مساعدة في شراء هاتف اندرويد الميزانية اخرها 2300 جنيه مصري

[memoreturn]

مساعدة في شراء هاتف اندرويد الميزانية اخرها 2300 جنيه مصري

المطلوب من الهاتف الاتي

1- يحتوي علي كاميرا 5 ميجا وبفلاش نظيف وطبعا اداء الكاميرا يكون عالي يعني صور نظيفة والفيدو كذلك يكون نقي وميكونش بيقطع

2- الصوت طبعا نقي كاتصال وكرنة

3- الاداء يكون طبعا سريع ويحتوي علي معالج سريع

4- الشاشة تكون لمس طبعا وتكون مضادة للخدش وتكون متعددة اللمس يعني كابستيف ويفضل تكون سوبر الموليد لو في يعني بالميزانية دي

5- الذاكرة الداخلية تكون الي حد ما تكون كبيرة ويدعم تركيب ذواكر خارجية بسعة لاتقل عن 8 جيجا ويفضل لو كان فيها ذاكر داخلية حجمها كبير غير ذاكرة الهاتف اللي بينزل عليها البرامج وملفات النظام

6- يكون ليه دعم بشكل متواصل وبرامج سهل الاقيها واسطبها والنظام يكون سهل التحديث ولمدة يعني طويلة لاتقل عن 3 سنين يعني يكون استهلك فيها

6- يكون بيستحمل الشغل والخبطات لاقدر الله لو وقع والبطارية تكون بتديني اداء ممتاز واستحمال يعني مليقهاش اخر اليوم عايزة تتشحن واكون شاحنها الصبح

ميتهالي دي طلباتي فيه

[midh91]

Xperia Neo V

[hooka1989]

xperia neo هيكون كويس معاك جداً
بس هو الذاكره الداخليه بتاعته 320 mega فقط
الكاميرا 8.1 ميجا بيكسل و كويسه جداً

[memoreturn]

هو معلش هي دي انيوه ذاكرة بالظبط يعني اصل الموبايل ده لاخويا تمام وانا معايا الاومنيا اتش دي i8910 ففي اتنين ذاكرة ذاكرة الموبايل ودي تقريبا 82 ميجا تمام وفي ذاكرة تانية مدمجة وهي 8 جيجا وفي طبعا اصدار تاني 16 بس اللي معايا اللي هو 8 جيجا

فهل انت قصدك انه علي بتاعت السي اللي 320 ولا ايه

[xvivax]

galaxy s1 فيه كل المواصفات اللى حضرتك طالبها بالظبط
وانا طبعا بحترم رأى الاعضاء اللى نصحوك بال نيو
و دا لينك مقارنه بين الاتنين فيه اسباب ليه النيو احسن
و ليه الجلاكسى احسن
و دا بقى راجع لحضرتك شوف مين فيهم هيخدم استخدامك اكترو اختار
https://www.compare-cellphones.org/Sony-Ericsson-Xperia-neo-vs-Samsung-Galaxy-S

[m.t3lab]

طيب هو بكام جلاكسى اس الراجل بيقول 2300
والجلاكسى بدأ يغلى تانى 3300

[memoreturn]

طيب يارجالة انا كده توهت شوية انا الميزانية اخرها 2300 جنيه مصري تمام واصلا اخويا بيقول هيعصر نفسه قوووي علشان يوصلهم ل 2300 لانه كان حاطط انه علي الفين جنيه بس

فدلوقتي انا عايز اعرف في اكتر من موبايل لسوني اريكسون اكسبيريا

Sony Ericsson Xperia Neo



Sony Ericsson Xperia neo V

والفرق مابينهم انه الاخير هو كاميرته 5 ميجا بكسل فقط

والاول علي موقع جي اس ام ارينا كاتب سعره 450 يورو تقريبا يعني معدي 3600 جنيه يعني خارج الميزانية تمام

فياريت ترسوني علي الحوار وشكرا لتعاونكم

[midh91]

طيب يارجالة انا كده توهت شوية انا الميزانية اخرها 2300 جنيه مصري تمام واصلا اخويا بيقول هيعصر نفسه قوووي علشان يوصلهم ل 2300 لانه كان حاطط انه علي الفين جنيه بس

فدلوقتي انا عايز اعرف في اكتر من موبايل لسوني اريكسون اكسبيريا

Sony Ericsson Xperia Neo



Sony Ericsson Xperia neo V

والفرق مابينهم انه الاخير هو كاميرته 5 ميجا بكسل فقط

والاول علي موقع جي اس ام ارينا كاتب سعره 450 يورو تقريبا يعني معدي 3600 جنيه يعني خارج الميزانية تمام

فياريت ترسوني علي الحوار وشكرا لتعاونكم
أخي الكريم
Xperia Neo انا لسة مشتريه من ابلاينس وسعره 2500 جنيه شضمان رزق الله ( وسعره خارج مصر متفاوت جدااااا حسب الدولة علي فكرة ) وفي المحلات العادية سعره 2460 جنيه ( لذلك اشتريته من ابلاينس بفاتورة محترمة بتاريخ )
Xperia Neo V شفته بنسي في محل بوسط البلد بجوار العبد ( متفرع من طلعت حرب ) وكان سعره 2200 جنيه بضمان رزق الله بتغليف الضمان والفرق بينه وبين النيو هو الكاميرا فقط وهو هاتف رائع بكل المقاييس
بس للامانة ( بعض الردود علي gsm arena قالوا ان الفي بيعمل ريستارت لوحده بس مش مشكلة عامة )

توكل علي الله واشتري Neo V ولن تندم

[memoreturn]

طيب تمام بس لو فيها تقالة مني ممكن تقولي اسمه ايه المحل اللي اشتريته منه هل هو معروف وفين مكانه بالظبط ولو في ارقام تليفونات ليه يبقي تمام وايه نظام ضمان رزق الله ده هل تمام ولا ايه

وايه رايك يشتريه من بره افضل يعني من ايطاليا تحديدا لانه هو هناك دلوقتي ولا يشتريه من هنا وهل السوني اريكسون مفيهاش اللغة العربية كلغة اساسية زي الانجليزي ولا لازم تشتريه من اي دولة عربية علشان تلاقي العربي فيه

وبالنسبة للدعم ايه النظام سواء سوفت وير او برامج او ثيمات

وشكرا ليك للمرة التانية وكل الاعضاء اللي ردت عليا هنا في الموضوع

[midh91]

طيب تمام بس لو فيها تقالة مني ممكن تقولي اسمه ايه المحل اللي اشتريته منه هل هو معروف وفين مكانه بالظبط ولو في ارقام تليفونات ليه يبقي تمام وايه نظام ضمان رزق الله ده هل تمام ولا ايه

وايه رايك يشتريه من بره افضل يعني من ايطاليا تحديدا لانه هو هناك دلوقتي ولا يشتريه من هنا وهل السوني اريكسون مفيهاش اللغة العربية كلغة اساسية زي الانجليزي ولا لازم تشتريه من اي دولة عربية علشان تلاقي العربي فيه

وبالنسبة للدعم ايه النظام سواء سوفت وير او برامج او ثيمات

وشكرا ليك للمرة التانية وكل الاعضاء اللي ردت عليا هنا في الموضوع
المحل كان اسمه سيتي سنتر بجوار العبد مباشرة والهاتف كان مقفول بتغليف الضمان
بالنسبة لضمان رزق الله فأنا لم اتعامل معهم وباذن الله لا احتاجهم ابدا

موضوع الجهاز يدعم العربية ام لا فانحك تشتريه من مصر احسن لأن الجهاز سعره في مصر كويس جداااااااااا بالنسبة لسعره العالمي بالاضافة للضمان طبعا

الجهاز الضمان قافلينه بلزقة اتأكد انها سليمة قبل شرائك للجهاز