GB G41 هل هى مشكلة طاقة ؟

[kahled15486]

من فترة واحد طلب منى اجمع لة جهاز بمواصفات كالاتى
MB GB G41
CPU E5700
Ram KingStone 2GB DD3
HDD 500 Blue
DVD RW samsung
Case + Power Normal

الجهاز شغال معاة زى الفل بعد التجميع لمدة اسوبعين تقريبا
واخر مرة قالى الجهاز بيفصل فجأة ومش بيفتح داتا

رحت اشوف الجهاز ...... بيدينى على التيستر لا شئ وشوفت البروسيسور مش بيسخن .. غيرت الباور صبلاى نفس المشكلة

استخدمت افوميتر وقمت بقياس خرج ال 12 فولت اللى بيوصل بالبروسيسور لاقيتة 10.1 فولت ؟؟؟ وجربت على ال 5 فولت لاقيتة 4.2 فولت ونفس الارقام على اكتر من بور .. جربت اشوف الفولتية الداخلة للبور صبلاى وجدتها 170 فولت وليس 220 ولكن كان مكتوب على البورصبلاى ان الدخل 115~230 V رحت بالجهاز عندى البيت وشغلتة من غير ما اقرا الفولتية لاقيتة الجهاز اشتغل عادى وبعدها قريت الفولتية وجدتها 188 فولت تقريبا رجعت للمكان الاول الجهاز اشتغل عادى .. جربت لعبة مجسمة شوية اثناء اللعب الشاشة اتحولت لخطوط ومع اعادة التشغيل عادت المشكلة ومش عايز يقتح داتا تانى .... اخدت الجهاز عندى البيت تانى ولاقيتة مش عايز يشتغل علما ان كانت ساعتها الفولتية 185 وفى نفس الوقت جهاز تانى شغالة عادى بمازربورد MSI G31 .. الغريب فى الامر انى قريت الفولتية على الجهاز اللى فية بوردة G31 لاقيت الفولتية 10.47 وكان الجهاز شغال عادى ... انتظرت ساعة تقريبا وحاولت مرة اخرى تشغيل الجهاز اشتغل عادى وكانت على فولتية 190 بعدها قفلتة وكتبت الموضوع على المنتدى ...

السؤال : هل هذا عيب صنناعة يستدعى انى ارجع البوردة للضمان ؟؟ ولا المازربورد دية بتطلب طاقة اعلى من باقى البورد الـ G41 ؟؟ هل هذه البوردة بالتحديد تحتاج لسبليزر ؟؟


ملحوظة : انا عندى جهازين واحد MSI G31 وواحد Asus G41 يعملان بكفاءة على نفس الفولتية 185~190 ولا يوجد اى مشاكل ... علما بان مشكلة انخفاض الفولتية المتغيرة مشكلة الحى باكملة ولكن الاجهزة تعمل بشكل طبيعى

برجاء المساعدة وفى حال ان كانت البوردة تطلب طاقة اكبر فما الافضل سبليزر ام UPS ؟؟؟ وكم الاسعار ان امكن -مصر-القاهرة- ؟؟

شكرا

[hamedstar]

اخى الكريم يفضل ان الباور يكون فعلى عندك مثلا هيك 300 سعره 120 جنيه ومستعمل فى حدود 65-70 احدث الف مره من الباور التجارى اللى بيسبب مشاكل كتير

علشان تتأكد من قولت الباور ادخل على البيوس وشوف القياسات

وان كنت ارى انك تجيب باور هيك 300 وات مستعمل افضل

وممكن تكون المشكلة مش فى الباور

ممكن تكون سببها فيرس او مشكله فى الرامات

جرب كداااااا وشوف

ممكن يكون السبب ان محتاج تشترى سبليزر لو معروف ان التيار فى المنطقه او الشقه غير ثابتة وفى مشاكل

[kahled15486]

شكرا للمتابعة
بخصوص قياس الفولتية فى البايوس .. انا حاليا مش قادر اشغل الجهاز اصلا
وسابقا لما كان شغال دخلت شفت القياسات كانت مظبوطة 12 و 5 و 3.3 لكن قياسات الكابلات بالافوميتر زى ما ذكرت فى الموضوع اعلاة
اما بخصوص كلامك عن وجود مشكلة فى الرامات .. راجع كلامى عن البروسيسور بالاعلى .. الجهاز كان بدون رامة وكنت بجرب على كارت تيستر وكانت النتيجة ان لا يقرا البروسيسور وغير كدة جربت الرامة على جهاز تانى وعملت عليها تست ومفهاش مشكلة

انا بس سؤالى بسيط .. هل المشكلة تستدعى الرجوع للضمان ؟ ولا هل دية مشكلة ضعف امدادات الطاقة المتغيرة .. اقصد ال AC لانها مش 220 فولت دية 185 فولت

على فكرة انا جربت 4 بورات يالقيم 450w / 750w / 300W / اما بور الجهاز مش مكتوب علية بصراحة

[hamedstar]

يفضل تجرب باور فعلى زى هيك 300 وات او اعلى لو متوافر . او الباورات التجاريه حتى لو كان مكتوب عليها 850 وات بتكون فيها مشاكل كتير

علشان تروح الضمان يفضل تحدد انهى جزء اللى فيه المشكلة الأول جرب الباور ونشوف

لو المنبع مش 220 فولت .يبقى جرب الجهاز فى مكان تانى تكون فيه الكهرباء مستقره لو اشتغل تمام ييبقى هتجيب سبليزر

بالتوفيق

[kahled15486]

انا طبعا مقدرش اشترى بور اصلى علشان اجرب بس جبت بور خاص بجهاز اوريجنال كومبك والباور مكتوب علية Max Outpout 240 W وجربتة على الجهاز اشتغل عادى تحت منبع 194 فولت
للاسف المناطق اللى اعرفها كهربتها مش ثابتة .. بس اكبر مكان وصلت فية كان فية 194 فولت وجربت الجهاز اشتغل وجربت اشغل العاب مجسمة علشان ازود الحمل نسبيا واشتغل تمام

كدة الحل سبليزر ؟؟ .. طيب بالنسبة للسبليزر سعرة كم تقريبا وهل فكرة بتعتمد على تثبيت الجهد عند 220 ولا هو بيظبط لوحدة ؟؟

[hamedstar]

انا طبعا مقدرش اشترى بور اصلى علشان اجرب بس جبت بور خاص بجهاز اوريجنال كومبك والباور مكتوب علية Max Outpout 240 W وجربتة على الجهاز اشتغل عادى تحت منبع 194 فولت
للاسف المناطق اللى اعرفها كهربتها مش ثابتة .. بس اكبر مكان وصلت فية كان فية 194 فولت وجربت الجهاز اشتغل وجربت اشغل العاب مجسمة علشان ازود الحمل نسبيا واشتغل تمام

كدة الحل سبليزر ؟؟ .. طيب بالنسبة للسبليزر سعرة كم تقريبا وهل فكرة بتعتمد على تثبيت الجهد عند 220 ولا هو بيظبط لوحدة ؟؟

الحل هو سبليزر اكيد الاسعار ماعنديش فكره الصراحة بس هو مش غالى تبدأ الاسعار من 100-150 جنيه فيما فوق
طبعا وتجيب باور كويس

[kahled15486]

انا نزلت التحرير سألت على الجهاز وطلع ب 150 جنية زى ما انت قولت بس مصرى .. المهم جبت واحد 1 كيلو فولت/امبير علشان اشغلة للجهاز فقط

فية مؤشر Anlog فى الجهاز مبين ان الكهرباء 220 فولت لكن لما بقيس الكهربا بالافوميتر بلاقيها 185 .. هل دة طبيعى فى عمل الجهاز ؟؟

وعامة الجهاز اللى فية المشكلة شغال حاليا على الكهرباء العادية او مع السبليزر ؟؟ وجارى تجربتة لفترة 24 ساعة للتأكد انها مشاكل كهربا فقط .

[Ahmed.Elsayed]

ممكن يكون الأفوميتر الموجود عندك بايظ جرب قياس الفولتية فى أى فيشة تانية موجودة عندك فى الشقة لو لقيتها أقل من 220 فولت أشترى أفوميتر جديد و جرب قيس بيه
لو الفولت لسه أقل من 220 فولت يبقى فيه مشكلة عندك فى كهربة الشقة أوعى تتكهرب :)

[kahled15486]

ممكن يكون الافوميتر فية مشكلة فعلا .. والله اعلم .. هو عامة افوميتر ديجتال هروح اشترى واحد انلوج باليل ان شاء الله النهاردة .. احيانا بحس انة ادق وافضل من الديجتال

وكمانحاجة غريبة حصلت فى قياس خرج السبليزر لاقيت خرج ال 110 بيقرا 95 وخرج ال 220 بيقرا 185 وخرج الشقة من الفيش العادية 185 عملت حسبة مئوية مع نفسى طلع ان اى حاجة بقسها بالافوميتر ناقصة 25% تقريبا .. حتى قياسات الخرج DC من البور صبلاى كلها ناقصة حوالى 25% تقريبا

حاليا انا بكلمكم من الجهاز صاحب المشكلة وهو شغال على السبليزر تمام بس اتمنى ميكنش فية مشكلة غير الكهرباء علشان ميرجعليش الجهاز تانى ويقولى شفهولى :D وجارى التجربة لمدة 24 ساعة قادمة

انتظرونى بعد قياس الفولت بافوميتر انلوج

[MohammedsF]

أخي الفولتات منخفضة جداً جداً !!

هذا يمكن أن يحدث فقط اذا كان المزود تالف أو الجهاز فيه كرت شاشة قوي و المزود ضعيف..

لكن في هذه الحالة ، طالما أن الدخل للمزود ضعيف طبيعي أن يكون خرجه ضعيف !

الجهاز يحتاج لـAVR أي Auto Voltage Regulator ولا أعرف ما هو السبليزر هذا لكنه ليس AVR لأن الخرج مازال منخفضاً...

تحتاج لـAVR يكون أقوى من المزود ، تحتاج لمزود أصلي محترم بكفائة efficiency جيدة لا تقل عن 80% و بالتالي:

المزود بـEfficiency 80% و خرجه DC باستطاعة 500 واط فإن الدخل AC سيكون 625 واط 220 فولت ، و بالتالي يجب أن يكون الـAVR بقدرة خرج 700 واط أو أكثر في 220 فولت ليكون آمناً ! ;)

أما المزود التجاري التعبان بـEfficiency 50% و خرجه DC باستطاعة 500 واط "اذا وصل لها أصلاً" فإن الدخل AC سيكون 1000 واط 220 فولت و بالتالي يجب أن يكون الـAVR بقدرة 1100 واط أو أكثر في 220 فولت ليكون آمناً !

[kahled15486]

MohammedsF (https://arabhardware.net/forum/member.php?u=13532)

شكرا للمتابعة

بالنسبة للسبليزر هو ال AVR واللى معاية الان هو بقدرة 1000VA مش مشغل علية اى حاجة غير الجهاز فقط
بخصوص الخرج المنخفض انا فقط بتكلم على قياس الافوميتر احتمال يكون الافوميتر فية مشكلة لانة ديجتال .. لكن الفولتميتر المدمج مع الجهاز يظهر الكهرباء دائما من 215~ 225 وهو انلوج . ومع العلم انا بكلمك حاليا من على الجهاز اللى كان فية المشكلة وهو شغال على ال AVR بشكل طبيعى انا فقط بجربة لمدة 24 ساعة للتأكد ان دية مشكلة كهرباء فقط ومش مشكلة فى البوردة .. وعلى فكرة الجهاز مش مزود بحاجات قوية زى كارت شاشة قوى او معالج عملاق .. المواصفات بالاعلى .. مجرد جهاز عادى .. ولكن كتخمين ليس الا اعتقد ان المازربورد GigaByte تحديدا تطلب طاقة اكبر من غيرها فى هذا الجيل .

اما بالنسبة للمزود النضيف . فاكيد كل المزودات التجارية فى الضياع وعن تجربة ولكن اسعار الشعب ياعزيزى :D .. انا مش صاحب الجهاز .. صاحب الجهاز اذا كان ميسر ماديا فاكيد هيشترى مزود نضيف .. بس دة لو فهم الفرق اصلا .. اذا كنت من اهالى القاهرة هتعرف انا اقصد اية

انا ان شاء الله هجيب افوميتر محترم علشان اقيس بية الفولتيات اللى عندى بس عامة حتى الان المشكلة اختفت والجهاز يعمل بشكل عادى

اذا فية اى اشارة لوجود اى مشكلة متعلقة بالمازربورد هذه GigaByte G41MT-S2P ياريت تفيدنى

[kahled15486]

ياجماعة المشكلــــــــة مازالت قائمة بعد كل اللى عملتة :( :(

اولا انا اشتريت افوميتير جديد وطلع القديم بايظ وكان بيطلع قيم للكهرباء غلط .. والقيم الجديدة للكهرباء بالافو الجديد . المنبع: 197فولت ومن ال AVR سبليزر 212 فولت وتم قياس اطراف ال 12 والخرج 12.18 مظبوط وال 5 طلع 5.21 مظبوط .

لكن المشكلة رجعت تانى رغم كل التجهيزات من باورصبلاى وسبلايزر ... كل اللى حصل فجأة ظهر خطوط فى الشاشة بالوان مختلفة بخلفية سوداء وعند اعادة التشغيل حدثت نفس الم**** وعلشان تكون الصورة اوضح المشكلة بعيدة عن الهارد والوندوز لانة من غير هارد بيفتح بهذه الالوان والخطوط دون ظهور اى بيانات على الشاشة .... وبعدها قطع داتا تانى ومرة يفتح داتا و 10 لا .. لا اعتقد مشكلة رامات لانى بشيل الرامات لما بحاول اشغل الجهاز وبكون مركب كارت التستر و البروسيسور مبيسخنش ساعتها وبيدينى على التيستر لا شئ ومرة ظهر 00 نفس القصة :(

البوردة جديد بقالها حوالى 15 يوم فقط !! .. هل دة عيب صناعة ؟! لازم ارجعها الضمان ولا فية خطوات تانى اكشف عليها ..... وهل المعالج ممكن يتسبب فى المشاكل دية علما بانة بوكس يعنى جى بكرتونتة مقفول

ياريت المساعدة العاجلة لانى بدأت امل من الموضوع دة :(

[kahled15486]

معلش سؤال كمان

ازاى اثبت للضمان ان البوردة فيها مشكلة .. لانة لما هيشغلها هتشتغل عادى . مش هيشوف المشكلة ؟؟؟

[Ahmed.Elsayed]

ياجماعة المشكلــــــــة مازالت قائمة بعد كل اللى عملتة :( :(

اولا انا اشتريت افوميتير جديد وطلع القديم بايظ وكان بيطلع قيم للكهرباء غلط .. والقيم الجديدة للكهرباء بالافو الجديد . المنبع: 197فولت ومن ال AVR سبليزر 212 فولت وتم قياس اطراف ال 12 والخرج 12.18 مظبوط وال 5 طلع 5.21 مظبوط .

لكن المشكلة رجعت تانى رغم كل التجهيزات من باورصبلاى وسبلايزر ... كل اللى حصل فجأة ظهر خطوط فى الشاشة بالوان مختلفة بخلفية سوداء وعند اعادة التشغيل حدثت نفس الم**** وعلشان تكون الصورة اوضح المشكلة بعيدة عن الهارد والوندوز لانة من غير هارد بيفتح بهذه الالوان والخطوط دون ظهور اى بيانات على الشاشة .... وبعدها قطع داتا تانى ومرة يفتح داتا و 10 لا .. لا اعتقد مشكلة رامات لانى بشيل الرامات لما بحاول اشغل الجهاز وبكون مركب كارت التستر و البروسيسور مبيسخنش ساعتها وبيدينى على التيستر لا شئ ومرة ظهر 00 نفس القصة :(

البوردة جديد بقالها حوالى 15 يوم فقط !! .. هل دة عيب صناعة ؟! لازم ارجعها الضمان ولا فية خطوات تانى اكشف عليها ..... وهل المعالج ممكن يتسبب فى المشاكل دية علما بانة بوكس يعنى جى بكرتونتة مقفول

ياريت المساعدة العاجلة لانى بدأت امل من الموضوع دة :(
ممكن صورة للمشكلة عندك بالكاميرا الخاصة بالموبايل ؟ :ah3:

وهل كارت الشاشة مدمج ولا خارجى ؟

ولو الكارت عندك خارجى هل قمت بتعديل البيوس الخاص بالكارت ؟

وهل الرامة جديدة أم مستعملة ؟


معلش سؤال كمان

ازاى اثبت للضمان ان البوردة فيها مشكلة .. لانة لما هيشغلها هتشتغل عادى . مش هيشوف المشكلة ؟؟؟

لو عايز تثبت للضمان المشكلة هتاخد الكيسة كلها على بعضها
لكن منصحكش تعمل كدة غير لما تتأكد من سبب المشكلة بالظبط علشان ما تروحش مشاوير على الفاضى

[hamedstar]

راى اولا تعمل فورمات للسى وتنزل وندوز وانتى فيرس كويس وتشوف هيحصل معاك حاجة ولااااااااااا

حصل يبقى عليك وعلى الضمان

او تجرب كل القطع منفصله على جهاز اخر للغايه ما تعرف العيب فى انهى قطعة بالضبط

بالتوفيق

[MohammedsF]

طالما أن المشكلة ليست بسبب الفولتيه و طلع الفولتميتر تعبان !

لنعيد البحث عن العطل...

أولاً:

- هل التستر لديك يعطيك قراءة للفولتية ؟
- هل لديك قراءة لفولت 5v-STB سليمة قبل التشغيل ؟
- هل يوجد قراءة لفولت 3.3v قبل التشغيل ؟
- هل تسمع صفارة بييب عند فك الرامات ؟

توقف الجهاز عن العمل و عودته للعمل بعد نقله اذا لم يكن عيب في الكهرباء فهو عيب يخص الحركة و حمل الكيس !
الاحتمالات هي:

- وجود شحنة استاتيكية بسبب الغبار ، نظف الجهاز من الغبار و جرب
- مشكلة تأريض بين الكيسة و اللوحة ، شغل اللوحة خارج الكيس
- وجود انحناء في صندوق الجهاز و شد اللوحة يجعلها تنحني و تفصل ، شغل اللوحة خارج الكيس
- وجود نقاط لحامات جافة أو مكسورة في اللوحة ، فحص نقاط لحامات اللوحة جيداً
- عدم ثبات لحامات الجسر الشمالي أو الجسر الجنوبي أو وحدة I/O و عادة هو من شركة iTE أو Winbond أو SMC و يجب تجربة التشغيل بعد الضغط على الشيب بالأصبع و اذا اتضح أن العطل منه يجب تسخينه بالبخار لتثبيت اللحامات..
- تلف البيوس و حاجته لاعادة برمجة

* المعالج بارد ؟ شغل اللوحة و المعالج مركب ثم اقطع كبل البور فوراً و قم بقياس مكثف في فازات المعالج "اذا كنت خبيراً كفاية خذ قراءة و اللوحة تعمل" ، اذا أخذت قراءة فهذا يعني أن سوكت المعالج نفسه فيه مشكلة أو لحاماته غير ثابته ، و اذا لم تأخذ قراءة فإما أن العطل في فازات المعالج أو أن العطل في البيوس

للتأكد من فازات المعالج شغل اللوحة بالغصب أو ما يعرف بالقفلة و ذلك كما يلي:

1- افصل كبل الكهرباء عن المزود
2- ضع سلك أو كليب ورق بين السلك الأخضر و أي سلك أسود في سوكت ATX
3- أوصل كبل الكهرباء فيعمل الجهاز فوراً

- اذا حدثت فرقعة أو احتراق في الفاز أو في أي مكان آخر فستعرف أين هو العطل
- اذا ارتفعت حرارة المعالج بسرعة رهيبة خلال 5 ثوان فالمشكلة في الفاز
- اذا ارتفعت حرارة الجسر الشمالي أو الجنوبي أو وحدة I/O فهو معطوب
- اذا ارتفعت حرارة البيوس فهو معطوب
- اذا لم يحدث أي من ما ذكر و لم تفتح داتا قم بما يلي:

- اضغط الآن على زر التشغيل ، هل فتحت داتا ؟

نعم :

- خط 5v-STB فيه انقطاع قبل أو بعد وحدة I/O
- خط 3.3v مقطوع حول وحدة I/O
- اذا فتحت داتا و حرارة الـI/O ارتفعت كثيراً فهو تالف !
- كريستالة النبض AKA كريستالة البور تالفة
- اذا ارتفعت حرارة ترانزستور 1117 "له أرقام أخرى لكن أكثرهم شيوعاً هو 1117" فهو تالف

لا لم تفتح داتا:

- البيوس تالف
- عدم ثبات لحامات الجسر الشمالي أو الجنوبي أو الـI/O أو سوكت المعالج !
- كريستالة النبض AKA كريستالة البور تالفة
- تأكد من الترانزستور 1117
- تلف الـI/O

[kahled15486]

@ MohammedsF

- هل التستر لديك يعطيك قراءة للفولتية ؟
ليست قراءة ولكن لمبات +3.3 / +5 / +12 / -12 وكلهم تمام اثناء التشغيل
- هل لديك قراءة لفولت 5v-STB سليمة قبل التشغيل ؟
لا +5 فقط
- هل يوجد قراءة لفولت 3.3v قبل التشغيل ؟
نعم
- هل تسمع صفارة بييب عند فك الرامات ؟
لا
---------
بالنسبة لانى اعمل اى حاجة من اللى حضرتك قولتها كتثبيت لحمات او تسخين على التشيب كل دة هيجرج البوردة من الضمان والبوردة جديدة اشتريتها من 15 يوم فقط

على فكرة الموضوع دة بيحصل فجأة واحيانا بعد تشغيل الجهاز لاكتر من 12 ساعة

الخطوات اللى انا عملتها حاليا :
- عملت اختبار على الرام ب Mem86 وكان كلة تمام
-شغلت البرودة خاج الصندوق وعلى نفس الباور لمدة ساعتين .. اشتغلت تمام ..
-وجدت ما يشبة الملح على بعض اللحامات على قطع مختلفة(موسفت وقطع اخرى تشبة الترانزستور بس بحجم صغير ) فى اعلى البوردة فوق سوكت الرامات من اليمين .. نضفتها بتنر وفرشاة من النوع الخفيف خوفا من ترك اثار للتنضيف .. ونضفت كامل البوردة من الغبار البسيط الموجود عليها .
-نزلت اخر اصدار من برنامج البايوس متاج من الموقع الرسمى للمازربورد 5/2011 وكان الجديد فى الاصدار :
Fix WHQL S3 issue ودية حاجة انا مش عارفها اصلا ^^ / Support the latest LAN version
وحملتة على البايوس عن طريق برنامج Q-Flash المدمج داخل البايوس .

حاليا الجهاز شغال تمام ما يقرب من حوالى 7 ساعات ..
مش عارف انا حليت المشكلة ولا لا .... انا خايف اودى الجهاز لصاحبة تظهر المشكلة تانى ... انا خبير صغنطوط معرفش كل حاجة طبعا...

بحكم خبرتكم هل المشكلة دية ممكن يسببها البايوس يعنى يتسبب فى تخريف الجهاز فجأة وعدم فتح داتا بعد كدة لمدة زمنية وبعدها يرجع يشتغل لوحدة ؟؟

وهل بعد ما انا عملت اعادة برمجة للبايوس كدة المشكلة اتحلت ؟؟

[kahled15486]

ممكن صورة للمشكلة عندك بالكاميرا الخاصة بالموبايل ؟ :ah3:

وهل كارت الشاشة مدمج ولا خارجى ؟

ولو الكارت عندك خارجى هل قمت بتعديل البيوس الخاص بالكارت ؟

وهل الرامة جديدة أم مستعملة ؟



لو عايز تثبت للضمان المشكلة هتاخد الكيسة كلها على بعضها
لكن منصحكش تعمل كدة غير لما تتأكد من سبب المشكلة بالظبط علشان ما تروحش مشاوير على الفاضى

المشكلة تحدث فجأة اكيد مش هعرف اصورها :D
كارت الشاشة مدمج والرامة جديدة وكل القطع جديدة

@hamedstar (https://arabhardware.net/forum/member.php?u=11205235)

المشكلة بعيدة عن السوفت وير ياعزيزى .. قطع الداتا ملوش علاقة بالوندوز لان ساعتها الجهاز مش بيقوم اصلا غير باور فقط ^^

[Ahmed.Elsayed]

-نزلت اخر اصدار من برنامج البايوس متاج من الموقع الرسمى للمازربورد 5/2011 وكان الجديد فى الاصدار :
Fix WHQL S3 issue ودية حاجة انا مش عارفها اصلا ^^ / Support the latest LAN version
وحملتة على البايوس عن طريق برنامج Q-Flash المدمج داخل البايوس .
وهل بعد ما انا عملت اعادة برمجة للبايوس كدة المشكلة اتحلت ؟؟

تمام كدة قم بأرجاع إعدادات البيوس إلى الأعدادات الأفتراضية حتى لا تحدث أى مشاكل بعد تحديث البيوس
و قيس درجة حرارة البروسيسور فى الخمول وأثناء الضغط ببرنامج HWmonitor وستجد شرح له بهذا الموضوع
>>> https://arabhardware.net/forum/showthread.php?t=248137

[kahled15486]

نتيجة برنامج HW monitor


https://store1.up-00.com/Oct11/T1U00060.jpg (https://www.up-00.com/)

[Ahmed.Elsayed]

درجات الحرارة جيدة ولا غبار عليها بالنسبة لتبريد غير أحترافى إنشاء الله الجهاز سيعمل بدون أى مشاكل لا تقلق :)

[kahled15486]

اتمنى الا تحدث المشكلة مرة اخرى وان تكون فعلا مشكلة بايوس بس حتى الان وصل عدد الساعات 10 ساعات متواصل قفلتة مرة واحدة فقط لنزع كارت التيستر .

واريد ارائكم هل انتظر واخلى الجهاز معاية فترة 24 ساعة اخرى تحت الاختبار ولا اتوكل على الله وارجع لصاحب الجهاز الجهاز واقولة ان شاء الله مفيش مشاكل ؟؟

[Ahmed.Elsayed]

أعتقد أن 10 ساعات كافية لأثبات أن الجهاز سليم توكل على الله و أرجعه لصاحبه :ah49::ah22:

[MohammedsF]

-وجدت ما يشبة الملح على بعض اللحامات على قطع مختلفة(موسفت وقطع اخرى تشبة الترانزستور بس بحجم صغير ) فى اعلى البوردة فوق سوكت الرامات من اليمين .. نضفتها بتنر وفرشاة من النوع الخفيف خوفا من ترك اثار للتنضيف .. ونضفت كامل البوردة من الغبار البسيط الموجود عليها .

:ah41:

هذا أثر رطوبة !

تسبب شورت كهربي و بعد فترة تتآكل اللحامات و أرجل القطع الالكترونية و لا يمكن اصلاحها بعد ذلك !!
الحمد لله انك انتبهت لها ! لكن التنر خطير لا تستخدمه مرة أخرى ، استخدم بخاخ اسمه Contact-90 بدون زيت ، تجده في أي محل اليكترونيات ، ترش به المنطقة و تنظفها بفرشاة أسنان ناعمة و تنتظر بعض الوقت ليتطاير الأثر و اذا كان هناك من تلف و تآكل في اللحام يجب اعادة لحمه ,,

مثل هذه المشكلة لا علاقة للضمان بها !

فالكيس غير جيد التهوية ، و عليك تركيب مروحة شفط Intake في المقدمة و اخرى طرد Exhaust في مؤخرة الكيسة لتحريك الهواء و استبداله بشكل مستمر..

ان شاء الله تكون المشكلة هنا و ليست في مكان آخر,,

أضغط على الجهاز لعدة ساعات و اغلقه و أعد تشغيله أكثر من مرة للتأكد من سلامته قبل اعادته لصاحبه..

[kahled15486]

:ah41:

هذا أثر رطوبة !

تسبب شورت كهربي و بعد فترة تتآكل اللحامات و أرجل القطع الالكترونية و لا يمكن اصلاحها بعد ذلك !!
الحمد لله انك انتبهت لها ! لكن التنر خطير لا تستخدمه مرة أخرى ، استخدم بخاخ اسمه Contact-90 بدون زيت ، تجده في أي محل اليكترونيات ، ترش به المنطقة و تنظفها بفرشاة أسنان ناعمة و تنتظر بعض الوقت ليتطاير الأثر و اذا كان هناك من تلف و تآكل في اللحام يجب اعادة لحمه ,,

مثل هذه المشكلة لا علاقة للضمان بها !

فالكيس غير جيد التهوية ، و عليك تركيب مروحة شفط Intake في المقدمة و اخرى طرد Exhaust في مؤخرة الكيسة لتحريك الهواء و استبداله بشكل مستمر..

ان شاء الله تكون المشكلة هنا و ليست في مكان آخر,,

أضغط على الجهاز لعدة ساعات و اغلقه و أعد تشغيله أكثر من مرة للتأكد من سلامته قبل اعادته لصاحبه..


جارى التجربة لفترة 20 ساعة قادمة بس هل Contact-90 هو هو اسبراى AKAi ولا دة غيرة ؟

[kahled15486]

تم تنظيف مكان الاملاح باسبراى اكاى لانى لم اجد الاسبراى اللى انت ذكرتة .. عملتة عدة مرات وتعتبر الرطوبة شبة اختفت ولكن مازال هناك اثر ولكنة متوسط مش زى الاول

وجربت الجهاز الى ان وصل الى 15 ساعة بدون اى مشاكل وصاحب الجهاز طلبة وسلمتهولة .. اذا ان فية اى اشارة لاى حاجة تانى حفاظا على سلامة البوردة قولولى علشان ميرجعليش الجهاز تانى

[MohammedsF]

لا أعرف الأكاي هذا لكن اذا كان بخاخ أيروسول مصمم للوحات الاليكترونية و لا يترك أي أثر وراءه و لا يحتوي على زيوت فهذا هو.. و هناك أنواع أيضاً تمتص الشحناة الاستاتيكية و لها قدرة و أفضلها التي تمتص شحنات بقدرة 30.000 فولت.. اذا كان هناك أثر لكن ليس هناك تلف في اللحام أو الأرجل فلا مشكلة و ان شاء الله تكون المشكلة انحلت ، لكن حتى لا تعود مشكلة الرطوبة قم بتركيب المراوح لتحريك الهواء باستمرار كما قلت لك سابقاً,,

[kahled15486]

@MohammedsF

بالنسبة لاسبراى الاكاى هو خالى من الزيوت ودايما بستخدمة لتنضيف سوكتات الرامات وال PCI وكدة ... عامة هو لسة فية اثر بس مفيش تأكل فى اللحامات .. وتم تركيب مروحة خلفية لعدم وجود مكان لمروحة امامية فى الكيسة .. وحتى الان المشكلة اختفت ومحصلتش تانى والحمدلله والجهاز عند صاحبة شغالا بكفاءة

شكرا يا استاذ محمد وشكرا لكل اللى ساعدونى فى المشكلة وحلها ... ربنا يكرمك ويوفقكم يارب

[MohammedsF]

العفو أخي و الحمد لله على سلامة الجهاز... :D