اعتذار منى رسمى على موضوع (اتنصب عليه عشان ائتمنت ناس وفى الاخر انا الى لبست )

[Tayfoor]

السلام عليكم ورحمة الله وبركاته



اولا كل عام وأنتم بخير بمناسبة عيد الأضحى المبارك، أعاده الله علينا وعليكم بالخير واليمن والبركات، وتقبل الله منا ومنكم صالح الأعمال

بدون شرح مفصل
طبعا الاخوة الاعضاء عارفين بالى حصل (بما حدث سابقا) المهم كلمت استاذ محمد خليفة عشان اعرف بموضوع الشاشة يوم الخميس الى فات قالى انتظر ليوم الاربعاء طبعا لم يرد اى حدث يوم الاربعاء وعليه اتصلت باستاذ محمد خليفة صباح اليوم وقالى الشاشة وصلت وعند ايمن زغروف (الشاشة لم تستبدل بواحدة اخرى جديدة ولكن تم تغيرر البوردة على حد قول محمد خليفة ) (بعد عدة مكالمات)
استاذ محمد قالى الشاشة هستلمها بعد اعتذار رسمى (علما انا لسه مشوفتش الشاشة ولا جربتها وكنت مسملها شغالة بس بيطلع منها ريحة شياط) بس من الحقائق التى تذكر ( الشاشة بدون فاتورة ووصل البيان ليس معترف به كافاتورة)

وعليه كالاتى



اقدام اعتذار رسمى لــــــ (محمود راجح) و (ايمن زغروف)

[WOR]

بصراحة بعد ما قريت كل الردود فى الموضوع الاصلى انا شايف انك اكتر واحد اتضررت فى الموضوع حتى لما احتديت على صاحب المحل انا شايف ان كان معاك حق بسبب انك عمال يتلعب بيك من كل الاطراف .... لكن على كل حال انت اللى تستاهل علشان اخترت انك تشترى شيئ بفاتورة مضروبةمن غير اسم محل ولا رقم تليفون ولا ختم معتمد ( مجرد بيان ) .... على كل حال محدش بيتعلم ببلاش لأنك برضه بعد كل ده اخدت شاشة مفتوحة ومتغير ليها البوردة يعنى مبقيتش تساوى نص تمنها

وبصراحة انا شايف ان الاولى بالاعتذار هما الناس اللى فضلوا يلعبوا بيك ايام وشهور ... وانا اسف على كلامى لو كان جامد على كل الناس

[hossam_9181]

الاعتذار كان واجب من الاول يا كريم ومعتقدش ان حقق كان هيضيع مع الناس دى
الاخ محمود والاخ ايمن
وبتوفيق للجميع

[Ahmed Elbrbry]

انت قدمت اعتذارك يا كريم
لما تستلم الشاشة جربها كويس وقولنا ايه الاخبار
و ده درس كلنا بنتعلم منه ان محدش يشترى حاجة غير لما يتأكد من اوراقها كاملة

[Tech Merchant]

السلام عليكم اهل المنتدى الكرام كل سنة و انتم بخير - انا اسف جدا للإخوة الكرام و لكن فعلا ده رأى

1- بلاش التحيز الشديد للاخ محمود لانه اساس المشكلة و انه فعلا اتلاعب بكريم و كان احسن له انه يرجع الفلوس من الاول و مكسب الناس احسن من كنوز الارض و لا حد يقول عليه نصاب

2- اولا الاخ محمود غلطان بشدة فى الى حصل - المشتري ليه دعوة بمحمود مش الاخ زغروف و بالتالى زكر الاخ زغروف كان خطأ

3- الاخ محمود عليه الاعتذار ايضا و بشدة لانه السبب اساسا فى المشكلة دى

4 - ضيعت حقك يا كريم لانك من الاول ما وضعتش حد قاطع يا الشاشة يا الفلوس و فى الاول و الاخر محمود تاجر و للاسف اختار المكسب القريب

و دى كلمة حق لان الكل متحامل على كريم و كأن محمود معصوم من الخطأ و ده درس لينا طالما بنتاجر و بنتعامل بمبدأ التجارة بتاعت اليومين دول مس التسامح

اللهم ان كنت مخطئ فإنه منى و العفو و المغفرة منك فجد على بما هو منك يا ارحم الراحمين

[k@spersky]

الاعتذار من شيم الكبار أخ كريم وإن كان كثير من الإخوة هنا قد لاموا عليك غضبك وبعض الألفاظ التي قلتها في حق محمود ( هو سبب المشكلة وكان في يديه حلها بسهولة) فالعجب أنهم لم يعدلوا في تحاملهم الكامل عليك والعدل يقول أنك إن كنت مخطئا في بعض الألفاظ مرجعها إلى الغضب وإلى التجاهل (والتلاعب إن شئت) فعلى كل من أخطأ أن يعتذر سواء أنت أو محمود او اي مشارك في هذه المهزلة فلا أحد فوق النقد وبطلوا بقى التعامل مع الناس بطريقة الأهلي والزمالك وأن فلان لا يخطئ وأنه محترم و و و و .. فالحق أحق أن يتبع... وعلى من يقول أنك أخطأت بأخذ جهاز بدون فاتورة أقول وهل ائتمان الناس أصبح جريمة وهل كلمة الشرف أصبحت المستحيل الرابع ... خاصة أنكم تمدحون في أناس يأعينهم مما يشجع الناس على ائتمانهم ... ثم بعد ذلك تلقون اللوم على المعتدى على حقه ... أمر عجيب

[DareL]

يجب علي كل شخص يشتري اي شيء ان يأخذ الحرص

بالفعل هم اخرجوك عن شعورك و انا لو مكانك و دوخوني شهر و نصف هعمل زي الي انت عملته و اكتر

[master2014]

كبرت في نظري استاذ كريم بعد اعتذارك , لقد اطلعت علي الموضوع الاصلي بالكامل , ولك عذرك لانك انتظلرت فترة طويلة

اما بالنسبة الي لاستاذ محمد انه يطلب منك الاعتذار قبل استلام الشاشة فهذا نوع من انواع لي الذراع ولا يصح بالمرة

[Ahmad.Sh]

كبرت في نظري استاذ كريم بعد اعتذارك , لقد اطلعت علي الموضوع الاصلي بالكامل , ولك عذرك لانك انتظلرت فترة طويلة

اما بالنسبة الي لاستاذ محمد انه يطلب منك الاعتذار قبل استلام الشاشة فهذا نوع من انواع لي الذراع ولا يصح بالمرة

عندك حق فعلا ده اسلوب مش كويس خالص في التعامل وهتتاخد عليهم كلهم محمود وايمن ومحمد خليفه

[م.كاكاشى]

و الله يا كريم انت اللى صعبان عليا فى الموضوع ده كله..
( انت اللى غلطان وانت اللى صبرت و اتحملت و انت و انت وانت....)
و الاعتذار هنا طبيعي جدا.. و ارجو التوفيق بين كل الاطراف..
واديكو اتعلمتم سواء كريم او محمود..

وعجبني رأي Tech Merchant (https://arabhardware.net/forum/member.php?u=11255847)

[DareL]

فعلا هذا لوي دراع

اعتذر قبل ما هتاخد الشاشه

طب مش معتذر الا لما اخد الشاشه

[محمد خليفه 1]

لا حول ولا قوه الا بالله معقوله الناس مش فاهمه لحد دلوقتى يا اخوانا الموضوع ان ايمن بيعمل خدمه لكريم خدمه خدمه وبما ان التوكيل مش تحت امر ايمن الشاشه اتاخرت كريم عمل الموضوع ده ياريت محدش يتسرع ويكتب كلام مش فاهمه ايمن بيعمل خدمه لكريم كان ده جزاته البهدله على النت هو ومحمود راجح وكريم تفهم ده واعتذر للناس ياناس افهموا

[محمد خليفه 1]

هتكلم بطريقه ابوك هيبيع البيت يا معلم سلطان ايمن قال لكريم علشان بيتك بعيد انت فى وسط البلد وانا فى المرج والشاشه من شركه فى عين شمس خدمه منى هوديلك الشاشه الضمان حلو كده الكلام واضح يا ابو السلاطين ايه اللى حصل بقه الشاشه التوكيل اخرها كريم عمل موضوع يتهم الناس بالسرقه والنصب حلو كده يا معلم الراجل عرف انه اتسرع وغلط فى الناس اعتذر اعتقد كلامى مفهوم كده يا ابو السلاطين

[™PoWeR]

انا شايف ان كريم كان اعتذر بعد ماخد الشاشه مش قبل الشاشه
ثانيا الاعتذار كان المفروض منه هو شخصيا ولا يكون مجبر عليه من قبلك اخى محمد ( يعنى اعمل اعتذار وخد الشاشه )
دى كلمه وتنويه حبيت انى اضيفه وكل عام وانتم بخير

[DareL]

انا شايف ان كريم كان اعتذر بعد ماخد الشاشه مش قبل الشاشه
ثانيا الاعتذار كان المفروض منه هو شخصيا ولا يكون مجبر عليه من قبلك اخى محمد ( يعنى اعمل اعتذار وخد الشاشه )
دى كلمه وتنويه حبيت انى اضيفه وكل عام وانتم بخير

كلام في الجون

[محمد حسن احمد]

راجل والله يا كريم عمر الاعتذار ماكان غلط ابدا ...فتحيه ليك وخلاص بقي يامحمود وايمن كلنا هنا اخوات وعائله واحده ( ياريت نتعامل كده ) ... ومنتظر من محمود وايمن رد في الموضوع بقبول الاعتذار والصلح خير واقسم بالله مفيش حاجه في الدنيا ديه تستاهل ابدا كله زايل ... تحياتي لكريم ولمحمود وايمن ... وكل سنه وانتم طيبين ...

[WOR]

لا حول ولا قوه الا بالله معقوله الناس مش فاهمه لحد دلوقتى يا اخوانا الموضوع ان ايمن بيعمل خدمه لكريم خدمه خدمه وبما ان التوكيل مش تحت امر ايمن الشاشه اتاخرت كريم عمل الموضوع ده ياريت محدش يتسرع ويكتب كلام مش فاهمه ايمن بيعمل خدمه لكريم كان ده جزاته البهدله على النت هو ومحمود راجح وكريم تفهم ده واعتذر للناس ياناس افهموا

خدمة ايه دى اللى بيعملها ايمن لكريم !!!!!!
ياجماعة ما تسموا الحاجة بمسمياتها الحقيقية وبلاش عواطف والكيل بميكيالين
ايمن بيعمل خدمة لمحمود راجح لأنه هو اللى باع وهو اللى قبض والشاشة مسؤليته
والضمان مكانش عنده اى مشكلة فى الاساس المشكلة كانت عند محمود راجح انه مش قادر يجيب فاتورة معتمدة علشان الشاشة تدخل الضمان او تخرج منه
وغلطة كريم من البداية انه دخل ايمن فى الموضوع
كان كفاية ان كريم يجى هنا على المنتدى ويشهد الناس على محمود راجح ويطلب حاجة من اتنين اما فلوسه والشاشة ترجع لمحمود واما فاتورة اصلية يقدر يتعامل بيها مع الضمان بدون وسيط
انما محمود يمطوحه شهر ونص بينه وبين ايمن وبين محل الاجهزة الكهربائية ولما الراجل تعب واتعصب شوية كل الناس اعتبرته غلطان !!!!!!
معلش يعنى اللى ايده فى المية مش زى اللى ايده فى النار وحط نفسك مكانه
وانا لو مكانه مكنتش هسكت ربع الفترة دى اساسا

وخلينى اقول هنا كلمة فى حق محمود راجح لأنى سبق واتعاملت معاه هو تاجر محترم وامين
لكن غلط غلطة كبيرة لما وافق انه ياخد حاجة مصدرها مش مضمون ويبيعها لحساب صديق او لحسابه لأنه تاجر والتاجر ملوش غير سمعته اللى بياكل منها عيش

[Ahmad.Sh]

لا حول ولا قوه الا بالله معقوله الناس مش فاهمه لحد دلوقتى يا اخوانا الموضوع ان ايمن بيعمل خدمه لكريم خدمه خدمه وبما ان التوكيل مش تحت امر ايمن الشاشه اتاخرت كريم عمل الموضوع ده ياريت محدش يتسرع ويكتب كلام مش فاهمه ايمن بيعمل خدمه لكريم كان ده جزاته البهدله على النت هو ومحمود راجح وكريم تفهم ده واعتذر للناس ياناس افهموا

يا ريت يا اخ محمد تكون محايد
انا هسالك سؤال
اللي حصل ده لوي دراع ولا لا لما تقولواا لكريم اعمل اعتذار قبل ما تاخد الشاشه
كريم غلط اه غلط بس ما نردش الغلط بالغلط
في مشرفين محترمين هنا لو مكنش كريم اعتذر هم هياخدوا حقهم منه باي عقوبات يشوفها مناسبه لكن نلجا للوي الدراع ده اكبر غلط

[™PoWeR]

يا ريت يا اخ محمد تكون محايد
انا هسالك سؤال
اللي حصل ده لوي دراع ولا لا لما تقولواا لكريم اعمل اعتذار قبل ما تاخد الشاشه
كريم غلط اه غلط بس ما نردش الغلط بالغلط
في مشرفين محترمين هنا لو مكنش كريم اعتذر هم هياخدوا حقهم منه باي عقوبات يشوفها مناسبه لكن نلجا للوي الدراع ده اكبر غلط

+1111111

[beko2m]

خلاص يا شباب حصل خير . كلنا بنغلط لأننا بشر ومحمد خليفة مش قصدة يلوي دراع كريم ولا حاجة هو بس كان عايز يرضي جميع الاطراف سواء محمود وايمن من ناحية وكريم من ناحية اخري . المهم ان كريم ياخد الشاشة وتكون شغالة تمام . والواحد مش بيتعلم ببلاش وياما هيحصلنا مواقف اكبر من كدة بكتير بس المهم نتعلم منها .

وكل سنة وانتم طيبين جميعا وعيد سعيد علينا يارب

[hossam_9181]

يا جماعه انتوا كبارتوا الموضوع قوى يا جماعه قبل كل شيئ كريم يعرف محمود وتعامل معاه
وكريم ربنا الهمه الصبر والناس ضغطوا عليه اكثر والراجل من زهقه عمل الموضوع الاول والراجل
طلع راجل 100\100 واعتذر للناس الى غلط فى حقها ياريت محدش يغلط كريم فى الى هو عمله
واعتذر وياريت يا كريم متسمعش لشياطين الانس انت فى ايام كلها بركه وربنا يجزيك خيرا وقول الحمد لله على كل شيئ

[doctor mohamed]

السلام عليكم
الصراحة احنا شعب عاطفي جدا
في الاول وقغنا مع محمود لما كريم قال دول بيتاجروا في المسروق
و بعد كده لما كريم اعنذر الناس كلها غلطت محمود
مع ان الناس هنا لما بتبيع الحاجة بتقول هي بفاتورة و لا لا و الفاتورة من اي محل
و الراجل شاري الشاشة و غلطته انه ما ركزش في الفاتوره
و الشاشه اشتغلت شهر
فالراجل صلح الخطأ باعتذار
و ربتا يديم المودة و كل عام و انتم بخير

[Zaghrouf]

قبل ماى حد مابيفهمش يقول اى رد مستفز

كان الاولى انه يفهم الموضوع من الاول لكن للاسف كله بيتبع اسلوب (خدونى معاكو لاموت نفسى)

الاخ كريم اشترى الشاشه مستعمله وفى فتره الضمان وراح التوكيل ومعاه الايصال الى اتسلمت بيه الشاشه هناك واتأكد انها فى التوكيل

يبقى فين بقى الحاجه المضروبه والكلام الفارغ الى بيتقال ده كله

اما موضوع الاعتذار عما بدر منه فى حقى انا ومحمود فده كان المفروض يتم بمجرد عمل الموضوع لانه مالوش اى حق انه يغلط فينا ويتهمنا الاتهامات دى كلها

لكن انا الى طلبت تأجيل الموضوع ده لحد ماجيبله الشاشه زيه ماوعدته عشان يبقى لى الحق انى اتكلم

لو اى حد منكم حط نفسى مكانى اوالله مكان هيسأل فيه بعد الموضوع الى عمله لكن انا راعيت ربنا وراعيت الناس الى تدخلت فى الموضوع


فرجاءا بلاش اسلوب (خدونى معاكوا لاموت نفسى) والى عاوز يفهم اكتر يفهم من الاستاذ محمد الجوهرى المشرف

لانه مطلع على كافه التفاصيل

[Zaghrouf]

وللناس الى مابتفهمش عشان مابقاش موجه الكلام للكل انا بقول الناس الى مابتفهمش هاختصرلهم الموضوع من الاول

كريم اشترى الشاشه مستعمله وفى فتره الضمان

جميع المحلات بتطلع فواتير عباره عن بيان اسعار والضمان موجو فى اللزقه بتاعت التوكيل الى على الكرتونه

لما كريم استلم الشاشه انا قولتله متطوع الشركه جامبى لو حصل اى شيء لاقدر الله ابقى هاتهالى وانا اوديهالك الضمان

والشاشه اخدها واشتغل بيها شهرين يا جدعااااااااااااااااااااااااااااااااااااااان وبعدين حصلت فيها المشكله

اتصل بيا وقولتله هاتها وانا اوديهالك الضمان وديهتا للشركه والشركه وديتها للتوكيل

والعطله كانت فى التوكيل عشان مافيش عندهم قطع غيار قالو بعد اسبوع

وبعد اسبوع قالو بعد اسبوع ..... كريم معجبوش الوضع قالى هاتلى الايصال الى اتسلمت بيه فى التوكيل

وانا اروح اتعامل مع التوكيل

هو الى اختار انه يتعامل مع التوكيل

لما راح التوكيل قالواو انت مالكش صفه عاوزين الفاتوره الى طالعه من عندنا للشركه الى اخدتها مننا

مش فاتوره معتمده والكلام الفارغ ده كله


بمعنى ان الشاشه مدخلتش التوكيل باسم كريم

يعنى لو كريم هو الى راح التوكيل مباشره كان ايصال التسليم بقى باسمه

وكان هو الى راح جابها من غير لافاتوره ولا دياولوا

اتصل بينا قولنالوا مانت الى مش صابر .. صاحب الشركه قالوا روح التوكيل واتصل بيا من هناك وانا هكلمهم واخليهم يدولك الشاشه

عشان الفواتير بتاعتوا الى اخدها من التوكيل بيبقى فيها حاجات تانى روح وانا هكلمهم يدوهالك او هات الايصال وانا اجيبهاك

معجبوش الكلام وشتم صاحب الشركه

وبعد معمل الموضوع الى فات والناس تدخلت .. حليتيه المشكله مع صاحب الشركه وخليت كريم اعتذررله واخدت الايصال

من كريم واديته لصاحب الشركه وجابلنا الشاشه



ارجوووووووو من الناس الى مش فاهمه تكون فهمت الموضوع ماشى ازاى بدل ماكل واحد بيخش يرمى كلمتين ويمشى


دومتم بصحه وعافيه وكل عام وانتم بخير

[محدودالدخل]

كريم لسه مستلم الشاشة منى من ربع الساعه

واخر كلامه معايا (انتو تعبتونى يا محمود ....وكان المفروض الموضوع يخلص اسرع من كده .....قولتله مكنش باليد حيله يا كريم والتأخير كان غصب عنا)....وعليه قضى الامر
انه كريم اتأذى من التأخير اللى السبب فيه التوكيل ....واحنا اللى شربنا غضبه وانفعاله .......والحمد لله نفعنى واشترى اربع رامات هاينكس ddr3

وردى على مشاركات بعض الاخوه اللى كان ليها غرض اغلبه فقط التجريح وليس النصح وأبداء الرائى ...ونحتسب ذلك عند الله هو اعلم برد الحقوق اللى أهلها :

أعرف خطأك وأتعلم منه ......ومتحولش ترد على كل ما يقال لانه ممكن يكون مضيعه للوقت ...وحاول بس تصلح الخطأ لو كنت غلطت فى حق حد ....ويكفيك ذلك
ولو كان ليك عند حد حق .....ربك موجود.

[almazen]

هتكلم بطريقه ابوك هيبيع البيت يا معلم سلطان ايمن قال لكريم علشان بيتك بعيد انت فى وسط البلد وانا فى المرج والشاشه من شركه فى عين شمس خدمه منى هوديلك الشاشه الضمان حلو كده الكلام واضح يا ابو السلاطين ايه اللى حصل بقه الشاشه التوكيل اخرها كريم عمل موضوع يتهم الناس بالسرقه والنصب حلو كده يا معلم الراجل عرف انه اتسرع وغلط فى الناس اعتذر اعتقد كلامى مفهوم كده يا ابو السلاطين

بدون تعليق إنت شايف إن اللى بتقوله ده مضبوط يا أستاذ محمد متهيألى كلامك غلط
هو مين اللى مسئول عن التعامل مع التوكيل المفروض كريم فى حالة إن الفاتورة اللى واخدها مضبوطة لكن بما أن الفاتورة فشنك التوكيل ما اتعاملش معاها يبقى المسئول واحد من إثنين
محمود أو أيمن
موش كده برضه يابو المفهومية يا عسل
و الإعتذار قبل الحصول على الشاشة ده نسميه إيه يا ابو الجدعنه و إفرض بعد الاعتذار كانت الشاشة برضه فشنك زى الفاتورة يبقى حضرتك ح تقول إيه ساعتها أبو مين اللى ح يبيع البيت

[hossam_9181]

بدون تعليق إنت شايف إن اللى بتقوله ده مضبوط يا أستاذ محمد متهيألى كلامك غلط
هو مين اللى مسئول عن التعامل مع التوكيل المفروض كريم فى حالة إن الفاتورة اللى واخدها مضبوطة لكن بما أن الفاتورة فشنك التوكيل ما اتعاملش معاها يبقى المسئول واحد من إثنين
محمود أو أيمن
موش كده برضه يابو المفهومية يا عسل
و الإعتذار قبل الحصول على الشاشة ده نسميه إيه يا ابو الجدعنه و إفرض بعد الاعتذار كانت الشاشة برضه فشنك زى الفاتورة يبقى حضرتك ح تقول إيه ساعتها أبو مين اللى ح يبيع البيت

حضرتك داخل شمال ليه ياراجل يا طيب
حضرتك اشتريت مستعمل قبل كده انت بتشترى مستعمل بضمان كام شهر
كريم استعمل الشاشه شهرين بناء على كلام ايمن يعنى لو ناس مش كويسه
كانوا عملوا ايه
حط نفسك مكان البائع ياراجل ياطيب بايع حاجه من شهرين
:ah32::ah32::ah32::ah32::ah32::ah32:

[محمد خليفه 1]

بدون تعليق إنت شايف إن اللى بتقوله ده مضبوط يا أستاذ محمد متهيألى كلامك غلط
هو مين اللى مسئول عن التعامل مع التوكيل المفروض كريم فى حالة إن الفاتورة اللى واخدها مضبوطة لكن بما أن الفاتورة فشنك التوكيل ما اتعاملش معاها يبقى المسئول واحد من إثنين
محمود أو أيمن
موش كده برضه يابو المفهومية يا عسل
و الإعتذار قبل الحصول على الشاشة ده نسميه إيه يا ابو الجدعنه و إفرض بعد الاعتذار كانت الشاشة برضه فشنك زى الفاتورة يبقى حضرتك ح تقول إيه ساعتها أبو مين اللى ح يبيع البيت لا حول ولا قوه الا بالله انا الوى دراع كريم وهو اخويا الصغير وهو اللى مدخلنى احل الموضوع على فكره انا قولتله بس هو نسى يا كريم الشاشه عندى يعنى لو مستلمتش الشاشه هدفعلك فلوسها والحمد لله كلمتى عقد واسألوا كريم ثانيا وده المهم احنا دوشنا المنتدى على الفاضى وكريم ومحمود اخوات راح اشترى من محمود رامات وغلط نفس الغلطه تانى وخدها من غير فاتوره انا لو شهدنى تانى على الرامات هشد ودانه كل سنه والمنتدى والمشرفين والناس كلها طيبه ويارب يكون عيد سعيد على الناس كلها ويكرم بلدنا باللى فيه صالح الدنيا والدين سلام عليكم

[Zaghrouf]

كل عام وانت بخير يا جماعه وعفا الله عما سلف

ونرجو من الساده المشرفين غلق الموضوع

لان الموضوع انتهى بالتراضى والحمد لله مافيش داعى ان واحد يدخل يستفزنى اويستفر كريم او محمود

ونرجع لما كنا عليه

تحياتى وكل عام وانتم بخير

[mohamedsalah8]

لا حول ولا قوه الا بالله انا الوى دراع كريم وهو اخويا الصغير وهو اللى مدخلنى احل الموضوع على فكره انا قولتله بس هو نسى يا كريم الشاشه عندى يعنى لو مستلمتش الشاشه هدفعلك فلوسها والحمد لله كلمتى عقد واسألوا كريم ثانيا وده المهم احنا دوشنا المنتدى على الفاضى وكريم ومحمود اخوات راح اشترى من محمود رامات وغلط نفس الغلطه تانى وخدها من غير فاتوره انا لو شهدنى تانى على الرامات هشد ودانه كل سنه والمنتدى والمشرفين والناس كلها طيبه ويارب يكون عيد سعيد على الناس كلها ويكرم بلدنا باللى فيه صالح الدنيا والدين سلام عليكم

مالكش حجة يا كيمو:D

راماتك الموشكين مالهاش حل يا كيمو تسلم عليها بجد:ah7: