الحاجات دي لايمكن ان يحصل فيها غش ولكن لو بوردة او كرت شاشة يبقي ربنا يعوض عليك :rolleyes: وحضرتك كمان ان في اسكندرية واحنا عندنا اسواق للمستعمل في محلات صغيرة وبنعرف نشتري ونلف علي اللي احنا عايزينه وبأسعار جيدة اسكندرانية بقي

[Dr_Er]

العزيز Great Power

أنا اضمنلك Dr_Er الدكتور أحمد جلال .. راجل ممتاز وحيضبطلك التصليح .. خصوصا إنه زى مابتقول الكارت فية إستجابة ..

تسلم ياغالي وشكرا لك

عموما الراجل كلمني وحيجيبلي الكرت

تحياتي

[TOOTES]

يوم ماتكون قريب من فيصل او 6 أكتوبر هاتلي الكرت واحاول ادخلهولك التوكيل

بشرط حتسيبلي الكرت ومتسألش عنه لحد مكلمك وأقلك الكرت اتصلح او تعالا خده منفعش يتصلح

** هو طلب غلس ومستحيل بس كل مافي الامر ان دي خدمه حقدمهالك بدون مقابل ومش عايز اتصالات كتير كل شويه وأنا بذاكر ومتقلقش بخاف ربنا وكرتك ساعة معملكش فيه حاجه حرجعهولك زي ماخدتوا

ولو حد من الأعضاء اللي تعاملوا معايا قبل كده يقدر يضمني قدام الراجل عشان يطمئن أكتر أكون شاكر ليه

د_احمد
0112333290

طبعا الدكتور احمد مش محتاج حد يضمنة ده انسان محترم جدا جدا جدا وصاحب سمعه طيبة

[محمد حسن احمد]

اولا احب اقولك ربنا معاك ثم فعلا الاستاذ ده كان عامل موضوع عن مشكله في الكرت ده وسبحان الله كان شاريه من عضو في المنتدي معانا برضه واحب اقولك معلش الواحد مش بيتعلم ببلاش . بس ان شاء الله ممكن يتصلح ويبقي كويس و دكتور احمد جلال من الشخصيات المحترمه جدا والمعروفه بسمعتها في المنتدي و اخ عزيز ( بالرغم من خلافي معاه في وجهة النظر ....) . وارجو ميكونش لسه زعلان مني ..

[mahmoudkida]

معلش ربنا يعوض عليك

انا بردوا قبل كدة اتنصب عليا من واحد اسمه محمود فرج من القاهرة و شغال فى شرم الشيخ

نفس قصتك كدة بس فى جهاز بى اس بى

ربنا يحرقهمكلهمفى نار جهنم

[tigertiger]

على فكرة البني ادم ده فعلا عيل و كلامه اي كلام
كنت كاتب رد في موضوع بتاع النظارات ال 3d
و بعتلي على الخاص بيقللي انا عندي نفس النضارات المعروضة و بنص التمن
قلتله امين بس اشوفهم الأول
و فضل مدوخني وراه السبع دوخات مع اني جنبه في زهراء مدينة نصر ( المسافة ما بين الزهراء و الرحاب 10 دقائق فقط )
مرة يقوللي مش فاضي و مرة يقللي خليها بكره و وصلت لدرجة انه قللي هابعتهوملك بالشحن تخيلو
و في الآخر اتفقت معاه اني هاقبله في محطة سراي القبة و اداني معاد و ظبطنا كل حاجة
و بعد ما قربت من المحطة قللت ارن عليه
و فضلت ارن وهو ما يردش بجد منه لله حرق دمي اليوم ده و ضيعه عليه و كانت ايام امتحانات
احذروا من التعامل معاه

[tareky]

على فكرة البني ادم ده فعلا عيل و كلامه اي كلام
كنت كاتب رد في موضوع بتاع النظارات ال 3d
و بعتلي على الخاص بيقللي انا عندي نفس النضارات المعروضة و بنص التمن
قلتله امين بس اشوفهم الأول
و فضل مدوخني وراه السبع دوخات مع اني جنبه في زهراء مدينة نصر ( المسافة ما بين الزهراء و الرحاب 10 دقائق فقط )
مرة يقوللي مش فاضي و مرة يقللي خليها بكره و وصلت لدرجة انه قللي هابعتهوملك بالشحن تخيلو
و في الآخر اتفقت معاه اني هاقبله في محطة سراي القبة و اداني معاد و ظبطنا كل حاجة
و بعد ما قربت من المحطة قللت ارن عليه
و فضلت ارن وهو ما يردش بجد منه لله حرق دمي اليوم ده و ضيعه عليه و كانت ايام امتحانات
احذروا من التعامل معاه

طيب طالما الراجل ده مطلوب قوي كده نجيب الاي بي بتاعه ونائجر شوية بطلجيه علي بيته معلش مش قصدي اهزر ربنا يعوض عليك ان شاء الله

[GREATPOWER]

احب اقول تعليق صغير عى الاخ اللي حاطط رابط الكارت بتاع اليوتيوب انا ممكن ادخل الفرن بدل مااحط الكرت جوه الفرن مش ممكن اتجرا وعمل الحركه ده :eek:

[GREATPOWER]

ياريت لو الأخ tigertiger يعرف بيته انا كنت رحتله لحد هناك واخدت منه الكرت والله وكنت جبتلك معايه النظارات اللي انت عايزها وبعدين الحرامي ده عيل صغير شكله في اعدادي او في اولى ثانوي حاجه زي كده

[middo1022]

طيب بالمناسبة ده ازاى الواحد يعرف ان كارت الشاشة او البروسيسور او الرامات المستعملة سليمة 100 % .. طبعا انا مش هتكلم عن البوردة لانى مش هشتريها مستعملة لانها مليانة حاجات ممكن تطلع فيها عيوب

[weaamx]

حبيبى ولا يهمك الفلوس بتروح و تيجى و ربنا يعوضك بكل خير و هو ما دام إبتلاك يبقى عوضك بإزاحة بلاء أكبر ... و لا تنسى أن تأخذ همسة عتاب Hisso فى إعتبارك ...
.
gamedragon64 (https://www.arabhardware.net/forum/member.php?u=11206423)

ياريت يتم إيقافة فوراً بعد التأكد من صحة القصة و حظر الــ IP الخاص بيه ,,
(القاهرة الجديدة-للبيع) Front-Firing Yamaha Subwoofer 100W RMS (https://www.arabhardware.net/forum/showthread.php?t=240333)


عامل أكن مفيش حاجة و بيرفع موضوعه :D

** شوف أى حد من صحابك يتفق معاه على الصب و يجبهولك بكره

[gamedragon64]

والله ياجماعة ما كنت قاصد
والكارت كان سليم والله
انا متأكد أن الكارت ضرب من الباور بتاعك والله متأكد
لأن الكارت عامله Furmark Burn-ins بالعبيط مع العلم أن جهازي مابيسحبش 250 وات في الLoad
انا مش هبيع حاجة بايظة أكيد
والكارت باظ من عندك ومش عيب مصنعي أوا سوء استخدام مني والله
والباور اللي حضرتك هريه ده ميجبش 400 وات فعلي ياريت حضرتك تجرب الباور على كارت تاني بنفس القوة
وانا ولا في أي يوم أو وقت عايز أغش حد ولا عايز فلوس من حد تيجي بطريقة حرام أنت حضرتك زودتها قوي وبصراحة قليت قدبك معايا جدا وربنا يسامحك
لأن الكارت كان شغال زي الفل وحضرتك قولتلي بعد يومين بالظبط باظ وقولتلي حضرتك على التليفون أنك كنت هاري الباور وشغلت عليه 4870 و9800 ومكارت تاني كدة في تقريبا نفس معايير القوة
ربنا يسامحك بجد باللي انت عملته في الكارت لأن الباور بتاعك بطلوا يصنعوه أصلا وان استغربت المركو أول ما قلتهالي
انا ياما بعت حاجات وجت على واحد Noob زيك كدة وتقولي الكارت مش هلعب بيه خالص امال أنت عايزه ليه؟
هو كارت الشاشة بيزود سرعة النت اليومين دول ولا أيه؟
انا بصراحة مش هبيع حاجة محتاجة عناية user كويس أو على الأقل عنده خلفية عن كروت الشاشة
نصيحة مني متشتريش حاجة فبل ماتجمع اراء وتسئل أو تعمل بحثين ثلاثة على النت وتعرف كزة حاجة عن الكروت عاما علشان ميحصلكش اللي حصل ده
مينفعش تخش سوق المستعمل من غير ماتعرف انفو عن الحاجة اللي هتشتريها أصلا ربنا يهديك وأنا عمري ما هيكون عندي الصفات ديه ولا كان
أنت لو عايز تعمل ضررك وتمشي ربنا معاك بقى

[gamedragon64]

والأخ tiger أنت حضرتك كلمتني في الموضوع ده واعتزرتلك
وانا بردو تلميد وفي نفس السكة
وحضرتك التليفون كان بايظ وقتيها ولسه بايظ
وكمان ملاحظة أي حد عايز يشتم يشتمني على الخاص علشان الوضع زاد عن حده شكله كدة:(
وانا ياجماعة مابنصبش على حد أسئلوا ناس كتير تانية ممكن ابعت ارقامهم على الخاص لو حد شاكك
وأنا والله العظيم وحلفت اهو اني مش هتاجر في هاردوير الكمبيوتر لأني شكلي كدا مش قد كلمتي, ها, صح يا Great?
ارجو من المشرفين أو أي حد تاني يساعد في حل المشكلة لأني مابحبش الخناق خالص