المساعد الشخصي الرقمي

مشاهدة النسخة كاملة : بخصوص سعر sapphire-hd5770


eslamwaheed
14-09-2011, 06:49
السلام عليكم جميعا
انا من بورسعيد و لما نزلت اتسوق مولات الكمبيوتر هنا وجت هذا الكرت
sapphire-hd5770
https://www.bjorn3d.com/Material/revimages/video/Sapphire_5770Vapor/sapphire-hd5770-vapor-x.jpg
سعره 875 جنيه بس طبعا انا متكلمتش معاه فى انه ينزل انا قلت اسال اهل الخبره الاول فهل سعره ده طبيعى و اذا لم يكن هل يوجد كروت اخرى بنفس الكفائة او اقل بأشياء قليلة ؟
انا عندى شاشة تلفزيون هو 24 بوصة فى مخرج HD و مخرج PC هل هذا الكرت كافى ؟؟


مع العلم قررت اجيب نظام AMD (فى مكونات الجهاز)
و لقيت سعر الوحه الام هل gigabyt GA-M68MT-s2pوسعرها 345 جنية
ودى صورها هنا (https://www.newegg.com/Product/ImageGallery.aspx?CurImage=13-128-469-TS&SpinSet=13-128-469-RS&ISList=13-128-469-Z01%2c13-128-469-Z02%2c13-128-469-Z03%2c13-128-469-Z04%2c13-128-469-Z05&S7ImageFlag=1&Item=N82E16813128469&Depa=0&WaterMark=1&Description=GIGABYTE GA-M68MT-S2P AM3 NVIDIA GeForce 7025%2fnForce 630a chipset Micro ATX AMD Motherboard)

و قلى عليها بروسيسير athon 240 طبعا مذكرش لى امكنيات و انا مش فاكر سعره بس هو من 300 ل 400

و رامات king stom hyper X 2G /pass 1600 سعرها 145 جنية

هل ده مناسب وله غالى ولو غالى ما هو سعره ؟؟ مككن اعرف نوع بروسيسير amdيكون سعره فى حدود 350 جنية ؟
شكرا اسف على الازعاج
mena adly
14-09-2011, 07:04
اولا سعر الكارت غالي حبتين دة انت ممكن تجيب النسخة ال HAWK منه ب 830 جنيه بس مع العلم انها افضل من النسخة دي في التبريد وقدرة عالية جدا علي كسر السرعةبالنسبة للبروسيسور بقا . انت عايز تجيب البروسيسور دة مع الكارت دة !! يعني البروسيسور ضعيف علي الكارت دة وهيسبب عنق زجاجة وبالتالي مش هتستفاد من كل قوة الكارت .
The Mysterious
14-09-2011, 07:29
بالنسبة للبطاقة زيد 25 جنيه وهات 6790، المعالج هات 555 وفعّل أنويته المعطّلة لتمتلك معالج رباعي، اللوحة المذكورة سيبك منها فهي قديمة ولم تعد مدعومة، بصراحة التمن اللي أنت حاطو للوحة قليل ومش هيكفي، على العموم زيد للـ500 جنيه (أرخص لوحة حديثة) وهاتلك لوحة Gigabyte 880GM-USB3L، وهتفضل معاك بردو عشان لو حبيت تغيّر المعالج وتجيب البلدوزر
eslamwaheed
14-09-2011, 08:21
بالنسبة للبطاقة زيد 25 جنيه وهات 6790، المعالج هات 555 وفعّل أنويته المعطّلة لتمتلك معالج رباعي، اللوحة المذكورة سيبك منها فهي قديمة ولم تعد مدعومة، بصراحة التمن اللي أنت حاطو للوحة قليل ومش هيكفي، على العموم زيد للـ500 جنيه (أرخص لوحة حديثة) وهاتلك لوحة Gigabyte 880GM-USB3L، وهتفضل معاك بردو عشان لو حبيت تغيّر المعالج وتجيب البلدوزر
المشلكه هنا حضرتك ان هنا فى بروسعيد يمكن دى اجمد كرته موجوده وكمان بالنسبه ل AMD تقريبا محل واحد الى بيبع الوحه دى مع البروسيسر ده انا استغربت و كله يقلى كله بياخد intelقلتله طيب انا عوز AMD علشان اكفه او بيعادل intel و ارخص زى ما انا شفت على المنتدى هنا و اتعلمت منه طبعا فضل يكلم كتير و عوز يبيع وخلاص و لما اقول لواحد انا عوز كذا يقلى مش موجوده و اجبهالك من مكان خارج بورسعيد و طبعا هيدنى سعر خيالى
ممكن لو شفنا كارت فيجا ارخص شويه فى حدود 600جنية بس هى ممكن تدعم التلفزيون الى 24 بوصة بوصله hd ؟ لو مش بتدعهما انا استنا لم اعمل مبلغ بقى و لوحه ام ب 450-500 و بروسيسر ب 400 مثلا وممكن لو سمحت لو تكرمتم قلتلى امكان بتبيع القطع دى و ممكن تشحنا لبورسعيد و اكيد انا هحاسب على الشحن (انا عارف ان هتعبكوا معايه بس والله انا دورت على المنتدى هنا شركات بتشحن فى قسم القطع المقدمه من الشركات تقريبا اسعارهم فى السما ) انا شيف حضرتك بتقول على الوحه الام Gigabyte GA-880GM-USB3 انها ب 500 جنية و انا شيفها هنا https://www.********.com/product.php?id=8315 ب 640 انا مش عارف الاسعار و كذالك كارت الشاشة اغلى من 900 جنية
The Mysterious
14-09-2011, 08:42
شوف يا سيدي بالنسبة للقطع اللي قلتلك عليهم، أول حاجة اللوحة اللي أقصدها هي GA-880GM-USB3L وهي فعلاً بـ500 جنيه، بالنسبة للكرت فهو عامل 950 جنيه فعلاً (ممكن يكون زاد تمنو لأن حسب ماني فاكر كان بـ900)، أمّا بالنسبة للأسعار النهائية وإمكانيّة الشحن فبإمكانك مراجعة القسم هنا متاجر عرب هاردوير (https://arabhardware.net/forum/forumdisplay.php?f=221) واختيار الشركة التي تقدّم لك السعر الأرخص وممكن تشحن لك لبور سعيد، بالمناسبة أنا من سوريا ومش من أم الدنيا :)، على العموم أي خدمة تانية أنا حاضر وأهلاً وسهلاً بيك بيننا :).
The Mysterious
14-09-2011, 08:46
عفواً نسيت أجاوبك على سؤالك ده...

ممكن لو شفنا كارت فيجا ارخص شويه فى حدود 600جنية بس هى ممكن تدعم التلفزيون الى 24 بوصة بوصله hd ؟
لو هتشتغل على دقة HD Ready يبقا ممكن كرت 6670 وهو ضمن الميزانيّة تقريباً (عامل 650 جنيه، مش عارف قصة الـ50 جنيه الزيادة دي :D)، لكن لو Full HD يبقى لازم أقل حاجة 6790، بالتوفيق عزيزي :).
eslamwaheed
14-09-2011, 09:09
انت الى سيدى و تاج راسى بجد انا مش عارف اشكرك ازاى على المتبعه و الرد السريعو و على فكره انا معشاق سوريا و اهلها و اكلها بالاخص ( همى على بطنى صح :D ) المهم بص حضرتك انا
لقيت لوحه الام دى https://www.********.com/product.php?id=9832 لان مش لاقى الى حضرتك بتقول عليها او لسه مدورتش تدوير كامل
مش عارف الفرق فى HD الى انت قلته كل الى اقدر اعمله اوريك صور الشاشة حضرتك تقلى رايك معلش انا خبرتى قليله فى المجال ده عشان ده قلت اسال اهل الخبره مثل حضرتك (لان انا خريج كليه علوم ) المهم الصور اهى
https://www12.0zz0.com/2011/09/12/06/311632066.jpg
https://www12.0zz0.com/2011/09/12/06/627985650.jpg
https://www12.0zz0.com/2011/09/12/06/839068031.jpg

ولو حضرتك زهقت من كتر اساتفسارتى و زهقت ممكن تتوقف عن الرد و اكيد هكون مشكور عن الى حضرتك قدمته
شكرا
محمد حسن احمد
14-09-2011, 13:16
اهلا بحضرتك والله انا ليا راي انت ممكن تجيب كارت 5750 vtx ب 680 حيبقي احسن من 6670 بكتير وبروسيسور phenom 555 و لوحه asus 780 lmt اللبروسيسور ب 560 واللوحه ب 340 كل دول حتلاقيهم عند كمبيونيل فممكن تكلمهم يشحنولك كل دول لحد عندك ...
sweety.boy
14-09-2011, 15:34
اخى الفاضل كارت 5770 كارت محترم وباللذات النسخة اللى حضرتك اختارتها وتتميز بتبريد متميز توكل على الله
The Mysterious
14-09-2011, 19:53
أهلاً وسهلاً بيك تاني، لا مشكة أخي اسأل براجتك، احنا هنا في المنتدى عشان نفيد ونستفيد :).

بالنسبة للشاشة تحيا الصناعة المصريّة :) وهي على الأغلب بدقة قصوى 720p أي 1280×720، يعني بطاقة 6670 كافية، بردو الخيار الذي ذكره الأخ محمّد حسن ممكن جدّاً، بس اللوحة اللي قال عليها معرفتهاش صراحة!، بس إذا كانت بجسر جنوبي 710 عشان تقدر تفتح الأنوية المغلقة AMD Core Unlocking يبقى توكّل على الله وهي تبقى أفضل من اللوحة التي أشرت عليها في مشاركتك الأولى.
eslamwaheed
14-09-2011, 23:48
و الله انا شاكر ليكم جميعا على المساعدة
و العرض بتعا الاستاذ محمد حسن معقول و اجمال مافيه انه حددلى مكان الشراء و الاسعار بس انا كنت عوز اقول بالنسبة ل بدقة قصوى 720p أي 1280×720 انا تقريبا الدقه بتاعه الHD فى الشاشة الى عندى 1080p Full HD لان ده مكتوب على الكرتونة بتعتها و دى صورتها
https://www6.0zz0.com/2011/09/14/21/455652894.jpg
https://www10.0zz0.com/2011/09/14/22/701157479.jpg

و كمان فى الكتلاوج بتاعه بيقول
يتم تصميم مدخلات HDMI للحصول على افضل اداء مع اشارات الفديوا مكتمل و عالى التعريف بدقة 1080i (هرتز50 / 60هرتز) و 1080p(هرتز 50/60) الا انها تقبل عرض اشارات 480i و 480pو 576p و 720 (50/60هيرتز )
هل عرض الاستاذ محمد حسن كويس مع الشاشة ؟
و هى بها فتحهه pc بس انا عوز اشغلها على hd
و على فكره الشاشه هديه جوازى لانى عريس جديد فى اذكانت صناعة مصرية دى احنا بعد الثورة شجع منتج بلدك:)
The Mysterious
15-09-2011, 23:34
أخي العزيز، إن كنت تريد وصل الجهاز بمدخل HDMI واللعب على دقة 1080p فلأفضل أن تأتي ببطاقة لا تقل عن 5770، 6770، والأفضل 6790 إن كان الفرق بالسعر ليس كبيراً، ممكن أيضاً شراء بطاقة 450GTS أو الأحدث 550GTX Ti من Nvidia إن كانتا أرخصهم ثمناً، ابحث عن نسخة MSI Cyclone، فهي مكسورة السرعة مصنعيّاً وبتبريد ممتاز، بطاقة 5750 ممتازة لكن ستضطر في بعض الألعاب الثقيلة إلى التخلّي أو التقليل من إعدادت الصورة Graphic Settings، كما أنّها لن تدوم معك طويلاً خصوصاً مع ألعاب DX11 القادمة التي تحتاج إلى بطاقات عرض قويّة نسبيّاً للاستمتاع باللعب على أعلى جودة رسوميّة.
eslamwaheed
16-09-2011, 02:43
تمام ممكن بقى تدينى اخر اخيار مناس علشان ان شاء الله هنفذ بكره وممكن تقلى لو محتاج بور سبلاى مخصوص
The Mysterious
16-09-2011, 02:54
تمام ممكن بقى تدينى اخر اخيار مناس علشان ان شاء الله هنفذ بكره
عذراً أخي لم أفهم هذه الجملة ؟!.

وممكن تقلى لو محتاج بور سبلاى مخصوص
طبعاً سيحتاج إلى مزوّد طاقة مخصوص، لكن على أي بطاقة اعتمدت ؟؟.
eslamwaheed
16-09-2011, 03:33
الاخ مينا صراحه قالى على الكرت ده و انا شيفه كويس وله ايه رايك؟https://img.hexus.net/v2/graphics_cards/amd/MSI/R5770H/IMG_2984-big.jpg
والبروسيسر phenom 555
بس انا محتار فى الوحه الام ممكن دى MSI 870 G45 سعرها 450 جنيه بس هل دى هتخلينى افتح 4 نواه؟ ولو يوجد لوحه ام افضل منها فى نفس السعر ممكن
والبور Antec 450v wat