تم شراء الكارت 6750 سافير ومحتاج ارائكم

[ghost2]

السلام عليكم اخوانى الكرام كل عام وانتم بخير وبصحة وسعادة
انا اشتريت الكارت 6750 النسخة السافير
ومكونات جهازى كالاتى
البروسيسر e3500 2.6ghz
4giga ram
اللوحة الام arock g41m-vs3
الشاشة 17
باور كولر ماستر 350 وات
الحمد لله ركبت الكارت
( العلبة شكلها جميل عليها الباتش الاصلى والمروحة عليها لزقة تمام )
قومت جاى شايل نسخة الويندوز ونزلت ويندوز جديد سيفن التميت 32 بت
سطبت احدث تعريف للكارت نزلته من الموقع بتاعه
وجيت اشغل الالعاب انا عموما بشغل الالعاب على الاعدادات الافتراضية بتاعت اللعبة
جربت البرو 2011 كانت ممتازة
جربت باتل فيلد 2 باد كمبنى كانت عشرة على عشرة
جربت باتل فيلد 3 اشتغلت تمام بدون اى مشاكل
جربت كول او ديتوتى 5 اشتغلت تمام بدون اى مشاكل وسلسلة خالص

الالعاب اللى فاتت كلها اشتغلت تمام بدون اى مشاكل على دقة 768*1024
وكانت الالعاب بتجيب معظمها فرام من 60 الى 70 فرام

جيت اشغل call of duty black ops اشتغلت بس تقيلة لما يجى يجبلى احداث بالفيديو بتعد تقطع كدة طبعا انا بلعب الاعدادات الافتراضية بتاعت اللعبة وبعدين لما لعبت شوية بدات تبقى كويسة وما تهنجش جيت تاى لاحداث فيديو لقيتها تقلت خالص وتقريبا هنجت وطلعت منها

وكمان لعبة برو 2012 اول ما تبدا اللعبة والدايرة تعد تلف كدة بلقيها بتقف وترجع تلف بتهنج يعنى بس بعد ما بيجيب القوائم بتبقى اللعبة تمام علما بان برنامج الحماية ماسك اساسا الكراك بتاع اللعبة على انه فيرس وجايبلها كراك تانى ممكن يكون العيب فيه ؟

انا دلوقتى باخد رايكم كدة فيه عنق زجاجة عندى ؟؟ وليه لعبة كول اوف ديوتى بلاك ابوس تقيلة لما بتعرض فيديو داخل اللعبة؟
وثانيا انا لو جبت مشتت احترافى وكسرت سرعة المعالج ايه المتوقع حدوثه مثلا فى الالعاب وايه اقصى سرعة هقدر اوصل بيها ؟؟
والفرام كدة حلو ولا تعبان ؟
​

[محمد حسن احمد]

الف الف مبروك انا ناوي اجيب زيك او 450 gts والكرت ادائه حلو برغم ضعف المعالج لحدا ما ممكن قريب تغيره لمعالج احسن شويه بس هوه مؤقتا الاداء كويس بس انت جبته بكام علشان عندنا في اسكندريه بيقولوا اسعار غريبه ؟؟؟... ومبروك مره تانيه ..

[هشام الكاتب]

الكارت من الفئة المتوسطة وهو تمام وبيشغل جميع الالعاب بس على الاعدادات المتوسطة
الكارت بيهنج منك لسببين :
1- ان العبة الى عندك فيها مشاكل حاول تجين نسخة تانية من اللعبة وتجربها
2- ان الكرت يكون بيسحن ودرجة حرارتة بترتفع فوق 85 وده خطر على الكرت نزل برنامج MSI Afterburner وقيس درجات الحرارة اثناء اللعب

[Luffy]

لعبة بلاك اوبس تعمل تقطيع جامد مع المعالجات الثنائية زي معالج حضرتك

لكن نزل اكتر من باتش لحل هذه المشكلة .... نزل اخر باتش للعبة وراح تنحل المشكلة

[bob king]

اولا الف مبروك على الكارت الجديد

بص يابرنس انا امكانيات جهازى

sapphire AMD Radeon HD 6670 GDDR5-1024MB DirectX 11.0

AMD phenom (tm) II X2 550 3.11 cash 7mb

ram 2GB DDR2 Pass 800

Windows 7 sp1 x32 bit

تعريف الفيجا 11.10

ولعبة بلاك اوبس فى اوقات بتشتغل حلو وفى اوقات بتقطع جامد وبردك عندى الفيديوهات داخل اللعبة بتقطع ودة عيب فى اللعبة اساسا ولعبة pes 2011 و pes 2012 بردك الدايرة اللى بتلف بتاعت التحميل بتهنج ودة بردك عيب فى اللعبة

[ghost2]

الف الف مبروك انا ناوي اجيب زيك او 450 gts والكرت ادائه حلو برغم ضعف المعالج لحدا ما ممكن قريب تغيره لمعالج احسن شويه بس هوه مؤقتا الاداء كويس بس انت جبته بكام علشان عندنا في اسكندريه بيقولوا اسعار غريبه ؟؟؟... ومبروك مره تانيه ..
الله يبارك فيك يا جميل والله اخى الكريم المعالج لغاية دلوقتى مش مزعلنى ولا مضايقنى بس ان شاء الله ممكن قدام شوية احدثه
بالنسبة للفيجا جايبها ب 675 جنيه من سوق العصر
وبشكر بقيت الاعضاء والكارت درجة حرارته كويسة لا تتعدى الخمسين اثناء اللعب الف شكر ليكم طمنتونى ان العيب فى اللعبة وانا نزلتلها اخر باتش ودا الرابط بتاعه https://www.mediafire.com/?felod4tnl41xv2k (https://www.mediafire.com/?felod4tnl41xv2k)
وهو بالفعل قلل التقطيع اللى فى اللعبة
بالنسبة للبرو اخى الكريم بوب كينج 2011 تمام خالص مافيهاش التهنيجة دى اما 2011 هى اللى فيها التهنيجة دى

[mena adly]

الف مبروك علي الكارت تتهني بيه بس هو انت جبت السافير العادي ولا VaporX ؟

[bob king]

على العموم الحمد لله ان المشكلة اتحلت اما مشكلة التهنيجة دى من اللعبة

[shery5]

الف مبروك على الجهاز بس انت عندك عنق زجاجة جامد اوى

[ghost2]

الف مبروك علي الكارت تتهني بيه بس هو انت جبت السافير العادي ولا VaporX ؟
الله يبارك فيك يا مينا لا جايب النسخة العادية النسخة الفيبور اكس عاملة 725 ج وجبت دى لان الفارق مش يستاهل الخمسين جنيه بينهم

[ghost2]

الف مبروك على الجهاز بس انت عندك عنق زجاجة جامد اوى

انا متاكد انه فى عنق زجاجة عندى فى الجهاز بس لغاية دلوقتى مش ظاهر معايا على الاطلاق
الالعاب اللى ذكرتها فى بداية الموضوع كلها بتتلعب بدون ما الجهاز يرعش حتى
ربما عنق الزجاجة يبقى واضح معايا اوى لو بلعب والاعدادات بتاعت اللعب التقيلة عل الهاى او الترا
انما انا بلعب على الاعدادات الافتراضية بتاعت كل لعبة عشان كدة اللعب سلسل
ومفيهوش مشاكل والاهم انى مستمتع باللعب ودا اهم سبب

[fakeeda]

المشكلة ان البروسيسور بتاعك ضعيف
انا كان عندي نفس المشكلة في call of duty black ops .. فحدثت البروسيسور و العبة بعد كده اشتغلت 100% علي high
اعمل علي تحديث البروسيسور الي c2d e8400 3ghz فهو معلاج ممتاز فعلا