(مصر- القاهره) - جهاز كامل - 5000ج- للالعاب و الإنترنت

[sheda]

السلام عليكم
انا يا جماعه من ساعت مالمست الكمبيوتر بتلسع فيه بمعنى انى دايما بدبس فى كمبيوترات سيئه للغايه و الى كان مساهم فى العمليه دى مكانش فيه انترنت اتواصل فيه مع ناس محترمه زيكم و بتفهم و بالمناسبه احب احيى الاخunbeatable97 (https://arabhardware.net/forum/member.php?u=23511) فى موضوعه القيم كانه عارف انا كنت بعمل ايه و الاشاعات الى وديتنى فى داهيه
الحمد الله انا جمعت مبلغ و عايز اجيب كيسه ترضى ربنا و تعيش معايا و تشغلى الالعاب الى عايزها دا انا كنت نسيت شكلها ؟؟؟

معلش ياجماعه ارجو منكم قراءه الطلب كامله مع الاجابه على نقط الى كاتبها عشان حتى اتعلم منكم و اكون شاكر جدا فضلكم و ليكم اجر و ثواب تعليمى

- أقصى ميزانية محددة:4500-5000

- استخدامك للجهاز:games , internet

- حجم الشاشة و الدقة (Resolution) التي تستخدمها:الى عندى شاشه crt قديمه نوعها tvm اظن انها المانى شغاله كويس بس بتوجعلى عنيا عشان كده
ممكن نحط شاشه lcd جديده كخيار فى الشراء

- القطع التي تنوي شراءها:

معالج : فى النقطه دى طبعا انا متعود على intel لكن عايز اطبق طبعا السعر مقابل الاداء عشان كده استازنكم تذكرو انواع المعالجات المتوفر فى النوعين بس بالتفصيل عشان على الاساس ده هبص على reviews هعمل مقارنات

لوحه ام فى النقطه دى زى نقطه المعالجات

بطاقه رسوميه انا هجيب واحد بالاضافى للى فى اللوحه الام

ذواكر انا طبعا متعود على kingstone بس فى انواع كتير تانيه شوفتهايرجى ذكر جميع الانواع المتاحه عشان الreview

قرص تخزين عندى واحد قديم western 160 جيجا و عاندى واحد external 500جيجا فمش محتاج واحد تانى

صندوق فى النقطه دى انا عندى كيستين قدام و احده اسمهاsuper power و دى قديمه و التانيه matrix و دى احدث شويه لكن عند قراءه المواضيع ارى شراء واحده جديده نضيفه يراعى فيها انسيابه الهواء و امكان خروجه و الدخوله خاصه المكان الى انا فيه فى تراب و حر شويه
بالنسبه الاجزاء الاخرى انا هجيب ان شاء الله

مزود طاقه طبعا هجيبه حاجه نضيفه زىhec,antec الوات بتاعه شوفو ايه المناسب وقلولى


- القطع التي ستعيد استخدامها من الجهاز القديم:

انا عندى كيسه قديمه شغاله و مش عايز احدثها عايز اجيب جديد ممكن اخد منها
مزود الطاقه antec 450w
dvdwriter
ram king stone 2gبس مش فاكر الباص بتاعه
قرص التخزين western 160 giga sataII

- ميعاد شراء الجهاز:اخر الشهر ده ان شاء الله

- مكان الشراء:القاهره

- محل سكنك:القناطر

ملحوظه اخيره: معلش لو انا مزود فى الكلام بس تخيلو اقد اكتر من 10 سنين بكمبيوتر مش مريحنى كل الى اقدر اعمله ادخل على النت عشان كده عايز اجبيب حاجه كويسه حتى لو اضطريت اروح توكيل كل جزء عشان اتاكد ان ده الى عايزه و اجمع الجهاز بنفسى و يهمنى جدا توافق القطع مع بعضها لانى قريت مواضيع عن النقطه دى ياريت توضحوهالى

مستنى الردود و هيكون فى نقاش حتى اثبت على تجميعه كويسه

شكرا

[helmygecso]

معالج : Intel Core I5 2500K بسعر 1350 جنيه
لوحه ام : ASUS P8Z68-V بسعر 1150 جنيه
بطاقه رسوميه : SAPPHIRE TOXIC HD 6850 1GB GDDR5 + Free Dirt 3 بسعر 1225 جنيه
ذواكر : Kingston 2G DDR3 1333 CL9 بسعر 85 جنيه ( لو الموجوده عندك DDR3 شغلها ومتشتريش جديد )
شاشه : Samsung SyncMaster BX2331 23 Inch LED بسعر 1050 جنيه
صندوق : NZXT Beta Evo بسعر 320 جنيه
اجمالى التجميعه 5095 (بدون الرام)

[omaar97]

Core i5-2400 السعر 1150 جنيه
ASRock H67 DE3 السعر 700 جنيه
GIGABYTE HD 6850 OC السعر 1200 جنيه
Corsair XMS3 4GB 2x2GB 1600mhz CL9 السعر 250 جنيه
BenQ G2420HD السعر 975 جنيه
NZXT Lexa S السعر 475 جنيه
WD Blue 500GB السعر 240 جنيه (لا أظن أن 160GB كافية)

المجموع 4990 جنيه

بس أنا بنصحك تبيع المزود لديك لأنه يقيدنا بكرت HD 6850 ويمكن يجيب لك 150 جنيه زودهم على الميزانية وانتظر لأني سأقوم بتعديل هذا الرد ووضع تجميعة بها كرت أقوى وأفضل للألعاب بس انتظر ساعة من الآن وإن شاء الله أكون كتبته لأنني الآن سأضطر للخروج من المنتدى


تعديل : تفضل تجميعة أقوى حوالي 10% بالألعاب من الي فوق مع مزود أفضل لأن المزود الذي لديك لا يكفي للكرت فحاول بيعه قد يعطيك 150 جنيه تضيفهم للتجميعة:

Core i5-2400 السعر 1150 جنيه
ASRock H61 iCafe السعر 600 جنيه
Kingston 2GBx2 1333mhz CL9 السعر 170 جنيه
GIGABYTE GTX 560 OC السعر 1300 جنيه
WD Blue 500GB السعر 240 جنيه
BenQ G2420HD السعر 975 جنيه
SeaSonic S 12 II Bronze 520W السعر 440 جنيه
NZXT Beta EVO Case السعر 320 جنيه

المجموع 5195 جنيه

الزيادة بسيطة 200 جنيه فقط حاول تزودهم وإذا ما قدرت فتخلى عن الهارد واكتفي بالذي لديك + 500GB الخارجي مع أني أظن أن الداخلي لا يكفيك ولكن مؤقتاً لحين شراء واحد جديد

وطبعاً سيقل المجموع 85 جنيه ليصبح 5110 جنيه إذا كانت الرامة لديك نفس المكتوبة بالموضوع بترددات وتواقيت 1333mhz + CL9


أي سؤال أنا جاهز

[sheda]

اولا شكرا جزيلا على الاهتمام انا كنت عامل الموضوع ده بعنوان مختلف و لما دخلت على المنتدى تانى ظنيت انه اتخذف فعملت موضوع تانى و اتبعت فيه قوانين المنتدى و ده الرابط بتاعه https://arabhardware.net/forum/showthread.php?t=252532 استاذنك تقفل الموضوع ده و شكرك على الرد فى الموضوعين مع انهم مكررين ده مجهود طيب ربنا يباركلك على اهتمامك و حسن متابعتك
بخصوص التجميعه كان فى اسئله سالتها :
) ليه رامات corsair مش kingstone
2)انا سمعت كتير عن asrock z68 هيا بدعم كل المعالجات sandy bridge بس انا مش متوقع اغير المعالج فى المستقبل او حتى افكر اكسر سرعه و ههى احسن من gigabyte فى ايه
3)نفس الموضوع لكارت الشاشه ليه msi مش نيفيديا او ati
لما اجى اعمل review على حاجه معينه ادخل مثلا على موقه tom مش عارف الاقى chart يتضمن كروت الشاشه كلها او اللوح الام كلها حتى اعرف احدث الانواع والفروق بينهم بالنتيجه انى بتوه فى وسط كل المواصفات دى و مبوصلش لحاجه هل عندك نصيح لى تحل المشكله دى
اخيرا شكرا جزيلا واعتذر او كنت بتقل عليك فى الاسئله
شكرا جزيلا

[Ahmed.Saleh]

اولا شكرا جزيلا على الاهتمام انا كنت عامل الموضوع ده بعنوان مختلف و لما دخلت على المنتدى تانى ظنيت انه اتخذف فعملت موضوع تانى و اتبعت فيه قوانين المنتدى و ده الرابط بتاعه https://arabhardware.net/forum/showthread.php?t=252532 استاذنك تقفل الموضوع ده و شكرك على الرد فى الموضوعين مع انهم مكررين ده مجهود طيب ربنا يباركلك على اهتمامك و حسن متابعتك
بخصوص التجميعه كان فى اسئله سالتها :
) ليه رامات corsair مش kingstone
2)انا سمعت كتير عن asrock z68 هيا بدعم كل المعالجات sandy bridge بس انا مش متوقع اغير المعالج فى المستقبل او حتى افكر اكسر سرعه و ههى احسن من gigabyte فى ايه
3)نفس الموضوع لكارت الشاشه ليه msi مش نيفيديا او ati
لما اجى اعمل review على حاجه معينه ادخل مثلا على موقه tom مش عارف الاقى chart يتضمن كروت الشاشه كلها او اللوح الام كلها حتى اعرف احدث الانواع والفروق بينهم بالنتيجه انى بتوه فى وسط كل المواصفات دى و مبوصلش لحاجه هل عندك نصيح لى تحل المشكله دى
اخيرا شكرا جزيلا واعتذر او كنت بتقل عليك فى الاسئله
شكرا جزيلا

اولا تجميعه الاخ حلمى ممتازه وذات طابع مستقبلى لكن فى حاله عدم كسر السرعه تكون تجميعه الأخ عمر افضل لتلبيتها طلباتك وفارق الأداء على الوضع الافتراضى ليس بكبير ولكن البطاقه الرسوميه ال560 افضل من ال6850
وللرد على استفساراتك
1- لأن رامات كروسير بتردد اكبر وبها مشتت للحراره ولكن لا ينصح بها فى حاله عدم كسر السرعه كما فى حاله I5 2400
2- اللوحه التى ذكرتها مخصصه لكسر السرعه مع معالجات ذات حرف K وبما انك لن تكسر السرعه فهى غير مفيده على الاطلاق
3- شركه MSI هى شكره مصنعه لكروت (ati سابقا) AMD و كروت Nvidia وتمتاز بالتبريد الاحترافى الممتاز للوصول لافضل اداء للبطاقه بأقل حراره ممكنه
4- البحث عن اللوحات يبدأ بتحديد المعالج اولا ثم البحث عن البدائل والمقارنه بين البدائل والاهم ان تتواجد هذه البدائل فى بلدنا الحبيب مصر

[sheda]

شكرا جزيلا على المتابعه و لى عوده غدا لانى لقيت معلومات جديده هعرضها عليكم شكرا جزيلا

[nazeh000]

لوحه ام : ASUS P8Z68-V بسعر 1150 جنيه

هوة دة السعر الجديد ولا اية لانى اعرف انها 1250ج

[helmygecso]

لوحه ام : ASUS P8Z68-V بسعر 1150 جنيه

هوة دة السعر الجديد ولا اية لانى اعرف انها 1250ج


متأسف على هذا الخطأ السعر الصحيح 1250 جنيه

[sheda]

السلام عليكم
اولا اشكر كل الى ساهمو و ردو على استفساراتى

ثانيا انا اشكر كل القائمين على مجله عرب هاردوير المجله دى وفرت عليا دوخه عشان اعرف القطع المتوفره و اسعارها

انا استقريت على التجميعه دى
اولا المعالج حسب موقع anand tech لقيت فرق الاداء فى الالعاب بين i5 و i7 متققارب و سعر i7 مبالغ فيه شويه لذا انا ثابت على i5 2500k

اللوحه الام: كانت المقارنه بين asus p8z68-v pro و gigabyte ga-z68x-ud3-b3 ملقيتش z68xp حتى فى موقع gigabyte نفسه و بعد مقارنه المواصفات لقيت ان asus احسن خاصه انا مش هكسر سرع و مش هزود عدد كروت الشاشه و الهاردات عن هما 2 و كارت دش
بس فى بعض الاسئله :
https://www.anandtech.com/show/4330/asus-p8z68v-review/2
1) جزئيه pci express مكتوبه

3 x PCI Express 2.0 x16 slots (x16/x0 or x8/x8, final x1 or x4)
2 x PCI Express 2.0 x1 slot
2 x PCI slots
Supports ATI Crossfire
Supports NVIDIA SLI
يعنى ايه الجزئيه الى تحتها خط دى

2) جزئيه المروحه

Fan Headers 2 x CPU Fan (4-pin, 3-pin)
2 x CHA Fan (4-pin, 3-pin)
2 x PWR Fan (3-pin)
يعنى ايه
كارت الشاشه
انا كنت بفاضل بين nividia gigabyte gtx 560 oc 1GB GDDR5 و nividia msi gtx 560 ti txin frozr 1G GDDR5 بس ملقيتش مقارنه بين الاتنين و موقع nividia مش موضح كاتب nividia 560 ti بس
ياريت تقولولى انهى احسن عشان اشغل على الاقل العاب 2010 كلها على الvery high

الرامات:

انا مستقر على kingstone 2GB bus 1333 DDR3 *2 بس فى سؤال
اللوحه بتاعتى بدعم clock frequancy اعلى من كده ده معناه ان لو جبت مثلا crosair 1600mhz دى تدينى اداء اعلى دون كسر سرعه و لازم اكسر سرعه
انا قلت مش هكسر سرعه بس عايز اداء الرامات اعلى مايكون تنصحونى بايه

الكيسه

انا شايف ان nzxt beta evo حلوه اوى عاجبنى وضع الهاردات انا ناوى احط مراوح كتير بس يهمنى ان ممكن يتحطلها فلاتر التراب ممكن تتغسل و هى هتشيل اللوحه و كارت شاشه من الى فوق و كارت دش و هارد واحد او اتنين بالكتير كل ده بكامل المروح بس انا قلقان بس كارت الشاشه و المرواح الجانبيه
لو فى كيسات احسن ياريت تقولولى

مزود الطاقه
hec cougar 700w
ده هيشيل الكيسه كلها +المراوح

الشاشه دى هاجلها شويه و هبيع مزود الطاقه antec 450w كيسه matrix و ram 2G و p4 dual core 3ghz كل ده ممكن يجيبلى كام ؟؟


انا مزود فى الكلام اوى انا عارف بس عايز اعرف ادق التفاصيل عشان لما انزل اعمل البحث الميدانى محدش يهزنى انا ممكن اروح توكيل كل جزء لو الاسعار مش زى الى انا حاسبها اى خطا ممكن يعملى حاله نفسيه :ah34: الفلوس دى قعد كتير احوش فيها

شكرا جزيلا و اسف على التطويل

[omaar97]

بخصوص PCI-Ex فيعني الآتي:
الشق الأول سيعمل بسرعة X16 في حالة تركيب كرت واحد
عند تركيب كرتين فسيعمل الشقين على سرعات X8/X8
الشق الأخير X1 أو X4 لم أفهم بالضبط

المراوح:

يمكن تركيب مروحتين للمعالج
يمكن تركيب مروحتين CHA
يمكن تركيب مروحتين PWR

لا أعلم ما هو PWR/CHA واعذرني خبرتي بالمراوح بسيطة

كرت الشاشة:

GIGABYTE GTX 560 Ti OC أفضل لأن هناك نسخ من Twin Frozr II/OC تعاني من مشاكل وقد تكون النسخة التي ستشتريها إحدى هذه النسخ

الرامات

لا يوجد فرق ملحوظ بالألعاب بين رامات تعمل بتردد 800mhz وأخرى تعمل على تردد 2133mhz لذا لن تلحظ أي فارق بين 1600mhz و 1333mhz ولكن لو استطعت شراء Corsair XMS3 1600mhz CL9 طبعاً اشتريها وسعره 250 جنيه

الكيسة

تشيل كرت الشاشة و6 مراوح وللأسف لا يأتي معها إلا مروحة واحدة
الكيسة لا تحتوي إلا على فلتر للمروحة الأمامية أما باقي المراوح فلن يكون هناك فلاتر , لا أدري هل يوجد فلاتر تباع منفصلة بمصر أم لا

مزود الطاقة

اشتري SeaSonic S 12 II Bronze 620W بسعر 550 جنيه تقريباً أفضل من HEC Cougar 700W

آخر شيء وهو جهازك القديم , مع المزود يمكن يجيب 400 جنيه , بدونه لا أتوقع أكثر من 200 جنيه طبعاً هذا للمعالج + الرام + الكيسة + المزود فقط وليس باقي الجهاز لأنه قد يعطي زيادة 200 جنيه