محتاج مساعدة فى مجال الاتصالات

[ahmedangel]

السلام عليكم ازيكم يا جماعة انا الحمد لله معايا ccna
ومعيش غير الشهادة دى غير شهادة الكلية طبعا
بس المشكلة انى لما بقدم على وظيفة فى اى شركة على اساس tecnical support
يا اما ريجكتيد يا اما محدش بيتصل بيا فكذا واحد قالولى خد مع ccna
حاجة كمان شهادة تانية فكنت عايز مساعدتكم اخد شهادة اية فى مجال الاتصالات من الشهادات الخفيفة يعنى ميكونش من ضمنها ccnp
عشان مفيش وقت للشهادة دى عايزة مجهود كبير
وشكرااااااا

[sherif-magdy]

علشان تضمن انك تلاقى وظيفه لازم تكون مميز عن غيرك
انت معاك شهاده الكليه و هناك الملايين مثلك معهم نفس الشهاده و معك ايضا CCNA
و لايوجد حاليا اسهل من الحصول عليها بواسطه برامج الغش المنتشره
طيب يبقى ليه حد هيقبلك فى وظيفه فى حين ان فى كتير هيقدموا ومعاهم شهادات اكتر
ممكن تبدأ ب CCNP دلوقتى و هى مش صعبه اووى زى ما نت فاكر او ممكن تروح ل CCNA Sec او CCNA Voice او CCNA wireless حسب المجال اللى تفضله
بس افترض انك خلصت واحده منهم هتضطر برضه انك تكمل الى مستوى البروفشنال علشان فرص الحصول على وظيفه تزيد

[ahmedangel]

شكرا ياشريف باشا على الرد الجميل بس انا عارف ال ccnp عاملة ازاى وشوفت المنهج بتاعها كلة وعارف قدراتى  كويس عشان كدة مش عايز اخش على الشهادة دى بس انا قصدى على شهدات تانية غير شهدات سيسكو المعروفة يعنى  من الاخر اية هيا الشهدات المطلوبة فالسوق المصرى بالنسبة  لمجال الاتصالات  وتكون شهادة بتتذاكر فى وقت قصير يعنى شهر بالكتير دا الى قصدى علية  يعنى مثلا كنت بمتحن تيكنيكال فى فودافون من اسبوعين واتكلمت مع واحد هناك داخل يمتحن برضو ورانى ال سى فى بتاعة لقيتة واخد شهداتا كتير فى مجال الاتصالات بس مش تبع سيسكو ولا مايكروسوفت بجد منظر ال سى فى تحفة هوة قالى على اسامى الشهادات الى اخدها دى بس مش فاكرهم خالص لانى مكنتش اعرفهم  وقالى ان الى يخش فالمجال دة لازم يكون يا عندو خبرة فى تخصص معين  او يكون عندو واسطة ولو معندوش الحاجات دى يبقى لازم معاة شهدات كتير فى مجال الاتصالات عشان تفتحلوا مجالات شغل كتيرة  بص من الاخر انا الحمد لله معايا ccna و mcitp  وعايز اخ شهادات تانية بس فى نفس مجال الاتصالات  .

[sherif-magdy]

مجال الاتصالات اكبر و اوسع مما تتصور , يعنى مثلا هتلاقى متقسم لفروع كتيره زى ال Satalite و ال Microwave و حجات كتيره ممكن تسأل اى حد فى هندسه اتصالات عن كميه الكورسات اللى بيتاخدها اثناء الدراسه
و من الفروع ديه فرع اسمه الشبكات و ده بدوره بينقسم الى فروع اخرى زى السيكيورتى و الروتنج و السوتشنج و الفويس و الوايرلس و اذا كانت هتتدرس شهاده لسيسكو و لا مايكروسوفت و لا جونيبر و لا كومبتايا ولا ....
يعنى انا قصدى من الكلام ده كله انك تحدد اتجاه معين تمشى فيه لان المجال واسع جداا
و لازم تعرف انك هتتعب جدااا علشان تتطور نفسك فى مجال معين

بم ان انت عايز مجال غير سيسكو ممكن تشوف شهادات CompTia و عندك جونبر برضه

[ahmedangel]

تمام كدا فهمت كتير ربنا يخليك يا باشا وانا ان شاء الله هدور فى كوبماتيا وهسال تانى برضو لحد ما اوصل لحل للموضوع دة شكرا يا كبير