مساعدة قبل شراء كارت gtx 460

[osama kiko]

السلام عليكم ورمضان كريم عليكوا كلكوا ان شاء الله
لو سمحت ياجماعة انا ان شاء الله كمان اسبوع بازن الله ناوى انزل اجيب كارت الشاشة الى هو gtx 460 وقبل الشراء عاوز اسئل الكارت هيبقى تمام جدا لانى مش ناوى كمان سنة او اتنين اغير كارت الفيجا تانى وباقى الجهاز 4 جيجا رام والمعالج Phenom II X2 550 واانا بلعب على دقة مش عالية اووى بلعب على 864*1152 كدة كل حاجة هتبقى تمام ولا لالا مع العلم انى عامل حسابى على سعر الكارت بس 1200 ومش هينفع ازود واسف على الاطالة رمضان كريم عليكو يااجمل ناس :)

[abdomadeer]

الكارت أكثر من ممتاز عن تجربه شخصيه

لكن دقه شاشتك قليله جدا بالنسبه للكارت

كارت GTS 450 بيكون كافى

[أبو فوفو]

توكل على الله واشتري الكرت وهيكفيك أربع سنوات قدام كمان مش سنتين بس على شان الدقة اللي بتلعب عليها منخفضة بس هتحتاج أنك تغير المعالج لإني الدقة كل ما أنخفضت كل ما كان الرك على المعالج أكبر وكمان المعالج عندك ثنائي مش رباعي هو يمكن يمشيك سنه تانية بس بعدها لازم تطور المعالج لرباعي ...بالتوفيق..

[osama kiko]

شكرا ياجماعة اووى على الردود ربنا يخليكوا بس اة انا عارف انى الدقة قليلة شوية بس انا عاوز اجيب كارت يكفينى ومش احتاج كمان فترة اغيروة وكمان الاخ ابو فوفو :D الحمد لله طمنى وقال هيكفينى 4 سنين ربنا يطمنك يااخى والله بس اممممم المشكلة ياباشا انى مش هقدر مع الاسف اغير المعالج دلوقتى كدة هيبقى مش تمام ولا اية ؟ ولا لازم اغيروة المشكلة انى معايا تمن الكارت ويدوبك معاة سعر الباور وهيكون ان شاء الله hec 500 wt غير كدة مش هعرف الفترة دى ازود شلن ;)

[أبو فوفو]

يا أخي على مهلك محدش راكض وراك غير دلوقتي كرت الشاشة والبور وهيشتغل معاك زي الفل مع المعالج الحالي إن شاء الله وبعد كم شهر لما ربك يفرجها غير المعالج وخلاص ...

[MOBH]

على دقة الشاشة الحالية
AMD HD6770 يكفيك لأربع سنوات أو بالكثير عندك HD6790
وترفر البقية لشراء Phenom II X4 بدل X2

[osama kiko]

يبقى انا كدة بازن الله هنزل اشترى الكارت واتوكل على الله وهقضى بية على الاقل سنة او سنة ونص وبعد كدة ابقى اغير المعالج بقى ان شاء الله شكرا لى كل الناس الى ردت وحاولت تساعدنى وربنا يباركلى فى الكارت بازن الله

[dr.ahmed shahin]

انا شايف ان البروسيسور لو فتح معاك الاربع انوية كافى جدا ومش هتحتاج تغيره
بالنسبة للكارت انا لسه شاري اخوه النهارده
باختصار تحفة فى كل شيء
صوت المروحة منعدم تحت ال 50 فى الميه
معمول له اوفر كلوك مصنعى ل780 للكور كلوك
الكارت مش بيعمل buzz noise لما بتضغط عليه نتيجة استخدام خامات military class ودى نقطة مميزة جدا
يعنى الكارت من الاخر سيلنت كانك مش مركب كارت شاشة فى الجهاز

[osama kiko]

مبروك الكارت ياابو حميد ربنا يباركلك فيك ان شاء الله وانتا كدة طمنتى اكتر والله طب معلش سؤال انتا جبت نسخة اية gigabyte ولا msi ?? وهو ناو عامل كام كدة وياترى هلاقية فى هاى اند ولالا ومبرووووك الكارت عليك وعقبالى بقى انا كمان ;)

[amrmovie]

اولا يا باشا الكارت هاته msi hawk دى افضل نسخه و سعره جديد 1270 جنيه و انصحك تشترى واحد مشتعمل من قسم عروض الاعضاء يعنى تلاقى الكارت استعمال 4 شهور مثلا و سعره 950 جنيه و كده توفر 320 جنيه .

ثانيا اضمن تجيب باور 600 وات و الفرق بين ال600 و ال 500 50 جنيه

ثالثا على الدقه المنخفضه دى و البروسيسور بتاعك مش حاتستفيد بكامل اداء الكارت فهات GTS 450 عشان مش حتلاحظ فرق كبير بينهم مع الدقه المنخفضه دى ده غير فرق السعر الكبير بينهم

دى نصيحتى و انت حر فى تصرفك

[yassermsire]

ما نوع الباور اللى عندك

[mena adly]

زي ما الاخوة الاعضاء قالوا لحضرتك الدقة اللي بتلعب ليها منخفضة ف وفر فلوسك وهات 450gts وهو كارت ممتاز ايضا عن تجربة لانك مش هتحس بفرق كبير علي الدقة دي

[dr.ahmed shahin]

نسخة ال msi تمنها 1250

[osama kiko]

بصراحة انا مش مع فكرة انى اجيب كارت مستعمل انا عموما مش بحب الحاجة المستعملة انا لو هجيب كارت يبقى هيبقى كارت جديد مش مستعمل ولا حاجة وبالنسبة لحكاية الباور انا كنت هجيب مع الكارت hec 500 wt كدة تمام ولا ازود زى ما عمرو قال واجيب 600 اضمن ومش عارف لية انا مش مقتنع بحكاية اجيب كارت اقل وكدة لانى بصراحة ياجماعة عاوز اجيب كارت يعيش معايا على الاقل 4 سنين من غير ماافتكر حاجة اسمها كارت شاشة ويكفينى فى كل الالعاب الى هتنزل وسؤال معلش هو معنى كلمة مش هستفاد بكامل قوة الكارت انوة هيسببلى مشاكل ولا هيشغل الالعاب ووممكن يحصلوة مشاكل فى العاب تانية ؟؟ واسف على الاطالة

[Ahmed.Elsayed]

البروسيسور اللى عندك هتحتاج تكسر سرعته الأول ل 3.4 على الأقل لو هتكمل بيه
و باور 500 وات هيشغلك ال gtx 460 كويس بدون أى مشاكل أنشاء الله
بس لو عايز باور يعيش معاك لأى تحديث قدام هات باورسبلاى 600 وات بس إبعد عن ال ocz و ال cooler master

[MOBH]

بصراحة انا مش مع فكرة انى اجيب كارت مستعمل انا عموما مش بحب الحاجة المستعملة انا لو هجيب كارت يبقى هيبقى كارت جديد مش مستعمل ولا حاجة وبالنسبة لحكاية الباور انا كنت هجيب مع الكارت hec 500 wt كدة تمام ولا ازود زى ما عمرو قال واجيب 600 اضمن ومش عارف لية انا مش مقتنع بحكاية اجيب كارت اقل وكدة لانى بصراحة ياجماعة عاوز اجيب كارت يعيش معايا على الاقل 4 سنين من غير ماافتكر حاجة اسمها كارت شاشة ويكفينى فى كل الالعاب الى هتنزل وسؤال معلش هو معنى كلمة مش هستفاد بكامل قوة الكارت انوة هيسببلى مشاكل ولا هيشغل الالعاب ووممكن يحصلوة مشاكل فى العاب تانية ؟؟ واسف على الاطالة
AMD HD6770 أو HD6790
الكارتين ممتتازين
ويستمرون معاك 4 سنوات وأكثر
بس أنت تحتاج معالج رباعي
فالأفضل توفر وتشتري phenom II x4 بدل x2
لأن الألعاب حالياً بدأت تستفيد من 4 أنوية
أو GTX 550 ti إذا مصر على nvidia (بسعر 6790 وأداء 6770)

__________________________________[/URL]
https://arabhardware.net/services/hardware-reviews/1792-afox-gtx550ti-review-gpu-hardware.html?start=28 (https://arabhardware.net/services/hardware-reviews/1663.html?start=29)
[URL]https://arabhardware.net/services/hardware-reviews/1663.html?start=29

[osama kiko]

امممم بصراحة ياباشا انا معنديش خبرة نهائى فى قصة كسر السرعة دى يعنى مش هعرف اكسر سرعتة مع الاسف ومعلش طب سؤال هو انا لو جبت الكارت على المعالج الحالى بتاعى دة هيبقى الاداء كويس ولا لازم اغير لرباعى !




البروسيسور اللى عندك هتحتاج تكسر سرعته الأول ل 3.4 على الأقل لو هتكمل بيه
و باور 500 وات هيشغلك ال gtx 460 كويس بدون أى مشاكل أنشاء الله
بس لو عايز باور يعيش معاك لأى تحديث قدام هات باورسبلاى 600 وات بس إبعد عن ال ocz و ال cooler master

[osama kiko]

هو المشكلة بس الى انا خايف منها انى البوردة ممكن تكون مش مدعمة للمعالج من الاساس هيا دى كل المشكلة علشان كدة سالت الاول وقولت لو جبت الكارت الى انا قايل علية مع المعالج الحالى بتاعى هيحصلى مشكلة ولا لازم اغير لواحد رباعى اصلا ودة لينك البوردة بتاعى شوفة كدة معلش لو هتعبك هيقدر يشغلها ولالا https://www.gigabyte.com/products/product-page.aspx?pid=3262#ov





AMD HD6770 أو HD6790
الكارتين ممتتازين
ويستمرون معاك 4 سنوات وأكثر
بس أنت تحتاج معالج رباعي
فالأفضل توفر وتشتري phenom II x4 بدل x2
لأن الألعاب حالياً بدأت تستفيد من 4 أنوية
أو GTX 550 ti إذا مصر على nvidia (بسعر 6790 وأداء 6770)

__________________________________
https://arabhardware.net/services/hardware-reviews/1792-afox-gtx550ti-review-gpu-hardware.html?start=28
https://arabhardware.net/services/hardware-reviews/1663.html?start=29

[MOBH]

المذربورد تدعم phenom II x4
لكن أعتقد أن الدعم غير كامل .....بس أكيد بروسيسور رباعي أفضل من ثنائي
https://www.gigabyte.com/support-downloads/cpu-support-popup.aspx?pid=3262

[Ahmed.Elsayed]

امممم بصراحة ياباشا انا معنديش خبرة نهائى فى قصة كسر السرعة دى يعنى مش هعرف اكسر سرعتة مع الاسف ومعلش طب سؤال هو انا لو جبت الكارت على المعالج الحالى بتاعى دة هيبقى الاداء كويس ولا لازم اغير لرباعى !
لو مش هتكسر سرعة المعالج جيب كارت 5670 أحسن و هيشغلك الألعاب كويس على دقة عرض 864*1152 بدل ما تجيب كارت و مش هستفيد من كامل سرعته بسبب البروسيسور
و لو عايز تشترى كارت gtx 460 أشترى معاه معالج رباعى أو أشترى كارت gts 450 أو ati 6770 وأكسر سرعة المعالج الحالى ل 3.4ghz
و لو مش عارف إزاى تكسر سرعة البروسيسور أعمل موضوع جديد فى قسم كسر السرعة و تبريد الحاسب الاَلى و الأخ نواف هيتابع معاك

[osama kiko]

انا عملت موضوع فى قسم المعالجات علشان اعرف البوردة بتاعتى بتقبل المعالج الرباعى ولالا لا وردو عليا وقالوة اة بتقبل بس بشرط ان المعالج يكون 95w دة بالنسبة للمعالجPhenom II X4 955 ياترى هلاقى المعالج دة موجود وبرضوة لازم يكون زى ماقولت 95 ياريت حد يساعدنى ياترى هلاقية ولالا ولو مش لاقيتة نا هكمل على المعالج الاصلى بتاعى وخلاص لانى سالت كزا واحد قالى الكارت هيشتغل من غير اى مشاكل وهيبقى كويس جداا واسف اوى انى بتعبكوا معايا