مشكله فى تقسيم السرعه [الأرشيف] - منتديات عرب هاردوير

مشاهدة النسخة كاملة : مشكله فى تقسيم السرعه

ENG/ Mohamed hassan

25-08-2011, 17:47

شباب انا عندى خط انترنت سرعته 512 كيلو بايت مشترك فيه جهازين فقط المشكله هو ان عند التحميل من كلا الجهازين جهاز السرعه فيه بتكون غالبا فى حدود 5 او 10 كيلو بايت و الباقى مسحوب فى الجهاز التانى و الحكايه ديه دايما بتحصل لما الجازين بيحملوا مع بعض

هل فى حل بسيط ؟؟ يعنى اى برنامج يقسم السرعه بالتساوى ؟

black007

25-08-2011, 17:58

فيه حل بسيط تقدر تعمله من برنامج Idm
وهو تحدد لنفسك السرعه الى بتحمل بيها
والباقى السرعه يحمل بيها الجهاز التانى
اتبع الاتى
https://up.arab-x.com/Aug11/Ix795798.jpg

https://up.arab-x.com/Aug11/CMw95807.jpg
سرعه خطك 512 بالتالى هيديك تحميل صافى 64 كيلو يبقه قسمهم على 2 يطلع 32 كيلو الرقم ده حدد بيه السرعه عندك
وفى حاله الشرح الى فوق هتبدل ال 84 الى انا عملها ب 32 ويبقه انت كده قسمت السرعه بينك وبين الجهاز التانى اذا الجهاز التانى حب يعمل دونلود هيحمل بنفس السرعه 32 برضه

ENG/ Mohamed hassan

25-08-2011, 18:15

للاسف اخى جربتها و لم تفلح معى السرعه مازالت لم تتخطى حاجز ال 10 كيلو بايت فى جهازى

ملحوظه الجهازين ليسا فى نفس المنزل احداهما عندى و الاخر عند احد الجيران ...... و الراوتر عندى و المشله فى السرعه عندى انا

مشكور على الرد

black007

26-08-2011, 01:13

هو صحبك بعيد عنك بمسافه قد ايه

ENG/ Mohamed hassan

26-08-2011, 01:44

طول السلك بينى و بينه 28 متر

memoragaa

26-08-2011, 03:29

أخى الكريم هل فعلت تحديد السرعة على جهاز جارك ام على جهاظك انت فقط لأنه هذا هو الحل العملى لهذه المشكلة إلا إذا كان جارك ( :Dانا بهدى النفوس يعنى:D) بيلغى تحديد السرعة بعد انت ما تمشى.
وفيه سؤال تانى هوا الراوتر موجود فين عندك ولا عنده؟
لو الراوتر عندك انت واخد منه علطول ولا واخد من سويتش تحتيه؟
جربت تغير السلاك بتاعك اللى واصل ما بين الكمبيوتر والراوتر او السويتش؟
منتطر أجابتك

ENG/ Mohamed hassan

26-08-2011, 03:38

اهلين اخى منور الموضوع
الراوتر عندى انا وواخد منه مباشره دون استخدام سويتش و كذلك جارى واخد مباشره من الراوتر

بالنسبه لمساله تحديد السرعه من الجانبين ارااه غير عملى لان فى الغالب لا انا و لا هو راح يلتزم محدد السرعه

و بالنسبه لتغير مكان الاسلاك غيرتها اكثر من مره و النتيجه هى هى

انا اللى مستغربله فى حاله ان احنا الاتنين بنحمل مع بعض السرعه اغلبها معاه و انا معايا حوالى 10 كيلو بايت بالكتير !!

™Raeno

26-08-2011, 04:06

لن تستطيع تقسيم السرعه ابدا الا اذا قمت بعمل سيرفر مايكروتك او ايزا مثلا

ENG/ Mohamed hassan

26-08-2011, 04:11

طب يا باشا انا بصراحه حاسس ان سيرفر المايكروتك تيك ده حوار طويل اوى و الحكايه مش مستاهله هما جهازين بس فى واحد منهم مفجوع حبتين :mad:

طيب بس انا عندى سؤال محيرنى ايه السبب فى الحكايه ديه يعنى اى اللى مخلى السرعه متقسمه اى حاجه كده و خلاص !!
انا حتى فصلت الكابل من الكمبيوتر بتاعى ووصلته بلاب توب و جربت احمل انا و هو وبرده نفس المشكله !! السرعه مسحوبه اغلبها ناحيته !!
انا بس عاوز اى تقسير منطقى

يعنى هل فى برامج بتتسبب بسحب السرعه بالمنظر ده ؟؟

شكرا للجميع

BAZOOKA_N2O

31-08-2011, 05:43

اولا انت بتحمل من موقع ايه بالضبط :confused: متستغربش من السؤال انا عايز اتأكد ان السيرفر اللي بتحمل منه مش بطئ اصلا
ثانيا انا عايزك تجرب حاجة صغيرة
افصل الكابل بتاع جارك من الراوتر وحمل نفس اللي كنت بتحمله قبل ما تفصل وشوف النتيجة ايه
ثالثا وقت التحميل مهم جدا يعني قبل الفجر لحد 9 او 10 الصبح غير وقت الذروة
رابعا واخيرا من قائمة Start افتح run واكتب الامر ده زي ماهو واتأكد انه الحروف Small
ping -t yahoo.com
هتظهر شاشة سودة وفيها كتابة بالابيض
الرقم اللي بعد كلمة Time= كام
جرب وانت موصل جهاز جارك وجرب تاني بعد ماتفصله ومتعملش انت تحميل نهائي
المفروض انه يبقى في حدود 160
بالنسبة لسحب السرعة لو جارك بيحمل عن طريق التورنت يبقى عليه العوض :ah32::ah32: في السرعة
هتلاقي الرقم ده وصل 2000 وممكن 3000
هو في حل ناس كتير شغالة بيه وهو تقسيم الايام بينك وبينه

بالتوفيق

ENG/ Mohamed hassan

31-08-2011, 10:08

يا باشا اولا شكرا لردك و كل سنه وانت طيب
بالنسبه للمواقع اللى بحمل منها فهى فى الغالب الميديا فاير بس الحكايه مش من موقع التحميل لانى انا متاكد من الحكايه ديه لان حتى التصفح و اليوتيوب بيبقى تقيل اوى و هو بيحمل
و ولو هو بيحمل و انا بحمل و انا مثلا فصلت الكابل بتاعه السرعه بترجع تمام اوى

و بالنسبه لحكايه التورنت هههههههههههه انا هقولك على التقيله اوى انا وصلت لمرحله انى خلاص زهقت قولت مفيش معايا غير التورنت هو اللى هيجيب من الاخر نزلت البرنامج و حملت لو هو حمل معايا سرعه التورنت بين 5. و 5 كيلو بايت يعنى اقل من الداونلود مانجر

و بالنسبه لحكايه البينج شوفتها و بين 159 و 162

mohamed_sophe

31-08-2011, 10:21

ENG/ Mohamed hassan

31-08-2011, 10:44

اقلك على الحل من الاخر علشان متتعبش نفسك كتير لو عندك جهاز تانى جرب علية دى نقطة غير الويندوز خالص ممكن يكون العيب منة
اصل فى نقطى دلوقتى انتا بتقول ان البنج بيجيب عندك 160 ودا معنا ان مفيش حد بيحمل يعنى مفيش حد ساحب السرعة منك
جرب انتا بس الى بقلك علية تغير الويندوز او التجربة على جهاز اخر وقلى النتيجة وانا اشفلك حل بازن الله

الاجابه فى المشاركه رقم 9

انا حتى فصلت الكابل من الكمبيوتر بتاعى ووصلته بلاب توب و جربت احمل انا و هو وبرده نفس المشكله !! السرعه مسحوبه اغلبها ناحيته !!

للعلم نظام التشغيل على اللاب توب هى ويندوز 7

ENG/ Mohamed hassan

31-08-2011, 10:49

و يا معلم حكايه البينج 160 ديه فعلا و هو مش بيحمل معايا دلوقتى

mohamed_sophe

31-08-2011, 11:10

طيب انا هقلك على اخر حلين عندى
الاول ممكن نقول المشكلة فى السلك عيزك تخلى جارك يشير اى ملفات من عندة وانتا تنقلها عن طريق الشبكة وتشوف النقل هيبقا عامل ازاى لو سريع يبقا مفيش اى مشكلة فى السلك انا عندى شبكة وسعات لو فى سلك من الاربع سلوك المسأول عن النت السلك مش بيفصل بس بيخلى النت عند العميل زبالة
النقطة الثانية انك تعمل للروتر ديفولت لو معاك اليوزر والباسورد بتوع الشركة حاول دتعملة ديفولت ولو مش هتعرف لو انتا تبع تى تادتا فى برنامج بيعمل العميلة كملة لوحدة من غير تدخل منك هحاول اجبهولك وشوف كدة انا عندى شبكو والحجات الى انتا بتقول عليها دى غريبة
لان مستحيل مكان معين فى السوتش او الروتر يميز عميل عن عميل تانى لان التوزيع بيتم بالتساوى وطبعا الافضلية للى بيحمل برابط مباشر او ترن ت سريع دا الى بيسحب السرعة كملة ومنتظر ردك

mohamed_sophe

31-08-2011, 11:11

نسيت نقطة عيزك تفصلة خالص شيل السلك بتاعة وجرب التحميل دلوقتى وبلغنى التحميل نظامة اية

ENG/ Mohamed hassan

31-08-2011, 11:14

لا هو السلك تمام لان لما جربت السرعه على اللاب كانت من سلك تانى جديد .... بس هو فى حاجه ممكن تفيد هو بالرغم ان جهازه معايا على الشبكه و مظبطين الشير بين الاجهزه بس مش بينفع ابعتله حاجه و لا هو ينفع يبعتلى حاجه

و حكايه الديفولت ديه انامش عارفها الصراحه بس انا تبع لينك مش تى اى داتا

ENG/ Mohamed hassan

31-08-2011, 11:18

نسيت نقطة عيزك تفصلة خالص شيل السلك بتاعة وجرب التحميل دلوقتى وبلغنى التحميل نظامة اية

السرعه من غير ما بيحمل معايا كانى فاصل السلك بتاعه السرعه 64 طبيعى يعنى

mohamed_sophe

31-08-2011, 11:27

هنا الوضع يختلف اخى كتير معنا ان التحميل من غير مهوا يحمل معاك يجيب عندك السرعة كملة يبقا هوا مميز عنك
هقلك على طرية تخليك مميز عنة اولا خش على اى رابط من ميديا فاير تمام وحمل منة
ثانيا افتح برنامج الداون لود مانجر واختار منه خيارات ومن خيارات الاتصالات هتلاقى تحد اقصى عدد افتراضى خلية 16 ونوع سرعة الاتصال خلية 10 ميجا
وخلية يحمل فى نفس الوقت وشوف مين فيكم الى هيسحب السرعة
واعلمنى لان طلما التحميل عندك كويس وهوا مش بيحمل يبقا هوا الى بيعمل حاجة فى الجهاز بتاعة وعايز تتاكد كمان مش انتا بتقول جربت النت على لاب افصل جارك واشتغل انتا والاب بس وجرب تحمل من نفس الرابط الى حملت منة على اللاب وعلى جهاز وشوف الفرق
منتظر ردك

ENG/ Mohamed hassan

31-08-2011, 12:04

تم اعاده الضبط للداونلود مانجر ..... بس لسه مجربتش لانه مش بيحمل دلوقتى ..... و ان لما بشغل التحميل على جهازى و اللاب يعنى تقريبا السرعه بتبقى مقسومه بالنص