المساعد الشخصي الرقمي

مشاهدة النسخة كاملة : ( مصر ) تجميع جهاز ب 1000 جنيه للألعاب


mazenspeedy
16-09-2011, 19:27
السلام عليكم

انا جديد معاكم وكنت ناوى اجيب جهاز قوى يشغل العاب ما بعد سنه 2011

وها هى مواصفات ما اريد :-

أقصى ميزانيه محدده 1000 جنيه ( قابله للزياده او النقصان بس مش دلوقتى خالص )

استخدامى للجهاز تشغيل العاب 2011 وما بعدها

بخصوص الشاشه هذه صوره للمواصفات https://img853.imageshack.us/img853/1398/unledajv.jpg (https://img853.imageshack.us/img853/1398/unledajv.jpg)

___ هذه 6 صور لمواصفات الكمبيوتر بتاعى علشان تعرفوا اى قطع ستحتاج للتغيير وايها سيبقى


https://img571.imageshack.us/img571/4846/39047134.jpg

https://img189.imageshack.us/img189/1239/76554511.jpg

https://img844.imageshack.us/img844/4995/52685553.jpg

https://img84.imageshack.us/img84/566/27717665.jpg

https://img851.imageshack.us/img851/5407/79700004.jpg

https://img716.imageshack.us/img716/1548/66275452.jpg


بالنسبه لميعاد الشراء هذا هو الشئ الوحيد الذى لا اعرفه ^^ آسف

بالنسبه لمكان الشراء سيكون فى افضل شركه تقترحونها لى

ومحل اقامتى مصر بالمنصوره


والسلام عليكم
ahmedelamir
16-09-2011, 21:02
بالنسبه للاسعار بصراحه مقدرش افيدك بس الاماكن فيه شركة تايجر فى شارع الجلاء جنب محلات البغل العماره دى فيها شركات كتير بس انصحك بشركة تايجر
Ahmed.Saleh
17-09-2011, 00:12
اخى الكريم برجاء قرأه القوانين فى اللنك ده
https://arabhardware.net/forum/showthread.php?t=137126
(https://arabhardware.net/forum/showthread.php?t=137126)
ومن ثم ملئ النموذج التالى


- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك:
mazenspeedy
17-09-2011, 14:11
اخى الكريم برجاء قرأه القوانين فى اللنك ده
https://arabhardware.net/forum/showthread.php?t=137126
(https://arabhardware.net/forum/showthread.php?t=137126)
ومن ثم ملئ النموذج التالى






طلبات كتيره شويه ههههه بس عادى

1- اقصى ميزانيه والله مش عارف بعدين انتو عايزين اقصى ميزانيه فى ايه ؟ يعنى انا طالب اشوف اسعار الحاجات دى مش هتفرق معاكم الميزانيه ولا لأ

لأنى مش ناوى اجيب اقل من القطع دى حتى لو تعدت الميزانيه

2- استخدامى للجهاز للالعاب

3- https://img853.imageshack.us/img853/1398/unledajv.jpg

4- كتبتها

5- اممممممم سأعيد استخدام كل شئ ما عدا اللى طلبت سعره فوق يعنى لن استخدم البروسيسور او كارت الشاشه او الرامات وممكن اجيب هارد جديد وباور سبلاى جديد

6- عندما تتوفر معى كامل المبلغ سأشترى ^^

7- هشترى من مصر المنصوره وان لم اجد ما اريد قد اذهب للقاهره

7- مصر المنصوره

لو فى اى من القوانين لم اقم بها ياريت تقولى عليها لكيلا يحذف الموضوع
EL-MARIACHY
17-09-2011, 14:45
اخى الكريم انا هوضح لك كل حاجه:


1- اذا كنت ترغب فى تجميع جها جديد ، فتفضل بقرأة القوانين و ملئ المنوذج كما قال لك الأخ كحرتا و ان شاء الله سيقوموا يتجميع جهاز عالى الكفأه و هيشغل لك ألعاب 2011 الحديثه كما تطلب و كمان هيشغل لك العاب 2012 و هكذا


2- القطع اللى انت وضعتها ، كانت فى اوائل سنه 2009 ، يعنى حالياً مر عليها سنتين و اكثر و بصراحه هى قطع تعبانه اوى اوى ، مقارنتاً بقطع سنه 2011

3- اذا كنت مُصر على رأيك و ان تجمع جهاز بالقطع التى تريدها و التى ذكرتها فى بدايه الموضوع ، فتفضل ، هذه هى متجار عرب هادروير و هى بها معظم المحلات التى فى السوق و لديهم استعداد كامل ان يفيدوك بالأسعار التى تريديها !

https://arabhardware.net/forum/forumdisplay.php?f=221


4- هذه المحلات ستجد لديها إمكانيه الشحن للمنصوره بمعنى انك لن تنزل و ترهق نفسك بشيل القطع و ركوب موصلات و الرجوع لمنزلك ، بل سيأتى لك كل شيئ حتى منزلك !


5- نصيحه اخيره ، انت قلت عايز جهاز قوى علشان يشغل العاب 2011 ، فحاول تجمع جهاز جديد بدلاً من الجهاز اللى انت رشحته !


لو فى حاجه تانى انا تحت امرك !
Ahmed.Saleh
17-09-2011, 15:07
على الرغم من استيائى لحذف الرد خاصتى :mad: الا انه تم توضيح الأمر جيدا ممن قبل الأخ شريف

هنا التجميع
والمتاجر للأستفسار عن الاسعار
mazenspeedy
17-09-2011, 15:42
آسف جدا شباب

قرأت القوانين ووجدت ان الموضوع به اخطاء كثيره سأحاول تصليحها

وعايز اقول حاجه ان دا افضل موقع عربى خاص بالهاردوير والكمبيوتر وبجد تجد فيه كل ما تريد

والاخ كاحرتا انا ما حذفتش ردك انا ضغط على رد مع اقتباس وقعدت ادور على بقيه الكتابه فلم اجدها ( باين لأنك اصلا مقتبسها )

وبعدما قرأت القوانين اتمنى من المشرفين :-

تعديل عنوان الموضوع ليصبح ( مصر ) تجميع جهاز ب 1000 جنيه للألعاب

سيتم تعديل الموضوع ليكون محتواه لطلبات التجميع
Ahmed.Saleh
17-09-2011, 15:56
شكرا لألتزامك واى عضو عادى ولا حتى انا كعضو تقنى قادرين على حذف المشاركات فلا يهمك وانسى الماضى وسأرد عليك بمجرد وصولى للمنزل ان شاء الله
darkking1990
17-09-2011, 17:10
تفضل اخي هذه التجميعة :

معالج : AMD Sempron 140 ج210
مشتت : الافتراضى القادم مع المعالج
لوحه ام : Gigabyte GA-MA78LMT-S2P ج 375
بطاقه رسوميه : مدمج باللوحه الام ATI Radeon HD 3000 graphics DirectX10
ذاكره (رام) : Kingston 2GB DDR3 1333MHz CL9 ج90
وسائط التخزين : WD Caviar BLUE 5000AAKX 500GB SATA 6GB/s 16MB Cache ج240
محرك اقراص : Samsung 22X DVD-RW DL drive ج115
مزود الطاقه : ملحق بالصندوق وهو ايضا تجارى
الصندوق : ثنائى اليد تجارى بمزود طاقه تجارى 120جـ

اذا ياااخي المجموع هو 1150 جنيه وبالتوفيق
mazenspeedy
17-09-2011, 18:01
تفضل اخي هذه التجميعة :

معالج : AMD Sempron 140 ج210
مشتت : الافتراضى القادم مع المعالج
لوحه ام : Gigabyte GA-MA78LMT-S2P ج 375
بطاقه رسوميه : مدمج باللوحه الام ATI Radeon HD 3000 graphics DirectX10
ذاكره (رام) : Kingston 2GB DDR3 1333MHz CL9 ج90
وسائط التخزين : WD Caviar BLUE 5000AAKX 500GB SATA 6GB/s 16MB Cache ج240
محرك اقراص : Samsung 22X DVD-RW DL drive ج115
مزود الطاقه : ملحق بالصندوق وهو ايضا تجارى
الصندوق : ثنائى اليد تجارى بمزود طاقه تجارى 120جـ

اذا ياااخي المجموع هو 1150 جنيه وبالتوفيق


مش فاهم اى حاجه فى اى خيار ههههههه

المعالج وعرفناه ايه المشتت ده ؟

وايه وسائط تخزين ومحرك اقراص ومزود طاقه و الصندوق ايه دول ؟

وهل فى امكانيه التخلى عن اى شئ مما كتبت ؟

وهل يشغل العاب 2011 على الماكسيموم

واذا اشتريت الجهاز سيظل معى حتى العاب سنه كام ؟
darkking1990
17-09-2011, 18:32
ولا يهمك انا هاترجملك كل حاجه للعربي :D وعندك حق مصطلحات غريبة فعلا:D بس انت عارف علشان طبعا فيه عرب واجانب بيزوروا المنتدى فلازم اللغه دي نبدا باسم الله المشتت يعني مروحه البروسيسر وسائط التخزين يعني الهارد ومحرك الاقراص يعني الديفيدي والصندوق يعني كيسة ومزود الطاقيه الي هو الباور سبلاي بالنسبه 2011 PRO تشتغل هاي مفيش مشكله بس باقي اللعب مابين LOW و Medium والكيسه دي تجارية ومش شرط قوة اللعبة بالسنه مثلا CRYSIS اتعملت في 2007 بتهنج عندي لان الجرافيك بتاعها جبار بينما Alice Madness Returns 2011 تشتغل احسن منها بكتير المهم جرافيك اللعبة شكله ايه ولما ربنا يكرمك هاتلك كرت شاشه خارجي وبالتوفيق
Ahmed.Saleh
17-09-2011, 18:38
شوف اخى انت لديك لوحه ان G31-s2l وهى نفس اللوحه لدى

امامك خيارين لا ثالث لهما
الأول وهو بيع المعالج لديك وسيكون سعر بيعه ما بين 140 الى 160ج حسب سعر المستعمل الحالى

وبهذا يكون معنا مبلغ 1150ج على اقل تقدير

بهذا المبلغ تشترى معالج وهو
Intel® Core 2 Duo 2.93GHz 3MB e7500 سعره 675ج
ويتبقى لنا مبلغ 475ج نزيد عليها 25ج لتصبح 500ج وتشترى بطاقه رسوميه
SAPPHIRE HD 5670 1GB GDDR3 سعرها 500ج

الخيار الثانى هو بيع كل ما تملك من لوحه ام وروام ومعالج وحتى الصندوق ووضع مبلغ ال1000ج على ناتج البيع ووقتها سنرى ما يمكن شراؤه وذلك نظرا الى ان الحل الأول سيصمد معك على اقصى حد عام ونصف او عامان على اقصى تقدير بصوره جيده بعدها الله اعلم كيف ستكون الألعاب وامكانيات التحديث على نفس اللوحه الأم مكلفه وستكون المعماريه قديمه وقتها

اختر ما شئت من الحلين والأول اضمن لك انه سيشغل كل ما يحلو لك من الألعاب
انا لدى بطاقه رسوميه اقل وهى 4670 ومعالج e7400 وكل شئ على ما يرام والعب كل الألعاب على اعدادات معقوله

و تجميعه الأخ darkking1990 وهو مشكور عليها ضعيفه جدا وستكون اضعف مما تملك حاليا او مساويه لها ولن تلعب الا العاب قليله جدا وبصعوبه ايضا

نأتى لأستفساراتك
المشتت = المروحه التى تجدها فى وجههك حال قمت بفك الجانب الخاص بالصندوق وهى مروحه اعمل على تبريد المعالج بأستمرار ليؤدى عمله بصوره سلسه وطبيعيه
وسائط التخزين = الهارد
محرك الأقراص = الCD او الDVD Rome
مزود الطاقه = الباور صبلاى الذى يزود الجهاز بالطاقه
باقى الاستفسارات تم الرد عليها مسبقا
فى انتظار ردك
darkking1990
17-09-2011, 18:38
على فكرة جهازك حلو هو نفس جهاز اخواتي ونفس المعالج العقيم وكارت الشاشه العقيم بس انا جبت واحد خارجي ليهم وهو ATI 5450 وكويس معاهم جدا مش ناقص غير اني اغير لهم المعالج انت ممكن توفر وتعدل في الكيسه الي عندك بدل الكيسه الجديدة وهتكون اقوى كمان بمراحل منها ومستني ردك واختيارك
Ahmed.Saleh
17-09-2011, 18:41
ولا يهمك انا هاترجملك كل حاجه للعربي :D وعندك حق مصطلحات غريبة فعلا:D بس انت عارف علشان طبعا فيه عرب واجانب بيزوروا المنتدى فلازم اللغه دي نبدا باسم الله المشتت يعني مروحه البروسيسر وسائط التخزين يعني الهارد ومحرك الاقراص يعني الديفيدي والصندوق يعني كيسة ومزود الطاقيه الي هو الباور سبلاي بالنسبه 2011 PRO تشتغل هاي مفيش مشكله بس باقي اللعب مابين LOW و Medium والكيسه دي تجارية ومش شرط قوة اللعبة بالسنه مثلا CRYSIS اتعملت في 2007 بتهنج عندي لان الجرافيك بتاعها جبار بينما Alice Madness Returns 2011 تشتغل احسن منها بكتير المهم جرافيك اللعبة شكله ايه ولما ربنا يكرمك هاتلك كرت شاشه خارجي وبالتوفيق

اخى الكريم معالج Sempron ضعيف للغايه وحتى اضعف بطاقه لن تتناسب معه
والاخ لديه خيار افضل بشراء معالج Core2Do وبطاقه رسوميه HD5670 وسيلعب الأن بلا اى تأجيل او تأخير
وهو لا يطلب تجميعه جهاز من البدايه بل يطلب تحديث ما لديه الأن
وهى تجميعه لا ينصح بها بتاتا نظرا لوجود بديل افضل بمراحل واسهل ويمكن تحقيقه بقدر المال الحالى وبعد بيع المعالج القديم
darkking1990
17-09-2011, 18:48
مشكور اخي كحرته على التعديلات وفعلا جميلة وافضل من الجديد بس الباور عنده تجاري ولا من ماركه معروفة فلو تجاري هتبقى مشكله في التعديلات دي اما لو الكيسه وهي في الاغلب تجارية فانا انصح بهذة التعديلات :-
INTEL Dual-Core E5700 3GHZ/2MB بسعر 370 ج
Geforce GT 440 1GB DDR3 بسعر 520 ج وانا اختر الكارت ده لانه يحتاج باور اقل من 4670 و 5570 و 5670 وانا اخترت الكارت د لان اداءة قوي وبيوازي 5670 DDR3
Ahmed.Saleh
17-09-2011, 18:57
لكن المعالج ضعيف
فلننتظر معرفه نوع مزود الطاقه للأخ صاحب الموضوع
والا فلا انصح بمعالج E5700 وارى زياده 160ج وشراء مزود طاقه HEC 350W افضل من تقليل المعالج

الالعاب اصبحت اقوى ومتطلباتها فى تزايد مستمر
بطاقه 4670 لدى بدأت فى الترنح وتسليم الرايه
mazenspeedy
17-09-2011, 18:57
الخيارت كثيره بس لازم اختار الافضل لأنى مش هجدد الكمبيوتر كل يوم

بس انا مكنش فى بالى موضوع تغير الكيسه كلها فدلوقتى انا عندى حلين :-

الاول اشترى بروسيسور قوى وبفضل معايا حتى العاب اكثر من 2011 وكارت شاشه قوى برده يشغل العاب ما بعد 2011 وبالنسبه للرام
انا خلاص قررت اجيب 2 من اللى هيا 2 جيجا او اجيب واحده 4 جيجا واريح دماغى 7 سنين قدام

( فسؤالى هو سعر افضل بروسيسور وافضل كارت شاشه و4 جيجا رام حوالى كام ؟ وهل لو انا جبت الـ3 حجات دول هضطر انى اغير الماذر بورد او الباور سبلاى او اى حاجه من جهازى ؟ بمعنى انى هجيب حاجه تانيه غير الثلاث حجات دول ؟

الثانى انى اغير الكسيه كامله بكل ما فيها واشترى تجميعه اخرى تشغل معايا العاب 2011 وما بعدها

فالاسئله الآن :-


كم سعر البروسيسور وكارت الشاشه والرامات بتوعى ؟

انهى افضل اقتراخ ؟

ولو اخترت الاقتراح الاول كم سعر افضل بروسيسور وافضل كارت شاشه وافضل رامات 4 جيجا تشغل ما بعد العاب 2011

ولو اخترت الاقتراح الثانى كم سيتراوح سعر التجميعه ؟

وعلى فكره فى حجات داركنج كاتبها وانا مش عايزها زى مثلا وسائط التخزين ومحرك الاقراص ما انا عندى ومش عايز اغيرهم وكمان سنتين او ثلاثه هغير الهارد هجيب واحد 500

المهم خلينا دلوقتى فى اللى انا قولتهم
darkking1990
17-09-2011, 19:01
حسنا اخي صاحب الموضوع ممكن تقولنا ايه نوع الكيسة الي عندك وعامه معالج سيليرون حاليا مستعمل لو بعته هيجيبلك 80 جنية والرامات خليها ممكن تزود عليها لانها لو اتبعات مش هتجبلك اكتر من 20 او 30 جنية لان انا كان عندي رامات 2 جيجا وكان معاهم ضمان 4 سنين وكنت عاوز ابيعهم وفي الاخر 60 جنية بالعافيه فمبعتش بس اهم حاجه قولنا الكيسه والباور سبلاي الي عندك واعاوز اعرف اقصى ميزانية ليك
Ahmed.Saleh
17-09-2011, 19:12
حسنا اخي صاحب الموضوع ممكن تقولنا ايه نوع الكيسة الي عندك وعامه معالج سيليرون حاليا مستعمل لو بعته هيجيبلك 80 جنية والرامات خليها ممكن تزود عليها لانها لو اتبعات مش هتجبلك اكتر من 20 او 30 جنية لان انا كان عندي رامات 2 جيجا وكان معاهم ضمان 4 سنين وكنت عاوز ابيعهم وفي الاخر 60 جنية بالعافيه فمبعتش بس اهم حاجه قولنا الكيسه والباور سبلاي واعاوز اعرف اقصى ميزانية ليك


اخى تريث فى الحديث ولا تتسرع ولا تعطى اسعار لا تمت للواقع بصله :D

الرام ال2 جيجا سعرها 125ج وبعد الفصال تباع ب 115ج اقل سعر على الأطلاق

المعالج سعره يتراوح ما بيت 140 ل 160ج حسب المشترى وتوفيق ربنا
اللوحه الG31 لا اعلم كم سعرها مستعمله ويمكن البحث عن عروض بيع للوحه لتعرف بنفسك

وبالنسبه للأخ صاحب الموضوع حتى لا يطول الأمر علينا وعليك حدد اختيارك لأن مبدأ افضل معالج فيوجد Q9550 سعره 1000ج مستعمل وهو رباعى الأنويه :D

بدايه اى تجميعه او اى عمليه شراء هى حدود وامكانيات واختيارات المشترى

الحل الأول موجود عندك وسهل تطبيقه ببيع المعالج لديك وشراء الذى وصفته لك مع البطاقه الرسوميه واذا الباور سبلاى غير معروف تزيد 160ج للباور وايضا سبق وذكرته

الحل الثانى يتوقف على ما سيكون معك بعد بيع الجهاز اولا وبعدها نتحدث واذا غير ضامن ما سيكون معك فلتتجه للخيار الأول الاضمن لك وسيستمر معك سنتين على اقصى تقدير بعون الله

منتظر اختيارك وعلى اساسه سنتحدث فيما بعد
darkking1990
17-09-2011, 19:23
اخي كحرته هل انت متاكد من هذة الاسعار وامتى عرفت الاسعار دي وفين ازاي معالج سيليرون بحد ادنى 140 جنية اذا كان البانتيومINTEL P4 630 /2MB تمنه 180 جنيه وجديد كمان وازاي رامه مستعمله 115 جنيه اذا كانت الجديدة 90 جنية
mazenspeedy
17-09-2011, 19:23
خلاص شباب ان شاء الله هجمع للجهاز

وقررت انى هجيب الاول بروسيسور وكارت شاشه والرامات سيبكوا منها دلوقتى لان الرامات خلاص حددت سعرها 180 جنيه يبقى معى معى 4 جيا رام

فنركز على البروسيسور وكارت الشاشه فأنا اللى مانعنى منهم هوا حاجتين الماذر بورد والبور صبلاى

فدلوقتى انتو تقلولى ازاى اعرف نوع الباور صبلاى

وانا بعد ما اقول لكم على نوعه لو كان حلو توصفولى على اساسه وعلى اساس الماذر بورد بروسيسور كويس وكارت شاشه كويس

لو مش حلو هجيب واحد جديد تنصحونى بنوعه والبروسيسور وكارت الشاشه المتوافقين اليه

ملحوظه اخصموا من سعر الـ 1000 جنيه 180 جنيه تمن الرامات وتقدروا تزودوا عليها سعر البروسيسور اللى عندى وسعر كارت الشاشه وسعر الرامه القديمه برده

سلام هقابلكم بعد ساعه
darkking1990
17-09-2011, 19:30
كحرته اخويا الميزانيه اصبحت دلوقتي 820 جنية يعني من الاخر لو باور تجاري تعديلاتي هتكسب اما لو الباور كويس تعديلاتك هتكسب ومستنين الرد بعد ساعه:D:D
mohamedmoaze
17-09-2011, 19:31
انا معك اخى الغالى فى بعض الحاجات ومع الاخ كحرتا فى البعض الاخر بخصوص المعالج ثمنه حوالى 100ج
او 75 ج
اما عن الرامه فتستحق هذا المبلغ وخصوصا القديم بيكون غالى لقلة وجوده
تحياتى للجميع
Ahmed.Saleh
17-09-2011, 20:26
نحن لسنا هنا فى منافسه وهذه الاسعار يمكن ان تتابعها هنا وهذا المعالج لدى الأخ
LGA 3.06 GHZ 512Cash
والرام 2جيجا DDR2 وسعرها 120ج ويمكنك مراجعه عرضى بيع اى رام DDR2 فى اى منتدى عربى وايضا مراجعه اسعار معالجات الLGA الرام التى سعرها 85ج هى الDDR3 وارجو ان تتابع سعر السوق جيدا قبل الدخول فى حديث عن الاسعار

واكرر لسنا هنا لنفوز ونخسر هنا نقدم النصيحه اذا نعرفها واذا لا فنترك الموضوع لمن يعرف

ويمكن مراجعه هذان الموضوعان لتعرف اسعار بيع المعالجات والرام كمستعمل

https://arabhardware.net/forum/showthread.php?t=253670

https://arabhardware.net/forum/showthread.php?t=253515

شاهد الموضوعان ورد على

ومهما كان الباور فأن زياده المبلغ ستكون اافضل ولا يمكن ان انصح بأقل من الAthlon x3 او الC2D e7500 لمن يريد ان يلعب لفتره طويله على نفس المعالج
والا فأنى غير مسؤل عن نتائج اى معالج اقل من السابق ذكرهم
mazenspeedy
17-09-2011, 20:41
كحرته اخويا الميزانيه اصبحت دلوقتي 820 جنية يعني من الاخر لو باور تجاري تعديلاتي هتكسب اما لو الباور كويس تعديلاتك هتكسب ومستنين الرد بعد ساعه:D:D

على فكره الميزانيه 820 قبل بيع البرويسيور وكرت الشاشه وبعدها امكن تكون 1000 او اكثر

وبعدين اديك نسيت انا كنت طالب ايه

انا عايز اعرف نوع الباور سبلاى

( ملحوظه الجهاز شاريه من سنتين والرامات من سنه )
mazenspeedy
17-09-2011, 20:54
بصوا خلاص بدل كل دا قررت اعمل كذا :-

هبيع :-

البروسيسور اللى عندى

كارت الشاشه ( بس سمعتو انو لو داخلى لازم ابيع الماذر بورد معاه او اجيب واحد جنمبه ياريت تفودونى فى الموضوع ده )

الرامات القديمه اللى هيا 1 جيجا كنت شاريها بـ100 بقالها سنه ممكن ابيعها وممكن لا

هشترى :-

انت تقلولى على نوع برسيسور ( يشغل العاب ما بعد 2011 ) ويكون ملائم للماذر بورد بتاعتى

وبرده تقلولى على نوع كارت شاشه كويس ( يكون 1 جيجا او 512 ويكون vertex & pixel shader مش اقل من 4 )

وتقلولى على نوع باور سبلاى كويس يستحمل معايا الحاجات اللى هشتريها

هذا كل ما اريده وبرده تقلولى ازاى اعرف نوع الباور سبلاى بتاعى علشان لو مش قوى اغيره ولو قوى يستحمل البروسيسور وكارت الشاشه اللى هتقولوا عليهم هسيبه

الميزانيه 1000 جنيه بدون حذف سعر الرامات و بدون اضافه سعر ما سأبيعه

( ملحوظه تقلولى على اسعار ما ستخترونه لى عايز سعر الجديد والمستعمل )

لا اكثر ولا اقل




اذا سمحتم شوفو الينك دا كنت حاطت موضوع عن افضل قطع لتشغيل الالعاب

https://www.zm-online.net/vb/showthread.php?p=317494#post317494

واللى رد عليا مش قليل دا معروف جدا فى مجال الالعاب ولما بينصحنى بحاجه ببقى مطمن منها

وممكن اعطيكم ملخص لها

انى عايز اعرف اسعار الحاجات دى :-

Intel Core 2 Duo 2.0 GHz

intel core 2 duo (r) e 6700 2.6 ghz

NVidia gf 9400 gt اللى سعته 1 جيجا

9800 GTX اللى سعته 1 جيجا

لو جبت البروسيسور الثانى هيشغل العاب كمان سنه او سنتين اما الاول لو جبته هيشغل 4 او 5 سنين

واكرت الشاشه الاول سيشغل برده سنه او سنتين اما الثانى فسيشغل كثيييير

اتمنى لما حد يرد عليا يحقق اللى انا طلبته سواء اسعار او اى شئ
Ahmed.Saleh
17-09-2011, 21:11
الرام ال1 جيجا سعرها 60ج
اللوحه الأم مدمج بها البطاقه الرسوميه و ستبيع اللوحه الأم
وكذلك المعالج سيباع
بأختصار كل شئ سيباع

1000ج بدون اى اضافات احب اقولك يبقى بلاش تبيع وحدث على الموجود عندك افضل بكثير
1000ج كمبلغ فى قمه الضعف لما تتحدث عنه لتشغيل العاب بقوه وتستمر معك لفتره

اقل معالج يفيدك هو الAthlon x3 وبطاقه رسوميه HD4670 على اقل تقدير واليك اقل تجميعه مناسبه

معالج : Athlon II X3 435 2.9GHz ج440
مشتت : الافتراضى القادم مع المعالج
لوحه ام : Gigabyte GA-MA78LMT-S2P ج 375
بطاقه رسوميه : SAPPHIRE HD 4670 512M GDDR3 ج400
ذاكره (رام) : Kingston 2GB DDR3 1333MHz CL9 ج85
وسائط التخزين : WD Caviar BLUE 5000AAKX 500GB SATA 6GB/s 16MB Cache ج240
محرك اقراص : Samsung 22X DVD-RW DL drive ج100
مزود الطاقه : ملحق بالصندوق وهو 350w
صندوق : جاما 350 وات ج300

اجمالى 1940ج واقل من هذا لا انصحك اذا اردت جهاز يستمر لفتره من الوقت ويقبل التحديث

تعرف الباور بأنك تبص عليه وتكتب اللى مكتوب عليه اكبر كلمه مكتوبه او انقل الكلام الأنجليزى المدون عليه وبنسبه 99% هو مزود لا يعتمد عليه ولابد من تغييره
Biko357
17-09-2011, 21:38
اخي.... اذكر نوع المزود لديك ، و الافضل كما ذكر الاخ Ka7rata شراء معالج E7500 و كرت HD 5670 و هذا يتوقف بالطبع على نوع المزود لديك ، و مش لازم تغير الماذر ....
mazenspeedy
17-09-2011, 22:50
هشوف واقولكم
darkking1990
17-09-2011, 23:49
اخي كحرتة

اولا : انا بتكلم عن اسعار مول المستعمل مش المنتديات ولو تحب ننزل انا وانت ونشوف الاسعار بتاعتي حقيقيه ولا لا وياريت اخي كحرته متعتمدش على المنتديات كتير انزل انت السوق واسال واعرف كل حاجه كل حاجه ليها حاجتها مش كده ولا ايه

ثانيا : الرابط التاني المعالج فيه غلط صاحب الموضوع كان بيتكلم عن معالج سيليرون مش بينتيوم 4 ولو تفتكر كلامي انا قولتلك البانتيوم 4 جديد 180 جنية وياريت تشوف الصفحتين دول علشان تعرف مواصفات كل واحد فيهم

https://ark.intel.com/products/27974/Intel-Celeron-D-Processor-347-%28512K-Cache-3_06-GHz-533-MHz-FSB%29

https://ark.intel.com/products/27479

وتشوف بنفسك فرق الاداء و السعر وياريت تراجع مواصفات جهاز صاحب الموضوع الكريم وتتاكد من المعالج