المساعد الشخصي الرقمي

مشاهدة النسخة كاملة : استفسار مهم جدا أرجو الرد علية بسرعة


tgany1
10-09-2011, 22:36
صباح الخير على الجميع

أنا قررت أدرس كورسات شبكات

أنا من المنصورة

وروحت مركز أوراسكوم وسألت عن الكورسات

ودى اسماء الكورسات اللى هاخدها

interconnection cisco networking divices part1
interconnection cisco networking divices part2


والكورس التانى

implementing cisco ip routing
implementing cisco switched networks
و

trouble shooting and maintaning cisco ip network


أنا عايز أعرف أهمية الكورسات دى

وهل هاتفيدنى فى الشبكات كويس ولا فى دورات أهم منها أخدها

لان الكورسات دى سعرها عالى فلازم أعرف قيمتها تستاهل ولا لأ وهل هى متعمقة ولا بدايات فقط؟

ومجالات شغلها بيبقى فى المصانع والشركات فقط ولا فى حاجات غيرها

ولو فى حد من المنصورة هنا ممكن يفيدنى فى أوراسكوم يعنى المركز كويس ولا فى أفضل منه ؟


ياريت يا شباب حد يعرفنى ايه الكورسات دى ومهمة ولا لأ
Eng.AhmedAmin
11-09-2011, 00:16
السلام عليكم
الكورسات دي محترمه ودسمه

وعشان تنهيها وتفهمها هتقعد اكتر من سنه وممكن توصل ل 3 سنين
انت واجتهادك

ومتحسبهاش
ال ccna شهر ونص
وال ccnp 3 شهور

لانك هتزاكرها
ونصيحه مني

الكورسات زي ال ccna
مشروحه هنا من اكنر من مهندس كبير

وفديو كمان
وان شاء الله بعد ما تخلص ال ccna
هيكون ال ccnp اكتمل

والمش فاهمه اكتب سؤالك والاعضاء هتجاوبك

يعني وفر على نفسك وزاكر من المنتدى فديو

ونصيحه:: اختيارك لعنوان الموضوع هيخلي المشاركه فيه اكتر:-)

احمد القلش
----------------
tgany1
11-09-2011, 02:42
شكرا يابشمهندس على اهتمامك

بخصوص المذاكرة من المواقع للأسف متنفعنيش لانى معنديش صبر انى أقرأ كتير واشوف فيديوهات

انا بفضل التعليم من شخص مباشرة ادامى بيفيدنى اكتر ده غير ان لازم شهادة مع التعليم

بس انت مقلتليش هل الكورسات دى مطلوبة كتير فى الشغل

وايه هى مجالات شغلها

ياريت تفيدنى فى الموضوع ده
Eng.AhmedAmin
11-09-2011, 03:11
بسم الله الرحمن الرحيم

هي مطلوبه طبعا
وهتشتغل على راوتر وسويتش
وكمان ممكن تاخد كورسات في
presentation skill
communication skill
negotiation skill
management time
ودول هتخلصهم في شهر مثلا
وسعتها تقدر تدي كورسات

وخد بالك انت كمان هتاخد كورسات في ال
operating system

زي لينوكس و ميكروسفت

وانا رأيي انك تاخد كورسات ال os
قبل ما تبدأ في ال CCNP

وكمان تقدر تطلع على اوامر
Juniper قبل ال ccnp

والسبب في كده
1- ان في شركات كبيره زي جيزا
بدأ تمتلك اجهزة Juniper بدلا من Cisco

2-لما تبدأ في تشتغل في شركه زي فودافون او اتصالات او موبينيل
زي محصل مع صديقي
طلبه منه شهادة CCIP وركن شهادة ال CCNP

عشان كده
خلص ال ccna
خد دورات ال skills
خد كورس في OS زي RHCE
اطلع على اوامر juniper
اوجد عمل
وابدأ في الكورس المناسب لهذا العمل
استعد لاعطاء الكورسات

ولو هتقدر تعيش في القاهره
قدم في ال ITI

هتاخد الكورسات دي ومرتب شهري
والخرجين منها مطلوبين جدا
وعباقره جدا
ولكن ليها اكتر من مقابله وامتحان قبول
والوسطه لسه شغاله :-))))

اتمنى ان يكون ردي مفيد
احمد القلش
-------------
tgany1
11-09-2011, 04:49
تمام جدا يا بشمهندس

وانا فعلا عارف منحة iti بس زى مانتا قلت كده محتاجة حاجات ووسطة فعلا

بس os تشمل ايه بالضبط
يعنى ممكن اكتفى فيها باللينوكس فقط ولا لازم حاجات تانية


شكرا جزيلا يابشمهندس ومعلهش تقلت عليك
tgany1
12-09-2011, 11:26
يا بشمهندس

ياريت ترد على استفسارى الاخير
Eng.AhmedAmin
12-09-2011, 22:44
انا عن نفسي زكرت مايكروسفت

بس اصدقائي قالو كان من الافضل ابدأ في لينوكس
وعشان كده هدرسها بعد شهرين ان شاء الله

اسف على التأخير
tgany1
13-09-2011, 23:27
تمام يا بشمهندس
كفيت ووفيت
بارك الله فيك ووفقنا للخير