لو سمحتم عايز اعرف يعنى ايه مشكلة عنق الزجاجة فى عالم الكمبيوتر ؟؟؟

[thebrokenhearte]

السلام عليكم ورحمة الله وبركاته

لو سمحتم يا جماعة انا شوفت مصطلح غريب فى مواضيع كتير
وشوفت ان فى ناس بتتكلم عن حاجة اسمها عنق الزجاجة
لو سمحتم يعنى عايز اعرف حاجات عنها
1 .. يعنى ايه عنق الزجاجة ده
2 .. وبيحصل فى ايه بالظبط فى الجهاز
3 .. وايه خطورته او عيوبه و ايه تأثيره على اداء الجهاز

فياريت حد يفهمنى الموضوع ده بالله عليكم

وشكرا لكم جميعا مقدما

[alpoop20]

المقصود بيها ان مثلا كده بالعربى بالعامية انت مشغل جهاز راكب فيه بوردة اخر سبورت بتعها هو البروسيسيوير بتاعك فطبعا مبتبقاش مدياك كفائتها وبالتالى البروسيسيوير مابدكش كفائته او مثلا مركب كرت شاشة عالى على بروسيسيور ورمات عادية جدا من هنا بيطلق عليها Neck of the bottle او زى ما انت قولت عنق زجاجة

[unexpected]

عنق الزجاجة هو اسم علي مسمي
هات كدة زجاجة مياه وحاول تفضيها كلها في اناء كبير هتأخذ مثلا معاك 20 ثانيه وهي بتكركر
لكن لو قطعت الجزء الضيق أعلي الزجاجة بمجرد قلب الزجاجاة هتجد أن المياه كلها اتفرغت في ثانية واحدة
كذلك عنق الزجاجة
فانه يكون شئ ضعيف في الجهاز فذلك يؤثر تأثير سلبي علي بالقي المكونات
يعني مثلا عندك معالج CORE I7 ورامات 16 جيجا
وكارت شاشة 8400GS يبقي كدة لو حبيت تشغل أي لعبة مش هتشتغل مع أن المعالج وارامات عاليين
لكن الكارت هنا عامل عنق زجاجاه لقوة البروسيسور والرامات
والعكس صحيح
لو أن عندك كارت 6770 ورامات 8 جيجا
ومعالج سيلرون
يبقي الألعاب عندك ممكن متشتغلش أساسا
لماذا؟؟
لأن المعالج يمنعك من الحصول علي قوة باقي العتاد. :)

[A.S.M.O]

طيب انا امكانيات جهازي ممكن تعمل الموضوع ده ؟؟ الامكانيات في الجنب

[therus000]

لقد تم الشرح هنا من قبل اعضاء المنتدى
https://arabhardware.net/forum/showthread.php?t=267684&highlight=

واخص بالشرح السيد unexpected (https://arabhardware.net/forum/member.php?u=11248776) شرح وافي وكافي
شكرا

[mostafaeng_2011]

يعني خلاصة الكلام عنق الزجاجة هو ضعف أو قوة أحدى القطع الرئيسية في الجهاز مما يسبب عدم التجانس وأشهر مشاكلها الشاشة الزرقاء (شاشة الموت) أكتبلنا مواصفاتك وهنرد أن شاء الله

[Extreme2]

ممكن تسميه أيضا نقطة ضعف بالجهاز كمصطلح يشمل جميع ما ذكر .