سؤال موجه لكل بائع

[TIMO1]

السلام عليكم بعد اذن المشرفين الافاضل انا اسف طبعا لان اعتقد ان ده مش مكان مناسب للموضوع بس والله دخلت على الشكاوى والاقتراحات لقيتها فاضيه ومش عارف ممكن اعمل الموضوع فين هو الموضوع كله وباختصار سؤال موجه للبائعين هو يعنى ايه قابلنى فى اى محطه مترو ؟ يعنى ايه قابلنى وسلم واستلم من غير ما اجرب ؟ليه طالما كل واحد واثق فى نفسه ميجربشى السلعه هو انا مش حقى كمشترى اطمن على سلامه السلعه واشوفها بعينى وهى شغاله ولا دى عادى كله زى بعضه فرضا يا اخى انت جربت الحاجه مره وركنتها(المقصود السلعه بدون ضمان) وراحت للمشترى بايظه وانت راجل حسن النيه تخليه يدب المشوار مرتين ليه ايه المانع لما تجربهالوا عندك سواء فى البيت او المحل او مكان ؟ يعنى ايه تقلى هاديلك ضمان شهر او اتنين وانت بتقابلنى فى محطه مترو هاجيبك منين انا بعد كده لو طلع فى مشكله اسهل حاجه مش هاترود على نمرتى او هاترود واستنى لما تفضى وتجيلى ؟ ياريت يعنى تفكرو فى كلامى كده المفروض والصحيح طالما انا مشترى بدفع فلوس من حقى استلم السلعه وهى على الاقل مجربه وشغاله ويبقى فى مكان اقدر ارجعلك عليه بحيث لو فى مشكلهفى السلعه اقدر اجيلك بيها واطالب بحقى وانا عن نفسى اى سلعه اتممت بيعها جربتها عندى فى البيت وبكتب فى موضوعى قريب من مترو الجامعه والتجربه عندى فى البيت. لان لو حصل كده وبقى فى مشكله يبقى مش هالوم غير نفسى لانى الواحد بيشترى كده سمك فى ميه . اسف على الاطاله بس بجد شىء مستفذ جدا لما اكلم حد ويقلى نتقابل فى محطه مترو وهو رافض مبدا التجربه عنده .واسف للمشرفين الافاضل انا مش بحب اخالف القوانين مره تانيه بس بجد مش لاقى مكان للموضوع اقدر احطه وياريت لو تثبتوا موضوع علشان محدش يقول انا اضحك علياواشتريت حاجه بايظه من غير ضمان بتجربه اى سلعه عند البائع قبل الشراء حتى يتمكن من الرجوع عليه فى حاله وجود عيب .

[kikokika2010]

كلام زى الفل أنت عارف لو رحت مثلا لمحل مستعمل ممكن آخد الحاجة من غير ما جربها لأن لو حصل حاجة أنا عارف هجيبو منين لكن أنا ما شفت القسم هنا أستغربت جدا موضوع المترو دى
بس دة لا يمنع أن فى أخوة فى القسم سمعتهم أحسن من أى محل

[وليد ابو انس]

انا اقول ان فى حاجات ينفع تتباع فى الموصلات او فى اى مكان وفى حاجات لا وغالبا اى هارد وير لا يوجد معاة فاتورة ولسة فى الضمان لازم التجربة وفى بيت الشخص او محلة عشان لو حصل حاجة

وانصح كل مشترى انا لا يشترى من اى حد الا اذا كان ثقة وقديم ومشهور فى المنتدى

[TIMO1]

++++++++++++++++ اتفق معاكم وكلام سليم 100% وفعلا فى ناس سمعتها احسن من اى محل وده مش من فراغ واكيد هاتلاقيهم عندهم محلات زى العضو الممتاز محمود راجح /وادم وفى ناس كمان مش بتجرب لانها واثقه فيهم وفى حاجاتهم وواثقين ان لو فى مشكله مش هايتهرب منه وهياخدها منه ويحللوا الموضوع بدون اى معاناه او قلق .

[hisoo]

انا اعتقد اذا كانت هناك حوادث فرديه حصلت فهى قليله وانا ولله الحمد بقالى 3 سنوات ببيع وباشترى من المنتدى وتعاملت مع اعضاء كثيرين ولم تحدث معى اى غلطه لكن ده لايمنع من الحظر وشاكر ليك على تنبيهك للمشترين وازيدك كمان دعوه للبائعين ان يتقوا يوما يرجعون فيه الى الله فيسالهم عن غشهم للناس وكما قال رسولنا الكريم صلى الله عليه وسلم من غشنا فليس منا (صدق رسول الله صلى الله عليه وسلم )

[Ahmed Elbrbry]

انا اتفق معاك تماما
و الافضل التجربة او فاتورة الضمان

انا عن نفسى قمت ببيع اكثر من منتج دون تجربة
و ايضا اشتريت دون تجربة
لكن كنت اختار من اتعامل معاهم و كنت اسأل عنهم
و الحمد لله كلهم اصبحو اصدقاء
لانى لما كنت ابيع كنت اتصل بالمشترى و اساله عن حالة المنتج بعد تجربته
و لما كنت اشترى وكنت الاقى فى صدق كنت اتصل بالبائع لأشكره على صدقه
و الحرص واجب ومطلوب
خصوصا كروت الشاشة
الرامات
الهاردات

[is master]

كلاامك جميل بس فييه ناس تمنعها ظروفها الخاصه استضافه حد فىالبيت ومن فضل الله ان الاعضاء هنا كلهم محترميييين جدااااااا والحمد لله ودى نعمه من عند الله ودة ميمنعش من حدوث بعض الحوادث الفرديه فى حالات البيع

وحلاات نصب فى حوادث اخرى بس تفتكر لو انسان نيتو مش كويسه هتفرق معاه محطه مترو من البيت عندو ؟

هيقولك انا بعت وانت اشتريت وهيلاابط الموضوع كولو نابع من جوة الشخص ايلى بيبيع

[TIMO1]

كلاامك جميل بس فييه ناس تمنعها ظروفها الخاصه استضافه حد فىالبيت ومن فضل الله ان الاعضاء هنا كلهم محترميييين جدااااااا والحمد لله ودى نعمه من عند الله ودة ميمنعش من حدوث بعض الحوادث الفرديه فى حالات البيع

وحلاات نصب فى حوادث اخرى بس تفتكر لو انسان نيتو مش كويسه هتفرق معاه محطه مترو من البيت عندو ؟

هيقولك انا بعت وانت اشتريت وهيلاابط الموضوع كولو نابع من جوة الشخص ايلى بيبيع والله الناس هنا كلها زى الفل وتمام بس ايه المانع انى اجرب قبل ما اشترى والاستضافه فى البيت ده مجرد 10 دقايق تجربه مجرد بيان ان الحاجه دى شغاله ولا مش شغاله بتسخن ولا كويسه مستقره ولا لا والبرامج حاليا بتساهم بنسبه كبيره فى التست سواء البريم فى الضغط على المعالجات او msi koumbstor للضغط على كروت الشاشه وانا كل الى بقوله اشوف الحاجه شغاله قدام عينيا وصدقنى بتحصل كتير ممكن تيقى الحاجه شغاله والنيه سليمه وتيجى تجربها تانى تلاقيها فقدت النطق . وبعدين يا اخى انا بقول فى المحل او البيت قال رسول الله صلى عليه وسلم (ولاضررولا ضرار) وكل انسان حر فى طريقه شراءه انا بس كنت عايز اعرف ايه الحكمه من التهرب من التجربه .

[a4_n]

الموضوع حلو جدا و انا واثق مليون في المية أنة هيتقفل
بس بجد بجد والله حاجة صعبة جدا أني أشتري حاجة تمنها مثلا فوق 1500 و ألاقي ألي عاوز يبعالي يقولي مش هينفع تيجي البيت علشان الظروف
طيب تعالي انت هجرب حاجتي و خد فلوسك عادي مفيش مشكلة يقولي والله بيتك بعيد

طيب اتاكد إزاي ان الحاجة سليمة و شغالة و اعرف منين اني مش بيضحك عليا
من الأخر مش بشتري سمك في مية
ربنة يوفقنا
بس برضوا عندي فكرة جميلة ممكن المشرفين يفكروا يعملوها حاجة زي معرض السيارات أو سوق السيارات المستعملة
معرض معروف و الناس كلها معروفة فية و الناس ألي عاوزة تبيع تعرض هناك و تدي جزء بسيط للعرض في المعرض
و ألي بيشتري يبقي مطمن انة مش هيضحك علية

[checo4lamor]

ولله يا تامر كلامك زى الفل و انت عارف ان انا من زمان كاره الموضوع ده برضو و كتير بشترى حجات اغلى من تمنها شوية عشان اخلى صحبها يجيلى و اعرف اجرها عندى او لو من بلد تنية برضو بيجيلى و بجربها فى اى شركة كمبيوتر حتى لو القطعة عليها ضمان و فعلا الواحد مش عارف ايه الحل فى موضوع ابو خليعة و المترو ده و طبعا ده بالنسبة للاعضاء الى منعرفش عنهم حاجة اما فى اس بقالها سنين بتشتغل فى المنتدى و باعت يجى بالوفات الالوفات فا خلاص بقو مركة سجلة بس برضو حتى للاعضاء دول فى ناس متعرفهمش و بتبقا عاملة عضوية مخصوص عشان تدخل تشترى حاجة و تمشى فا مبتبقاش عارفة اعضاء المنتدى فا برضصو للامان لازم برضو يجربلهم الحاجة حتى لو كان العضو ده معروض و سمعتو زى البرلنت بس مش هتفرق معاه حتة التجربة دى يعنى و عموما شكر يا تامر على الموضوع و شكلنا هنتجه للعقد فى الاخر هههههههههههههه

[sameh awad]

سلام عليكم
الموضوع جميل بس المضمون اجمل
المترو بقه عنوان الناس اللى عايزه تخلع
لا والمستفز انو ملتزم بالنموذج
المتعلقات .....
الضمان ......
المكان اى محطه مترو هههههه
اللهم ما ارحمنا وارزقنا حسن الخاتمه
واهد كل عاص مسلم يارب

[is master]

فكرة المعرض فكرة مش بطاله ياخونا واللهى بس تفتكر ميين هينفذها لاانها عاييزة محل لو الاخ محمود راجح مثلاا مكانو قريب كان هيكون الشخص المختار لحاجه زى دى لااكن للاسف مكانو بعييد شويه وافضل حل ان الادارة تعمل من ضمن شروط العرض البيع يكون اما فى بيت ا ى من الطرفيين او اقرب محل بيع قطع غيار كمبيوتر او سوق زى السخاوى فى سوق العصر هيكون مكان وسط للطرفيين وسوق معروف لكل شخص ويكون من شروط نموزج العرض التلات اماكن ايلى زكرتهم وايلى يخالف الموضوع يتقفل ايه رايكو ؟

[TIMO1]

فكره ممتازه جدا بس الفكره ان فى حاجات زى كروت الشاشه او الماذرات تستها بيطول فاعتقد انها لو من مكان الشارى محله او بيته يكون افضل بحيث تعرف ترجع عليه تانى لو لاقدر الله فى مشكله لان انت ممكن تشغل كرت الشاشه ويقوم معاك وبمجرد التحميل واللود الكامل يعمل ريستارت او يهنج والماذرات عندك 6ساتا او4 ويو اس بى ولان وساوند معتقدش انك تقدر تعمل تيست عليها كل ده المول ده مش اقل من يومين تلاته علشان تتابع لو فى عيوب ولا حاجه لان انت ممكن واحد يجيلك يجرب عندك وبعد يوم حصل مشكله دور عليه او وخليه يجيلك بعدين هو التجربه عند البائع ده برضه ضمان ليه انه مسلمك القطعه شغاله وسليمه فانت مرتاح وهو مرتاح يعنى انا مثلان لما ببيع حاجه بسيب الجهاز كله للمشترى يجرب الى هو عايزه الوقت الى هو عايزه ويتابع درجات الحراره وثبات القطعه المباعه بس بيحصل معايا العكس انه بيجرب يدخل العبه ويقلى تمام مش عارف ليه من غير ما يكمل وبغصب عليه يلعب بالعافيه اخرها amrmovie حبيبى لما اشترى منى الكرت 460 مع انه صاحبى ومعرفه شخصيه قعدته بالعافيه علشان يلعب ورفعتله الماكس سيتينج بتاع اللعبه والروزولشن علشان يشوف اداء الكرت وثباته . وفى ناس كتيره فى المنتدى هنا الصراحه محترمين جدا وناس اكبر منى سنا وبيعملوا كده وسيبوا الجهاز ويقلك اتفضل جرب براحتك يبقى اعتقد من اقل حقوقى طالما هاشترى سلعه وهادفع مقابل نقدى اشوفها عند البائع شغاله .بس هاضيف حاجه الى بيشجعهم على كده وعدم التجربه ان فى ناس بتوافق على كده وبترضى . بس برده مفيش بائع رد على سؤالى ازاى تدينى سلعه فى المترو بدون ضمان وتقلى اديلك ضمان شهر او اتنين وانا معرفشى مكانك اصلان ولا اعرف ارجع عليك فى ساعتها ؟

[jacope]

السلام عليكم

تحية للاعضاء كلهم
بص بالمناسبة عن الموضوع ده فعلا انت عندك حق في الكلام ده كله انا هقولك حاجات حصلت انا مثلا من الزقازيق وشغلي في القاهرة مقدرش طبعا لما اعرض حاجة اني اخلي اللي هيشتري يجيلي الزقازيق علشان يشتري ويجرب الحاجة ومع ذلك في عضو محترم من الاعضاء اسمة امين والله مرة كنا انا وهو عاوزين نغير كروت الشاشة والرااجل تفضل مشكور ونزلي الزقازيق مخصوص ومع ذلك قابلتو في المحطة وبدلنا الكروت وكارتة طلع في مشكلة وتاني يوم كلمتة وقابلتو ورجعلي الكارت الفكرة بس في الاصل وواحد محترم تاني اشتريت منه رامات من اسكندرية مع اني ولا اعرفو ولا شوفت شكلو بس والحمدلله بقينا صحاب والحمدلله والتاني اشتري مني كارت شاشة وكان فاكر ان في مشكلة وعرضت عليه ارجعلو الفلوس والراجل قالي هشوف ويويمن وقالي لا خلاص انا الكارت شغال وبعد يومين الكارت باظ منه وراح غيرو كله في الضمان طالما انت بتتعامل مع الناس بما يرضي الله يبقي ربنا هيكرمك ولو حد نصب عليك مبروك عليه الفلوس الحرام دا الحرام ده مفيش اسهل منه علي فكرة وكل الناس عارفة كده بس طبعا الحرص واجب ومرة اشتريت كارت شاشة بردو من شخص مع اني روحتلو بيتو وهو في الهرم ومع ذلك تاني يوم اخدت الكارت بتصل بيه علشان الحرارة كانت عاليا ولقيتو قفل المولبيل ياعم ولا عبرني والحمدلله الكارت طلع سليم بس الحرارة كانت عاليا وده طلع ان الكارت اصلا كده بس اظاهر هو مكنش يعرف وكانت نيتة سيئة وفاكر انو ضحك عليا بس الحمدلله الكارت تمام

الفكرة طبعا لازم من اخذ الحرص في كل شيء وبعدها التوكل علي الله وطبعا في ناس محترمة جدا في معاملتها في المنتدي واكيد كل شيء هتلاقي في السيء بس الحمدلله المنتدي السيء اللي فيه قليل

واسف علي الاطالة بس فعلا الموضوع صح والافضل طبعا التجربة عن البائع بس علي حسب الظروف طبعا

[TIMO1]

طبعا كلامك مظبوط انا بتكلم على الى معندوش موانع ومن القاهره ايه الضير من انه يجرب السلعه قبل بيعها انا مش بتكلم على الموضوع من ناحيه المترو وخلاص فى ناس من القاهره وحضرتك من مكان بعيد هل هاتقدر تروح وتيجى حتى لو سليم النيه ولا لو جرب من الاول هايريحك وهى فى الاول والاخر التوكل على الله ثم الحرص يعنى انا من حوالى اسبوع كنت هاشترى شاشه وروحت لصاحبها فى مكان عمله وكانت بحاله سيئه من شكل ومضمون وكان فيها سكراتش كمان مع ان كلامه ليا انها زيرو ومش باين الاسكرتش وهو نفسه بيقلى مكنشى شايفه ممكن فى حاجات صاحب الشان مش بيشوفها انت ممكن تشوفها ومتعجبكشى وكل واحد ليه نظرته انه يتقبلها او لا . وفعلا انا اعرف ناس كتيره من اقاليم بيبقى صعب عليهم التجربه التمسله العذر وكمان حضرتك مش بائع بالشكل الى اقصده انا اقصد الى كل مواضيعه فى المترو وكل شويه عروض وقريب من الشارى يبقى ايه المانع من التجربه .واحنا بشر برده ممكن البائع ياخد سلعه من واحد ويبيعها للتانى على حس انها سليمه وهى مضروره يبقى التجربه افضل (المقصود بالبائع فى الموضوع بالمعنى الكبيرمش بيحدث زينا )

[Ahmed.Saleh]

اخى الكريم ببساطه المسأله مسأله ثقه
عندما مثلا اتعامل مع الأخ كاربون لشراء شئ ما ويقترح محطه مترو للقاء لا اعتقد انه سيبيع الشئ ويهرب فهو كشخص يحمل من المصداقيه ما يكفى للثقه به
وكذلك اى عضو له اسمه بالمنتدى هنا
وكذلك بعض الأخوه الذين يعرضون بأستمرار مثل الاخ محمود راجح اعتقد الكثيرين تعاملوا معه ويستطيعون كتابه كلمات عن الاخ وعن منتجاته ومصداقيته نتيجه لتجربتهم التعامل معه فقط لا غير


وهذا معتمد على مصداقيه البائع وعلى قدرته على الوفاء بوعد الضمان الشخصى
وما تتحدث عنه هو موضوع شخصى والكل على علم مسبق به ويبدوا انك تتعامل مع البيع الشخصى لأول مره

لقد اشتريت Ram , Racing Wheel ,HDD , CPU fan عن طريق البيع الشخصى ولم اجرب اى منهم واغلب من اشتريت منهم كانوا يتصلون ليطمأنوا على حاجيتهم هل تعمل ام لا

وبعت ايضا اشياء كثيره منها رام اتضح انها تالفه جزئيا وتم الوفاء بوعد الضمان الشخصى وجارى استبدالها واعطيت المشترى رامتى الخاصه ليعمل بها حتى اشترى له واحده بديله لها بعد ان اعدت الرام المعطوبه لصاحبها واخذت بدلا منها 2 رام 1 جيجا وهما يعملان وعارضهم للبيع

ببساطه لا تشترى شئ مشكوك فيه او فى بائعه ولا تتنازل عن التجربه مهما حصل
والنصاب شخص ذكى لا يضحك الا على الطماع فأذا كان العرض مغرى ومهم جدا وسعره ممتاز فليزداد حذرك

وهذا الموضوع مكرر تقريبا رأيت واحد مشابه له
ببساطه لا تشترى الا ممن تثق فيه او من سمعته معروفه بالموقع ولا تتنازل عن التجربه حال الشئ من شخص لا تعرفه ولا يعرفه احد بالمنتدى

وقد نصحت فيما قبل بعمل عضويات تجاريه لمن يتاجر فى المنتدى بأستمرار تحتوى على قدر الثقه وقدر عمليات البيع الناجحه التى تم بها وعمليات البيع التى تم الرجوع فيها وسببها وما الى ذلك لكنه سيكون عبئ على المنتدى لا فائده منه يكفيهم وضع قسم لنبيع ونشترى من بعضنا البعض والا اصبح الموضوع بمقابل لمن يتاجر فى مثل هذا الأمر

[yossefzied]

والله أنا لحد دلوقتي مجربتش إني أشتري من حد هنا بسببالخوف وخصوصا في الحجات الكبيرة زي كروت الشاشة كدا .... ومع ذلك جربت مرة أبيع المعالج القديم بتاعي وواحد من الأعضاء هنا إتصل وطلب نتقابل في الشارع علشان كان مستعجل من غير ما يجرب ... طبعا الموضوع كان بسيط أنا فاكر إنو كان ب 200 أو 250 جنية مش كبير أوي .... بس كان معاه كل حاجة الكرتونة والفاتورة ومعاه رقم موبايل وإيميلي وصفحة الفيس بوك اللي عليها العيلة كلها ^^ ..... يعني كان ممكن يوصلني بأكتر من طريقة وبعد كدا شكرني إن كلو تمام

[adelmof40]

اخى الكريم ببساطه المسأله مسأله ثقه
عندما مثلا اتعامل مع الأخ كاربون لشراء شئ ما ويقترح محطه مترو للقاء لا اعتقد انه سيبيع الشئ ويهرب فهو كشخص يحمل من المصداقيه ما يكفى للثقه به
وكذلك اى عضو له اسمه بالمنتدى هنا
وكذلك بعض الأخوه الذين يعرضون بأستمرار مثل الاخ محمود راجح اعتقد الكثيرين تعاملوا معه ويستطيعون كتابه كلمات عن الاخ وعن منتجاته ومصداقيته نتيجه لتجربتهم التعامل معه فقط لا غير


وهذا معتمد على مصداقيه البائع وعلى قدرته على الوفاء بوعد الضمان الشخصى
وما تتحدث عنه هو موضوع شخصى والكل على علم مسبق به ويبدوا انك تتعامل مع البيع الشخصى لأول مره

لقد اشتريت Ram , Racing Wheel ,HDD , CPU fan عن طريق البيع الشخصى ولم اجرب اى منهم واغلب من اشتريت منهم كانوا يتصلون ليطمأنوا على حاجيتهم هل تعمل ام لا

وبعت ايضا اشياء كثيره منها رام اتضح انها تالفه جزئيا وتم الوفاء بوعد الضمان الشخصى وجارى استبدالها واعطيت المشترى رامتى الخاصه ليعمل بها حتى اشترى له واحده بديله لها بعد ان اعدت الرام المعطوبه لصاحبها واخذت بدلا منها 2 رام 1 جيجا وهما يعملان وعارضهم للبيع

ببساطه لا تشترى شئ مشكوك فيه او فى بائعه ولا تتنازل عن التجربه مهما حصل
والنصاب شخص ذكى لا يضحك الا على الطماع فأذا كان العرض مغرى ومهم جدا وسعره ممتاز فليزداد حذرك

وهذا الموضوع مكرر تقريبا رأيت واحد مشابه له
ببساطه لا تشترى الا ممن تثق فيه او من سمعته معروفه بالموقع ولا تتنازل عن التجربه حال الشئ من شخص لا تعرفه ولا يعرفه احد بالمنتدى

وقد نصحت فيما قبل بعمل عضويات تجاريه لمن يتاجر فى المنتدى بأستمرار تحتوى على قدر الثقه وقدر عمليات البيع الناجحه التى تم بها وعمليات البيع التى تم الرجوع فيها وسببها وما الى ذلك لكنه سيكون عبئ على المنتدى لا فائده منه يكفيهم وضع قسم لنبيع ونشترى من بعضنا البعض والا اصبح الموضوع بمقابل لمن يتاجر فى مثل هذا الأمر





مشاركة اكتر من رائعه وتعبر عن اراء بعض الاعضاء
وكنت اتمني عمل سجل " اعضاء موضع ثقة الاعضاء "
يجمع عليه الاعضاء
بالفرض ان كحرته سبق التعامل معاه من قبل الاعضاء
وبعضهم يجمع علي الثقة به وحسن التعامل معه
ويكون هذا السجل مرجع لنا عند الشراء
والرأي لكم وللادارة

[TIMO1]

اخى الكريم ببساطه المسأله مسأله ثقه
عندما مثلا اتعامل مع الأخ كاربون لشراء شئ ما ويقترح محطه مترو للقاء لا اعتقد انه سيبيع الشئ ويهرب فهو كشخص يحمل من المصداقيه ما يكفى للثقه به
وكذلك اى عضو له اسمه بالمنتدى هنا
وكذلك بعض الأخوه الذين يعرضون بأستمرار مثل الاخ محمود راجح اعتقد الكثيرين تعاملوا معه ويستطيعون كتابه كلمات عن الاخ وعن منتجاته ومصداقيته نتيجه لتجربتهم التعامل معه فقط لا غير


وهذا معتمد على مصداقيه البائع وعلى قدرته على الوفاء بوعد الضمان الشخصى
وما تتحدث عنه هو موضوع شخصى والكل على علم مسبق به ويبدوا انك تتعامل مع البيع الشخصى لأول مره

لقد اشتريت Ram , Racing Wheel ,HDD , CPU fan عن طريق البيع الشخصى ولم اجرب اى منهم واغلب من اشتريت منهم كانوا يتصلون ليطمأنوا على حاجيتهم هل تعمل ام لا

وبعت ايضا اشياء كثيره منها رام اتضح انها تالفه جزئيا وتم الوفاء بوعد الضمان الشخصى وجارى استبدالها واعطيت المشترى رامتى الخاصه ليعمل بها حتى اشترى له واحده بديله لها بعد ان اعدت الرام المعطوبه لصاحبها واخذت بدلا منها 2 رام 1 جيجا وهما يعملان وعارضهم للبيع

ببساطه لا تشترى شئ مشكوك فيه او فى بائعه ولا تتنازل عن التجربه مهما حصل
والنصاب شخص ذكى لا يضحك الا على الطماع فأذا كان العرض مغرى ومهم جدا وسعره ممتاز فليزداد حذرك

وهذا الموضوع مكرر تقريبا رأيت واحد مشابه له
ببساطه لا تشترى الا ممن تثق فيه او من سمعته معروفه بالموقع ولا تتنازل عن التجربه حال الشئ من شخص لا تعرفه ولا يعرفه احد بالمنتدى

وقد نصحت فيما قبل بعمل عضويات تجاريه لمن يتاجر فى المنتدى بأستمرار تحتوى على قدر الثقه وقدر عمليات البيع الناجحه التى تم بها وعمليات البيع التى تم الرجوع فيها وسببها وما الى ذلك لكنه سيكون عبئ على المنتدى لا فائده منه يكفيهم وضع قسم لنبيع ونشترى من بعضنا البعض والا اصبح الموضوع بمقابل لمن يتاجر فى مثل هذا الأمر الى اقصده هنا الاعضاء الجدد على فكره اى عضو جديد قابلنى فى المترو مع ان الاعضاء الكبار زى محمود راجح وزى ادم الناس ماشاء الله عليهم تجار كبار بس الاول اكتبسوا الثقه مش من الفراغ انا اول تعارف بينى وبين راجح من سنتين وواصفلى المحل الى كان بتاع صديق ليه قبل ابجريد علشان يجربلى كارت شاشه 7800 ومن غير ضمان وساعتها كان عضو كبير مشاركاته 2000 والراجل معترضشى ولا زعل وفى محل صديق ليه يبقى لازم يبقى فى ثقه فيه علشان هو بيوصل للمشترى احساس بلامان . وبتتكلم على مشرف فى المنتدى الاخ كاربون وانت عضو1000++ مشاركات ده غير السيره الطيبه وبرده انت مش واخد بالك انا بقول انها دلوقتى قاعده عامه المفروض فى الاصل التجربه ولو اتذنقت على الاخر ومقفله من جميع النواعى يبقى فى تجربه فى مكان انما انها دلوقتى تقابلنى فى المترو ومعلشى اصلان انا شايف ان اى قطعه من الكمبيوتر بدون ضمان لا يجب شراؤها الى بعد التيست او على الاقل يبقى حد اسمه ميدل مان رجل وسيط يبقى عارف البائع حد عضو كبير/ عضو تقنى بحيث يقوى الثقه وفى نفس الوقت يكون عارفه شخصيا يعنى بيته او عمله علشان يقدر يثبت الثقه فيه( يا اخوانى الكرام انا مش بشكك فى الجميع ولا بقول ان اى حد بيبع فى المترو غير جدير بثقه انا بتكلم على البيع فى مترو وخلاص بدون اى اسباب فى السلعه التى بدون ضمان) ولو حد شايف ان كلامى غلط وان الموضوع ده مش مستفذ انا على استعداد اطلب غلق الموضوع .

[Ahmed.Saleh]

كلامك تلخيصه فى الأتى
1- لا تشترى قطعه قبل السؤال عليها
2- لا تشترى قطعه قبل معرفه كيفيه اختبارها
3- لا تثق فى احد وهى قاعده عامه غير قابله للكسر الا اذا ..............
4- الا اذا البائع شخصيه معروفه ومحل ثقه ولها ثقلها ومصداقيتها والتى لن تفرط فيها من اجل مكسب 10 او حتى 100ج
5- الا اذا البائع لديه من يدعمه وهنالك من اشترى منه مسبقا وتعامل معه
6- عدد المشاركات ليست دليل على كونه محل ثقه
الغرض ليس تخوين الشارى للبائع ولا العكس:) ولكن قد يحدث شئ للقطعه اثناء الطريق :ah42:مثلا تقع او تصطدم :ah1: بشئ او يحدث شئ يتلفها فى الطريق :ah40: وبالتالى البائع متأكد من ان منتجه يعمل:ah7: والمشترى متأكد انها من اول مره تجربه انها لا تعمل :ah7: وهنا توجد حسن نيه من الطرفين وكلاهما سيلقى اللوم على الأخر بأنها تلفت بسبب اهماله هو :ah16:
وحتى نحن لن نعرف من الجانى ومن المجنى عليه :confused::ah32:

لذا فلا تتنازل عن التجربه لقطع الشك باليقين وموضوع سلم واستلم هذا لا ضرر منه اطلاقا لأن اكيد البائع سيكون حريصا على توصيل القطعه سليمه لتلافى اى مشاكل لاحقه واكيد المشترى سيحرص على القطعه ليحافظ على ماله الذى دفعه فيها

ولكن من يعلم ماذا يحدث فى الطريق