ما هي عنق زجاجه

[advelbakali]

السلام عليكم

رأيت بعض المواضيع تتكلم عن عنق زجاجه

ففهمت أنها تتعلق بكارت الشاشة

فهل معلوماتي خاطئة وما هو الصواب

[unexpected]

عنق الزجاجة هو اسم علي مسمي
هات كدة زجاجة مياه وحاول تفضيها كلها في اناء كبير هتأخذ مثلا معاك 20 ثانيه وهي بتكركر
لكن لو قطعت الجزء الضيق أعلي الزجاجة بمجرد قلب الزجاجاة هتجد أن المياه كلها اتفرغت في ثانية واحدة
كذلك عنق الزجاجة
فانه يكون شئ ضعيف في الجهاز فذلك يؤثر تأثير سلبي علي بالقي المكونات
يعني مثلا عندك معالج CORE I7 ورامات 16 جيجا
وكارت شاشة 8400GS يبقي كدة لو حبيت تشغل أي لعبة مش هتشتغل مع أن المعالج وارامات عاليين
لكن الكارت هنا عامل عنق زجاجاه لقوة البروسيسور والرامات
والعكس صحيح
لو أن عندك كارت 6770 ورامات 8 جيجا
ومعالج سيلرون
يبقي الألعاب عندك ممكن متشتغلش أساسا
لماذا؟؟
لأن المعالج يمنعك من الحصول علي قوة باقي العتاد. :)