المساعد الشخصي الرقمي

مشاهدة النسخة كاملة : [مصر] تجميعة كيسة للألعاب و الجرافيكس بميزانية [6000] جنيه



fifazalata
06-09-2011, 14:31
السلام عليكم ورحمه الله وبركاته
تحياتى لاعضاء عرب هاردوير الكرام
ارجو المساعدة فى تجميعة جهاز لو تكرمتم
- أقصى ميزانية محددة: 6500
- استخدامك للجهاز: العاب وماكس وبرامج هندسية
- حجم الشاشة و الدقة (Resolution) التي تستخدمها: عندى شاشة من ايام الجنيه الجبس:D DELL P991 19 INCH
- القطع التي تنوي شراءها:الكيسة كلها ماعدا الهارد
- القطع التي ستعيد استخدامها من الجهاز القديم:اكيد عرفتوه:D(الهارد)
- ميعاد شراء الجهاز:أقصى حاجة باذن الله اسبوعين
- مكان الشراء:القاهرة
- محل سكنك:المنصورة

ملاحظات :

1- انا حاطط تجميعة فى دماغى ومحتاج رأئكوا فيها ولو حاجة محتاجة تعديل فانتوا طبعا اهل الخبرة
معالج: Intel Core I7 2600K بسعر 1950 جنيه
لوحه ام : ASUS P8Z68-V PRO بسعر 1350 جنيه
بطاقه رسوميه : MSI N560GTX-Ti Hawk السعر 1650 جنيه
ذواكر : CORSAIR Vengeance 8GB (2 x 4GB) DDR3 1600 CL9 Dual Channel السعر 525 جنيه
مشغل أقراص : ASUS DRW-24B1ST 24X DVD-RW DL بسعر 140 جنيه
صندوق : NZXT Lexa S case بسعر 475 جنيه
مزود طاقه : Antec Neo Eco 620C 620W بسعر 500 جنيه
_____________________________________________
الاجمالى : 6600 جنيه

2- الشاشة الحجرية اللى عندى دى ممكن مثلاً متقومش الجهاز هى كويسة وكل حاجة
بس قديمة اوى وخايف متستحملش اللى هايجرلها:D

3- بالنسبة للكيسة lexa s هل هى موجودة فى مصر لانى سألت عنها عند ماكسيمام ومش لاقيها
هل تعرفوا حد تانى لانى بجد هاموووووووت ع الكيسة دى

4- انا مش ناوى ع كسر سرعة حالياً لانى مليش فيه بصراحة( عارف انى جاهل:D) بس كمان فترة ع مالواحد يتقل فيه
هاكسر باذن الله فهل الباور دا كافى وهل هو كافى اصلاً قبل ما اكسر السرعة:D
5- انا ناوى اعمل SLI بس مش دلوقتى خالص فلو الباور ع قد تشغيل الجهاز حالياً بالعافية ممكن هابقى اغير الباور
عشان كسر السرعة برضو بس بعدييييييييييييييييييييييييييين
6- ياريت بقا عنوان المكان اللى هاشترى منه بالتفصيل الممل علشان اخوكم جاهل ومش بينزل مصر كتير
ولو فيها رخامة تقولولى ايه نظام المواصلات عشان اوصل للمكان اللى حضرتكم هاترشحوهولى

7- أسف اخر تلت اربع حاجات ع كتر اللكلكة عارف انى صدعت دماغكم:D
بس معلش اخوكم ف زنقة ومحتاج مساعدة من رجالة المنتدى
وروونا الهمة يارجالة

fifazalata
06-09-2011, 18:23
هو ليه مفيش حد بيرد عليا
هل فى الموضوع اى مخالفة
ارجو الرد لو سمحتم للضرورة

omaar97
06-09-2011, 19:28
أنت لست بحاجة إلى i7-2600K إلا إذا كان استخدامك كثير للبرامج والتصميم , إذا كان متوسط والألعاب تلعبها أكثر فاكتفي بالــ i5-2500K فالسؤال هنا هل تقوم بالعمل على هذه البرامج بشكل كبير؟؟

Ahmed.Saleh
06-09-2011, 19:52
نأسف على التأخير لقد رأييت موضوعك فى الصباح لكنى لم استطع الرد لانى لم استطع قرأته اذ ان اعتقد كان هنالك مشكله بالمنتدى وكانت الكتابه هيروفليفيه بحته:D

نفس سؤال الأخ عمر اذا لم يكن هنالك ضغط كبير من قبل البرامج الثقيله والماكس فيكفيك معالج I5 2500K هذا اولا

ثانيا بما انك ستنتظر اسبوعين فلتنتظر البلدوزر فقد يأتى بأداء وسعر ممتاز او على الاقل يقلل من اسعار معالجات انتل ولو 50ج فقط :D

وعلى العموم تجميعتك ممتازه وكأنها تمت من قبل شخص محترف ولا يعيبها اى شئ والشاشه ستعمل بلامشاكل فقط فى اقرب فرصه قم بتكريم الجهاز بأضافه شاشه LED لترى بعينك ما يسعدها ويدخل على قلبك السرور

والباور قادر على تشغيل البطاقه على الوضعيه المنفرده وفى حاله الSLI اعتقد الباور كافى لكن للأمان يفضل شراء باور 750 وات محترم للأمان

وفى انتظار ردك بخصوص الاستخدام

السوافيري
07-09-2011, 02:01
هو متى سيصدر البلدوزر تقريبا ؟
أو سيصل مصر ؟

omaar97
07-09-2011, 10:10
هو متى سيصدر البلدوزر تقريبا ؟
أو سيصل مصر ؟

البلدوزر تبقى له 12 يوم وينزل عالمياً والله أعلم متى ينزل مصر , يمكن بعد أسبوع أو ممكن تصل الفترة إلى بعد أكثر من شهر من نزوله عالمياً !

fifazalata
07-09-2011, 11:53
لا أسف ولا شئ ياعم كحرتة( مش عارف ليه لما بشوف اسم عضويتك بحس انى بكيف....تحس انها حاجة كدة من عبط التاريخ
انا احيك عليها وبشدة ههههههه:D)
ان شاء الله يا جماعة البرامج اللى هاستخدمها كالاتى:
شغل الجرافكس والتصميم بتاع المايا والماكس بالاضافة لحبايب هارتى برامج المونتاج زى البريمير والافترافكتس والاوديشين والسونى فيجاس والساوند فورج بالاضافة لمجموعة لابأًس بها من البرامج الهندسية لانى الحمد لله ف كلية هندسة اساساً يعنى:D
حضرتكم بتقولوا ان البلدوزر نازل قريب وانا عارف بس اللى خفت منه زى ماحضرتك قلت ياكحرتة انا خايف ينزل السوق العالمية بعد اسبوعين وع مايعرفوا عندنا ف مصر ان فى حاجة اسمها البلدوزر تكون الدنيا خربت وانت اكتر واحد عارف سرعة ردة فعل السوق المصرى بالنسبة للسوق العالمى
ع العموم هانفترض انى هاستنى لغاية مينزل بلدنا الحبيبة ام الدنيا وع افتراض ان الاسعار هاتنزل(عارف انى عايش ف الوهم معلش :D)
ايه رأى حضرتكم لو اعلى كارت الشاشة واجيب ال570 الباور اديشين لانى ف الاساس واد جيمزاوى قلباً وقااااااالباً:ah4:
فياريت حضرتكم تبدلوه ف تجميعتى وتشوفوا الباور الكافى ليه بحيث اعمل مستقبلاً SLI & OVERCLOCKING
وياريت بقا ياسلام لو مبرد ابن حلال محترم عشان الجهاز بيبقى عندى حمااااااااار شغل
انا اسف اوى ياجماعة انى بطول ف الكلام بس والله دا من عشمى فيكوا ودا مجاش من فراغ لان بصراحة متابع المنتدى من فترة
وبامانة والله وبدون نفاق او اى شى حاجة قمة ف الاحترام سواء الاعضاء او الخبراء التقنيين او حتى المشرفيين وبيبعجبى اوى روح الايثار من اخوانا التقنيين خصوصاً اثناء التجميعات بيبقى كله هدفه مصلحة العضو صاحب التجميعة لدرجة ان احدكم بيبفضل تجميعة اخوه عن تجميعته هو..........الخ
بجد حاجات ملقتهاش غير هنا ف عرب هاردوير بارك الله فيكم وجعله الله فى ميزان حسناتكم

omaar97
07-09-2011, 12:04
لا أسف ولا شئ ياعم كحرتة( مش عارف ليه لما بشوف اسم عضويتك بحس انى بكيف....تحس انها حاجة كدة من عبط التاريخ
انا احيك عليها وبشدة ههههههه:D)
ان شاء الله يا جماعة البرامج اللى هاستخدمها كالاتى:
شغل الجرافكس والتصميم بتاع المايا والماكس بالاضافة لحبايب هارتى برامج المونتاج زى البريمير والافترافكتس والاوديشين والسونى فيجاس والساوند فورج بالاضافة لمجموعة لابأًس بها من البرامج الهندسية لانى الحمد لله ف كلية هندسة اساساً يعنى:D
حضرتكم بتقولوا ان البلدوزر نازل قريب وانا عارف بس اللى خفت منه زى ماحضرتك قلت ياكحرتة انا خايف ينزل السوق العالمية بعد اسبوعين وع مايعرفوا عندنا ف مصر ان فى حاجة اسمها البلدوزر تكون الدنيا خربت وانت اكتر واحد عارف سرعة ردة فعل السوق المصرى بالنسبة للسوق العالمى
ع العموم هانفترض انى هاستنى لغاية مينزل بلدنا الحبيبة ام الدنيا وع افتراض ان الاسعار هاتنزل(عارف انى عايش ف الوهم معلش :D)
ايه رأى حضرتكم لو اعلى كارت الشاشة واجيب ال570 الباور اديشين لانى ف الاساس واد جيمزاوى قلباً وقااااااالباً:ah4:
فياريت حضرتكم تبدلوه ف تجميعتى وتشوفوا الباور الكافى ليه بحيث اعمل مستقبلاً SLI & OVERCLOCKING
وياريت بقا ياسلام لو مبرد ابن حلال محترم عشان الجهاز بيبقى عندى حمااااااااار شغل
انا اسف اوى ياجماعة انى بطول ف الكلام بس والله دا من عشمى فيكوا ودا مجاش من فراغ لان بصراحة متابع المنتدى من فترة
وبامانة والله وبدون نفاق او اى شى حاجة قمة ف الاحترام سواء الاعضاء او الخبراء التقنيين او حتى المشرفيين وبيبعجبى اوى روح الايثار من اخوانا التقنيين خصوصاً اثناء التجميعات بيبقى كله هدفه مصلحة العضو صاحب التجميعة لدرجة ان احدكم بيبفضل تجميعة اخوه عن تجميعته هو..........الخ
بجد حاجات ملقتهاش غير هنا ف عرب هاردوير بارك الله فيكم وجعله الله فى ميزان حسناتكم

على فكرة طريقتك في السرد رائعة وأعجبتني :D:D

إذا عايز كل هذا فزود الميزانية إلى 8000 جنيه :D
فأنت بحاجة لمزود NZXT Hale90 850W بسعر 1000 جنيه لتستطيع عمل SLI مستقبلاً !!
والكرت 2250 جنيه !!
والمعالج 1950 جنيه !!

ما الذي يتبقى لباقي الجهاز احنا كدة وصلنا 5200 جنيه ولسة اللوحة والكيسة والرامات والهارد والدي في دي :D والشاشة 975 جنيه يعني وصلنا 6175 جنيه !!

وانسى البلدوزر لأنه تأجل اليوم شهر زيادة يعني لا تحلم تشوفه في مصر قبل شهر نوفمبر :D

fifazalata
07-09-2011, 12:28
ياسلاااااام ع السرعة ف الاداء اكتب المشاركة والاقى الرد بعدها ب10 دقايق
اكونشى بحلم ياولاد (تكونشى شوكاليطة):D
شكراً جزيلاً اخ عمرو ع ذوقك بس مش عارف ذوقك دا هايغفرلك اللى عملته
8000 جنيه يامفترى دا مش بعيد هنا ف البيت يجوعونى 3 سنين بسببها (ربنا ع الظالم):D
طيب هاكمل حياة ف الوهم اللى عايش فيه وهافترض انى هاقدر اجمعهم بس بعد فترة واهو يمكن ف الفترة دى
حبايبنا بتوع الشركات يعرفوا فرق الاسعار بينهم وبين برا ويتقوا الله فينا شوية(ياعم سيبنى عايش ف الوهم...بحبه يانااااس)
ندى نظرة بسيطة ع تجميعتنا اللذيذة كدة بعد التعديل

معالج: Intel Core I7 2600K بسعر 1950 جنيه
لوحه ام : ASUS P8Z68-V PRO بسعر 1350 جنيه
بطاقه رسوميه : MSI N570GTX Twin Frozr III Power Edition/OC السعر 2350 جنيه
ذواكر : CORSAIR Vengeance 8GB (2 x 4GB) DDR3 1600 CL9 Dual Channel السعر 525 جنيه
مشغل أقراص : ASUS DRW-24B1ST 24X DVD-RW DL بسعر 140 جنيه
صندوق : NZXT Lexa S case بسعر 475 جنيه
مزود طاقه : NZXT Hale90 850w 80 Plus Gold PSU بسعر 1000 جنيه
_____________________________________________
الاجمالى : 7800 جنيه:eek::eek::eek:

داااااااا انا هاااااااكل ضـــــــــــــــــــــــــــرب:ah26:

omaar97
07-09-2011, 12:48
معالج: Intel Core I7 2600K بسعر 1950 جنيه
لوحه ام : ASUS P8Z68-V بسعر 1250 جنيه
بطاقه رسوميه : GIGABYTE GTX 570 OC السعر 2250 جنيه
ذواكر : G.Skill Ripjaws 4GB (1 x 4GB) DDR3 1600 CL9 قطعتين السعر 450 جنيه
مشغل أقراص : Samsung 22X DVD بسعر 115جنيه
صندوق : NZXT Lexa S case بسعر 475 جنيه
مزود طاقه : NZXT Hale90 850w 80 Plus Gold PSU بسعر 1000 جنيه
_____________________________________________
الاجمالى : 7490 جنيه

شوف كدا بعد التعديل , ويمكنك شراء مزود Antec NeoEco 620C 620W والاكتفاء بكرت واحد وسيكون المجموع حوالي 7000 جنيه

fifazalata
07-09-2011, 12:58
تجميعة ممتازة بس فى شوية استفسارات معلش:

1- هو ايه الفروق العملية ف البوردة الاسوس المطلوبة بين النسخ العادية والنسخة البرو
2-هو انهى نسخة افضل ف ال570 الجيجابايت ولا MSI من ناحية الاداء والتبريد ايضاً لانى بشوف هنا ناس كتير
بتفضل نسخة الMSI من هذا الكارت
3- هل سبب اختيارك للجيجابايت عشان المشاكل اللى ظهرت مع الاعضاء هنا ف كروت الTWIN FROZER فى نسخة 560TI

انا اسف ياحبيب قلبى تعبك معايا معلش

omaar97
07-09-2011, 13:28
تجميعة ممتازة بس فى شوية استفسارات معلش:

1- هو ايه الفروق العملية ف البوردة الاسوس المطلوبة بين النسخ العادية والنسخة البرو
2-هو انهى نسخة افضل ف ال570 الجيجابايت ولا MSI من ناحية الاداء والتبريد ايضاً لانى بشوف هنا ناس كتير
بتفضل نسخة الMSI من هذا الكارت
3- هل سبب اختيارك للجيجابايت عشان المشاكل اللى ظهرت مع الاعضاء هنا ف كروت الTWIN FROZER فى نسخة 560TI

انا اسف ياحبيب قلبى تعبك معايا معلش

1- البرو تحتوي على منفذين ساتا 3 زيادة عن العادية ولست بحاجة لهم , منفذ IEEE 1394a زيادة (لا تسألني ما هذا :D) لا تستحق فرق 100 جنيه
2- أنا اخترت الجيجابايت عشان فرق السعر بس إنت قلت رح تأكل ضرررب من السعر :D:D وإلا فنسخة MSI أفضل ولكن الجيجابايت ممتازة
3- هذه المشكلة موجودة فقط في Twin Frozr II OC لكروت GTX 560 Ti وغير موجودة في أي كرت غير GTX 560 Ti

fifazalata
07-09-2011, 15:54
omaar97 (https://arabhardware.net/forum/member.php?u=11204369)
1- يعنى افهم من كلام حضرتك ان مفيش فروق عملية مُلحة تستدعى انى اجيب البرو
2- ماهو ياغالى طالما كدة كدة الحكاية فيها حبس انفرادى 30 سنة:D فهجيب الMSI وامرى لله
3- طمنتى الله يطمن قلبك
معلش بقا خد الكام استفسار دول وربنا يعينك عليهم:)

1- هو ياحبى كرتين 570 SLI يعادلوا كام كأداء
2- هل ف رأيك البلدوزر هايكتسح ال2600k لانى مش عايز اندم بعد كدة انى ماصبرتش
3- مفيش تقارير مبدئية عن اسعار البلدوزر وهل نزلت له اى مراجعات

وشكراً مقدماً ياغالى

Ahmed.Saleh
07-09-2011, 18:53
البلدوزر نزله تسريبات مراجعات وليست موثوقه من وجهه نظرى المتواضعه
والفجيعه فى التأجل الشهر ده ده بيخلى الواحد قلقان من البلدوزر ومشتاق يشوفه فى نفس ذات الوقت

تجميعه الأخ عمر ممتازه ويكفيك بطاقه 560 Ti ولن تخزلك فى الالعاب والمشكله التى حدثت فى ان البطاقه كانت على ترددات اقل من المفترض حدثت لشخص واحد فقط وهو امر ناجر الحدوث

وللأمان اشترى النسخه الHAWK وانسى اى كلام فى اى مكان ودى سعرها 1650ج فقط

وتكتفى بهذا الباور SeaSonic S12II Bronze 620W 80 PLUS Certified PSU سعره 550ج فقط وهو ممتاز








Antec NeoEco 620C 620W اما هذا المزود فتقريبا اختفى لانه اصبح غير متوفر على موقع https://www.********.com/
والذى ذكرته السى سونيك افضل من الانتيك و مع بطاقه 560Ti لا مشكله على الاطلاق

570 فى وضع SLI الاغلبيه يفضلونه عن 590 فى وضعيه السنجل لقابليته الكبيره على الكسر

(https://www.********.com/)

omaar97
07-09-2011, 19:00
برأيي انسى شيء اسمه بلدوزر لأني سئمت منه , إذا تستطيع الانتظار شهرين على الأقل فانتظر ولكني لا أنصحك بذلك
أشخاص أرادوا الشراء من بداية السنة ولكنهم انتظرو البلدوزر , كان من المفترض نزوله في الفترة بين شهر 4 وشهر 6 , لم يأتي في 4 ولا 5 وفي آخر 6 قالت AMD أنه سيتأجل 3 شهور والموعد أصبح 19\9 , والآن تأجيل لشهر 10 + إلغاء معالجات AMD Komodo التي ستأتي بعد البلدوزر = اعتراف من AMD بفشل معمارية البلدوزر أمام معمارية الساندي بريدج

fifazalata
07-09-2011, 23:15
الله يكرمكم يااخ عمرو انت وعمنا كحرتة( صاحب احلى اسم عضوية ف التاريخ):D
طب خلاص بقا انا كدة تمام ف كل حاجة ناقص اخر استفسارين بس
1- NZXT Hale90 850w 80 Plus Gold PSU كافى لعمل gtx 570 sli & overclocking
2- عايز مبرد محترم ابقى اشتريه قدام شوية عشان لما اكسر السرعة وبالمناسبة انا مش عندى تكييف عشان حوار التبريد المائى فتقريباً كدة خلينا ف التبريد الهوائى والرأى رأيكم طبعاً

شكراً لحضرتكم ع تعبكم معايا

Ahmed.Saleh
07-09-2011, 23:30
والمزود كافى لعمل SLI بأمان ان شاء الله
مشكله المشتتات الهوائيه الوحيده الصوت
فبعضها يقال وركز فى يقال دى صوتها بيبقى عالى زى
Cooler Master V6GT CPU cooler https://www.********.com/images/phpThumb.php?src=large/cooler_master_V6GT.jpg&w=225&h=180بسعر 390ج
او Thermal take Frio https://www.********.com/images/phpThumb.php?src=large/thermaltake_frio_120mm.jpg&w=225&h=180بسعر 325ج او 350 حسب البائع
ولكن يظل اداؤها ممتاز جدا اذا لا يهمك الصوت اشترى ايهما والفريو ممتاز فى السعر والأداء

واذا تريد مشتت محترم وسعره ممتاز يبقى تشترى الهايبر 212 من كولر ماستر Cooler Master Hyper 212 Plus بسعر 170ل200ج https://www.********.com/images/phpThumb.php?src=large/cooler_master_hyper_212_plus.jpg&w=225&h=180


والشكر لله اخى واى استفسار ستجد من جاوبك عليه ان شاء الله

fifazalata
07-09-2011, 23:45
جزاكم الله خيراً جميعاً
بإذن الله تعالى وقت ما اجمع بقية الفلوس قريب
وهانزل اجمع التجميعة اللى حضرتكم رشحتوها
جينا بقا لاهم حاجة
المكان
ياريت بقا واحدة واحدة وبالراحة كدة عشان انا من المنصورة ومش بنزل القاهرة غير مرات تتعد ع صوابع الايد
فياريت تقولولى اشترى منين وياريت العنوان بالتفصيل وازاى اوصله عن طريق المواصلات
يعنى مثلاً اعمل ايه واركب ايه وكدة يعنى
وياريت برضو لو ارقام الشركات اللى حضرتكم هاترشحوها عشان ابقى استفسر عن توافر القطع المطلوبة بدل ما انزل ع الفاضى
همتكوا معايا يارجالة وليكوا منى بربع جنيه لبان تشيكلتس لكل عضو هايساعدنى :D

omaar97
08-09-2011, 11:06
وأنا في الإمارات ازاي حاخد اللبانة :mad::D

بخصوص العنوان اعذرني أخي فكما قلت أنا في الإمارات ولكن انظر لشركات متاجر عرب هاردوير هنا:

https://arabhardware.net/forum/forumdisplay.php?f=221

Ahmed.Saleh
08-09-2011, 14:04
اليك بيانات شركه هى الافضل هنا والبقيه اكيد ممتازين لكن هذه افضلهم وهى هاى اند والبك معلومات الاتصال

العنوان هتركب المترو وتنزل محطه رمسيس ومن هناك هتسأل عن اتجاه ميدان العباسيه يتركبله منين واول ما توصل هناك وانتا بس هتعبر الطريق هتسأل عن اى مواصله توديك شارع الخليفه المأمون ولما تركب وصى السواق ينزلك عند مول سوق العصر وهناك فى الدوز الثانى هتلاقى المحل ان شاء الله
واتصل بيهم يمكن يوصفولك وصفه اسهل وكمان علشان تسأل عن القطع بدل ما تنزل على الفاضى

وسائل الاتصال
هاى اند
مول سوق العصر 50ش الخليفه المأمون روكسى مصر الجديده محل رقم 225
TEL /22561313/0129789931
E-MAIL : HIGH_END2008@YAHOO.COM
سبيد مالتى سيستم
مول سوق العصر 50ش الخليفه المأمون روكسى مصر الجديده محل رقم 225
TEL /22568765/0129789962
E-MAIL: SPEED_SMS@HOTMAIL.COM

تابعونا على الFACE BOOK

HIGH END (https://www.facebook.com/pages/Speed-Multi-System-High-End/116818765082240)

fifazalata
08-09-2011, 15:54
omaar97 (https://arabhardware.net/forum/member.php?u=11204369)
خلاص ياعم افتحلك حساب ف ارامكس وابعتلك اللبان ع هناك ولا يهمك...... اهم حاجة تكون مبسوط:D
ka7rata (https://arabhardware.net/forum/member.php?u=11176670)
بالنسبة لحضرتك بقا مش خسارة فيك علبة لبان كاملة وكمان كلورتس مش تشكلتس:D

بصراحة ياجماعة انا عاجز عن الشكر ليكوا انتوا الاتنين خاضة ولعرب هاردوير اللى سمح ان يكون فى كوميونتى جميل زى دة
جزاكم الله كل خير