المساعد الشخصي الرقمي

مشاهدة النسخة كاملة : ممكن شرح Ip Routing Process


baher 1
02-11-2011, 04:02
ممكن شرح Ip Routing Process انا مش فاهم ازاى الفريم والباكيت بتتكون لما يتم نقل الداتا من كمبيوتر لاخر

https://www.4shared.com/photo/FNpMzyb5/arp_-cashe.html

نفرض فى هذا المثال السابق PC0 عمل بينج على PC1 مما تتكون الباكيت والفريم فى هذه المراحل و فى حالة رد PC1 على PC0

انا عايز اعرف الماك ادرس لما بيتغير هيبقى ايه
ليه بيتغير
وانهى مرحلة من عمليه النقل بيتغير
وكام مرة هيتغير

ياريت يا جماعة حد يقوم بشرح وافى ل Ip Routing Process و ARP CACHE
Foadd
07-11-2011, 23:19
بص من الآخر هقولك حاجه سريعة دلوقتي وان شاء الله أبقى أعمل مشاركة مفصلة بس عشان الوقت

الراوتر بياخد قراره بناء على الـ IP عشان كده احنا بنقول ان الراوتر Layer 3 Device الراوتر لما الباكت بتجيله بيبص على الـ Destination IP ويقوم باصص في الـ Routing Table بتاعه وبيبدأ يتخذ قراره ( اللي هو هيطلع الباكت دي منين ) .

أما الـ ARP فوظيفته ببساطه ان بيجيب الـ MAC بناء على الـ IP بص ياجميل جوه الـ LAN بتاعتي عمري ما هروح للراوتر إلا في حالة واحده وهي إني أخرج برا الـ LAN دي طيب دلوقتي أنا في الـ LAN بعتمد على MAC عشان الأجهزة تكلم بعضها ولو معرفتش الـ MAC الـ ARP بيحللي المشكلة وبيروح مكلم الناس كلها ويقول يا ناس يا هوه اللي الـ IP بتاعه كذا يبعتلنا الـ MAC بتاعه وبكده الأجهزة بتعرف الـ MAC بتاعة بعضها . طب فرضا اني عاوز أخرج برا خللي بالك الراوتر هيخرجني برا بس لما أوصل للـ LAN اللي أنا عاوزها الـ IP بتاعي مش هيبقى ليه لازمة والـ MAC هو اللي هيستخدم يبقى اللي هيحصل كالآتي :

1 - الجهاز هيروح للراوتر والفريم هيبقى فيها الـ Source بتاع الجهاز والـ Destination MAC بتاع الراوتر
2- الراوتر هياخد الباكت اللي جواها الفريم والفريم تطلع بالـ MAC بتاع الراوتر عشان تروح طريقها والعملية دي بتكرر كل ما أعدي على راوتر
3 - في طريق العودة كل حاجة بترجع لأصلها تاني

ممكن المفهوم بتاع النات نستفيد منه هنا الفكرة اني باخد عنوان مؤقت لحد ما أوصل وبرجع أخد عنواني الأصلي وأنا راجع


يارب أكون قدرت أوصلك معلومة واحده بس مفيدة ليك وان شاء الله تقدر تفهم كل الحاجات اللي بتقابلك

والسلام عليكم
baher 1
10-11-2011, 14:13
شكرا يا باشا ع المعلومات الجميلة دى
Foadd
15-11-2011, 16:34
ياعم عللاى قدنا كده وان شاء الله تخلص الـ CCNA قريب ونباركلك كلنا
baher 1
15-11-2011, 17:35
الله يبارك فيك انا فعلا لسة واخد الشهادة من اسبوع كدا
Foadd
16-11-2011, 21:21
ألف ألف مبروك وان شاء الله الـ CCNP قريب ان شاء الله شد حيلك