المساعد الشخصي الرقمي

مشاهدة النسخة كاملة : توقف الكمبيوتر اثناء العمل و اثناء التحميل الدوس


_SeiF_
07-10-2011, 00:38
السلام عليكم و حمة الله و بركاته
ياشباب انا عندى مشكلة فى الكمبيوتر و هى ان الكمبيوتر بيهنج و هو لسه شغل بعد مرور ما يقل عن 2 دقيقة بعد التشغيل
و ساعات بيهنج وهو بيشتغل اثناء تحميل شاشة الدوس و ساعات بيعمل ريسترت لوحدة و ياخد فترة على ما يشتغل تانى
haythem1987
07-10-2011, 09:37
شوف سخونة الجهاز يا اخى الحبيب

شوفها من الhealth اللى فى الخصائص بتاع المازر بورد

او ممكن تجرب تحط ايدك على الجزء الالومنيوم اللى مكتوب عليه جيجا بايت هل هو سخن جدا ولا لاء

ويفضل انك تنضف جهازك كويس ببلاور او باالاكاى وان كان البلاور افضل كتير طبعا تشيل الرامة و كابلات الباور وتنضف مكانهم كويس ولو تقدر تنضف السوكت بتاع البروسيسر يكون كويس جدا بس تخلى بالك انك توجه البلاور بزاية عشان يطر الاتربة بعيد وكمان تنضف الباور سبلار من الاتجاهين بتوعه وبزاوية ومتزهقش من التنضيف بالهواء لانه بياخد وقت بس نتايجه ممتازة
وغير بطارية المازر بورد
ونزل وندوز جديد يكون افضل

ياريت يكون دا كله مفيد ليك
Paranormal
07-10-2011, 13:03
بالشكل دا اعتقد ان البروسيسور بتاعك بيسخن مما بيودى لعمل رستارت وساعات الجهاز هيقفل معاك ولازم تصبر شوية لما درجة الحرارة بتاعة تتظبط ويرجع يقوم تانى اتاكد من درجة الجرارة وياريت تشوف المروحة بتاعة شغالة ولا لاء ولو شغالة يمكن عيب نسخة
_SeiF_
07-10-2011, 13:34
شكرا يا شباب على الاهتمام
بس اولا بالنسبة للتنضيف انا بنضف الجهاز كل فترة بالبلاور و الدبليو فورتى ( سبراى رش )
ثانيا انا لسه مغيير كريم التبريد بتاع البروسيسور من فترة تقل عن 6 شهور
ثالثا تم تغيير المروحه بتاعت البروسيسور بواحده انتل اورجينال من فترة تقل عن 6 شهور
ملحوظه الجهاز بيهنج اثناء تحميل شاشة الدوس او لما بيفتح الشاشة السوده
Ahmed.Elsayed
07-10-2011, 15:56
ما هو نوع الباورسبلاى الموجود عندك ؟ وهل مروحة الباورسبلاى تعمل ؟
ولو الباورسبلاى الموجود عندك نوع تجارى و موجود عندك من فترة كبيرة غيره بواحد جديد لو معندكش كارت شاشة خارجى
ولو عندك كارت شاشة خارجى ما تشغلهوش أبداً على باورسبلاى تجارى
haythem1987
07-10-2011, 16:10
اعتقد انك محتاج تعمل CLEAR COMS
_SeiF_
08-10-2011, 02:53
اخى terbo شكرا على اهتمامك
الباور هو فعلا نوع تجارى و اسمه creative power supply 1200 watt و لا يوجد كرت شاشة خارجى و الماذر بورد من نوع giga byte g31
_SeiF_
08-10-2011, 02:55
اخى haythem1987 شكرا على اهتمامك
كيف يتم عمل CLEAR COMS
Ahmed.Elsayed
08-10-2011, 11:51
أنا متفق مع الأخ haythem1987 أن المشكلة ممكن تكون أنك تكون إعدادات غلط فى البيوس لم يتقبلها الجهاز فستحتاج لعمل Clear CMOS
على العموم فك البطارية الموجودة على المازربورد وأستنى شوية و بعدين ركبها تانى ولو الجهاز برضه هنج معاك فك البطارية و ما تركبهاش تانى وأفتح الجهاز لو فتح معاك عادى وظهرلك كلام على الشاشة أشترى بطارية جديدة ولو هنج معاك برضه يبقى العيب من المكثفات الموجودة على المازربورد مع أنها مستبعدة قليلاً لأنها مكثفات معدنية لكنه أحتمال وارد