نقاش حول أسعار الرامات المبالغ فيها في السوق المصرية

[DoCToR.TaHeR]

السلام عليكم ورحمة الله وبركاته

كل عام وانتم بخير أخواني الأعزاء :)

بناءا علي الشكوي التي تقدم بها العضو ( موسي الأسود ) والتي اثني عليها ( ehab7bob - Dominator GT - Hassan.Ali - جون 2006 - Fuadsoft - Hulky - Eng.TaHeR - ZEX - واخرون ,, ) ..

قررنا في ادارة الأقسام التجارية مناقشة هذا الموضوع الهام بأريحية وأخوية , بعيدا عن المشاحنات وتبادل الأتهامات , لذلك نطرح هذه التساؤلات علي الأخ محمد من شركة هاي اند والأخ ممثل شركة الطويل ,, وذلك للتباحث في هذا الموضوع ..

1- ما حقيقة ارتفاع الأسعار في مصر ؟ هل هي فعلا مرتفعة ؟ وكيف يبرر الفارق في النسبة بين الأسعار في الخارج والأسعار في مصر ؟

2- إذا لم تكن الأرباح المرصودة أمرا سريا، فكم هي النسبة المئوية التي يسعى التاجر لجنيها من بيع الذاكرة ؟

3- هذه شكوى لمجموعة من الأعضاء ، هم في الشركات الموردة كيف يستطيعون ارضاء وإقناع المستهلكين ؟

4- كثير من الزبائن يستطيع الوصول لهذه البضاعة بأسعار مناسبة عبر الإنترت، وهذا ليس في مصلحة التجار، ولا حتى في مصلحة الزبون لأن ذلك يعني تخليه عن الضمان ويعني احتمال تعرضه للغش أو السرقة، هل هناك مجال لخفض الأسعار؟ أو إعطاء عروض تجارية بأسعار أرخص (مثل شراء عدد أكبر من الرام أو شراء بضائع أخرى أو وصول الفاتورة سعر معين) . باختصار حل يرضي الزبائن ؟


ونرجوا من الأخوة الأعضاء عدم طرح أي استفسار أو اعتراض حتى تتم الإجابة على هذه التساؤلات، ثم سنطرح الموضوع للنقاش بحيث يبدون تساؤلاتهم للأعضاء واحدا تلو الآخر ويجيب عليكم ممثل هاي إند وممثل سشركه الطويل في مصر ، علما بأن الموضوع حينما يستنفذ أهدافه سيتم إغلاقه ، فنرجوا الالتزام بعدم إصدار الأحكام وبعدم توجيه الاتهامات، فهدفنا هو الوصول إلى نتيجة مقنعة وتريح جميع الأطراف .

أكرر أرجو عدم الرد او التعليق من الأخوه الأعضاء لحين الرد علي التساؤلات من قبل ممثلي الشركات والتوكيلات الكرام :)

بارك الله فيكم :)

[arteta]

السلام عليكم ورحمه الله وبركاته
قبل اى كلمه وحشتنى الكلام والنقاش مع الناس
مش عارف ابد منين
بس انا معاكم جدا وربنا يعلم


والصفحه ده منرفزانى جداااااااااااااااااااا هنا (https://السلام عليكم ورحمه الله وبركاته قبل اى كلمه وحشتنى الكلام والنقاش مع الناس مش عارف ابد منين بس انا معاكم جدا وربنا يعلم والصفحه ده منرفزانى جداااااااااااااااااااا هنا بس الفكره كلها ان الرمات VALUE او الشعبى بمعنى اصح زى الكينج ستون بتدخل بكميات رهيبه ممكن ابيع منها فى مده شهر اكتر من 400 الى 500 رامه بمعدل ربح 5 الى 10 جنيه فعلشان كده سعرها مظبوط جدا علشان الوكيل اللى هو الهندسيه بيقدر يجيب او يشترى بسعر كويس من كينج ستون فالكميه بتبقى كبيره والسعر بيكون كويس ومنافس جدا والكلام ده بينطبق على برده اكستراك والفتره الاخيره شهدت منافسه قويه بين اكستراك و الهندسيه ادت الى الرامه 2G DDR3 وصلت ل 95 جنيه KING STONE واكستراك بيبع الرامه 2G DDR3 وعليها HEAT SINK ب 100 المنافسه جميله وبتعود علينا برده بالخير والربح اقل جهاز بيطلع دلوقتى برامات 4 جيجا وبدل مكسب رامه بقى مكسب رامتين ده نقطه الرامات الHIGH END زى كورسير و جيسكيل بتخش بكميات قليله جدا ومده زمنيه اطول كل شهرين تقريبا فعلى ما اظن)


بس الفكره كلها ان الرمات VALUE او الشعبى بمعنى اصح زى الكينج ستون


بتدخل بكميات رهيبه ممكن ابيع منها فى مده شهر اكتر من 400 الى 500 رامه بمعدل ربح 5 الى 10 جنيه


فعلشان كده سعرها مظبوط جدا علشان الوكيل اللى هو الهندسيه بيقدر يجيب او يشترى بسعر كويس من كينج ستون


فالكميه بتبقى كبيره والسعر بيكون كويس ومنافس جدا والكلام ده بينطبق على برده اكستراك


والفتره الاخيره شهدت منافسه قويه بين اكستراك و الهندسيه ادت الى الرامه 2G DDR3 وصلت ل 95 جنيه KING STONE


واكستراك بيبع الرامه 2G DDR3 وعليها HEAT SINK ب 100


المنافسه جميله وبتعود علينا برده بالخير والربح اقل جهاز بيطلع دلوقتى برامات 4 جيجا وبدل مكسب رامه بقى مكسب رامتين


ده نقطه


الرامات الHIGH END زى كورسير و جيسكيل


بتخش بكميات قليله جدا ومده زمنيه اطول كل شهرين تقريبا


فعلى ما اظن انا الكميه فى الاسعار بتفرق والاستمرايه والضمان برده لو لقدر الله فى قطعه بيظه ولا حاجه

مش قادر اكتب رد وافى يقدر يطفى النار بداخلكم ولكن ممكن الكلام يكون مع ممثل الطويل ممكن يكون عنده صوره اوضح منى

وانا معاكم فى النقاش وتحت امرك فى اى استفسار

[DoCToR.TaHeR]

وعليكم السلام ورحمه الله وبركاته

اولا : أحب اشكر الأستاذ محمد من شركة هاي اند علي رده :)

ثانيا : طبعا شيء جميل جدا ان الرامه ال 2 جيجا من كينجستون او ADATA توصل الي 100 جنية او 95 جنية ,,

افهم من كلام حضرتك ان العامل المحدد هنا هو ( الكميه ) ؟! ,, الرامات الكينجستون بتدخل بكميات كبيره وبتتباع بسرعه عشان كده سعرها بيكون منخفض ,,

انما الرامات ال High End زي ال G-Skill او Corsair بتدخل بكميات قليله وعلي فترات متباعده ومش بتتباع بسرعه ,, وبالرغم من كده بتتباع بفارق رهيب عن السعر العالمي :eek:

أتمني من حضرتك شويه اجابات عن الأسئله اللي في بدايه الموضوع ( علي قد ما تقدر :) ) .. وفي انتظار مشاركه ممثل شركه الطويل :)


شباب : بانتظار نقاشكم البناء:)

[ahm_klay1]

طب ليه متحولوش تاخدوا ترخيص من الشركتين و ده هيبقى أحسن و أفضل للجميع

[helmygecso]

انا أرى ان سبب الكميات الصغيره للذواكر High End هو عدم اقبال المستهلك علبها وهذا نتيجه لسعرها العالى لكن ان اشتريتم بضاعه بكميات كبيره من هذه الذواكر وبسعر برضى العملاء اظن ان الــ Kingston لن يباع :D:D

[EL-MARIACHY]

د- طاهر إبعت هذا الموضوع لممثل شركه الطويل و نشوف رايه :)


الغريب فى الموضوع هو انى شارى الرامه ال KINSTON 2G DDR3 بحوالى 270-280ج من حوالى 4-5 شهور فثمنا نزل دلوقتى و هذا طبيعى علماً بان سعرها فى الخارج لم ينقص بهذه الطريقه

و الغريب فى الموضوع ان لما رامات ال DDR4 تنزل و الرامات الDDR3 تبقى نادره سعرها بيزيد جداً و هتصبح اغلى من سعر ال DDR4 اللى هيكون موجود فى وقتها

نفس الكلام ده حصل لى بالظبط عندما كنت احدث البورده ، فوجدت أن الرامه ال DDR2 أغلى من الDDR3 و بالتالى إضطرت أن أشترى ال DDR3 ببورده جديده و .....

أليس هذا غريب ؟

[mmels]

بالنسبة لموضوع الكميات فالرامة الكنجستون كانت غالية جدا من 6 شهور ورخصت اليومين دول يعني هل من 6 شهور كنتم بشتري بكميات قليلة ودلوقتي اشتريتوا بكميات اكثر ؟؟؟؟:confused:

والرامات الهاي اند زي الكروسير انته لو بتشتري بالواحده من بره حيكون ارخص بكتير من الشراء من مصر ؟؟؟ وده مبيحصلش واكيد التوكيل بيجيب ارخص من بره فلما هذا الفارق الكبير في السعر:confused:

[ehab7bob]

من هنا نفهم ان سعر الكنجستون جيد بسبب الاقبال عليه طب في رأيكم ازي هيبقا فيه اقبال علي رامات ال highend بهذا السعر . الشخص البيدفع اكثر من 400 جنية في طقم رام بيقا مسخدم محترف بيدور علي الاسعار كويس و يشوف هلي يجبها من السوق المحلي ولا لا علي عكس بقية الشغب الي بتجيب ارخص حاجة بردة عشان كدة الكنجستون بتتباع اسرع . خلاصة الكلام لو نزلت الرامات الاحترافية باسعار جيدة الاقبال عليها هيزيد وهتتباع اسرع

[DoCToR.TaHeR]

^ ^ أتفق مع كلام الأخ ايهاب :)

لو الرامات الهاي اند توافرت بكميات كبيرة وبأسعار مقبولة وده الأهم ,, هتتباع بسرعة جدا ,,

في انتظار مزيد من اراء الشباب :)

[Mubarak]

بداية أرجو أن نشكر الأخ على تبرعه بالرد قبل التعامل معه كعدو.

في سنة من السنوات قارنت بين أسعار الذاكرة في الإمارات وفي السوق العالمي، فوجدت الفارق في السعر كبير، فقررت أن أشتري بقيمة 30 ألف درهم ذاكرة وأعيد بيعها في الإمارات لكني اكتشفت أن الأمر ينطوي على مخاطر ليست بسيطة، كان من أهمها أن سعر الذاكرة حساس لأقل تقلبات، فانخفاض المعروض يرفع سعره، وراجعوا اسعار ذاكرة DDR2 و DDR ففي بعض أنواعها أغلى سهرا من مثيلاتها من DDR3.

الذاكرة هي أكثر ما يخاطر فيه التجار، وأعتقد الآن بطاقات الشاشة، على عكس المذربورد والهاردسك والمعالجات ومزودات الطاقة.

الذاكرة أسعارها تنخفض عالميا بشكل أسرع من غيرها، لذلك قيام التاجر بشراء كمية كبيرة هي حركة غبية من التاجر، وفي نفس الوقت فإن ربح التاجر من البضاعة الأقل كمية سيكون أقل.

الحل يجب أن يكون جماعي ما بين التجار أنفسهم، أعتقد أن توحيد المواصفات والمقاييس، وكذلك الاكتفاء بنوعيات بعينها، لا حاجة لجمع كل الشركات، بل نوعيات بعينها تكتفي بها مصر، مثلا تكون مايكرون و كروزير و كنجستون و جيكيل، أما الخلط ما بين ذواكر مختلفة يجعل كل كمية أقل، مما يعني أسعارا أقل وفائدة أقل للتاجر وسعرا أعلى للزبون.

أعتقد آن الأوان لمصر أن تستقبل شركة لصناعة الذاكرة القياسية Generic، أعتقد أن عملية شحن الذاكرة من مصر إلى أوروبا والشرق الأوسط أقل كلفة من شحنها من تايوان، كما أن العمالة المصرية أرخص بكثير من العمالة التيوانية، هذا مشروع حضاري لا علاقة له بموضوعنا.

أتمنى أن يشارك مزيد من الأخوة ممثلي الشركات في هذا الحوار لأنني على يقين بأنه كما أن للزبائن شكواى كذلك للشركات.

[mmels]

بداية أرجو أن نشكر الأخ على تبرعه بالرد قبل التعامل معه كعدو.

في سنة من السنوات قارنت بين أسعار الذاكرة في الإمارات وفي السوق العالمي، فوجدت الفارق في السعر كبير، فقررت أن أشتري بقيمة 30 ألف درهم ذاكرة وأعيد بيعها في الإمارات لكني اكتشفت أن الأمر ينطوي على مخاطر ليست بسيطة، كان من أهمها أن سعر الذاكرة حساس لأقل تقلبات، فانخفاض المعروض يرفع سعره، وراجعوا اسعار ذاكرة DDR2 و DDR ففي بعض أنواعها أغلى سهرا من مثيلاتها من DDR3.

الذاكرة هي أكثر ما يخاطر فيه التجار، وأعتقد الآن بطاقات الشاشة، على عكس المذربورد والهاردسك والمعالجات ومزودات الطاقة.

الذاكرة أسعارها تنخفض عالميا بشكل أسرع من غيرها، لذلك قيام التاجر بشراء كمية كبيرة هي حركة غبية من التاجر، وفي نفس الوقت فإن ربح التاجر من البضاعة الأقل كمية سيكون أقل.

الحل يجب أن يكون جماعي ما بين التجار أنفسهم، أعتقد أن توحيد المواصفات والمقاييس، وكذلك الاكتفاء بنوعيات بعينها، لا حاجة لجمع كل الشركات، بل نوعيات بعينها تكتفي بها مصر، مثلا تكون مايكرون و كروزير و كنجستون و جيكيل، أما الخلط ما بين ذواكر مختلفة يجعل كل كمية أقل، مما يعني أسعارا أقل وفائدة أقل للتاجر وسعرا أعلى للزبون.

أعتقد آن الأوان لمصر أن تستقبل شركة لصناعة الذاكرة القياسية Generic، أعتقد أن عملية شحن الذاكرة من مصر إلى أوروبا والشرق الأوسط أقل كلفة من شحنها من تايوان، كما أن العمالة المصرية أرخص بكثير من العمالة التيوانية، هذا مشروع حضاري لا علاقة له بموضوعنا.

أتمنى أن يشارك مزيد من الأخوة ممثلي الشركات في هذا الحوار لأنني على يقين بأنه كما أن للزبائن شكواى كذلك للشركات.

اهلا بك اخي mubarak

الواحد لا يهاجم احدا ولكن ده حوار ودائما الحوار مبني علي الفعل ورد الفعل او الراي والراي الاخر وكلنا هنا نحاول ان نجد الاسباب التي ادت الي ارتفاع اسعار الرامات في هذا النقاش المفتوح

[Ahmed.Saleh]

اذا تم استيراد كميات من جى اسكيل او كروسير هل فعلا سعرها سيقل ؟؟؟؟؟
اذا كانت الاجابه نعم فأعتقد انه المستورد لن يتوانى فى ان يستحوز على جزء اكبر من التورته (السوق)
الموضوع مختلف على ما اعتقد وان كان كذلك فليستوردوا كميات كبيره وان كرن مثلا الفارق سيكون بين الجى اسكيل او كروسير مزوده بهيت سينك سيكون الفارق حتى 50ج لن يتردد المشترى ان يتحول اليها

ثم سؤال اخر ما السبب وراء ارتفاع اسعار الرام القديم الطراز مثل الDDR2 فى ايامنا هذه
سعر الرام الDDR2 المستعمل لا يقل عن 120ج او 100ج اذا كانت ماركه مثل هاينكس
وسعرها جديد كنت قد اشتريتها بسعر 185ج ووقتها كانت الDDR3 بسعر 140ج

كيف يكون شئ قديم اغلى من الاحدث انا معترض وبشده على مثل هذه السياسه فالسعر العادل من وجهه نظرى للDDR2 هو 80ج كحد اقصى لانها ببساطه قديمه + مستعمله فكيف يكون سعرها اعلى من الجديد + الأحدث

نعم انا تجارى وافهم موضوع الندره النسبيه وموضوع العرض والطلب لكن ليس بهذه الدرجه بمقارنه شئ قديم بشئ احدث فنحن لسنا نتحدث عن اثار مثلا ليزداد سعرها كلما قدمت

[HuLkY]

من فترة طويلة جدا اقترحت على التجار فى موضوع الاسعار ان يتم الاستيراد فى وقت واحد , هناك وقت انتاج موحد فى العالم وهو موسم رأس السنة الميلادية وفيه تخفيضات وفيه كمية كبيرة من المكسب التجارى والمعنوي كعلاقات , اقترحت تكوين اتحاد للشركات , بالله عليكم لو ايديكم ايد واحدة ممكن تعيديوا صياغة قوانين الغرفة التجارية لو تحبوا يا حضرات!!! قلت لهم تعاونوا سويا لكن للأسف هناك مشكلة , سوق الحاسوب فى مصر رأس ماله صغير, رأس مال شركة كبيرة جدا قد يقارب سعر سيارة فقط!!!!! سيارة فارهة طبعا , لكن الفكرة واحدة , يا سادة يا افاضل اتحدوا , لما الناس برة تشوفكم متحدين بشكل قوي لعل وعسي نرى لهم مصانع انتاج هنا وتسير العجلة كما يجب , انتاج واستهلاك بسعر مميز , يترتب عليه دفعة للاقتصاد , العملة تاخد وضعها , طبعا الموضوع للأسف يحتاج لعلقيات علمية منظمة , هذا غير موجود بالمرة فى السوق هنا , كلها محاولات على استحياء وللأسف فكر فردي وليس جماعي

الفكرة ليست سوق متقلب فى الذواكر , ما احب الكلام المشابه , ونسمع رأى يقول أصل سوق اللوحات الام سوق غدار , وسوق كروت الشاشة سوق بطال! وسوق المعالجات سوق "اى صيغة على وزن مفعال" , لم نرى مبيعات سيئة فى مرة لمكونات حاسوب فى Newegg او ما شابه , بالعكس كل الشركات تحقق أرباح ممتازة جدا , الفكرة فى التنظيم , التعاون, التخطيط العلمي.

[HuLkY]

@Ka7rata , سبب كل ما ذكرته انت انه رأس المال صغير جدا فى الحاسوب , اكبر شركة رأس مالها لا يتعدى المليون جنيه للأسف:(
أنا لم انقب وراء اى شركة لكن لو رأس المال اكبر من كده , مكنش ده الحال! يكفى أمثلتك ولو تحب ازيدك من الشعر بيتا , انت تأمر! انت لم تحضر فترة كارت الشاشة برة مصر ب 600$ وسعر الدولار 4 جنيه و 33 قرش ويتباع فى مصر , ب 4800 جنيه! ووصل ل 5250 جنيه! ناهيك عن الثقافة الأقرب للجهل اللى انتشرت بسبب تردي السوق كفكر واهتمام للعميل.

[Ahmed.Saleh]

طيب ما نعمل شركه ونستورد لحسابنا اى قطعه بسيطه ولو ذواكر
ونتوسع وتبقى مؤسسه لا تهدف للربح فقط تقوم بتغطيه نفقاتها السنويه

او لتكون هادفه للربح وتكون شركه مساهمه ويساهم الاعضاء وانا اولكم

بس المشكله انه الانسان بطبعه طماع ويبحث عن المزيد دائما

[o0R3D0o]

انا عندي استفسار ثاني ليس بخصوص الرامات ولكنه مرتبط ارتباط وثيق بالاسعار الغريبة للسوق المصري سعر البطاقة MSI GTX 560-Ti HAWK و البطاقة SAPPHIRE HD 6950 2GB GDDR5 Dirt3 Edition هو 264.99$ الغريب ان البطاقة الأولى سعرها في مصر 1650 جنيه و الثانية 1750 جنيه .......بالنسبة للبطاقة الأولى لو فرضنا سعر الدولار 6 جنيهات فيكون سعرها في مصر 1590 جنيه وبالتأكيد ان ال60 جنيه الفارق هي نصيب الوحدة الواحدة من مصاريف النقل و الشحن ( مع تجاهل ان الوكيل له اسعار مميزة )فلماذا هناك فارق 100 جنيه بين البطاقتين

[DoCToR.TaHeR]

الفارق من وجهة نظري هو ( ثمن ) لعبة Dirt 3 :D

غير انها بطاقة بشكل جديد وتبريد جديد ,, والناس هتحب تشتريها ,, لازم تكون اغلي طبعا :D

[o0R3D0o]

الفارق من وجهة نظري هو ( ثمن ) لعبة Dirt 3 :D

غير انها بطاقة بشكل جديد وتبريد جديد ,, والناس هتحب تشتريها ,, لازم تكون اغلي طبعا :D

ما هو دة الفرق ثقافة التسويق في الخارج تستخدم بطريقة غلط في مصر يعني مثلا في حالتنا هنا شركة SAPPHIRE بتنافس شركة MSI التي اطلقت MSI HD 6950 2G Twin Frozr II بانها اطلقت بطاقة بتبريد احترافي ممتاز واصدارة خاصة تشمل لعبة محبوبة ولها شعبيتها ( وتحتوي اللعبة على تقنيات 3D و DX11 ) بالاضافة إلى كابل HDMI بفارق حوالي 35$ عن بطاقة منافستها MSI :ah46: لكن هنا في مصر يزود سعر البطاقة 100 جنيه عشان اللعبة والكابل ويبقى اسمو تسويق بردوا:D:D

[DoCToR.TaHeR]

الحمد لله :)

أري انخفاض ملحوظ في أسعار الرامات ,, ( بغض النظر عن عدم رد ممثل توكيل الطويل علينا ) ,,

ولكننا نشكره علي ايه حال ,, علي تخفيض اسعار ذواكر Corsair بشكل ملحوظ جدا عن الأسعار السابقة ,,

يغلق حاليا ,,