تايه ومحتاج حد ياخد بإيدى [الأرشيف]

hamada.1st

22-08-2011, 04:51

السلام عليكم ورحمة الله وبركاته ..

كل سنة وانتم طيبين جميعاً إن شاء الله ..

أولاً يا إخوانى دى اول مشاركة ليا هنا فى المنتدى الاكثر من رائع ده واللى عرفته عن طريق جوجل ربنا يخليهولنا ..

ثانياً .. انا إسمى أحمد ومن مصر وخريج نظم معلومات إدراية من الاكاديمية العربية للعلوم والتكنولوجيا ..

معلش يا جماعة هاطول عليكوا شوية ..

انا سمعت عن سيسكو كتير اوى من ايام الجامعة (انا متخرج من سنتين ونصف تقريباً) بس بصراحة مخضتش فيها خالص ..

لأن كان معظم شغلنا على الاوراكل وكنا بعيد شوية عن السيسكو .. ده غير انى مركزتش اوى فى مواد الشبكات عموماً ايام الجامعة وعشان كده مش فاكر منها اى حاجة :D

جه موضوع السيسكو فى بالى ولقيت انه كارير محترم وقريب من تخصصى (اللى انا مشتغلتش فيه من ساعة متخرجت) وده شئ خانقنى جداً جداً لحد منسيت اساساً اللى كنت بدرسه من ايام الكلية ..

وكنت عايز اخد كورسات اوراكل بما إنى درست مبادئه فى الاكاديمية بس لقيت ان تكاليفه عالية جداً عليا ..

فقررت انى اتعلم سيسكو عشان يكون ليا تخصص بعينه ..

وشفت السايت الجميل ده .. ولقيت فيه مواضيع اكثر من رائعة .. لكن !!

المشكلة انى مش عارف ابتدى ازاى ومنين وحاسس انى نسيت كل حاجة فى ال i t

لكن انا مش هيأس وهحاول على اد مقدر اتعلم السيسكو ..

بطلب من الاخوة الافاضل اللى موجودين هنا فى السايت مساعدتى وتدلونى على اول الطريق واعتبرونى لسه مبتدئ من الصفر ..

سواء بكورس ابتدى آخده او كتاب اقراه ويستحسن يكون بالعربى عشان افهمه كويس او فيديوهات اعملها داونلود وانا شفت فيديوهات شرح لأخوة موجودة هنا وبالعربى ..

بس الفكرة انى مش عارف ابتدى انزل ايه فيهم فى الاول انا عايز أبدأ السلم من اوله عشان مقعش :D

أرجوكم أرجوكم تساعدونى فى الموضوع ده لأنه بأه مصيرى بالنسبالى ..

مش هاطول عليكوا اكتر من كده وانا آسف جداً للإطالة ..

مستنى الرد

السلام عليكم ورحمة الله . :)