المساعد الشخصي الرقمي

مشاهدة النسخة كاملة : انطلاق الانترنت فائق السرعه 17 نوفمبر


mohammed_kamal
10-11-2011, 12:57
https://www.almasryalyoum.com/node/512678
HuLkY
10-11-2011, 13:12
شامم ريحة عادل :D
mohammed_kamal
10-11-2011, 13:15
عادل مين :D
دا تقوم ثوره انت ناسى ولا ايه لما فكره فى عادل
HuLkY
10-11-2011, 13:20
على فكرة عادل شغال تمام , أنا عندى خط 2 ميجا ويوميا من الساعة 2 الضهر ل 12 ليلا السرعة لا تتعدى ال 60 كيلو فى التحميل بكل الطرق الممكنة! من 12 ل 2 الضهر نشكر ربنا يعنى الشركة بتتكرم على بانها توفر لى سرعتى اللى بدفع لها كاملة! شكلها حتخرب عليهم قريبا لأنه بيدفعوا العملاء القدامى للنقل للأنظمة الجديدة.
mohammed_kamal
10-11-2011, 13:24
ليه كدا
انت شركه تى بطاطا
HuLkY
10-11-2011, 13:34
^^ أكيد
mohammed_kamal
10-11-2011, 13:43
يبقى احسن لك انزل ل 512السرعه 57 كيلو 24 ساعه فى اليوم فى اى وقت وكنت واحد ميجا بس مريحنيش زى 1 ميجا بتاع جامعه القاهره البنج عندى 25 نظرا لانى بستعمل dns جامعه القاهره (ودا مقدرش اقولك عليه )
افضل لك مادام خساره بخساره خليك 512 انا كنت 256 لحد ماهما اجبرونا على 512 اتوميتك
mohammed_kamal
10-11-2011, 15:10
اسف على التدخل
احنا اخوات وقولت ادردش معاكوا بعد اذنكوا طبعا
وانا للاسف احد عملاء تى بطاطا وبتنجان كمان:(
بس فعلا دى بقت مهزله
وشركه مستفذه باسلوبها وسياستها واحتكارها
ومحدش يعرف ياخد منها حق ولا باطل
ولما اكلم خدمه العملاء يقرطسونا ومتعرفش تاخد منهم حق وكان احنا الى مبنفهمش
وكل الى يقولوه يا اما السنترال فيه حاجه يا السنترال فيه تحديث يا اما قطع فى الخط البحرى
والجديده بقا
عيب وندوز:cdcd:
حاسس بعد كده هيقولوا ليا الغساله عندكم هى السبب باين\:rolleyes:
ربنا يسهل وتنزل شركه تكسر الاحتكار وتخرب بيت تى اى داتا
اسف على كلامى الكتير ورغى ده كله
بس انا بصراحه انتهزتها فرصه وقولت اخرج شويه غيظ من الى جوايا فى وسط ناس عايشه نفس المشكله بتاعتى تقريبا:)

ولا يهمك قول الى فى نفسك
انا بفكر اطرح اسهم فى البورصه واسس بيها شركه لانترنت بس اخاف ليطلع الكبل اصلا بطى
Goku
13-11-2011, 01:01
مين اللي قال اننا هنحصل علي نت:ah30: فائق السرقة
أقصد السرعة :mad:
أحنا قاعدين لو النت اتصلح مادام تي داتا في البلد.
دي ياخوانا تبع النظام السابق ولازم يكون في حل والا هنشد في شعورنا
أتمني بس نشوف النت علي حقيقته وأشتغل عليه أنا وعلي قيد الحياه :ah38: وفي عز شبابي :(
mohammed_kamal
13-11-2011, 17:27
مين اللي قال اننا هنحصل علي نت:ah30: فائق السرقة
أقصد السرعة :mad:
أحنا قاعدين لو النت اتصلح مادام تي داتا في البلد.
دي ياخوانا تبع النظام السابق ولازم يكون في حل والا هنشد في شعورنا
أتمني بس نشوف النت علي حقيقته وأشتغل عليه أنا وعلي قيد الحياه :ah38: وفي عز شبابي :(

قريب لى عايش فى المانيا
والتانى عايش فى كوريا
بيقولى النت هناك التركيب فى نفس اليوم وسمعت طرطيش كلام
عن ان التعاقد المجانى اول شهر
بسرعه 15 ميجا
دا اقل حاجه
فى 24 و فى 48 وفى 100 ميجا وكوريا واليابان ماشاء الله فيهم 1 جيجا
اعتقد ان عشان تشوف نت سريع روح عيش بره افضل
Goku
13-11-2011, 17:57
.:(.
alone_301
15-11-2011, 15:48
قريب لى عايش فى المانيا
والتانى عايش فى كوريا
بيقولى النت هناك التركيب فى نفس اليوم وسمعت طرطيش كلام
عن ان التعاقد المجانى اول شهر
بسرعه 15 ميجا
دا اقل حاجه
فى 24 و فى 48 وفى 100 ميجا وكوريا واليابان ماشاء الله فيهم 1 جيجا
اعتقد ان عشان تشوف نت سريع روح عيش بره افضل

:eek:
بجد حاجه تنقط خدمة الانترنت بتاعت الشركات الي هنا وكمان الاسعااااار وكرهت كلمه العيب عندك من السنترال يعني نلم تبرعات يعني ونحدث اجهزة السنترالات ولا نعمل اية بالظبط

بجد الواحد نفسة كلنا نقدر نستغني عن خدماتهم خالص عشان يجروا يظبطوا الدنيا بس للاسف محدش يقدر يعيش يوم من غير نت

وعايز حد بقي بما اننا في قسم الانترنت ياريت حد يشرحلنا الانترنت الفضائي التو واي سمعت انه عايز اطباق وقطع خاصة عشان الارسال والاستقبال نفسي الواحد يستغني عن خدماتهم عشان بروح ادفع كل شهر ونا مش طايقهم اصلا :confused:
emoom
15-11-2011, 16:03
انا واحد ميجا تى بطاطا بس سرعة كويسة بس فعلا السنترالات هى السبب يعنى انا تبع سنترال العباسية كويس و لكن فى ناس بتشتكى مثلا فى الجيزة كتير اوى
emoom
15-11-2011, 16:05
أ/محمد كمال المفروض يشوفلنا فيزا على برة علشان نروح نجرب النت اللى بيقول عليه ده انا اقفل هارد ٢ تيرا فى يوم كدة افترا احنا عايزين معقول مش سرعات خرافية كدة بس برضوا السعر عائق بشع
mohammed_kamal
15-11-2011, 16:18
أ/محمد كمال المفروض يشوفلنا فيزا على برة علشان نروح نجرب النت اللى بيقول عليه ده انا اقفل هارد ٢ تيرا فى يوم كدة افترا احنا عايزين معقول مش سرعات خرافية كدة بس برضوا السعر عائق بشع

محمد كمال بيقولك البلد دى احسن من غيرها
بس اعمل ايه مع شويه المتخلفين الى مسكنها بجد
الحركه الجايه نولع فى السنترالات

بصوا كدا الاعداد دى

80 مليون مشترك موبيل فى مصر

19 مليون خط ارضى متاح
8 مليون خط ثابت هما الى شغالين وهما الى مشتركين
1.6 مليون من ال80 مليون هما الى عاملين اشتراك نت

فى سياق متصل كشف أحدث إحصاء حول رواد موقع التواصل الاجتماعى الشهير «فيس بوك» عن زيادة طفيفة فى عدد مشتركيه فى مصر خلال الشهر الماضى بعد أن وصلوا إلى حوالى 9 ملايين مستخدم يمثلون حوالى 11% من عدد السكان.وتحتل مصر المرتبه 22 فى قائمة أكبر الدول من حيث عدد مستخدمى الموقع، بينما تتصدر الولايات المتحدة الأمريكية تلك القائمة بحوالى 156 مليون مستخدم للموقع، فيما تتصدر مصر قائمة الدول العربية من حيث عدد المستخدمين تليها السعودية.وبحسب تلك الإحصائية فإن 3.5 مليون مستخدم يمثلون نسبة 41% من مستخدمى الموقع فى مصر تتراوح أعمارهم ما بين 18 و24 عاما فيما لا تتجاوز نسبة مستخدميه ممن تتراوح أعمارهم بين 25 عاما و34 عاما حاجز 28%، والباقى موزع على مستخدمين تقل أعمارهم عن 24 عاما ولا تزيد على 65 عاما. ويمثل الذكور نسبة 64% من نسبة مستخدمى الموقع فى مصر، بينما لا تزيد نسبة الإناث على 36%. يعنى 3.5 مليون هنطرح منهم 1.6 مليون
يتبقى حوالى 9 مليون
يبقى عدد الى عاملين وصلات اكتر من المشتركين مع شركات الانترنت ودا يدفع بحاجه واحده ان الشركات دى بتخسر مش عارفه تجيب مشتركين