بعد تركيب معالج Q6600 درجة الحرارة اصبحت اعلى فما السبب ؟؟

[م.كاكاشى]

السلام عليكم و رحمة الله و بركاته يا حبايب قلبي

دلوقتي لسه منتقل من E7500 الى Q6600 بفضل الله
وتم تركيب المعالج Q6600 من حوالي سعتين

ودرجة الحرارة فى الخمول وقتى اهو 46-48
و لسه بعمل ضغط لمدة 30 ثانية لاقيت هوووووووب 73 ماستنتش طبعا وقفت الضغط مباشرة

مع العلم..
تم التأكد من تركيب المشت جيدا
تم وضع المعجون ابو 25قرش
و المشت المستخدم بتاع انتل العادي
ونسحة المعالج G0

فسؤالي دلوقتي..
استني مثلا لحد بكرة عقبال ما مفعول المعجون يبدأ ؟؟
ولا كده كده مش هتتغير ؟؟

فى الانتظار
وجزاكم الله كل خير..

[ey@d-i7]

أخي معروف عن معالجات C2Q حرارتها العالية ...
أنصحك إن تخطت الحرارة الـ 80 أن تحضر مشتت إحترافي أو كخطوة قبل هذه جرب تغيير المعجون أبو 25 قرش :)

[م.كاكاشى]

بس برده ماجوبتش ع سؤالي..
الحرارة هتتغير عقبال المعجون ما ينشف ؟؟ ولا كده كده لا ؟؟

و80 ديه مش خطر كده !!
و ايه انواع المعجون المتوفرة و سعارها..
وجزاك الله كل خير يا غالى

[abdo1234]

بسبب إستهلاك الطاقة الكبير ( مقارنة مع C2D ) وما عدا أن لديك فرنان إضافيان لتسخين المعالج ( نواتان :D )

[Extreme2]

معجون ايه اللي حينشف ؟ ابو 25 قرش ؟ :D
لأ طبعا تلك الحالة تنطبق على المعاجين الإحترافية فقط والتي تحتوي على نسبة عالية من الفضة .
بالنسبة للوضع لديك فهو طبيعي نسبيا , لكن يجب ان تعلم أن المشتت الإفتراضي المرفق مع q6600 اكبر حجما من مشتت Core2 Duo او Duall Core , وانت اكيد أخذت المعالج بدون مشتت واستخدمت الموجود عندك .
الحل هو إما بتغيير المشتت لمشتت اخر وليس من الضروري أن يكون احترافي , وممكن اذا لقيت مشتت قديم الخاص بمعالجات P4 أن يعطيك نتائج أفضل .
غير ذلك ممكن تجرب تخفيض الفولت بنسبة بسيطة وسوف تساهم بتقليل 2 الى 4 درجات , اذا اردت التجربة ضع صورة للمعالج من cpuz اثناء الضغط لمدة دقيقة فقط .

[م.كاكاشى]

هيهيهيهيهيهيههيهيهيهيه..:D
اصلي لما فكيت المعالج E7500 لاقيت معجون ناشف لونه رصاصي كده و كان حقيقي عامل شغل عالى عالى..
ففتكرت المعجون اللى حطيطته الابيض(ابو25قرش) هيبقى زيه كده و ينشف بعد مدة.. لكن هيهات هيهات انها مستويات..

وفعلا يا اكستريم عندي مشت تاني بتاع Celeron D و وزنه اثقل و اكبر حبتين كمان ده غير اني ركبتله المروحة اللى بتكون موجوده ع جانب الكيسة ولاحظت انها سريعة جدا..

هجرب.. و لي عودة

[Extreme2]

الموضوع مش انه ينشف المعجون او لأ , كل المعاجين بتنشف سواء احترافية او تجارية .
المعجون عند ارتفاع حرارة المعالج يتحول الى شبه سائل لكن مع شوية جمود , وعند ايقاف تشغيل الجهاز لفترة ويبرد المعالج تمام يتحول المعجون الى جاف .
مسألة زيادة اداء المعجون بعد عمل 200 ساعة ليس لها علاقة بالجفاف أو غيره , وإنما زيادة بترابط المركبات الداخلية للمعجون مما تزيد جودة التوصيل الحراري بين المشتت والمعالج .

[م.كاكاشى]

صدق او لا تصدق..
من ساعة ردي الاخير لحد دلوقتي اهو لسه مخلص..
هقولي لييييييه دول هما مشت و مروحة..
هقولك فيه واحد اين(تيييييييييت) حسدني..
هتقولي ليييييه.. شوف بنفسك وو الله هو ده اللى حصل..
يدوبك غيرت مشت فقط و بشعل الجهاز ملافيش ادنى استجابة فين و فين لما عرفت انى لازم اشيل و احط المعالج تاني و لما لاقيت اسجابة لسه يدوبك باخد نفسي الاقى الهارد ال80GB IDE مش متعرف و فين و فييييييين لما عرفت اعرفه بعد ما طار سن منه.. استني لسه لسه.. :ah41: لسه الوندوز بيفتح و سمعت صوت فى المروحة وفين فييييييييييين لما سكتها.. والحمد لله بعد رحلة لا يلعمها ألا الله.. جدلكم بالسلامة و الحمد لله..



(تلاقيك نسيت ع ايه ده كله - خد ديه)
و تصدف بقى بعد ده كله لم اجد اى تقدم بل هي هي درجات الحرارة..


حاااااااااجة زي الفل مش كده..:ah33:

طب سؤالي دلوقتي..
ااااااااااااايه الحل ؟؟؟؟؟؟؟؟؟؟؟؟؟:ah34:

[Extreme2]

كويس اني بعرف شوية مصري ولا واحد غيري يحتاج ترجمة جوجل علشان يفهم انت كاتب ايه .
ايه اللي انت عملته بالضبط وايه المشتت اللي ركبته ؟
وكم اصبحت درجات الحرارة مع الضغط ؟

[م.كاكاشى]

ههههههههههههههههههه.. طب خد شوية الفصحى دول..
اعذرني يا غالي.. حقيقي شيء متعب..
درجات الحرارة في الخمول بتلك اللحظة 45 و فى الضغط بعد 10 ثواني بتقفز ل73 و بسهولة جدا !!
و لقد ذكرتني اليس من المفترض عندما تصل الحرارة ل72 يتم غلق الجهاز تلقائيا ؟؟
لاني وجد على صفحة انتل ان الدرجة القصوى 71.. ام ماذا ؟؟

وكل ما فعلته غيرت المشت بأخر اثقل و اكبر حجما.. ثم ركبت له مروحة سرررررررريعة.. لكن صوتها مزعج حقا

وما الحل حاليا يا حبيبنا اكستريم ؟!

(معجون سبانخ ام مشت حديد):ah35:

[ahmed50]

انا عندي نفس المعالج يا ككاشي و درجة الحرارة عند الضغط بتوصل 72 فعلا .. ببرنامج برايم ..
و في الخمول 40 45 تقريبا ..
انا شايف ان افضل حاجة تجيب مشتت مائي ب 500 جنيه و تكسر السرعة ل 3.8 و تعيش :)

[unexpected]

مشتت هوائي جيد كافي لكن من شركة محترمة معالجك رباعي ويصدر حرارة عاليا استشر الاخ extreme2 بمشتت جيد. اضافة ارفع صور لبرنامج core temp لقياس الحرارة وبرنامج cpu-z لمعرفة الفولت المستعمل اثناء الضغت على المعالج لمدة دقيقتين ببرنامج prime95. (اهم شي ارفع صور)

[م.كاكاشى]

انا عندي نفس المعالج يا ككاشي و درجة الحرارة عند الضغط بتوصل 72 فعلا .. ببرنامج برايم ..
و في الخمول 40 45 تقريبا ..
انا شايف ان افضل حاجة تجيب مشتت مائي ب 500 جنيه و تكسر السرعة ل 3.8 و تعيش :)
طمنتني يا غالي.. يعنى مش انا بس اللى فى الوخ ده..
هههههههههههه.. حرام عليك يا مفتري بقى 500جم عشان تبريد؟؟ طب ما اجيب Core I5 افضل على كده
وجزاك الله خيرا يا غالي ع ردك المفتري


مشتت هوائي جيد كافي لكن من شركة محترمة معالجك رباعي ويصدر حرارة عاليا استشر الاخ extreme2 بمشتت جيد. اضافة ارفع صور لبرنامج core temp لقياس الحرارة وبرنامج cpu-z لمعرفة الفولت المستعمل اثناء الضغت على المعالج لمدة دقيقتين ببرنامج prime95. (اهم شي ارفع صور)
بالنسبة للخمول 47-47-44-46 دلوقتي اهو .. اما الضغط فمش هينفع ارفع صورة لاني مش هلحق بقولك فى اقل من 10 ثواني من الضغط هوووووب بيوصل ل73 بسهولة كأن مش عليه مروحة تلمه.. مفتري اوي المعالج ده..
وجازك الله يا غلي على ردك الجميل
اديني منتظر اكستريم عقبال ما ينصحني بمشت جيد..
و انا دورت ولا قيت الاتنين دول فأيهم الافضل..
Cooler Master Hyper TX3 CPU Cooler = 120 L.E (https://www.********.com/product.php?id=7338)
Cooler Master Hyper 212 Plus (https://www.********.com/product.php?id=7295)
و لو فيه حاجة افضل من كده ياااااااااريت بس لا يتعدى تمنه ال200جم

[unexpected]

الافضل cooler master hyper 212 plus لكن انتظر راي الاخ extreme2 افضل

[م.كاكاشى]

يا جماعة ممكن حد يقهمنا.. ايه ده
https://www.********.com/product.php?id=6754

[unexpected]

دة كيس لوضع الهارد دسكات ويوجد فية مروحة

[MohammedsF]

المعجون أبو 25 قرش "0.042 دولار على ما أظن !" و ورق السبانخ متساويان في فعالية النقل الحراري ! :D

أخي جبلك معجون ما راح أقلك محترم بس على الأقل نص محترم !! :D

و ما تنسى أن كمية كبيرة من Arctic Silver 5 تساوي أيضاً ورقة سبانخ ! يعني الكمية لازم تكون قليلة كحبة أرز في الوسط أو حبتين "مصري ، أمريكي ، بسمتي" مش مشكلة كله رز... :D

أخي شوف الـVID في CoreTemp بالضغط كم ؟ و ادخل البيوس و تأكد أن هذا الـVID هو ما اختاره البيوس ، في لوحات مثل لوحتي ما شاء الله أكسر السرعة شي بسط ألاقيها اختارت 1.5 فولت للكور و 1.7 للـPLL و المعالج كان لازمه مايوه حتى قبل ما اضغط عليه ! :D
الحمد لله انتبهت له قبل ما يصيف و ادخلت الفولتات يدوي..

[Ahmed_Zidane]

رايى حضرتك لازم تشوف اذا فى اصدار بيوس احدث من الموجود على الموبو
وبعدين مشتت احترافى وتريح دماغك من صوت المروحة بتات انتل المستفذة
وطبعا تكسر السرعة

[م.كاكاشى]

المعجون أبو 25 قرش "0.042 دولار على ما أظن !" و ورق السبانخ متساويان في فعالية النقل الحراري ! :D

أخي جبلك معجون ما راح أقلك محترم بس على الأقل نص محترم !! :D

و ما تنسى أن كمية كبيرة من Arctic Silver 5 تساوي أيضاً ورقة سبانخ ! يعني الكمية لازم تكون قليلة كحبة أرز في الوسط أو حبتين "مصري ، أمريكي ، بسمتي" مش مشكلة كله رز... :D

أخي شوف الـVID في CoreTemp بالضغط كم ؟ و ادخل البيوس و تأكد أن هذا الـVID هو ما اختاره البيوس ، في لوحات مثل لوحتي ما شاء الله أكسر السرعة شي بسط ألاقيها اختارت 1.5 فولت للكور و 1.7 للـPLL و المعالج كان لازمه مايوه حتى قبل ما اضغط عليه ! :D
الحمد لله انتبهت له قبل ما يصيف و ادخلت الفولتات يدوي..

ههههههههههههههههههههههه.. و الله ضحكتني بأسلوبك العسل..
فعلا انا عملت ضغط مافيش هما بالضبط 12 ثانية ووصل المعالج ل77 درجة وش..
وال VID مع الضغط كان 1.3250 و فى الخمول بيبقى 1.1625
فلو فيه اماكنية ااقلل بيها الفولت ده ياريت تقولي يا غالي.. اغير ايه بالضبط فى البيوس ؟؟


رايى حضرتك لازم تشوف اذا فى اصدار بيوس احدث من الموجود على الموبو
وبعدين مشتت احترافى وتريح دماغك من صوت المروحة بتات انتل المستفذة
وطبعا تكسر السرعة
فعلا دخلت ع موقع البوردة ولاقيت بيوس F3 واللي عندي F1 بس ماظنش انه هيحسن الحرارة لان بيوس F2 و F3 بيقول نزل لتوافق الذاكرة..
وشكلي كده هجيب Cooler Master Hyper 212 Plus قريب بأذن الله بسنخليه كحل اخير..

[MohammedsF]

لن تحتاج لتقليل الفولت لأن البيوس يقودها بشكل اوتوماتيكي كما يبدو في CoreTemp بتصاعد و هبوط الـVID ...

كما أن هذا ممكن يسبب مشاكل ..

المشتت CM 212 جيد و راح يفرق معك كثير..

على فكرة اذا وصل prime إلى 80 لا تخاف لأن المعالج هذا يتحمل 100 :D

و لأن هذه الأرقام لن تراها إلا بالـprime و ربما لن يتعدى الـ60 في أثقل لعبة عندك ;)

حد المعالج الممتاز هو 71 درجة و حده لدخول مرحلة التوقف الذاتي 100 درجة..

ادخل البيوس و شوف فولت المعالج الذي اختاره البيوس كم و الـPLL و الـTermination

المفروض بدون كسر لا يتعدى فولت المعالج الـVID الخاص به و هو 1.325 و الـPLL 1.5v و الـTermination 1.30v

[م.كاكاشى]

الفولتات بالظبط زي ما انت قولت بس الPLL لم اجد لها اثرا..
وفعلا فى الالعاب الثقيلة المعالج اخره 68..
لكن مع الداهية GTA IV بيوصل للتوقف الذاتي !!

وعموما هجيب المشت المذكور بأذن الله..
بس قولي اني احسن مع المعالج ده
Cooler Master Hyper TX3 CPU Cooler
Cooler Master Hyper 212 Plus
و لو فى حاجة احسن فى حدود ال200جم ياريت تقولي..

[unexpected]

الفولتات بالظبط زي ما انت قولت بس الPLL لم اجد لها اثرا..
وفعلا فى الالعاب الثقيلة المعالج اخره 68..
لكن مع الداهية GTA IV بيوصل للتوقف الذاتي !!

وعموما هجيب المشت المذكور بأذن الله..
بس قولي اني احسن مع المعالج ده
Cooler Master Hyper TX3 CPU Cooler
Cooler Master Hyper 212 Plus
و لو فى حاجة احسن فى حدود ال200جم ياريت تقولي..
الاحسن Cooler Master Hyper 212 Plus

[م.كاكاشى]

يبقى مافيش ادامي غيره.. و بأذن الله هجيبه بكرة و ربنا يستر
وجزااااااااااااااكم الله كل خير.. بجد افدوني كتيييييييييير:ah7:

[Elmokadim]

انا قرأت الموضوع علي السريع

وفي حاجة يمكن محدش اخد باله منها

الاخ صاحب الموضوع كان يمتلك معالج E7500 وهذا المعالج بتقنية تصنيع 45 نانو ميتر واستهلاك الطاقة 65 وات اي درجة حرارة اقل واستهلاك كهرباء اقل

اما المعالج الجديد Q6600 مصنع بتقنية اقدم وهي 65 نانو ميتر واستهلاك الطاقة 105 وات فلا بد ان تكون الحرارة اكثر من المعالج السابق ولا تقلق يا غالي فهذا امر طبيعي جداً

تحياتي

[MrEhabYoussrey]

استني لحد عقبال ما مفعول المعالج يبدأ ؟؟

جميل حتة "مفعول المعالج يبدأ" دى

[م.كاكاشى]

جميل حتة "مفعول المعالج يبدأ" دى
يههيهييههيهيهيهيهيهيييهيه..
كنت اقصد مفعول المعجون و ليس المعالج..:D

[ghost18_07]

يا جماعة ممكن حد يقهمنا.. ايه ده
https://www.********.com/product.php?id=6754

the enswer is here :) and sorry for no arabic :)
https://www.coolermaster.com/product.php?product_id=2542

ولاكن بخصوص المعالج .. هل هو في حالة جيدة؟
(https://www.coolermaster.com/product.php?product_id=2542)هل هذا يعني أن ليس به أي خلل؟ و الذي يتمثل في ارتفاع درجة الحرارة الناتج عن اشتغاله في درجات عالية أدت الى التأثير في حرارته العادية !
أنا لدي مثله و درجة المعالج عند الخمول هي 35ْ و عند الضغط 62 درجة دون كسر.
و عذرا ان هناك أخطاء

[ghost18_07]

الفولتات بالظبط زي ما انت قولت بس الPLL لم اجد لها اثرا..
وفعلا فى الالعاب الثقيلة المعالج اخره 68..
لكن مع الداهية GTA IV بيوصل للتوقف الذاتي !!

وعموما هجيب المشت المذكور بأذن الله..
بس قولي اني احسن مع المعالج ده
Cooler Master Hyper TX3 CPU Cooler
Cooler Master Hyper 212 Plus
و لو فى حاجة احسن فى حدود ال200جم ياريت تقولي..

و أرجو، التأكد من استعمال مربع الطاقة من فئة جيدة أي شركة محترمة:D

[م.كاكاشى]

جزاكم الله خيرا لكم جميعا.. حقا نعم الشباب..:)