استفسار قبل شراء مازر بورد جديدة

[egyman_1982]

السلام عليكم و رحمة الله و بركاته
كل عام و انتم بخير بمناسبة شهر رمضان الكريم

السادة الاعضاء و المشرفين انا ليا طلب بسيط انا عندى جهاز قديم و ناوى احدثه ( يعنى هشترى مازربورد + رامات ) فقط نظراً للحالة المادية :ah52: بالاضافة لاننى متزوج يعنى انتم عارفين بنحوش الفلوس امتى و اذاى :ah38:

و دى مواصفات الجهاز عندى :

System Manufacturer: BIOSTAR Group
System Model: G31-M7 TE
BIOS: Default System BIOS
Processor: Intel(R) Celeron(R) D CPU 3.06GHz
Memory: 1014MB RAM
و انتم عارفين ان المازرد بورد عندى كتر خيرها انها بتشتغل و علشان كده انا قررت اشترى مازر بورد و رامات و اركب عليها البريسيسور الى عندى و فى نفس الوقت لما احب احدث البريسيسور المازر بورد تقبله و انا لما سألت الاصدقاء قالوا اشترى مازربورد GIGABYTE g41 و قالوا انها كويسة و كارت الشاشة المدمج 1 جيجا و سعرها حنين .

و علشان كده انا مكنتش هقدر اشتري حاجة الا بعد الاستشارة فى موقع المفضل عرب هارد وير و يا ريت :
تقولوا ليا ايه رايكم و لو فى حاجة احسن و تقبل تحديث البرسيسور ( يعنى لما ربنا يفرجها و اجيب core 2 due )
و انا استخدامى عادى يعنى و فى بعض الاحيان بحب العب العالية و الميزاينة فى حدود 600 جنيه

و يا ريت الاسعار و براحة عليا يا شباب :ah34:

[shark74]

بص حضرتك بمنتهى الامانه , التحديث في حالتك مالوش لازمه لسببين :-
1- اول سبب ان فرق اداء الـ G31 عن الـ G41 مش كبير وساعتها حضرتك هتضطر تعلى اوى وبرضه مش هتحس بفرق في السرعه عشان البروسيسور ولا هتحس بفرق في كارت الشاشه لان كروت الانتل غير مجهزه للالعاب
2- لو حضرتك في نيتك تحدث البورده عشان تجيب معالج core 2 due , فلازم تاخد بالك من حاجه مهمه : وهي ان منصة LGA 775 هتقف على آخر السنه دي , ومش هينزلها معالجات جديده ولا قديمه , وساعتها حضرتك هتضطر تدور في المستعمل !!
فأحسن حل لحضرتك لو بتحب الالعاب , خد الـ 600 جنيه دول و اصرف منهم 350 جنيه واشتريلك كارت شاشه , وزود راماتك , وكده الجهاز هيبقى عال , ومتحاولش تعلي في كارت الشاشه عشان المعالج يقدر يشغله , بس اقل كارت خارجي هيديك عشر اضعاف الاداء بتاع الكارت الانتل البلت ان عندك .
يا اما حضرتك توفر فلوسك وتستنى لحد شهر 11 او 12 وتشتري جهاز جديد بامكانيات حديثه , وتكون المعالجات الجديده نزلت والاسعار رخصت ان شاء الله .

[ENG.Bishoo]

فعلا لو غيرت اللوحه الأم بس مش هتحس بفرق كبير لأن المعالج بتاع حضرتك ضعيف جدا فتغيير اللوحه مش هيفيدك أوى