أكمل في مجال النت وورك ولا لأ ؟؟؟؟؟؟؟؟؟؟؟؟؟؟؟؟؟؟؟؟؟

[hossamostafa]

بصراحة انا بقيت محبط جدا ومش عارف أعمل إيه قولت اخد مشورتكم

أنا واخد mcse ,Mcitp,exchange2007 & 2010 ,TMG وبرغم كده مش لاقي شغل في أي شركة لإن للأسف لازم تكون هندسة أو حاسبات ومعلومات وانا خريج تجارة فمش عارف أكمل في المجال ده ولا استعوض ربنا في الوقت والمجهود والفلوس اللي ضاعوا علي الفاضي وأدور علي أي شغل تاني

مستني ردكوا

[kingo_2003]

بصراحة انا من رأيى تكمل انا زيك بالضبط تجارة وعارف مشكله موضوع الكليات ده كويس

بس انا عايز اقولك على حاجة

انا قابلت it كتييييييييير جدا وصدقنى لا كانوا هندسه ولا كان معاهم كورسات ولا اى حاجة

نصيحتى ليك حاول تاخد خبره فى شركه عاديه سنتين ولا تلاته

وفى خلال السنين دى تحاول انك تبقى متميز بحاجة ، وتكون متفوق فى حاجة
وبعد كده تحاول تشوف الشركات اللى بيبقوا عايزين هندسه دول ولكن لازم تبقى متميز بحاجة ، يعنى لازم يكون عندك حاجة مش موجوده عند بتاع هندسه
للأسف هما فاهمين ان بتاع هندسه هو اللى بيفهم واى حد تانى لأ
فحاول انت تكسر الحاجز ده بأنك تثبتلهم العكس
ومع احترامى وارجوك تفهمنى صح
حط دايما فى دماغك ان الشغل بالفهم مش بالشهادات
مصر كلها عرفت اللعبه وبقوا كلهم بياخدوا الكورسات والشهادات ، ولكن المشكله فى مستوى الفهم زى ما كتير اسمهم it وهما ميعرفوش غير تسطيب الويندوز وكتابه ال ip
حاول تتعب فوق التعب اللى تعبته وتأكد ان ربنا مش هيضيع كل الجهد ده ولكن اكيد فى حاجة احسن مستنياك :) :)
وربنا يوفقك :)

[EMBassem]

ربنا معاك
موضوع الشهادة الجامعية دة بيدايق اوى بصراحة
حتتة ورقة توقف حالك
تقول اية بقى هى دى دماغ المصريين
انا موضوع الشهادة دة برضوا جايبلى احباط
بس انت ما شاء الله عليك مشيت فى الطريق انا لسة كل ما اخد خطوة اقف و افكر تانى
بس توكل على الله و كمل مشوارك و لو ليك نصيب حتاخدة

[mohaworld]

في انتظار اراء باقي الاعضاء

[سيف الدين 2007]

انا خريج هندسه وشغال فى المجال بقالى يجى 8 سنين وشايف ان العبره دلوقت بالفهم مش بالشهاده
انا مع kingo_2003 (https://arabhardware.net/forum/member.php?u=11123488) فى ان انت تحاول تبقى متميز فى حاجه وتثبت نفسك وبعد سنتين تلاته هتنسى انت خريج ايه
سلااااااااااااااااااااااام

[خالد الهاشمى]

السلام عليكم ورحمة الله
اولا كل عام وانت بخير ورمضان كريم عليك يا جامد
انت حلك يا معلم بسيط اوى قدم هندسه 5سنين وخلصها وتبقا مهندس حلوه ها هههههههههه
لا بجد انا هقلك فيه معهد اسمه معهد الاحصاء فى جامعةالقاهره دا بيدى دبلومه سنتين فى مجال علوم الحاسب بيديك شوية حاجات زى الفل يا معلم وبيخليك زى الناس بتوع هندسه بالظبط وبيبقا ليك قيمه جامده وبيخليك تقدر كمان تعمل ماجيستير فى علوم الحاسب شوف ازاى ؟
هتقلى يا عم انت جى تهرج انت عيزنى ادرس سنتين تانى دا انا خت mcse فى سنه عيزنى اعد سنتين تانى ؟
يا عم براحه بص انت اول ما هتقدم هتكتب كده under graduation قصاد الدبلومه وتكتب جامعة القاهره diploma in computer science under graduation cairo university المهم دى هتظبط معاك الكلام وبعد سنتين انشاء الله هتكتب انك بتحضر ماجيستير فى علووووووووووووم الحاسب وقابل بقا يا معلم الشغل دلوقتى بقا انت لازم تشتغل اى حاجه انشا الله انستركتور فى اى مكان انا يا عم اشتغلت قبل كده فى كذا مكان معفن بس بيظبطو الc.v يا سلام بقا لو تاخد ccna عشان تظبطلك الحتا العملى عندك فى الموقع بتاعت نجم مصر الاول ربنا يبركله يارب وليد عوده مش لازم تاخد الشهاده عشان غاليه خد الكورس مش هياخد معاك اسبوعين انشاء الله المهم يا جامد دا رقم تليفونى لو احتجت اى معلومه عن الحوار بتاع معهد الاحصاء عينك ليك 0102783479 وعايز اقلك ان سنتين مش كتير لأن انت كده كده عايش نفترض انك عندك دلوقتى 25 سنه كمان سنتين هيبقا عندك 27 سنه لو خت الدبلومه لو مختش برده هيبقا عندك 27 سنه شوف ازاى :p
على فكره سعرها رخيص 700 جنيه بس وشوف بقا يا معلم اسم جامعة القاهره بتاعة الخديو اسماعيل الى داين مصر المهم لو عزت حاجه اعمل مشاركه هنا او اتصل بيا متكسلش بقا وربنا هيكرمك انشاء الله يا حسام اه نسيت اقلك معلومه حلوه تواصل مع الناس الجامده زى عوده واحمد سرحان الناس دى ممكن تقلك على شركه معرفه تشتغل فيها الناس دى جامده اوى ما شاء الله وليها علاقتها انا اعرف ان احمد سرحان ما شاء الله عليه وانا كلمته كذا مره على تليفونه الشخصى عشان استفسر منه على شوية معلومات ظبطنى بصراحه ولو قلك يا بلحه متزعلش دى مش شتيمه دى بيقلها للى بيحبه
واخيرا
الخاتمه
السلام عليكم ورحمة الله وبركاته

[EMBassem]

-صحيح انت خريج سنة كام هى فكره فكرت تقدم فى منحة ITI و MCIT

[mohaworld]

السلام عليكم ورحمة الله
اولا كل عام وانت بخير ورمضان كريم عليك يا جامد
انت حلك يا معلم بسيط اوى قدم هندسه 5سنين وخلصها وتبقا مهندس حلوه ها هههههههههه
لا بجد انا هقلك فيه معهد اسمه معهد الاحصاء فى جامعةالقاهره دا بيدى دبلومه سنتين فى مجال علوم الحاسب بيديك شوية حاجات زى الفل يا معلم وبيخليك زى الناس بتوع هندسه بالظبط وبيبقا ليك قيمه جامده وبيخليك تقدر كمان تعمل ماجيستير فى علوم الحاسب شوف ازاى ؟
هتقلى يا عم انت جى تهرج انت عيزنى ادرس سنتين تانى دا انا خت mcse فى سنه عيزنى اعد سنتين تانى ؟
يا عم براحه بص انت اول ما هتقدم هتكتب كده under graduation قصاد الدبلومه وتكتب جامعة القاهره diploma in computer science under graduation cairo university المهم دى هتظبط معاك الكلام وبعد سنتين انشاء الله هتكتب انك بتحضر ماجيستير فى علووووووووووووم الحاسب وقابل بقا يا معلم الشغل دلوقتى بقا انت لازم تشتغل اى حاجه انشا الله انستركتور فى اى مكان انا يا عم اشتغلت قبل كده فى كذا مكان معفن بس بيظبطو الc.v يا سلام بقا لو تاخد ccna عشان تظبطلك الحتا العملى عندك فى الموقع بتاعت نجم مصر الاول ربنا يبركله يارب وليد عوده مش لازم تاخد الشهاده عشان غاليه خد الكورس مش هياخد معاك اسبوعين انشاء الله المهم يا جامد دا رقم تليفونى لو احتجت اى معلومه عن الحوار بتاع معهد الاحصاء عينك ليك 0102783479 وعايز اقلك ان سنتين مش كتير لأن انت كده كده عايش نفترض انك عندك دلوقتى 25 سنه كمان سنتين هيبقا عندك 27 سنه لو خت الدبلومه لو مختش برده هيبقا عندك 27 سنه شوف ازاى :p
على فكره سعرها رخيص 700 جنيه بس وشوف بقا يا معلم اسم جامعة القاهره بتاعة الخديو اسماعيل الى داين مصر المهم لو عزت حاجه اعمل مشاركه هنا او اتصل بيا متكسلش بقا وربنا هيكرمك انشاء الله يا حسام اه نسيت اقلك معلومه حلوه تواصل مع الناس الجامده زى عوده واحمد سرحان الناس دى ممكن تقلك على شركه معرفه تشتغل فيها الناس دى جامده اوى ما شاء الله وليها علاقتها انا اعرف ان احمد سرحان ما شاء الله عليه وانا كلمته كذا مره على تليفونه الشخصى عشان استفسر منه على شوية معلومات ظبطنى بصراحه ولو قلك يا بلحه متزعلش دى مش شتيمه دى بيقلها للى بيحبه
واخيرا
الخاتمه
السلام عليكم ورحمة الله وبركاته

جزاك الله كل خير عالمعلومات دي بجد وكان عندي سؤال هل الدبلومة السنتين دي بتدي تقل للشخص ؟ يعني بتخليه مساوي نظريا بخريج هندسة ولا برده بعد ما اخدها ويطلع عيني تيجي شركة تقولي لأ انت مش خريج هندسة !

[dr_timoon]

السوق مفتوح ياباشا
بص انا زيك انا خريج تجارة بس اقدم منك شوية
و الحمد لله ليا دلوقتى اسمى فى السوق و شغال و الحمد لله فى شركة من اكبر الشركات فى مصر و تقريبا فى الوطن العربى
فاو الله ماتقلق من الموضوع دا بس انت ذاكر كويس وخلى ليك قيمة فى السوق ودائما خليك مطلع و متابع الجديد
بالتوفيق

[dr_timoon]

نسيت اقولك حاجة مهمة جدا
انا بفترض انك حابب المجال بجد و حابب المذاكرة

[viruslux]

السلام عليكم ورحمة الله وبركاته

انا كمان خريج كلية تجارة وعشان اتغلب علي المشكلة دي دورت لما تعبت لحد لما لقيت معهد الدراسات والبحوث الاحصائيه(معهد الاحصاء) الي في الجيزة جامعة القاهرة وهعمل في دبلوم الدراسات العليا في علوم الحاسب ان شاء الله اول سنة السنة دي وبكده اعادل بتاع كلية حاسبات ومعلومات نفس التخصص علوم حاسب ومدة الدبلومه سنتين السنة الاولي مصروفاتها 800جنيه وليها اختبارات قبول في الرياضة والسي بلس بلس والحمد لله نجحت فيهم وممكن بعد الدبلومه ان شاء الله تكمل تمهيدي ماجستير سنة وبعدين تحضر ماجستير علطول وساعتها هيبقي مؤهلك اعلي من بتاع حاسبات ومعلومات

[خالد الهاشمى]

جزاك الله كل خير عالمعلومات دي بجد وكان عندي سؤال هل الدبلومة السنتين دي بتدي تقل للشخص ؟ يعني بتخليه مساوي نظريا بخريج هندسة ولا برده بعد ما اخدها ويطلع عيني تيجي شركة تقولي لأ انت مش خريج هندسة !
وجزاك مثله
طبعا يا اخى بتدى تقل وبتخليك جامد واول ما تدخل اكتبها فى الc.v علطول وقول ان انت تحت التخرج فيها انا شفت c.v بتاع ناس جامده ولقتهم عملين كده وبعدين يا استاذنا ربنا يعزك مفيش علم بيخسر اينعم التعليم مش هتلقيه فى كفاءة الناس المحترمه زى مايكروسوفت وسيسكو بس مش هيخسر انت مش هتخسر حاجه والموضوع ببلاش وجرب وبعدين ركز على نقطه واحده انك لو دلوقتى عندك 25 سنه كمان سنتين انت عندك 27 سنه من غير الدبلومه اما لو خت الدبلومه برده هيبقا عندك 27 سنه يا راجل اتوكل على الله وخش وقوى الحته الاكاديميه عندك وانشاء الله هتبقا احسن من الناس بتوع حاسبات ومعلومات عشان انت راجل بتدرس تكنولجيا احدث وبعدين خلى عندك طموح انك تكمل ماجيستير ودكتوراه دلوقتى الموضوع علمى بحت والى اقوى علميا هوا الى كلامه ومعتقداته بتمشى خد الدبلومه دى بهدف انك تنشر افكارك وتعلن عنها والناس بتحترم اوى العلم العلم دا ممكن يكون ليك دعوه لو انت عندك حب انك تدعو لربنا مجرد وجود مسلم فى مجال زى الit وتقيل ينهار ابيض اناببقا مبسوط اوى ومش معنا كده انى مش بحب اى حد تانى لا طبعا انا ليا اصدقاء نصارا ومحترمين بس انا بحب دينى واحب ان انا وكل المسلمين نبقا اجمد ناس فى الساحه انشاء الله والتنافس فى العلم دا شئ محمود كلمة محمود=موصوف بالحمد يعنى اعتقد ان هيا كده صح المهم ابدأ بسرعه واتصل عشان تسأل على الدبلومه وقلهم لازم ادخل الكورس بتاع السى بلس ولا لا يعنى ينفع امتحن علطول ولا لازم اخد الكورس المهم لو فيه اى حاجه انا تحت امرك وقل لكل الناس الى تعرفهم فى المجال على الدبلومه دى ولو احتجت اى استفسار اخوك فى الله فى الخدمه
السلام عليكم ورحمة الله وبركاته

[viruslux]

السلام عليكم
انا مع الاستاذ خالد لازم نتشجع ونحقق حاجه ولسه احنا في سن الشباب لازم نتعب شويه وشرط القبول في الدبلومه اخذ كورسين رياضة وسي بلس بلس والنجاح في الامتحان بتاعهم وانا الحمد لله نجحت واول سنه ليا السنه دي ان شاء الله والكورسات شغاله حاليا للي عايز يلحق يحجز لانه اخر كورسات في شهر 8 الايام دي واخر ميعاد للتقديم 14 سبتمبر والمصروفات 800 جنيه الكارنيه والكورسات 400 جنيه

[خالد الهاشمى]

السلام عليكم ورحمة الله
شكرا على المعلومات استاذ viruslux (https://arabhardware.net/forum/member.php?u=11250032) انا برده انشاء الله لسه هقدم فى الكورس والسنادى اول سنه ليا انشاء الله بس انا اعرف ناس هناك من زمان لو عزت اى ورق ولا اى حاجه انا تحت امرك وعيزين انشاء الله اكبر عدد من الناس تخش عشان الكل يستفاد والله انا شيفها فرصه جميله جداااااااا وانا مبسوط جدا بيها وربنا يوفقك

[viruslux]

شكرا ليك استاذ خالد انا كمان ليا اصحاب هناك وده رابط الجروب بتاع المعهد علي الفيس بوك بتنزل عليه كل المعلومات او لو ليك اي استفسار

[viruslux]

رابط جروب معهد الدرساات والبحوث الاحصائيه https://www.facebook.com/home.php/groups/198426946848927/

[mohamed rahma]

السلام عليكم ورحمة الله 
مشكورين علي المعلومات دي 
انا كان ليا استفسار بسيط لو تكرمتوا انا لسه  طالب بشعبة نظم المعلومات الادارية رايح سنه رابعه ان شاء الله بتقدير امتياز هل ينفع ادخل الدبلومه ولا الا ثانيا معايا mcitp ,mcse self study,mcse self study ,icdl

[viruslux]

السلام عليكم
الاستاذ محمد لازم عشان تكمل الدبلومه تكون معاك مؤهل عالي بكالوريوس او ليسانس لانها دبلومه اكاديمية(دراسات عليا يعني) مش دبلومه خاصة ودي بياخدها الي بيخلص حاسبات ومعلومات كمان يعني زيك زيه

[mohaworld]

معلش انا ليا رأي ممكن مختلف شويه .. هو العمر للشاب المصري فيه كام سنه ؟ يعني الشاب بيتخرج 22 سنه قول علي بال ما بقي معاه شهادات ف المجال mcse ccna exchange مثلا بقي عنده 24 سنه لما بقي واحد يقترح انه الشخص دا يشتغل سنتين تلاته ياخد خبره معني كده انه بقي عنده 27 سنه ولسه ماخدش المرتب المعقول كل دا بيؤهل نفسه بس يعني معني كلامكو ان عشان ابدأ امسك فلوس بقي ومرتب محترم 2500 مش قبل سن 26 سنه !!!!!!!! يعني لو واحد معندوش اي امكانيات لو مشي بالخطه دي ممكن يتجوز وهو 35 سنه في حين ان الشباب محدش فيهم بقي مستحمل سواء مرتبط ببنت او لأ كله عاوز يتجوز ودا شئ ف الدين يعني ياريت الناس تراعي النقطة دي انا موافق جدا علي كلام الاخوه هنا موضوع الدبلومه وموضوع الشغل ف اي مكان تعبان للخبره انا موافق علي كل دا بس ظروف البلد متسمحش بكده هيبص يلاقي نفسه عنده 27 سنه ومقدرش يحوش 10 الاف علي بعض ومطلوب منه يجيب شقه ويتجوز انا مش بسودها ف وش حد بس انا حاسس ان دا اللي بيحصل او جايز انا متخيل كده انا منتظر تجارب بعض الاشخاص اللي مش خريجي هندسه لأن بلا شك خريج هندسه بيشتغل اسرع من بتاع تجارة واداب اقصد كمجال شبكات يعني

[viruslux]

انا معاك انه بتاع هندسه بيشتغل اسرع بس المهم الي يتفوق في الشغل ويترقي ويثبت نفسه وثانيا كده كده السنين بتعدي فالافضل نستفيد بالدراسه والكورسات بجانب الشغل والوقت يكفي ان شاء الله

[michel23]

كنت عاوز استفسر من حضراتكم عن حاجة :

هو اية الأفضل - ادرس كورس mcse أولا أم ادرس دبلومة علوم الحاسب أولا ؟؟؟
وتانى حاجة بالنسبة لكورسات السى بلس بلس والرياضة مفيش فيديوهات على النت تشرحهم
ولا لازم اخدهم فى المعهد ؟؟

وكل عام وانتم بخير

[sh3poz]

السلام عليكم ورحمة الله
شكرا على المعلومات استاذ viruslux (https://arabhardware.net/forum/member.php?u=11250032) انا برده انشاء الله لسه هقدم فى الكورس والسنادى اول سنه ليا انشاء الله بس انا اعرف ناس هناك من زمان لو عزت اى ورق ولا اى حاجه انا تحت امرك وعيزين انشاء الله اكبر عدد من الناس تخش عشان الكل يستفاد والله انا شيفها فرصه جميله جداااااااا وانا مبسوط جدا بيها وربنا يوفقك
جزاك الله كل خير كلامك ان دل يدل علي انك انسان محترم بس انا ليا سؤال انا معايا بكالريوس نظم ومعلومات وحاليا بدرس mcitp
هل الدبلومه ده هتفدني ولا الدبلومه ده خاصه بالناس المش هندسه او نظم ومعلومات