المساعد الشخصي الرقمي

مشاهدة النسخة كاملة : [مصر] جهاز ب 1500 جنيه لاستخدمات عامه



الصفحات : [1] 2

mahmoud20070
26-08-2011, 01:31
بسم الله الرحمن الرحيم




- أقصى ميزانية محددة: 1045 جنيه مصرى حد اقصى لن استطيع الزياده عنه.
- استخدامك للجهاز: العاب خفيف جدا جدا وبرامج جرافيكس نوعا ما مثل فوتوشوب و افترافكت.
- حجم الشاشة و الدقة (Resolution) التي تستخدمها: انا مش حقول دقه الشاشه لانها 14 بوصه اعتقد مش محتاج اكمل:D
- القطع التي تنوي شراءها: الكيس كلها عدا البرسيسور لانى اشتريته فعلا.
- القطع التي ستعيد استخدامها من الجهاز القديم: الشاشه وDVD بمنفذ IDE.
- ميعاد شراء الجهاز: ساشترى قطعه قطعه واخر ميعاد لشراء كل القطع باذن الله فى الاسبوع الثالث من شهر 9.
- مكان الشراء: مولات مصر الجديده او مولات وسط البلد او اى مكان ليس عندى مشكله.
- محل سكنك: القاهره.


انا يا اخوه نويت احدث جهازى العتيق ده اللى كمل معايا من كام شهر بس عامه الثامن ( الكل يدعيله بطوله العمر ياريت) المهم قررت احدثه شويه رغم انى مش بشتكى منه على رغم قدمه لكن المشكله تكمن فى انى حاولت احدث فقط الرمات وكارت الشاشه شويه

ولكن للاسف لانى معملتش كده من زمان فالنوع اللى هو بيشتغل عليه ddr1 خلاص انقرض حتى ddr2 حيحصله فانا نويت ان شاء الله اجيب جهاز جديد عشان باذن الله تعالى يعقد نفس الفتره كده

المهم ناويت اجيب جهازى الددي من عائله AMD لضعف الميزانيه روحت اشترى Athlon II x3 ولكن للاسف لقيته فى اول رمضان كده خلص فزعلت لان سعره كويس وكمان ثلاثى الكور فقولت خلاص خلينا فى الفينوم x2 وبعدين النهارده اكتشفت ان لسه فى حد بيبع الاثلون ده وكنت ناوى اجيب الجهاز بالكامل كله اخر شهر 9 لان الفلوس حتكون متوفره بالكامل فى الوقت ده

لكن لما عرفت ان الاثلون لسه موجود فجريت النهارده وروحت جبته والله قدرا لانى سالت فى اماكن فيها توكيلات لل AMD وملقتهوش ولقيته فى محل عادى واشتريته اشتريت AMD Athlon II X3 440 3.0GHz - 1.5MB وسعره كان 455 جنيه

المهم فانا دلوقتى كنت مخصص ميزانيه 1500 وبعد شراء البرسيسور طبعا السعر بقه 1045 وحشتريه بيها الباقى واللى هو الاتى باذن الله

وسائط التخزين : WD Caviar BLUE 5000AAKX 500GB SATA 6GB/s 16MB Cache جنيه 240

ذاكره (رام) : Kingston 2GB DDR3 1333MHz CL9 جنيه 90

لوحه ام : محتار مبين اتنين Gigabyte GA-MA78LMT-S2P والتانيه ASUS M5A78L-M LX والاتنين سعرهم واحد جنيه380 والاتنين فيهم كارت شاشه مدمج وطبعا انا استحاله حشترى كارت خارجى لسببين الاول لن شاشتى 14 بوصه مش محتاح اقول دقه طبعا وكمان بسبب الميزانيه وياريت يكون فيها منفذه لتوصيل اى هارد قديم و الدى فى دى اللى عندى IDE فياريت الاخوه يحددوا الافضل وهل كارت الشاشه المدمج ان عارف انه مش ضعيف زفت بس هل بياخد من الرام يعنى حيخليها كامله 2 جيجا ولا بياخد منها


كيسه بمزود طاقه : اتمنى يكون نوع مش تجارى ولكن فى نفس الوقت يكون رخيص ويكفى طاقه لكل الجهاز يكون اخره فى حدود 320 جنيه مثلا بالكتير ياريت بس فى نفس الوقت مش عاوزه تجارى لن تجربتى مع الباور سبلاى التجارى سيئه للغايه

وحاجه اخيره انا مش من النوع اولا اللى ليه فى اللالعاب خالص قليل اوى حتى معنديش مشكله انى اخلى كل اللعبه على low يعنى اشيل اى تاثير فلذلك كارت الشاشه مش مشكله لكن اهتمامتى الفعليه فى البرامج لغات برمجه وبعض نوعا ما الجرافيك زى افتر افكت و فوتوشوب او سونى فيجس كده يعنى

كمان انا مش من النوع اللى بيحدث على فترات قريبه زى مشحرت فوق جهاز ى اللى بكلم حضرتكم من عليه بقاله ما شاء الله لاقوه الا بالله 8 سنين ومكنتش ناوى اغيره بس للاسف رماتى بتتقرى 224 فقط يعنى لولا الرمات كان زمانى دلوقتى مغيرتوش ولذلك انا ناوى قدام لما اجيب مازربورد باذن الله احاول احدث الرمات بالكتير اوى لحد ما املى القدر اللى تستوعبه المازر بورد واعمل دول اتشانل عشان مغلطش نفسى غلطتى فى السابقى فانا اقصد الاخوه ميهتموش بموضوع اذا كان المازربورد ديه تقبل التحديث لمعالجات اعلى زى البلدورز مثلا او لا لانى مبحدث اول باول ممكن نوعا ما اهتم بكسر السرعه لكن بردك بدرى على كده


اسف على الاطاله جدا بس حبيت ضع كل التساؤلات بتاعت حضرتكم عشان تاخده خلفيه كافيه واسف مره اخرى على الاطاله وكل عام وانتم بخير وعاد علينا الشهر الكريم بالخير واليمن والبركات

moatez
26-08-2011, 03:09
ASUS M4A78LT-M LE motherboard (https://www.asus.com/Motherboards/AMD_AM3/M4A78LTM_LE/) بسعر 370 جنيه فى شركة هاى اند ..
WD Caviar BLUE 5000AAKX 500GB SATA 6GB/s 16MB Cache بسعر 240 جنيه
Kingston 2GB DDR3 1333MHz CL9 بسعر 90 جنيه
CASE GAMMA 350W بسعر 300 جنيه

الاجمالى 1000 جنيه ... وخد بالك ان اللوحتين اللى حضرتك كاتبهم لا يوجد فيهم IDE ...

mahmoud20070
26-08-2011, 03:24
ASUS M4A78LT-M LE motherboard (https://www.asus.com/Motherboards/AMD_AM3/M4A78LTM_LE/) بسعر 370 جنيه فى شركة هاى اند ..
WD Caviar BLUE 5000AAKX 500GB SATA 6GB/s 16MB Cache بسعر 240 جنيه
Kingston 2GB DDR3 1333MHz CL9 بسعر 90 جنيه
CASE GAMMA 350W بسعر 300 جنيه

الاجمالى 1000 جنيه ... وخد بالك ان اللوحتين اللى حضرتك كاتبهم لا يوجد فيهم IDE ...

ربنا يكرمك اخى الكريم على سرعه ردك وكويس ان حضرتك جبتلى مواصفات مخرجتش عن الميزانيه جزاك الله خير

بس سؤالين معلش الاول هو ليه حضرتك اخترت لوحه اسوس بالزات مع ان جيجا بايت زيها فى كل حاجه تقريبا حتى الكرت المدمج هل فيه ميزه عن جيجا بايت

وسؤال تانى فى حكايه موضوع ان مفيهوش منفذ IDE القديم ديه مشكله كبيره للاسف ومحتاجه حل لان انا حتى DVD بتاعى مش ساتا فمش عارف ازاى حقدر اسطب الويندوز والتعريفات هل فيه محولات او شئ لانى قريت النهارده الصبح ف مكان هنا فى المنتدى عن واحد اكلم عن التحويلات من ساتا لداتا والعكس هل فيه كده وهل هى عمليه لتشغيل دى فى دى او هادرات لمجرد النقل عليها او التخزين وليس للاعتماد عليها كهارد اساسى

ومعلش زى ما انا كتبت انا مش حجيب كله دلوقتى ممكن يمتد لحد 3 اسبوع فى 9 ان شاء الله قبل كده يكون معايا المبلغ فهل نفس المكونات ديه بنفس اسعارها حتكون موجوده ولا ممكن لاقدر الله تغلى

وجزاك الله خير واشكرك على تعبك معايا

moatez
26-08-2011, 04:36
اللوحة الاسوس اللى انا كاتبها لحضرتك فيها IDE اما اللوحتين اللى حضرتك كاتبهم فوق سواء ال Gigabyte GA-MA78LMT-S2P والتانيه ASUS M5A78L-M LX لا يحتوى على IDE اعتقد حصل سوء فهم عند حضرتك ...

بالنسبه للاسعار حسب السوق الله اعلم بس غالبا هتبقى زى ماهى لانها مكونات بسيطة وطالما حضرتك هتستنى شويه لو لاقيت الكيسه الكولر ماستر الاليت 400 وات هاتها فهى افضل من الجاما من حيث التهوية والباور والشكل وبفارق سعر 20 ج تقريبا بس للاسف هى خلصانه حاليا من السوق ...

mahmoud20070
26-08-2011, 05:01
اللوحة الاسوس اللى انا كاتبها لحضرتك فيها IDE اما اللوحتين اللى حضرتك كاتبهم فوق سواء ال Gigabyte GA-MA78LMT-S2P والتانيه ASUS M5A78L-M LX لا يحتوى على IDE اعتقد حصل سوء فهم عند حضرتك ...

بالنسبه للاسعار حسب السوق الله اعلم بس غالبا هتبقى زى ماهى لانها مكونات بسيطة وطالما حضرتك هتستنى شويه لو لاقيت الكيسه الكولر ماستر الاليت 400 وات هاتها فهى افضل من الجاما من حيث التهوية والباور والشكل وبفارق سعر 20 ج تقريبا بس للاسف هى خلصانه حاليا من السوق ...

جزاك الله خير على مساعدتك ليه اخى الفاضل

وانا اسف مخدتش باللى من ان اللوحه اللى حضرتك كتبتهالى هى LE مش MLX فمخدتش باللى

بس انا بحثت عنها لقتها ممتازه وفيها خيارت كتير عن اللى اختارتها بس فيه موضوع واحد حيرنى معلش انا موسوس شويه بحثت عن اللحه ديه هنا فلقيت فى اخ كريم كاتب



اخي انا ارى ان هذه البورد فيها عيبان فقط وهما
1- عدد PHASE POWER هو 4 واظن ان هذا سوف يسبب لك مشاكل في معالجات 125 واط فما فوق
2- اصدارها LE يعني LOW EDITION وانا ارى ان هذه الاصدارات ضعيفة بعض الشي ما عدا ضلك البورد محترمة





انا طبعا مش فاهم حاجه بس هل ده حياثر يعنى بشكل مختصر عشان مطولش على حضرتك بالنسبه اللى احتياجتى اللى كتابتها فوق اللوحه ديه حتاثر عليه ولا لا علما بانى زى مقولت لحضرتك انا لا ححدث ولا شئ بالكتير اوى ممكن رامات زياده او هارد جديد او كارت شاشه اعلى بعض الشئ لكن لا ححدث برسيسور ولا مازربورد فهل كويسه

وكمان لقيت البورده اللى حضرتك اخترتهالى السوكت بتاعها من نوع AM3 واللى انا كنت مخترهم من نوع AM3+ فهل ده حياثر وايه الفرق يعنى هل الفرق فى السرعه او لا مجرد انه ديه بتقبل المعالجات الحديثه زى البلدوزر مثلا

ولو فيها اى عيب انا ممكن استغنى عنها واجيب التانيه الاولنيه حتى لو مفيهاش منفذ IDE قديم لكن ممكن اعتمد واشتغل ب المحولات وانا شوفت فيديوهات ليهم كتير

فرجاء حضرتك او اى حد من الاخوه يجوبلى على الاسئله ديه وما هى الفروقات الحقيقه بين اللوحتين دول

بالنسبه لبقه المكونات كلها حشتريها باذن الله تعالى بعد العيد ان شاء الله او جايز اشترى الرام غدا انا خايف بس لحسن اى حاجه تختفى زى محصل مع البرسيسور كده او سعره يرتفع فده اللى مخلينى متسرع انما غير كده انا كنت ناوى اجيب كله فى 9 ان شاء الله

واسف جدا جدا على ازعاج حضرتك وعلى سهرك معايا وكل عام وكل الناس هنا بخير

moatez
26-08-2011, 05:22
بص يا باشا من ناحية الاداء العام فهى ممتازة لان تاثير اللوحة فى الاداء عموما يكاد يكون شبه معدوم ... فازات الباور اهميتها فى موضوع كسر السرعة ان كل ما بيزيد عددها كل ما حصلت على كسر سرعة اكبر.... بالنسبه للسوكت الحديث +AM3 لا يوجد فرق بينه وبين القديم فى الاداء الفرق يكمن فى دعم البروسيسورات الحديثة للسوكت AM3+ البورده لا يوجد بها اى عيوب والفرق بينها وبين اللى حضرتك كاتبها موضوع السوكت الحديث فقط لا غير ....

mahmoud20070
26-08-2011, 08:57
بص يا باشا من ناحية الاداء العام فهى ممتازة لان تاثير اللوحة فى الاداء عموما يكاد يكون شبه معدوم ... فازات الباور اهميتها فى موضوع كسر السرعة ان كل ما بيزيد عددها كل ما حصلت على كسر سرعة اكبر.... بالنسبه للسوكت الحديث +AM3 لا يوجد فرق بينه وبين القديم فى الاداء الفرق يكمن فى دعم البروسيسورات الحديثة للسوكت AM3+ البورده لا يوجد بها اى عيوب والفرق بينها وبين اللى حضرتك كاتبها موضوع السوكت الحديث فقط لا غير ....

ربنا يكرمك يا استاذى الفاضل واسال الله يتقبل صيامك وقيامك اللهم امين

اشكرك والله على انك طمنتنى باذن الله اللوحه ديه هى اختيارى ان شاء الرحمان وحشتريها ان شاء الله الاسبوع الىل بعد الجى يعنى بعد العيد مباشره باذن الله

ومضووع دعم المعالجات الجديده انا ميهمنيش لانى اصلا مبحدسش الجهاز الا كل فتره كبيره ماعدا حاجه زى الرام او الهارد وممكن كارت الشاشه غير كده مبحدسش خالص

وموضوع كسر السرعه يعنى انا مليش فيه خالص انا لو كنت جبت فينوم x2 كنت مش حعمل اسهل حاجه فيه اللى هو فتح الانويه فما بالك بكسر السرعه اللى مكن لاقدر الله احرق البرسيسور او اقل ضرر انه اخليه يستخن جامد جدا لدره انى اضطر اجبله مشتت غالى جدا جدا

فالحمد لله ديه تمام وربنا يكرمك استاذنا الفاضل ووفرت عليه النهارده انى اروح واشوف وصلات الكابل المحول من داتا لساتا والعكس

ولنا عوده مع اول قطعه حشتريها باذن الله
جزاك الله خير عمى:ah4: وكل عام وحضرتك وكل الاخوه هنا بخير

mahmoud20070
26-08-2011, 09:56
طيب معلش يا اخوه انا ناويت اشترى الرام النهارده لانى صراحه مضمنش بعد العيد تعلى تانى وناوى اشترى الرام ديه Kingston 2GB DDR3 1333MHz CL9

فعندى سؤالين

الاول هل الرام المفروض تتباع فى بوكس يعنى فى مقفوله فى شئ ولا لا تباع فى شئ لانى اتذكر من مده اشتريت رامات ddr2 جديده ولكن لم تكن داخل اى بوكس وعندما سالت البائع لانى شكيت فتح لى صندوق وقالى كل الرامات الجديده بتبتاع كده فهل انا لما اشتريها لازم تكون مقفوله ولا مش بالضروره

تانى شئ ايه الفرق بين Kingston 2GB DDR3 1333MHz CL9 و Kingston 2GB DDR3 1333MHz CL9 1.5 لان الاتنين بنفس السعر بالزبط

واخرى شئ هل اجيب الرام واحطها لحد مكمل بقيه الجهاز ولا الرامات مينفعش فيها كده ولازم اجربها علطول

واسف جدا على الازعاج

Ahmed.Saleh
26-08-2011, 11:21
ASUS M4A78LT-M LE motherboard (https://www.asus.com/Motherboards/AMD_AM3/M4A78LTM_LE/) بسعر 370 جنيه فى شركة هاى اند ..
WD Caviar BLUE 5000AAKX 500GB SATA 6GB/s 16MB Cache بسعر 240 جنيه
Kingston 2GB DDR3 1333MHz CL9 بسعر 90 جنيه
CASE GAMMA 350W بسعر 300 جنيه

الاجمالى 1000 جنيه ... وخد بالك ان اللوحتين اللى حضرتك كاتبهم لا يوجد فيهم IDE ...

تجميعه ممتازه


طيب معلش يا اخوه انا ناويت اشترى الرام النهارده لانى صراحه مضمنش بعد العيد تعلى تانى وناوى اشترى الرام ديه Kingston 2GB DDR3 1333MHz CL9

فعندى سؤالين

الاول هل الرام المفروض تتباع فى بوكس يعنى فى مقفوله فى شئ ولا لا تباع فى شئ لانى اتذكر من مده اشتريت رامات ddr2 جديده ولكن لم تكن داخل اى بوكس وعندما سالت البائع لانى شكيت فتح لى صندوق وقالى كل الرامات الجديده بتبتاع كده فهل انا لما اشتريها لازم تكون مقفوله ولا مش بالضروره

تانى شئ ايه الفرق بين Kingston 2GB DDR3 1333MHz CL9 و Kingston 2GB DDR3 1333MHz CL9 1.5 لان الاتنين بنفس السعر بالزبط

واخرى شئ هل اجيب الرام واحطها لحد مكمل بقيه الجهاز ولا الرامات مينفعش فيها كده ولازم اجربها علطول

واسف جدا على الازعاج

الرام يفترض انها تكون فى بوكس لانها كنجستون وده بيقى ضمانها الا اذا البائع اللى بعلك الرام كاتب السيريال الخاص بالرامه فى الفاتروه لضمان حقك فى الضمان ولضمان حقه فى عدم استبدالها

والرامتين واحد لا خلاف بينهم والاثنين 1.5فولت والرام سعرها دلوقتى 85ج فى مول سوق العصر
ومبروك المعالج عؤقبال باقى القطع

mahmoud20070
26-08-2011, 12:08
تجميعه ممتازه



الرام يفترض انها تكون فى بوكس لانها كنجستون وده بيقى ضمانها الا اذا البائع اللى بعلك الرام كاتب السيريال الخاص بالرامه فى الفاتروه لضمان حقك فى الضمان ولضمان حقه فى عدم استبدالها

والرامتين واحد لا خلاف بينهم والاثنين 1.5فولت والرام سعرها دلوقتى 85ج فى مول سوق العصر
ومبروك المعالج عؤقبال باقى القطع

مشكور اخوى الفاضل على تعبك معايا

بالنسبه لموضوع الرام اشتر اى واحده عادى صح سواء كان بالبوكس او لو كاتب السيريال فى الفاتوره الاتنين زى بعض صح لان ديه نقطه مهمه عشان زى مقولت انا حكون جمعت الجهاز باذن الله على 2 او 3 اسبوع فى شهر 9 بالكتير

بس اشتريت المعالج والرام بس عشان مضطر والله لان المعالج مختفى وكمان الرام للاسف ملهاش قاعده ممكن دلوقتى تبقى رخيه وفجاه تدرب قدام ثم معتقدش انها حترخص اكتر من جنيه85 يعنى فانا اجبها دلوقتى عشان اكون فى السليم وبعدين اجربها بعدين وانا معايا الضمان بتاعها

بس مفيش يعنى افضليه صح فى موضوع الرامه يعنى سواء اشتريته فى بوكس او من غير الاتنين زى بعض ؟

ونقطه v1.5 ديه انا قولت بردك ان الاتنين زى بعض لان موقع ******** كاتب ان سعره العاديه 90 جنيه وسعر v1.5 بقه بردك 90:D

فانا قولت يبقى الاكيد واحد
وجزاكم الله خير يا شباب

moatez
26-08-2011, 13:32
اشترى الرام فى علبة من مكان موثوق منه زى شركة هاى اند فى مول سوق العصر وتاكد ان العلبة ملصوق عليها علامة مائية مكتوب فيها اسم الوكيل ECS غير كدا متشتريش بالتوفيق ....

mahmoud20070
26-08-2011, 14:02
اشترى الرام فى علبة من مكان موثوق منه زى شركة هاى اند فى مول سوق العصر وتاكد ان العلبة ملصوق عليها علامة مائية مكتوب فيها اسم الوكيل ECS غير كدا متشتريش بالتوفيق ....

مشكور اخى الكريم دى معلومه كويسه بردك وانا ان شاء الله حشترى من هاى اند او Maxium النهارده باذن الله واركانها جمب اخوها البرسيسور

مشكور اخى الكريم moatez و اخى الكريم ka7rata على تعبكم معايا وكل سنه وانتم طيبين

Ahmed.Saleh
26-08-2011, 14:27
اشترى الرام فى علبة من مكان موثوق منه زى شركة هاى اند فى مول سوق العصر وتاكد ان العلبة ملصوق عليها علامة مائية مكتوب فيها اسم الوكيل ECS غير كدا متشتريش بالتوفيق ....
كما ذكر الأخ معتز بالضبط

mahmoud20070
26-08-2011, 16:06
كما ذكر الأخ معتز بالضبط

ان شاء الله استاذى الغالى حروح النهارده واعمل بنصيحتكم وربنا يكرمك وبعد العيد باذن الله حبقى كمل شراء بقيه الجهاز


طيب انا اعرف واللهانى بتعبك بس سؤال بس انا لاحظت ان البرسيسور لما فتشت فيه هو كان مقفول وانا فكيته بنفسه من الورقه اللى بتبقى لاصفه وعليه علامه مائيه فيها كلمه fusion وكل قطعه معاه وتمام بس ظهر المعالج نفسه نظيف ومفيهوش اى اثر لمعجون سابق

لكن لحزه ان كلمه athlon على ظهره مخدوشه شئ بسيط جدا جدا جدا لدرجه متلحظهاش هل ده عادى ولا لا وزى مقولت لحضرتك بصيت فيه فى كل مكان لعله كان مستعمل او كده بالاضافه انى كان هو مقفول بالورقه ديه اللى كان عليه كله AMD فاستحاله يكون كان مستعمل ويكونوا كانوا شغالين بيه وركبوها لانها صعبه صح

انا بس قلقان لانى مش عارف اجربه كل اللى اعرفهم عندهم اجهزه Intel فمش عارف اجرب المعالج عموما انا ضمانى معايا باذن الله 3 سنين يعنى ان شاء الله خير ومشكور جدا على اهتمامكم

mahmoud20070
26-08-2011, 18:20
معلش يا شباب انا عارف انى تعبتكم معايا بس سؤال اخير بالنسبه للرام

انا قريت الجمله ديه فى وصف للمازربورد اللى استغريت عليها اللى هى ديه ASUS M4A78LT-M LE motherboard

*AMD AM3 100 and 200 series CPU support up to DDR3 1066MHz

بتقول ان المعالجات المذكوره فوق بتدعم حتى رامات 1066 ميجا هرتز وانا كنت ناوى اشترى ان شاء الله اللى كتبتها فوق خالص Kingston 2GB DDR3 1333MHz CL9

فهل حتفنع على معالجى والمازربورد ولا لا لانى بصراحه مش فاهم اصلا يعنى ايه AMD AM3 100 and 200 series CPU

اجيب المفروض اللى تفنع عندى هى 1066 ولا 1333 عشان مش فاهم واسف والله على تكرارى بس لانى حشتريها بعد الفطار مباشره فمستعجل نوعا ما واسف على الازعاج مره اخرى

Ahmed.Saleh
26-08-2011, 19:40
شوف اللوحه الأم يمشى معاها ذواكر حتى باص 1800 وستعمل بلا اى مشكله


2 x DIMM, Max. 8 GB, DDR3 1800(O.C.)/1600(O.C.)/1333/1066 ECC,Non-ECC,Un-buffered Memory Dual Channel memory architecture

mahmoud20070
26-08-2011, 22:28
شوف اللوحه الأم يمشى معاها ذواكر حتى باص 1800 وستعمل بلا اى مشكله

الحمد لله تم شراءه وبالمبلغ الذى حضرتك قولت عليه اخى الغالى 85 مش عارف ليه مبيقبلوش الفصال:D

الفضل يرجع طبعا لله اولا واخيرا ثم لحضرتك و لاخونا العزيز moatez واسف ان كنت تعبتكم معايا وباذن الله مفيش جديد الا بعد العيد بقه باذن الله وكل عام وكل الشباب هنا فى عرب هاردوير بخير

Ahmed.Saleh
26-08-2011, 22:45
وكل عام وانت بألف صحه وسلامه
اعاد الله الشهر عليك بالخير
وبلغنا واياكم ليله القدر

mahmoud20070
26-08-2011, 22:55
وكل عام وانت بألف صحه وسلامه
اعاد الله الشهر عليك بالخير
وبلغنا واياكم ليله القدر

اللهم امين

mahmoud20070
29-08-2011, 18:09
مرحبا بيك يا اخوه من جديد انا ان شاء الله نويت اشترى الكيسه بكره لو مطلعش العيد باذن الله عندنا فى مصر

بسبب ارتفاع الاسعار واختفاء اخر يعنى كنت ناوى انا اجيب كيسه جاما 350 وات زى محضرتكم نصحوتى وبعدين للاسف اختفت بالاضافه انى قلولى ان الكول ماستر احسن حتى اعتقد حضرتكم قولتلى كده فنويت والنيه لله اجيب الاتى

Cooler Master Elite 310 case + 400w PSU سعرها الان اصبح 350 كانت ب 330 بس زادت من يومين بس تقريبا لذلك قررت اجبها من دلوقتى باذن الله


فانا بس عاوز راى حضرتكم انا عارف ان الكيس والباورسبلاى مش مهم فيهم مواصفات خصوصا لو حجبهم اعلى نوا ما من المكوانت اللى عاوزها الجهاز ومش تجارى بس عاوز ارائكم هل كويسه ولا لا

مع ان شكلها مش عجبانى يعنى فيه انواع تجاريه رخيصه جدا وشكله حلو بس تجاريه وانا زى مقولت انى مش موفق ع التجارى الا قليل جدا واخاف بصراحه على الجهاز من الباورسبلاى بالذات لو مكنش على المستوى ليحرق القطع ولا شئ لاقدر الله

فاعطونى رايكم يا اخوه ولو فيه كيس اقل منها فى السعر لكن حتشغلى جهازى تمام واللى وضعت مواصفاته فى مشاركتى ومشاركات حضرتك اكتبهوا بردك

وجزاك الله خير وكل عام وانتم بخير

Ahmed.Saleh
29-08-2011, 18:22
اختار اى واحده من دول ودول اقل سعر فى الكيسات المحترمه
COOLER MASTER ELITE 371+POWER 400 WATT
https://www.coolermaster-usa.com/upload/product/3028/gallery/full/1.jpg

PRICE 370

(COOLER MASTER ELITE 310(ORANG
https://megapchardware.com/zencart/images/16.jpg

PRICE 350

**************************

COOLER MASTER ELITE 333/334
https://farm4.static.flickr.com/3078/3151694213_1297034236.jpg
PRICE 360

mahmoud20070
29-08-2011, 18:57
جزاك الله خير اخوى الكريم ka7rata وباذن الله حشترى اللى فى النص 310 ديه بس مش لونها اورنج ديه ولا برتقالى لانه شكله مستفز بصراحه يعنى اسود وقريت ان فيه منها silver كويسه باذن الله


بكره ويمكن احتمال النهارده باذن الله اجبها وجزاك الله خير استاذى الكريم على تعبك معايا

ويبقى كده فضلى هارد ومازربورد باذن الله تعالى جزاكم الله كل خير يا شباب وكل عام وانتم وكل الدول العربيه والاسلاميه بخير ومبروك لكل الدول اللى نالت حريتها وعقبال بقيه الدول باذن الله

mahmoud20070
03-09-2011, 11:58
مرحبا بيكم مره اخرى يا اخوه ورجعنا تانى للايام العاديه كل واحد عنده شغل حينزل وكل واحد عنده دراسه حينزل ولا عزاء للايام الخوالى ايام البركه والفرحه :( يلا الحمد لله

المهم يا اخوه انا دلوقتى اشتريت كمان الكيسه بسعر 350 اللى هى (COOLER MASTER ELITE 310(ORANG ومع الاسف ملقتش الا البرتقالى وقتها وجبت قبلها الرام ب85 زى مقولت والبرسيسور AMD Athlon II x3 440 بسعر 455 جنيه


وكده يبقى فضلى ولله الحمد حاجتين المازربورد وديه باذن الله تعالى حجبها يوم الخميس او الجمعه الجايين بالكتير اوى باذن الله وناويت على زى مقولت لحضرتك ASUS M4A78LT-M LE motherboard


وباذن الله الهارد حيكون اخر شهر 9 او بدايه شهر 10 باذن الله لكن لى سؤال بالنسبه للمازربورد

انا طبعا زى مقولت لحضرتكم انى عندى دى فى دى والمنفذ بتاعه Pata او اللى هو ide وكمان حشتغل مؤقت على الهارديتن اللى عندى بردك بمنفذ IDE لحين مجيب الهارد الجديد ان شاء الله فاخترت اللوحه الام ديه عشان كده

فكنت قريت ان حاجتين عن اللوحه الام ديه وهى ان كان فيه واحد عنده مشكله فى الرابط ده https://arabhardware.net/forum/showthread.php?t=194579&page=1

ان اللوحه بتعاته مش بتعمل بوت خالص من اى هارد او دى فى دى بالمنفذ القديم فهل ديه فعلا فى اللوحه الام ديه ولا هى مشكله عنده هو بس لانى حتى وجبت هارد ساتا باذن الله فمش حغير الدى فى دى الل عندى لانه الحمد لله شغال فياريت يا اخوه تشوفوا الموضوع ده


وكمان سمعت اه وحشه فى انها بتسخن جامد وبتسخن مش عارف الجسر الشمالى ولا الجنوبى جامد حتى لو جبت مراوح للكيسه ليهم فهل ده صحيح ولا لا لانى انا بعقد على الجهاز لفترات طويله جدا جدا وممكن ميتقفلش فى اليوم الا اربع وخمس ساعات بس كمان

وتفتكروا يا اخوه حتفضل بسرعها وموجوده لحد مشتريها باذن الله ولا ممكن لا لان لو ملقتهاش ممكن اضطر اجيب واحده اغلى واجل الهارد بقه شويه حلوين فطمونى وجزاكم الله خير على تعبكم معايا

Ahmed.Saleh
03-09-2011, 12:13
موضوع الهارد هذا غريب
والمشكله ايضا فى انه الاخ مركب كلا الهارد والDVD معا على IDE

يفضل سؤال من لديه نفس اللوحه
وارشحلك هذه اللوحه من جيجا بايت كبديل سعره قريب سعرها 375ج
Gigabyte GA-MA78LMT-S2P Motherboard
https://www.gigabyte.com/products/product-page.aspx?pid=3377 بها منفذ IDE

وقبل الشراء اسأل البائع هل تقبل البوت من هارد او درايف موصل عن طريق IDE ام لا

mahmoud20070
03-09-2011, 12:20
موضوع الهارد هذا غريب
والمشكله ايضا فى انه الاخ مركب كلا الهارد والDVD معا على IDE

يفضل سؤال من لديه نفس اللوحه
وارشحلك هذه اللوحه من جيجا بايت كبديل سعره قريب سعرها 375ج
Gigabyte GA-MA78LMT-S2P Motherboard
https://www.gigabyte.com/products/product-page.aspx?pid=3377 بها منفذ IDE

وقبل الشراء اسأل البائع هل تقبل البوت من هارد او درايف موصل عن طريق IDE ام لا

جزاك الله خير اخونا كحرته بس سبحان الله انا كنت كاتب نفس اللوحه ديه من جيجا بايت ومكنش فيها منفذ IDE ازاى ظهر ليها اعتقد لان اللوحه ديه ليها كذا فيرجن (rev. 1.3) يعن الواحد حيتعب عمال ميلقى اللوحه ديه بالفيرجن المخصوص ده بس مش مهم مع العلم انى حعمل زيه باذن الله لان اصلا اللوحه ديه مفيهاش الا مكان واحد لكبل الداتا وانا كل حاجاتى القديه بتشتغل على المنفذ القديم

لكن فيه حاجه ان مش كاتبين مع اللوحه اى كارت شاشه وديه مشكله لانى مش حقدر اشترى كارت شاشه لانه حيعدى الميزانيه اولا وثانيا انى اقل كارت شاشه محتاج شاشه كبيره وانا عندى 14 بوصه يعنى الكام ده حيخش فى 2000 جنيه زياده بالرغم انى مليش فى الالعاب اصلا

فهل اللوحه ديه فيها كارت شاشه وان شاء الله حتصل او حروح لشركه هاى اند او ماكسيسوم او كمبيونيل واسال عن الحكايه ديه باذن الله

بس هل اللوحه اللى حضرتك ذكرتهالى مفيهاش كارت شاشه ولا فيها بس انا مخدتش بالى من المواصفات

Ahmed.Saleh
03-09-2011, 12:44
اللوجه بها فيجا داخليه
https://www.gigabyte.com/fileupload/product/2/3377/2775_main.jpg

mahmoud20070
03-09-2011, 12:50
مشكور اخوى الفاضل وانا لسه متصل بشركه High end مفيش دقائق والله حتى مسجل المكالمه كمان واكدلى ان اللوحه اللى هى الاسوس بتبوت عادى فباذن الله لما انزل تانى حساله وهما طبعا اكيد شركه عريقه يعنى مش حتغشنى بالاضافه ان اللوحتين اللى كتبتها واللى حضرتك اختارتهالى سعرهم واحد فلذلك اكيد حيبجلى الافضل

بس انا مصمم على الاسوس لانى مستريحله باذن الله لو لاقدر الله مفيهاش اللى انا عاوزه اذن على الجيجا بايت

بالنسبه انا كنت ناوى أاجل اخر السؤال ده لحد مشترى اللوحه قبلها بيوم يعنى كنت حساله بس الشئ بالشئ يذكر بقه لما اروح اشترى معجون للبرسيسور هل اشترى اى حاجه ابو 50 قرش ده ولا لازم اجيب معجون معين وسعره كام ومنين لان حضغط عليه فى الشغل جدا باذن الله

تانى شئ هل افضل طريقه انى اضع نقطه اشبه بالعدس فى متصف المعالج وبعدين اضع عليه المشتت واركبه واشغل الجهاز او لا وطبعا المعالج انا ذكرته اكثر من مره

وباذن الله مستقبلا اضع مشتت احترافى على المعالج وعلى الكيسه لان الكيسه فيها مكانين للمراوح

مشكور اخوى الكريم على تعبك معايا المتكرر واعتذرلك جدا ان شاء الله اول مجيب اللوحه حعمل اختبار على كل الجهاز ماعدا الهارد لحين شراء هارد جديد باذن الله ولو فيه اى شكوك حبقى اوفيكم بالنتائج وحضرتكم تقولى هل هو كده تمام او لا مشكور مره اخرى

Ahmed.Saleh
03-09-2011, 13:14
يا اخى لا تشكرنى انا هنا للمساعده واشكر الله الذى جعلنى سبب لمساعدتك فقط ادعو لى لا اكثر بظهر الغيب :D

المشتت الافتراضى يأتى وعليه معجونه الاساسى ولا تحتاج لمعجون من ابو 50 قرش هذا
قم بالتركيب وتابع الحراره اثناء الضغط والخمول واذا كانت الحراره عاليه سنقوم بشراء معجون محترم ان شاء الله ولكنه احتمال بعيد بعض الشئ
لان المعجون الموضوع على قاعدع المشتت كافى ان شاء الله

بعد التركيب ومتابعه الحراره سنرى ما يمكن عمله فيما بعد وهاى اند اكثر شركه محترمه تعاملت انا شخصيا معها حتى الأن

mahmoud20070
03-09-2011, 13:41
يا اخى لا تشكرنى انا هنا للمساعده واشكر الله الذى جعلنى سبب لمساعدتك فقط ادعو لى لا اكثر بظهر الغيب :D

المشتت الافتراضى يأتى وعليه معجونه الاساسى ولا تحتاج لمعجون من ابو 50 قرش هذا
قم بالتركيب وتابع الحراره اثناء الضغط والخمول واذا كانت الحراره عاليه سنقوم بشراء معجون محترم ان شاء الله ولكنه احتمال بعيد بعض الشئ
لان المعجون الموضوع على قاعدع المشتت كافى ان شاء الله

بعد التركيب ومتابعه الحراره سنرى ما يمكن عمله فيما بعد وهاى اند اكثر شركه محترمه تعاملت انا شخصيا معها حتى الأن

انا فعلا والله دعوت لحضرتك من قبل ولكل الاخوه هنا حتى لا انسى فضل احد وكما تعرف من لا يشكر الناس لا يشكر الله وهنا العمل مشترك وجماعى لذلك كل له فضل على بعد المولى عز وجل فجزاكم الله خير جميعا استاذى الفاضل

بالنسبه لموضوع ان المشتت عليه معجون تصدق بالله عمى كحرته انا من وقت مجبت البرسيسور وانا كل شويه افحصه واشوف هل مشتمل على كل شئ ولا لا من وقت لاخر لكن مبفحصش بس البرسيسور نفسه عشان ممسكوش وافرغ الشحنات الكهربيه اللى فيه ولا شئ زى مقوللى

اول مره الاحظ ان المشتت عليه معجون لما قولتلى دلوقتى والله لحظت فعلا اسفل قطعه البلاستيك الموضوع تحت قاعده المشتت لما نزعتها وجدت قطعه لونها رصاصى تقريبا وعندما وضعت طرف اصبعى فقط وجدت ان جزء منه قد التصق بيدى ولا تخف فهو جزء لا يكاد يرى يعنى ليس شئ كبير الحمد لله

فجيد اخى الكريم عموما باذن الله اول ما اجيب الجهاز ويشتغل معايا بدون مشاكل واجرب السفن بقه ;)باذن الله حعمل كل الاختبارت على الجهاز ماعدا على الهارد لحد مجيب جديد باذن الله وارفعه على نفس الموضوع هنا

واعذرنى لو كنت بشكرك كتير بس انا بقدر تعب حضرتكم هنا لكل الاعضاء وليس لى فقط لذلك هذا اقل ما يكمن ان نقدمه عل كل خدماتكم والاهم انها بلا مقابل جزاكم الله خير على تعبكم معايا باذن الله لنا عوده وقت التشغيل وجزاك الله خير

واسف على ازعاجك :D مشكور اخوى الفاضل

Ahmed.Saleh
03-09-2011, 13:56
لا تشكر ولا تتأسف على الازعاج هذه هوايتى وانا بكون مسرور وانا امارسها

ومبروك مقدما وفى انتظار تقريرك عن الجهاز
وانا لدى هذا المعالج اشتريته لاخ لى من فتره وهو ممتاز جدا وقوى ويعمل عليه كل الالعاب بكفائه بشرط كارت فيجا جيد ويمكن فتح النواه الرابعه ليصبح X4 اذا حالفك الحظ وكانت مستقره